天浮橋拉麵 (已結業)

青森100%蘋果汁 $24「清新」蘋果汁！開胃飲品之選😍而且仲有妹子至愛嘅「零脂肪」——必點❗(想囤一箱放屋企飲😏)餃子 3件 $15有種「脆軟脆軟」嘅感覺！加埋甜醋，效果更佳🌝鹽雞白湯 $80招牌麵食 經典之選 大愛😍湯——濃而不膩，鹽度啱啱好！麵條超有口感(好想知係咩面🤔)溏心蛋，流心蛋，好食蛋~~~黑色條形嘅食物，紙上寫「京蔥」(好想知係咩黎)撈湯汁食，有種濃厚嘅滿足感🥺我發現雞肉就甘食🉐，但加少少店內嘅「秘製醬汁」一齊食，又係另一種食法！總之，呢個係集抵食與好食於一身嘅麵食！必推❗👍*天氣凍，建議揀「湯麵」，食完會暖笠笠🧣餐廳背景音樂超讚👍深得我呢個動漫迷嘅喜愛😌❤

門口比人一種好日本🇯🇵地道小鋪嘅感覺😗，店內提供拉麵🍜凍熱沾麵選擇😯湯底係由濃厚雞白湯做主湯，再透過加其他不同材料而做出5種湯底😳而且湯低都超級濃郁🤤配搭嘅雞腿肉好嫩好香口😚真係食過返尋味🥰🥰店內張貼左拉麵及沾麵嘅進食方法，更能食出整碗麵嘅精髓👍🏼👍🏼翡翠濃湯-熱沾麵🍜 $88翡翠湯係由濃厚雞白湯+菠菜🥬所製作而成🤭所以湯底顏色係明顯嘅翠綠色😳第一啖入口先有濃厚嘅雞湯味😋隨後有一種清甜味，後來先發現原來係菠菜嘅清甜味😳😳而淡淡嘅菠菜味大大減低左雞白湯嘅油膩感😍令整個湯底更昇華🤤真係萬萬都估唔到雞湯同菠菜原來天作之合🤩🤩沾麵嘅嚼勁+湯+配料一啖食落口味道同口感相當豐富🥰🥰黑松露濃湯-熱沾麵🍜 $108店員遞過嚟嘅時侯已經聞到好香嘅黑松露味😍即使飲落口都係好重嘅黑松露味🤤🤤唔會只有香味🤩味道超有驚喜🥳沾麵跟黑松露味超夾😋😋湯底完全唔會油膩☺️餃子🥟/5件 $22外皮好有咬口😋豬內餡肥瘦分明，香而膩☺️☺️而且啖啖肉🤤唔會皮多餡少，相當出色😍😍🛎每碗麵都配有味玉，洋蔥，京蔥，錦爽雞腿肉和糖心蛋一隻😍糖心蛋真係做到超流心嘅效果☺️讚👍🏼🤤另提供兩種醬料和芝麻，紙巾🧻同杯都係自助形式😌更提供酒精搓手液👍

又到左星期五啦，終於可以慢慢食個晚餐輕鬆吓。今日嚟到元朗雞地見到呢間好和風嘅拉麵店，咁耐冇去日本，一於就試試佢。招牌鹽雞白湯拉麵湯底有好濃嘅雞湯味但一啲都唔油膩。雖然話係鹽味，但一啲都唔咸，識落唔會覺得好濟。配埋有麥粒嘅拉麵，一方面麥味唔會蓋過雞味，亦都非常之有咬口，更加係十分掛湯！🤗🤗翡翠濃湯沾麵每款湯底麵可以揀選拉麵或沾麵，而沾麵可以揀冷或者熱湯。今日我就揀咗熱湯沾麵，湯底特別，係自家創嘅菠菜湯底，感覺十分健康。當中最好味係雞腿叉燒好彈牙好爽又唔會硬，味玉十分流心，好正。🤤🤤🤤總括嚟講，雞湯雞叉燒嘅拉麵喺香港好少可以食到，天浮橋做得唔錯，有特色有水準。

喺元朗千色廣場後面偏僻嘅位置有一間隱世拉麵店冬天特別想食拉麵暖一暖個身知道呢度有間小店就走咗過嚟試款式唔算太多我叫咗個海老拉麵朋友叫咗個雞湯拉麵一碗拉麵裏面已經包左一隻糖心蛋 雞肉同埋配菜呢度特別嘅係佢哋唔係叉燒拉麵而係雞肉拉麵佢哋既雞肉有啲似我平時食開嘅即食雞胸肉味道係黑椒味然後雞肉非常之嫩滑湯底方面雞湯真係好有雞味😂好似飲緊一大碗媽咪煲嘅雞湯而海老湯國蝦味真係好重食完唔會話好口乾冇乜味精成份整體質素真係幾唔錯會再嚟食🤘🏻

特色之處，這裡食到的都是雞肉，而非豬肉，就連拉麵裡的叉燒都是雞肉做的，這個雞肉叉燒真的超讚!如日式的小店，這裡只提供5款拉麵，包括1鹽雞白湯、2辛の味噌、3翡翠濃湯、4海老味噌、5黑松露濃湯。今天分別點了鹽雞白湯及海老味噌兩款。鹽雞白湯，適合不嗜重口味者，入口有淡淡雞湯味，與拉麵真的很搭配。驚喜係雞叉燒，沒有豬肉的肥膩感，平時吃日式拉麵，我的叉燒不是剩下兩圈肥肉，就是吃剩1，2片，但今次我係全部吃掉，差一點點湯也全部飲完。這裡的雞肉是採用日本錦爽雞腿肉，錦爽雞肉命名是取自美麗而清爽的雞肉，在日本是有名的品牌，難怪入口嫰滑，而又有口感。海老味噌味較濃，蝦味亦很鮮甜，與拉麵同食有少少掛麵，入口更香濃。同時，這次亦點了餃子，初時未有為意此店以雞肉掛帥，所以第一啖咬下餃子時，即時感覺到跟平常食開的餃子很不同，再細嚼下，肉很滑，爽脆，味道香而不膩，在坊間真的難食到這種雞肉造的餃子，如果不是已飽肚，真的想再來一碟。總之，這特色拉麵店絕對值得再次光顧，尤其是跟我一樣怕豬肉肥膩感的同好。

約咗朋友去元朗食飯，事前冇諗定食咩🤪諗住周圍行吓搵好西，經巷仔見到呢間拉麵店，見裝修好有日本街頭拉麵店嘅風味，就入去試試佢～呢到主打濃厚雞白湯沾麵/拉麵，每碗麵都配有錦爽雞腿肉，而唔係平時食拉麵嘅叉燒～海老味噌拉麵⭐️⭐️⭐️個湯底好重蝦味，而味噌味同蝦味好夾，兩種味道都好出，但又唔會互相蓋過，平衡得幾好👍最緊要唔會飲兩啖就口渴，應該做足料整。麵嘅質地比較煙韌，但唔係好掛湯，睇個人口味鍾唔鍾意，我個人就覺得唔一定掛湯就好，要睇下個湯底重唔重口味。鹽雞白湯沾麵⭐️⭐️⭐️⭐️呢個沾麵嘅湯底濃度啱啱好，雞湯味好出，麵嘅質地比較爽口彈牙，仲食得出有小麥味，我鍾意食呢款麵多啲兩碗麵都有幾塊雞腿肉，不得不讚佢啲雞腿肉真係好滑，每啖都食到好香嘅黑胡椒味，醃得好入味！好食😋

今日黎到元朗, 見到呢間店鋪俾佢既外觀吸引, 勁似日本既小店, 即刻入左去🤗店入面既裝修都好用心, 貼上多張懷舊既海報, 仲有特別版杯麵, 值得欣賞!呢到主要食拉麵或者沾麵, 我地再加左小食1. 鹽雞白湯沾麵 ($80) 外加 替玉(60g, $12)我地兩個人食份量岩岩好, 湯有溫泉蛋, 紫菜, 蔬菜以及雞肉片, 非常豐富湯底唔會太濃味, 同個麵底好夾再加埋杯凍水, 真係好開心, 感覺自己好似真係去左日本, 環境又似, 過下旅行癮2. 小食餃子 ($22)餃子有三隻或五隻選擇, 我地揀左五隻選擇餃子有包肉碎及菜, 上菜時溫熱, 配埋個醬一流!附近都有好多唔同日本餐廳, 但我覺得呢間性價比都好ok!大家有時間都可以去支持下😄

今日晏左收工😌趕唔切返屋企煮飯唯有出去屋企附近睇下有咩好食😋咁岩又行過天浮橋拉麵，其實每次行過都比佢懷舊既日式門面吸引住😄好啦！就趁今晚試試佢我哋大概8點左右去到，因為佢店內坐位唔多，所以我地都等左大概十分鐘左右🕐店內坐位全部都係吧枱，加上好多懷舊既日本海報，同埋好多日本既汽水做擺設，真係好有置身於日本拉麵店既感覺🎏首先店員同我哋介紹佢地店所有湯底都是用白雞熬煮而成的🐓分別有五個口味，同埋可以揀湯麵同沾麵，而沾麵亦有分冷同熱！1. 鹽雞白湯2. 辛之味增 （店員話唔會好辣）3. 翡翠濃湯4. 海老味增5. 黑松露濃湯我地分別叫左鹽雞白湯同黑松露濃湯既湯麵🌝🍜鹽雞白湯 $80平時豬骨湯底既拉麵就食得多，雞湯就真係第一次試！湯頭比我想像中濃厚好多，無諗過雞湯可以煮到呢個效果👍🏻但入口個感覺就沒由豬骨湯底果種油膩感，大讚👍🏻湯底唔會太咸，食完都唔會好口渴要狂飲水🥵麵質爽口陣牙🤤而且份量都幾多下黑松露濃湯 $108店員未捧到埋嚟個陣已經聞到好濃烈既黑松露香氣🤤同樣都係白雞湯底，呢款食起上嚟有少少Fusion感覺！麵入面仲有啲菇菌，食落仲多左陣菌香🍄麵入面既雞肉亦都非常嫩滑，加埋洋蔥🧅同京蔥既味

今個月仲係元朗既居民～成日都要唸晏晝夜晚食咩解決左晏晝果餐先～好耐都冇食過拉麵啦～入左西菁街呢間天浮橋～仿日本拉麵店設計～有幾款口味嘅拉麵可以揀我就揀咗海老味噌湯底～配料有洋蔥、京蔥、錦爽雞腿肉～湯底好濃郁，有好多乾蝦子～面底偏硬身～咬落有蕎麥既質感～每碗仲配溏心蛋有一整隻～入面流心～好正～仲有木耳絲 同紫菜點綴～另外翡翠湯底、黑松露湯底原來係自家製嘅～仲點左餃子 、免治牛肉串～餃子係菜肉餡～免治牛肉串也好味呢個午餐夠晒飽足～

呢間元朗小店由裝修到店內佈置都好有日本感覺，店內主打五款特色湯汁😍今次天氣凍凍地試左重口味d既海老味噌拉麵，雞白湯加上濃郁味噌同蝦油，就咁飲已經好好味，同旁邊既櫻花蝦、洋蔥、木耳同紫菜亦好夾♥️拉麵跟埋幾塊錦爽雞腿肉，本身已經有黑椒調味，咬落去好嫩滑🤤值得一讚既係溏心蛋，好流心好入味！😍

點解會話偏僻呢～因為我真係搵咗好耐先搵到啊🤣🤣附近都係車房，好彩店面裝修夠特別，先搵到！拉麵選擇得五個，唔算多，而且全部都係配以雞腿肉如果唔夠飽嘅話亦都可以追加小食值得留意嘅係佢擺晒啲飲品出嚟，每一個樽都好吸引～全部梳打都係來自日本而且仲有沾麵同埋拉麵俾我哋選擇坐到埋位見到枱面有蒜蓉豉油，辣椒醬同芝麻追加小食 餃子$15/3 隻每隻餃子都大大隻，脹卜卜。但咬落口唔算有驚喜，略嫌個皮唔夠脆～但點埋附上酸醋，風味都唔錯海老味噌拉麵$90主菜終於上碟啦❤️係我期待已久嘅拉麵一上到已經聞到濃濃嘅蝦味～而且配料相當豐盛滿滿嘅櫻花蝦，木耳絲，洋蔥絲☺️☺️☺️口感爽脆雞肉煎香過，黑椒味重面質偏硬身粗面，煙銀有咬口～掛汁能力唔錯咬落去！！！係流心蛋啊～口感一流～

“鹽雞白湯拉麵”($80)“雞肉丸子4粒”($20)其實除咗豚骨湯拉麵🍜雞白湯拉麵都係我最鍾意嘅湯底之一🐔知道元朗呢間天浮橋係主打濃厚雞白湯所以特登夾時間過嚟食😍呢道5款湯都係以雞白湯為基底,可揀湯/沾麵分別係鹽味/辛味噌/翡翠/海老味噌/黑松露自己最鍾意食返雞白湯嘅原味所以揀咗鹽雞白湯麵☺每碗麵都已經配有味玉,洋蔥,京蔥,錦爽雞腿肉雞白湯香濃得嚟又唔會膩🤤錦爽雞腿肉更有畫龍點睛嘅效果😍食落細滑爽口,用上黑椒調味好香好惹味🤤粗身拉麵帶點麥味而且彈牙☺味玉都夠哂流心😋係一碗食完會令人滿足嘅拉麵😚另外加配咗一份小食雞肉丸子一份有4小粒,睇落成粒章魚燒咁🤣丸子面頭加上燒汁,芝麻味道甜甜地味又幾好食☺

週末去元朗國搵美食，一直知道元朗有好多好好食嘅小店，各具特色。今日來到這間天浮橋日式拉麵和沾麵店，亦都非常有驚喜。將很多日本拉麵店一樣，天浮橋有鎮店五款獨特口味，包括鹽雞白湯、翡翠濃湯（蔬菜）、海老味增（蝦🦐湯）、黑松露濃湯、同埋少少辣嘅辣湯。我揀咗翡翠濃湯沾麵，最初都擔心太淡，但濃湯真的很濃，裏面有一隻流心蛋，沾麵份量很多而且有咬口，配上濃湯味道非常好。朋友點了鹽雞白湯拉麵，同樣麵質有咬口且大份。飲品方面只有波子汽水，感覺回到中學。由於店舖的裝修很有日本特色，吃完可以坐在門口的長櫈拍照，頗像去了日本旅行。😊

天浮橋拉面紅色的布與拉面，讓我想起日本的《得意快獸仔》。快獸仔與拉面、小魔星與章魚丸、叮噹與豆沙包。小時候看電視，你只能想像它們的美味…… 在今天，拉面舖是平常的東西。在元朗也有不少，今天就試試這間天浮橋。 湯底有五種口味，有拉面也有沾面，沾面還可以選擇冷湯和熱湯。 選擇了重口味的海老味噌熱沾面與清新的翡翠濃湯（菠菜湯)拉面。 海老湯沾面賣相討好，濃濃的湯沾在面上。京蔥、洋蔥與木耳絲，使湯底濃而不膩。翡翠濃湯拉面，說賣相好一定是騙人的。但食落感覺清新，與海老湯是兩個極端。 面裡配的是親子孖寶，雞髀肉與流心蛋。共通點是很滑。 外加些小食，餃子與免治雞肉串最後配上兩枝日式飲品，滿足了。 人均消費:125

放工入到元朗當然係搵好嘢食啦😬行到攰攰地，就搵左呢間「天浮橋拉麵」😋食沾麵 同 湯麵之前細心睇一睇佢個進食方法，都幾得意😂濃厚雞白湯(沾麵)$80真係好濃雞湯味，啲麵點落啲熱辣辣嘅湯度食，別有一番風味！加上個麵底亦煙煙韌韌，好味😋海老味噌湯麵🍜$90好多櫻花蝦，個湯好濃蝦湯味🤤湯麵亦都好好味😋不可不提 個流心蛋係非常非常之咁好味😋咬一半啲蛋真係流出黎，好香蛋味🤤味道：😋😋😋😋😋/5環境：😋😋😋😋/5服務：😋😋😋😋/5價錢：😋😋😋😋/5翻食：😋😋😋😋/5