天浮橋拉麵 (已結業)

講吓⛩環境先，，呢度全部座位都係bar檯，大約有10個座位，座位之間少逼但唔會手撞手，提供凍水及醬油調味料。店員幾友善會介紹店鋪嘅招牌麵，以及必試嘅小食，作為第一次嚟嘅我覺得幾好，唔使掙扎咁耐食咩好！🍜拉麵｜ 鹽雞白湯$80主打食雞湯拉麵及錦爽雞腿肉，麵條同出邊業務用嘅唔同，眼見每條都有小麥夥粒(見圖)，師傅話係佢哋提供formula俾工廠製作。拉麵煙韌爽口，食到麥味，我自己個人覺得好正，因為個人鍾意彈牙麵質，雞腿肉好嫩，黑椒嘅調味同湯頭好夾最後，湯頭雖然係雞湯但一啲都唔油膩同死咸🍢小食｜ 錦爽雞肉丸子 $20有三款小食，店員姐姐推介雞肉丸子(因為主打食錦爽雞)雞有雞味嘅雞肉丸，味道不錯整體嚟講 性價比唔錯，份量適中，食完唔頸渴，個人超級欣賞個麥麵，推介大家一試

元朗國出名多好西,價錢又親民,今次路經一間門面好令以紅白為主調嘅拉麵店,與傳統叉燒以豚肉為主唔同,呢間係以‘錦爽雞叉燒’為主(見店內張poster 好正)無論你叫唔同湯底,都會有塊雞髀同雞胸肉..今次試左($90)一上嚟已經聞到好香嘅櫻花蝦味,而且非常多,試一試個湯頭的確好鮮味,個人認為要加配辣醬更為惹味！👍🏻另外低得一讚嘅係每款拉麵都會有成隻溏心蛋原隻上,而且一夾開,OMG!係真係做到半流心🤤🤤呢個質素唔會比其他高級拉麵店遜色！.至於錦爽雞肉,標榜嚟自愛知縣走地雞皮薄不帶過多脂肪,入口的確幾嫩但唔覺太有驚喜,拉麵麵質都算硬身彈牙唔錯👍🏻最後個人偏愛食拉麵會叫返枝 ($22)only 唔算markup 得好貴,出面有啲拉麵鋪收成$30幾蚊枝都見過😲.Overall 都唔錯嘅一間拉麵小店，住附近經過朋友不妨可以一試🤟🏻

今日心血來潮想食拉麵，見到呢間新開既評語幾好，決定黎試下。門面雖然唔大但裝修幾靚，係典型日本拉麵店風格，店內座位有限，依家暫時唔多人，到出左名應該要訂枱先有得食🙈。店員好有禮貌，介紹佢地係以雞肉做主打。餐牌好簡單，只要選喜歡咩湯底就可以。見完客好口乾所以揀左湯拉麵，第一次黎先試原味鹽雞白湯。拉麵端上先試一試湯底，平時通常都揀豬骨湯底就係貪佢夠濃郁，但呢度既雞湯十分足料，雞味極濃，好似燉雞湯既日版，令我對拉麵配雞湯底徹底改觀。配料除左有一般的京蔥、洋蔥、木耳之外，還添加了柚子皮，第一次試咁既配搭，完美地中和了湯底的油膩感，帶出了一番清新感覺。雞肉非常滑，而且份量幾多，雞胸都唔鞋，明白點解可以咁有信心只做一款肉！流心蛋原粒上🥚好正！麵底係我最鍾意既粗身拉麵，偏硬彈口有咬感🍜 如果唔鍾意硬既可以提前同店員講聲。餃子就中規中矩，唔會煎得太油。希望呢啲小店可以長做長有，下次再黎試沾麵😋

去睇戲前經過呢間拉麵店見佢門口幾靚，就走咗入去食每款拉麵都配有京蔥，洋蔥，味玉，雞腿肉，雞胸肉海老味噌白湯湯麵 $90好多嘅櫻花蝦，上面有芝士有芝士嘅嘢就係無敵平時d拉麵配有多數都係日式叉燒呢間竟然唔係叉燒，係雞腿肉同埋雞胸肉好特別，而且好大塊麵質啱啱好，唔會話太過林最緊要佢個湯底係白湯，好味又唔會話好鹹味玉即係糖心蛋，足足一隻，我將佢一分為二，就見到好靚嘅糖心蛋呈現喺我面前🥰🥰🥰除咗拉麵之外佢仲有啲小食同埋日式嘢飲不過我自己一個人就食唔到太多野就冇叫

對我黎講元朗國真係好多好野食，加上男朋友住元朗，所以成日一齊去覓食😆今次輪到試西菁街拉麵小店啦每次去到呢啲日式小店都好似去左日本咁，一解思鄉情緒🥺唔知幾時可以再去日本呢...記的之前去東京銀座食過一碗勁有人氣既雞湯拉麵（S字頭），當時排左個幾鐘先食到，一食，頂！個湯底咁似金寶忌廉雞湯既，搞到怕怕地雞湯拉麵...今次再接再厲試下白雞湯拉麵（因為招牌菜想試下），一食真心吸引左，好食過上次碗人氣拉麵多多聲，個湯底既有中式老火雞湯咁有雞味，又有日式拉麵湯底既濃厚，係感動既味道🤤真係雞有雞味，好滋補呀！男朋友鐘意食辣，order左辛之味噌拉麵，個湯頭都好好食，辣味加上濃厚湯底，再啱配拉麵食❤️仲有拉麵配既雞腿肉同流心蛋都係加分之作，我同男朋友食完會密謀encore再食🙋🏽‍♀️🙋🏽‍♀️

今日決定一個人的浪漫所以去咗食拉麵🍜今次去食嘅拉麵係以雞肉做主打嘅🐔餐牌所有湯底都係配以同樣嘅錦爽雞腿肉同雞胸肉配料有糖心蛋、洋蔥、同木耳而湯底就有五款可以揀麵底就可以揀湯麵或者冷沾麵或熱沾麵因為第一次食所以我決定試比較淡嘅味道我揀咗鹽雞白湯熱沾麵落單之後廚師會立即烹調大概等咗7-8分鐘就有一碗熱騰騰嘅麵送上嚟喺等候嘅時候睇到店㗎有貼上拉麵嘅煮食方法圖中的小雞非常可愛呢所以我第一時間就先品嚐冇點湯嘅麵條先睇到拉麵外表一粒粒嘅小麥分量十足咬落去口感彈牙唔會好散然後我都飲咗一啖湯頭🍜覺得雞味濃郁但唔會太油膩然後我就開始將沾麵放入湯頭品嚐麵條可以掛到雞汁味道就更加豐富然後又開始試佢主打嘅雞肉🍗雞肉有雞腿同雞胸兩個部位雞胸一啲都唔鞋口我覺得雞肉份量都比平時食開嘅叉燒拉麵更加多而且佢有添加少許佢柚子皮配搭一齊食令口感更加清新糖心蛋係原隻上🥚咬落去係滿滿嘅糖心蛋汁不過食沾麵就需要同時間競賽因為湯底凍咗就唔好食不過店家好貼心話如果唔夠湯係可以免費加湯食完一碗分量十足嘅沾麵我叫咗信州蘋果梳打飲🍎日本嚟嘅蘋果梳打唔使多講就係非常好飲清新嘅蘋果味中和左頭先食嘅拉麵濃厚口感係一個完美嘅作結

元朗開左間新店天浮橋啊，小店細細地專食几款拉麵同沾麵仲有d小食可以選擇，都几有風味同好warm啊🥰個人比較喜歡食沾麵，見到沾麵眼發光la😍小明為食餐單: 海老味噌沾麵🦐 $90海老即係蝦，小明係愛蝦人士一定叫依個la😋大大碗淨拉麵上枱加一大碗海老味噌，海老味噌好濃郁，有好多小蝦仲有大塊紫菜、海帶、芽菜等，最特別既係依度選用雞肉，平時一般拉麵店都用豬肉多，依度既雞肉好嫩滑好新鮮，咬落肉質好好而且味道一流😋仲有一大隻流心蛋添😍一啖一啖拉麵沾上濃郁海老味噌，好正啊😋餃子🥟 $15/3隻餃子隻隻大大隻又飽滿，好juicy多汁又香肉味，沾埋附上既醬汁，帶出餃子鮮味🥰

想係元朗食拉麵，友人話想試下呢間天浮橋！餐廳內外貼左好多日本海報，簡單裝修又不失日本味道。食物選擇有拉麵有滷麵，亦有教法點食係最正！錦爽雞肉小丸子 $20 叫得小丸子，當然係細細粒，一啖一粒過下口癮做餐前小食，食落幾彈牙。翡翠濃湯 $88 拉麵店通常都係四色之選，白、紅、綠及黑，每款係代表不同味道，當中綠色好似比較少人會食，其實都係用天然草本植物調色，不過湯底草本味唔太突出，相反令雞味無咁郁郁。另外每碗拉麵已經附有錦爽雞腿肉、味玉、洋蔥及京蒽，材料足夠飽肚。鹽雞白湯 $80 相對之下，呢碗雞白濃無加其他嘢可以嚐到純雞白湯嘅清甜，配埋爽口雞腿肉好夾。

「雞、全部都係雞～～～」呢間元朗新開嘅日式拉麵店，有別於其他拉麵店，佢主打「錦爽雞」，係來自日本🇯🇵愛知縣農場的走地雞，以“美味清爽的雞肉”命名😍餐廳由門口既木櫈，大門到入面嘅擺設佈局，都是和風🇯🇵簡約設計。餐牌有五款口味，全配以雞白湯，可選拉麵或沾麵。 海老味噌拉麵（$90）天浮橋專用碗， 拉麵材料滿滿，有好多櫻花🌸蝦🦐，色彩鮮艷。🥰雞白湯呈奶白色，雞味濃郁幼滑，帶有蝦香，黏稠度不會過高，伴中粗麵好合適。 湯有少少雞油，配合洋蔥同京葱，可以減膩。 錦爽雞叉燒，用上雞腿肉，皮薄，肉質嫩滑有口感😋。另外好少有溏心蛋係原隻🥚上㗎， 咬開仲好流心😍 。免冶雞肉串（$15）雞肉串啖啖肉有啖口，燒汁香濃微甜，再配合上面嘅唐辛子🌶，辣辣地，更加惹味🤤其實我仲好想試佢嘅餃子🥟、沾麵、黑松露濃湯同翡翠濃湯，奈何眼闊肚窄🤣 唯有下次再試

好似唔多係元朗食日本野，尤其係拉麵，西菁街有間門面不算大嘅拉麵小店。環境門面同平時嘅拉麵店一樣，充滿日式風味，入面一張打bar枱，仲貼左好多復古風味嘅海報。餐牌拉麵有5款，仲有幾款小食。鹽雞白湯 $80 每款拉麵已經附有味玉、洋蔥、京蒽、錦爽雞腿肉。湯底除左濃稠之外，仲有少少黃色，有別於坊間嘅雞白湯只呈奶白色，湯頭清甜，雞腿肉果然幾爽，一啲油膩感都無，味玉流心效果亦好好，但麵質相對上硬左少少。翡翠濃湯 $88 呢款呈綠色嘅湯底，我自己對綠色湯底嘅拉麵有情誼結，覺得好清新特別。平時係用上香草、羅勒葉等等植物令湯底呈綠色，估計呢到都唔例外，但味道就唔明顯。錦爽雞肉小丸子 $20 本身以為會大粒少少，好似章魚小丸子咁，原來size真係較細粒，食落都幾爽彈。總括而言，小店可以做啲期間限定吸引更多生客，令款式更多樣化。

住在元朗獨立國的朋友最近提起附近有一間新的拉麵店,門面頗有日本拉麵小店的格局,見到價錢不算貴&有不少好評,結果今晚就叫我陪佢去試,味道確實不錯。海老味噌拉麵 (加味玉)  88+12元海老即蝦湯,配上不算太強烈的味噌,慶幸仍然有蝦的鮮味。麵條硬度適中、味玉(即流心蛋)太出色,所以我一早叫了兩隻!白雞肉好滑,加上旁邊有點點的黑胡椒,味道不會單調。有相為證,所有湯都飲,證明什麼? 好食!其實拉麵在日本好多時都是獨立座位,很多上班族都會一個人食用。這間天浮橋成為元朗居民一個新的選擇~ 

呢間係元朗新開既拉麵店🍜，就即刻黎試下啦😆小店新開冇咩人，唔需要排隊，店員哥哥都好有禮貌。.這裡的拉麵和沾麵同價，一碗麵包一隻溏心蛋、洋蔥、京蔥、錦爽雞腿肉。我點了海老味增沾麵，意想不到的好味，湯底非常濃郁，飲得出有用蝦頭蝦腦淆制的味道，同時帶有有櫻花蝦的香味，用黎沾麵食就剛剛好。而且我留意到好像有加入忌廉，令湯更錦滑又濃厚😋，正。麵質方面有冷和熱選擇，我就點了冷麵加軟小小。麵有麥味，煙韌能掛湯👍🏻。這裡的特別之處是雞腿肉取代了平時食開的豬肉叉燒，肉質嫩滑，有黑椒味烤過，給經常食叉燒的我們多一個選擇😁。另外朋友點了一碗鹽雞白湯，湯底都係濃厚既雞湯！啖啖膠質！好好飲，有點忌廉湯的質感💕桌上還有豉油黑蒜和辣椒醬等調味，為拉麵再添上一層風味。🤤

《 元朗天橋？ 》因為朋友住元朗國，於是放假佢就陪我周圍食下野。出發前我同佢講，我想去天浮橋食野，佢竟然好認真咁話：「元朗邊到有天橋有野食架？」。我心諗⋯🥬翡翠濃湯沾麵 $88就咁睇可能會嚇親，但其實湯底咁綠係因為用左足料菠菜煮湯。湯頭味道唔錯，鹹度適中亦夠菠菜味。沾麵麵底軟硬度正常，唔算難咬。🦐海老濃湯沾麵 $98相對黎講海老湯更吸引，蝦味濃郁得黎仍能保持湯嘅清澈。蝦湯少不免偏鹹，但我認為配沾麵更好，畢竟麵本身無乜味。🥟日式餃子 $22日式餃子只屬正常水準，味道出常，餡料亦充足。

突然想食日本拉麵發現新轉手兩位後生仔主理，非常有禮貌食物有水準👍👍👍絕對值得一試少有地方用雞叉燒👍👍👍未食過一定要試下一定要試吓佢個辣椒醬，辣椒味香唔會太辣帶微酸，食到唐辛子嘅香味👍👍👍好想買返屋企😂😂😂相信之後一定排隊，趁而家唔多人快啲食多幾次，試晒佢每一種味，仲見到菜單上有一個黑松露濃湯拉麵，過兩日返嚟試下加麵都係$12加雞叉燒$28呢啲咁嘅價錢邊度搵👍👍👍非常推薦👍👍👍👍

平時食開拉麵配料都係叉燒、豚肉多，呢間元朗拉麵店用左雞腿肉，咁特別超鍾意食雞嘅我又點可以錯過呢🤓🐔鹽雞白湯沾麵呢款湯底平時比較少見，湯呈奶黃色有香濃雞湯味唔會好油，相對海老味噌清淡飲落好舒服，麵唔算好乾身，建議沾麵揀熱麵應該會更加索湯汁🦐海老味噌湯麵一上枱已經聞到蝦香味，面頭有唔少櫻花蝦，湯底濃稠唔會好鹹，食落蝦味唔算好濃每款拉麵有流心蛋、兩塊紫菜、洋蔥、京蔥、木耳絲同三大塊雞腿肉。雞腿肉採用曾榮獲名古屋最優秀賞的錦爽雞，配以特製醬汁調配而成，口感嫩滑唔鞋。麵份量正常，流心蛋真係超流心正呀😍呢間麵底用左太麵粗身彈牙有嚼勁，鍾意食爽麵嘅朋友就算食湯麵都唔使驚麵會浸淋而去揀食沾麵，可以隨自己喜好選擇沾麵或者湯麵。我推介大家食鹽雞白湯湯麵🙋🏻‍♀️～附上餐單～