天浮橋拉麵 (已結業)

較早之前經過 見到呢間拉麵店嘅門面好得意 門口裝修得好靚 勁有日本feel間唔中食飯時間仲會排長龍添 見今日唔使排隊一於去試下入到舖頭第一個感覺真係好似日本嘅拉麵店 店舖小小只有兩名店員 一個廚房一個樓面 感覺都幾溫馨全部拉麵嘅湯底都選用了雞白湯 可選湯麵及沾麵 沾麵有分冷同熱今日食嘅係海老味噌沾麵 我揀咗冷麵 因為我覺得冷面會比較爽口湯同沾麵係分開上的 食嘅時候先將沾面浸落湯底 建議不要浸太久 這樣會影響麵條的口感海老味噌湯底真係好濃沃 好重蝦味 好鮮好鮮嘅感覺 鍾意食重口味嘅人一定好啱 好喜歡麵條較為粗身 條條分明很爽口而且彈牙 麥味香錦爽雞叉燒係我食過咁多雞之中最滑最滑嘅一款玉子是半流心的 蛋黃勁香

話說真係好耐冇食過拉麵同沾麵去開元朗又聽過呢間都唔錯今次就決定試一試店外裝修好有日本風加倍期待咗對拉麵嘅期望由於今次係第一次食亦都好想食沾麵心大心細想試吓黑松露濃湯拉麵 又或者可以海老最後揀咗海老沾麵果然冇令到我失望！！好濃既蝦味 係我好鍾意嘅湯底有蝦乾 同埋幾塊雞肉如果湯底有埋蝦就好啦面嘅份量都好多一個女仔真係食唔晒食完濃味野梗係要配野飲見到有好多唔同日本嘅梳打白桃味係我嘅最愛只係飲梳打汽水咁都唔錯餐廳都有講進食嘅方法欣賞呢度寫到明如果唔夠湯可以加湯鍾意飲湯嘅朋友絕對唔可以錯過下次有機會再嚟呢度試一試黑松露相信一定唔會令我失望 期待呀

元朗西菁街果邊好多野食。間間都full 哂，夜放工想快d 食完就番屋企。所以就選擇試下依間唔係太多人知嘅拉麵其實間野個位唔係咁易去。要行入小小先見到。唔係太多人，不過同事元朗地頭蟲介紹過，就信佢。menu 得幾種拉麵揀，小食唔太多。野飲都係，似足日本d 拉麵檔。仲有教學。試最出名嘅鹽雞白湯拉麵睇落好簡單，其實唔係。雞嘅精華入哂個湯到。飲湯如食雞。d 雞肉係雞脾肉，滑溜，同調味適中。個麵就正常最後叫個小食，餃子3 隻。正正常常。下次再試下其他小食，唔貴

餐廳清一色以「雞」為主打，上至湯底，下至叉燒都係雞！真係名符其實「雞，全部都係雞」。拉麵選擇都頗多，一共有五款，全部都係以雞白湯做湯膽⋯而且仲有湯麵或沾麵俾大家選擇，實行滿足晒要食湯麵同沾麵嘅朋友！今次我就揀咗清新嘅翡翠濃湯湯麵。菠菜汁係餐廳自家調製的⋯先呷啖湯，白雞湯加上菠菜汁，口感清新，帶點creamy，估唔到雞湯同菠菜可以咁夾，一啲都唔覺得膩！佢嘅拉麵都好有口感，煙煙韌韌有嚼頭，而且爽口彈牙⋯講返雞肉叉燒，餐廳用上日本愛知縣農場的「錦爽雞」雞腿肉作為叉燒，唔會有過多脂肪，雞肉肉質結實有咬口，雞味濃郁⋯用黑椒稍作調味經已好好食。不得不提隻流心蛋，真係好好味！濃濃嘅蛋香，咬落去細滑嘅蛋汁緩緩流出，而且好入味，簡直完美嘅表現！平時都係食開以豬骨熬成湯底嘅拉麵，轉下食白雞湯底都唔錯，起碼唔會太過油膩，又會健康啲！

第一次嚟食，環境寧靜，簡潔嘅日式裝置，沒有多餘嘅飾物，感覺特別整潔衛生，空間唔大，座位有限但氣氛卻有日式拉麵店嘅感覺。麵店以日本濃厚雞白湯作招徠，加上日本直送嘅食材及選用雞胸同雞腿肉製作嘅叉燒，絕對係雞味十足。麵店有五款口味嘅拉麵選擇，而且客人可以揀選湯麵或沾麵。我點咗呢度其中一款「海老味噌湯麵」。 有別於平常食到嘅豬骨、鹽味、味噌、醬油湯底，呢款湯底以雞湯為基調，用櫻花蝦同蝦油調味。湯底嘅火候恰到好處，厚滑的雞白湯，味濃，湯厚，容易掛麵，湯底十分鮮甜，一口接一口，吃到最後卻冇半點口渴嘅問題。拉麵配料豐富，有雞肉叉燒、一隻溏心蛋、櫻花蝦、木耳絲、紫菜、洋蔥同蔥。溏心蛋在水準之上。雞肉叉燒，有啲厚度，當我咬一口雞肉嘅時候，雞肉好似啱啱熟，嫩滑好吃，完全冇一絲柴口嘅感覺在嘴里面，大概係慢煮雞肉吧！麵條則係偏粗嘅細麵，咬起嚟彈牙。相當有水準嘅拉麵，推介!飲品方面有唔少選擇，點咗一支完熟桃味梳打，桃香加上有汽梳打，飲落真係好正。

喺元朗想食飽啲，想食街邊雞煲，但又好怕路人打乞嚏加料或者馬路廢氣，於是都係食拉麵，一樣好飽肚嘅呢間主打雞白湯，所有拉麵湯底都會以雞白湯做主調其中呢碗翡翠濃湯，係菠菜汁mix雞白湯，用嚟食沾麵同樣好吸味，食到香濃湯味食沾麵第一步係就咁食咗啖麵先，麵香同質感好突出沾晒啲湯仲可以要求加湯，但記住留返少少湯底先可以加㗎黑松露雞白湯，居然冇互相搶味，而係相互輝映。𠽌𠽌聲食麵，湯味送晒入口配料都唔惹小，雞肉好嫩滑，溏心蛋超流心，最意外係連菇類都超惹味雞肉丸子送麵初體驗，每粒淋滿醬汁，咬落雞味芳香，同時又幾好咬口檯面仲有好香嘅醬汁，可惜冇嗌到餃子點嚟試吓

元朗其實有不少好食的地方，今日來到這間拉麵店食東西細看餐牌款色不多，有不同湯底選擇這間店舖裝修很有日本色彩，而店內大約可以坐八位顧客左右這個海老味噌沾麵，湯底有櫻花蝦和蝦油調味，飲一口湯底10分鮮甜，而且配料也很多，有紫菜，有雞肉，雞肉也相當出色，吃一口雞肉很爽口，而且帶有胡椒味，而他的雞肉是選用了雞俾肉來做的，所以食落口10分爽嫩他的麵底沾上了濃湯，湯汁加上沾麵一齊食非常好味這個沾麵10分出色，雞肉爽口，而湯底並不油膩，可見老闆非常用心去煮喝一口湯底，好濃的雞湯味，湯底相信老闆花了很多心機來煲，非常濃郁不得了，流心蛋黃，剛剛好，半生熟食一口，濃濃的蛋漿流出來，十分香，這種雞蛋我十分喜歡吃這個煎餃子剛剛煎好，食一口皮脆肉嫩，很好味你看餃子的餡料十分豐富，加上醬汁一齊食，十分夾

接完小朋友放學每日都會經過呢間拉麵店通常都係排長龍今日早咗放學12點，拉麵店剛剛開門，暫時未見到有人排隊，就入去試下，門口已經覺得好有日本風味嘅小店小店入面有多款嘅日本梳打供選擇入面唔算好大，但係全部以濃厚雞白湯為主，有五款湯底可以配搭，又可以揀湯麵同埋沾麵見到好多人都介紹綠色嘅湯底但係我今次冇試，試咗另一款嘅海老味噌湯面餃子$22有五件，性價比非常高餃子外脆內Juice非常滿意鹽雞白湯沾冷面$80，香濃嘅雞白湯比較清淡我覺得個湯底比平時出邊嘅沒有那麼濃厚但是味道就調校得非常之好有足夠嘅鮮雞湯味😙海路味增湯麵湯底入邊有櫻花蝦同埋蝦油調味最重要個湯底係有香濃嘅蝦味上面配搭幾條京蔥同埋洋蔥面質較為粗硬，食落有彈口如果要軟身嘅麵，記得要同職員講聲仲有2 片紫菜，上面有三片雞肉食落非常嫩滑湯底並不油膩糖心蛋好正外層蛋白有少少凍彈牙蛋黃半凝固狀態但香味非常仲有爽口嘅木耳絲提升拉麵嘅味道

拉麵🍜多數我見都係用豬骨熬湯底，而呢間就好特別，用雞熬湯。原來啲雞嘅來頭都唔少，係來自日本嘅錦爽雞！錦爽？！足足慢煮咗一個鐘，肥美適中。叫咗最普通嘅鹽雞白湯，有木耳仲有啲洋蔥條可一齊食。啲雞有用胡椒醃，但未算好嫩滑但又唔係嚡。湯都濃味嘅，當時食啲面發現係比較粗身有咬口，有懷疑是咪自己手打，因為真係第一次食呢種比較煙韌，食食下再望真啲有啲麥係入面。返去搵資料先知，噢原來係餐廳自己係香港搵間面廠根據佢哋設計嘅份量而整出獨一無二嘅天浮橋麵。難怪食果陣覺得咁特別。入面嘅格局其實幾靚，係日式嘅對壁咁坐。仲有癡咗好多poster，幾有日式感覺。呢間唔係我食過最好味嘅拉麵，但一定係暫時食過最特別，主打雞肉，與別不同。感受到誠意滿滿，搵廠整拉麵。係位置有啲入，價錢正常。可一試。

今日食晏諗緊食乜既時候行下行下見到一間拉麵店有幾個人等緊位就走埋去昅下有咩好野食啦👀店面和風設計🎏好靚好有Feel睇餐牌發現原來係以濃厚雞白湯拉麵為主既日式拉麵店重口味既🐻當然就要入去試下啦.濃厚雞白湯湯麵 辛の味噌 HKD88湯底超級濃郁🐓最重要係飲完個湯唔會好口渴如果食麵鐘意飲埋湯既一定要食呢間雖然辛の味噌聽落會以為好辣🌶但其實一啲都唔辣而係有一種辛香味所以唔食得辣既朋友仔都可以試下每一款麵都配有味玉,洋蔥,京蔥,錦爽雞腿肉見唔見到塊雞肉幾誘人🤤滑嫩之餘黑椒調味亦非常夾再加上一隻糖心蛋 簡直係完美💯.富士山柚子梳打 HKD22100% Made In Japan🇯🇵一擰開個蓋就已經聞到一陣柚子香✨酸酸甜甜🤩再加上有氣 夏天飲真係爽

天浮橋的裝潢以日系風格，用以木系傢俬及擺設，走進店內有如置身日本拉麵店。🍜鹽雞白湯拉麵 $80 雞腿肉香嫩超滑，肉上灑有黑椒，好惹味! 可選擇拉麵或者沾麵，麵底好煙韌有嚼勁，湯底是鹽雞白湯，不濃不膩無添加味精的雞湯，糖心蛋半熟剛好，輕輕夾開，流出溏心蛋漿。🐔雞肉丸子(4粒) $20雞丸軟腍，點上濃郁醬汁，令雞肉味道提鮮🍡蕨餅4件(甜品) $20日本傳統菓子，口感煙韌軟糯，加入黑糖漿，清甜滋味天浮橋ラーメン

本來諗住食日本野，點知望到對面有間拉麵店，都好喎好耐無食拉麵，入去試下先。呢間拉麵店係雞湯底配雞肉，有五款口味選擇，可以揀湯麵或沾麵。店內光猛，環境都幾乾淨，而牆身有掛勾可以掛上私人物品（遮、外套等），不過手袋呢啲都係跟身好啲啦，不竟個掛勾係背對住嘅。天氣太熱好想飲凍野，即刻點了一支富士山柚子梳打，淡淡柚子味加上有汽，一口氣飲落去好正，立即降溫。拉麵點了翡翠濃湯湯麵，青綠色嘅湯底幾靚。影張近鏡先，碗拉麵有蛋，雞肉，木耳絲，生洋蔥，紫菜，同半片小蕃茄作點綴。翡翠濃湯嘅綠色湯底係菠菜湯黎，飲落有濃郁嘅雞湯味又帶點菠菜味，好好味呀。雞肉有三片，肉質嫩滑鮮味，用了少許黑椒調味更能刺激味蕾。溏心蛋綿滑重蛋香，好正。麵條掛湯，是略硬嘅口感，很對胃。好好味成碗食晒，連湯都飲晒呀。味道滿分，但略微細碗了點，下次來要加底先得，哈哈，如果有得加碗白飯就好了。

個門口真係好似去左日本🇯🇵🇯🇵🇯🇵進店後都有依個感覺，座位只有小小十幾個。入座後，職員已馬上遞上清水（有點可惜不是凍水），反應好快。佢都好細心聽到我地討論餐牌，解釋什麼是翡翠濃湯🍜，第一次試既我地都係揀左原汁原味既雞白湯拉麵同黑松露濃湯沾麵。黑松露沾麵⚫️ 一上枱好大浸松露味。好香～（但唔係人人都鐘意🤣）每碗麵都有半熟玉仲要成隻，出手真係好闊綽。仲要個時間整得剛剛好，好流心😍因為係雞湯湯底所以用既叉燒都係雞肉，而非豚肉。佢地用上雞腿肉 黑椒調味，相當香口，叉燒好滑身有水份唔乾👍沾麵有得揀：凍麵/ 熱麵， 我係凍麵派😛，個麵係夠凍，但可惜個湯唔夠熱，做唔到冰火口感😂 沾麵分量幾多，麵質夠煙韌，仲帶點小麥既口感🌾沾麵湯底同湯麵相似，無平日既沾麵湯底濃郁，不過可以輕易飲曬成碗湯，飲到最尾都仲有黑松露味🤤另外朋友的雞白湯麵🍜，湯頭清而順口，偏向淡淡的鮮甜，唔會油膩。轉眼間佢已經食曬見底😂 可想而知的美味。整體水準都妥高，如果掛住日本既都推介一試❤️

來到門口，原來舊址亦是一間拉麵店，依稀記得裝修格局與對上一間拉麵店差不多。位置不難找，晚上7 點多，不用排隊。內裏裝修很日式，大概十個座位。鹽雞拉麵，湯底清香雞味濃郁，一點都不會過鹹。雞肉有香濃的胡椒味，肉質柔嫩，爽口大塊。麵質粗而彈牙，有口感 ，麵軟硬度適中，配合糖心蛋，蛋黃汁齒頰留香，回味無窮。其實我比較喜歡幼及軟身一點的麵，如果可以給客人選擇麵質硬度的話，味道一定會更好，還有紫菜不夠脆。加追了雞肉丸子4 粒，丸子口感較實，醬汁較甜，值得推介。

行街見到有一間拉麵店，門口裝飾好日系所以就走咗入去，發覺有驚喜🤭門面裝修以簡潔明亮為主，入去看到不少日式裝修，幾得意的，店內衛生亦可接受。點了海老味僧沾麵（選擇了熱麵）$90本來以為係普通嘅蝦沾麵但發覺佢嘅湯比一般坊間嘅濃得多，外觀已經看到濃郁蝦油。食落口果然有讚👍🏻，蝦味濃郁，湯嘅濃度及熱度非常足夠，佢選擇了用蕎麥麵作麵底，麵餅非常大個，又健康👍🏻絕不欺場😍再者，附送的雞肉及溏心蛋😍😍，想不到也很好吃！另外，點了餃子為小食（3隻/$15）看似普通但餡料很足夠，豬肉的鮮及白菜的清甜，讓人停不下口吃😍😍飲品卻是意想不到的好飲雖然唔係佢製作，但入貨入得好👍🏻我要了支青森100%蘋果汁（$24），清甜得讓人感到像吃一個生果😋😍且價錢不貴👍🏻最後，係值得支持的小店，看到老闆的用心經營👍🏻服務員態度和藹，而且價錢和份量合理，不錯！😁