天下糧倉牛肉火鍋專門店

营业中

休息中

呢間系新開既火鍋店所以入座率都仲未至於爆滿，我地坐低好快就先order湯底，服務員亦有走過黎介紹我地可以點樣order食物同有咩選擇。超濃羅宋湯拼重慶翡翠綠麻鍋      77分如果單點呢個湯底的話要＄72，但我地跟拼盤套餐所以包埋。個羅宋湯有好多蕃茄和芹菜，飲落有好濃好香既蕃茄味，所以我都飲左好多碗湯。另外個重慶麻鍋幾特別，相比起平時普遍既紅色麻辣會無咁油膩同埋無左D紅油。新鮮煽牯牛拼盤     ＄178      75分呢個套餐有7款吾同既牛部位，店家亦有細心地將食物牌放到牛肉附近，個人覺得每個部分都各有特色，而且牛一煮好快熟，證明呢塊牛品質不錯，個吊龍伴頗有咬口、雪花脖仁就好嫩滑，總括其實牛既品質絕對吾差，加上店鋪岩岩開張有半價優惠，CP值都幾高。海鮮拼盤       ＄178        74分呢個套餐出色位系有大隻虎蝦、蟶子、扇貝，分別都好大隻同鮮甜，另外仲有脆肉鯇、東風螺同青口，都系新開優惠半價。任食火鍋配料      ＄68       70分有點拼盤套餐既可以＄68加任食既火鍋配料，當然果D配料都系有指定既先點得，但選擇都足夠，有丸有菜有麵類，吾驚食吾飽。飲品選擇都有

「天下糧倉」為食🐷的我見到呢個招牌即刻就被吸引過來🙈菜單幾特別，有唔同價錢的拼盤套餐再➕68蚊就可以任食火鍋配菜，好鍾意牛肉的我們揀左安格斯牛肉拼盤🐂牛肉見到廚房係即切 隔了十五分鐘左右就上得 牛肉拼盤由：牛丸、匙柄、吊龍、肥牛、三花趾、雪花、牛勁脊、挽手 組成每一個牛部位有兩片 賣相唔錯湯底就揀左一個牛骨湯同麻辣鍋🍲唔似四川麻辣火鍋個湯底 呢個麻辣鍋唔多油同埋都唔會好辣 啱唔係好食得辣既朋友牛肉煮十秒食得 唔同部位的牛肉口味都十分之唔同 肉質鮮嫩無雪味 腳趾肉就好爽脆 雪花肉又唔肥膩 真係有別於依家市面千篇一律的任食牛肉火鍋配菜方面唔係十分多選擇但每一樣嘢都好新鮮 重質唔重量 食完靚牛唔夠喉既朋友都可以揀埋蔬菜丸子響鈴等配菜🥬飲品比較集中係樂天既果汁同汽水類🥤最後埋單人均200+到 對於呢種質素既牛肉同食物真係好抵🤪以後都會繼續來幫襯🥳

一講起牛肉火鍋，大家吾知會諗起去邊一間食呢？今日我發現左個新選擇，而且高質抵食。百幾蚊叫一個一人海鮮餐或牛肉餐，再加$68就可以任食配料，非常之抵。首先吾講食物，先講空間感，做得好好，枱與枱之間分得比較開，坐位之間都比較寬敞，佢地重設有私家房，非常貼人👍🏻👍🏻 坐底慢慢食，傾下計，一流好選擇😀佢地有無限任飲提供，真係好抵，選擇都吾少，有我最鍾意飲既石榴汁🤪🤪我同女朋友選擇左鴛鴦湯底，蘿宋湯配重慶翡翠綠麻辣湯。蘿未湯打邊爐真係第一次，佢個湯好足料，有牛肉片，紅蘿白粒同蕃茄，好香好香，飲返碗先打邊爐啦👍🏻另外個麻辣湯，好多京蔥同辣椒，所以都好香，而且吾太辣，我吾太成得辣既都覺得好食👍🏻👍🏻主菜方面，我選左新鮮煽牯牛拼盤，女朋友選左我，哈哈，講笑，佢選左海鮮拼盤。佢地會將牛分好吾同部位比我地睇，而且好新鮮。我最鍾意既係鮮牛頸脊，配埋麻辣湯，牛味濃，肉質有咬口，好正呀😍其他部位都好好食，不家都吾可以錯過。海鮮方面，如果大家好似我咁，鍾意食鮮味啲，可以放蘿宋湯果到，真係超好食，記得加湯前，飲多碗蘿宋湯先，加埋配料既味道，蘿宋湯更好味👍🏻👍🏻加左$68，重可以任食配料，我要重點推介佢地個手工餃，細

旺角中心點的高質火鍋🙌🏻超愛佢地呢度既湯底 揀左2款湯做鴛鴦鍋 都好正潮汕牛骨湯同重慶翡翠綠麻辣湯底潮汕牛骨湯有好輕微既辣 翡翠綠麻辣會辣少少 少麻 成個湯好吸引 帶點甘香響鈴落湯煮10秒左右拎上黎食 吸曬湯👍🏻68蚊任食配料大約有30款 應該有既都會有絕對係抵食之選 當中既麻辣包 龍蝦沙律包更加係不停encore 麻辣包入面包住辣豬肉 又幾過癮.重點到了！係肉啊！雖然肉就唔係任食既 不過就岩曬重質不重量既人揀左安格斯牛肉拼盤同頂級豚肉拼盤有曬小木塊寫低肉既種類同部分我最喜歡就係安格斯牛頸脊 牛味香濃脂肪分布平均 點埋自己調製既辣汁 不得了呢嘢飲都係自助同任飲架！都幾化算.食完仲可以上樓行街添^^

又係同好朋友聚會嘅日子，食火鍋係最好大家傾吓計食下野嘅好地方，朋友食過此店，話地方都算寛敞，有幾舒服，可以坐耐少少👍餐紙上有多款不同拼盤，所有套餐均可加$68選擇右方所有火鍋配料。湯底我哋選擇咗重慶翡翠綠麻辣拼超濃羅宋湯，如果怕食辣，雙拼湯底都係一個不錯的選擇，麻辣湯底分量十足，有紅綠辣椒🌶️香氣撲鼻，味道夠麻辣。羅宋湯底酸酸地好開胃😋😋😋 店員棒來的時候，食物款式樣樣都吸引，每種肉類都有木牌寫上牛肉的部位，牛肉雪花分布平均好吸引，而且份量都唔少， CP值幾高，牛肉未夠重又唔會好韌👍👍👍蟶子皇-非常新鮮，非常爽口，無需任何醬油,食原汁原味最好。脆鯇腩-每片切得好薄，可以用脆，鮮，甜去形容😋炸魚皮-魚皮放入羅宋湯底輕輕淥一淥，吸入濃湯非常好食惹味👍醬油亦可以按照個人喜好選擇👍👍👍

好耐無打邊爐啦～～～搵埋朋友一齊嚟到天下糧倉食返個牛肉海鮮邊爐，間店新開張，好多嘢食都有半價，超抵食！！望住個餐牌，先每人揀個拼盤套餐先啦！一個煽牯肉拼盤，再一個海鮮拼盤，咁就夠晒豐富啦！我地揀左鴛鴦湯底，牛骨湯拼羅宋湯，等水滾就急不及待準備開餐～拼盤擺得好靚，啱晒打卡，有大虎蝦，食落啖啖肉，東風螺都好大隻，仲有竹籤準備埋，好貼心～扇貝、蟶子幾鮮味～啲牛肉分部位排列，有埋名牌，長知識！牛味濃郁，食得出係靚嘢！呢度仲有個超抵優惠，加$68就可以任食一系列火鍋配料，有我最喜歡食嘅響鈴同金菇，仲有好多丸揀～～飲品係任飲嘅～荔枝烏龍茶幾特別，唔會太甜，打邊爐飲可以消消滯！

朋友話樓上舖打邊爐又抵食又正！今晚黎到天下糧倉打邊爐！店舖裝潢幾靚，幾突出有心思～我同朋友分別揀左一人一份拼盤套餐，我揀左「新鮮煽牯牛拼盤」，有多款唔同既牛部位，我認得「匙柄」同「吊龍伴」，其餘既唔係好識，但味道都很不錯，牛味濃郁，有啲部位多筋啲，有啲就滑溜啲！朋友揀左「海鮮拼盤」，有大大隻虎蝦、蟶子、扇貝、脆肉鯇、青口同東風螺！鮮味十足，睇得又食得！除左套餐外，+$68仲可以有任食火鍋配料，款式都幾齊，有打邊爐必食既響鈴、丸、餃、金菇同出前一丁！飲品任飲，有多款lotte飲品～～

一坐下我們點了鴛鴦鍋，一邊是牛骨清湯，另一邊是羅宋湯。湯底都好足料。飲品任飲，種類算不錯。樂天的桃味梳打，正👍🏻有醬料吧，自己調配醬汁。海鮮拼盤—有7款牛肉及海鮮，很貼心的是，有木牌寫著牛的不同位置的名字，就可以知道自己喜歡吃的牛的位置叫甚麼名字。我本人覺得匙柄很爽口，很重牛肉香味；另外極品肥胼也很不錯，十分肥美及有濃烈牛肉味。海鮮來說，大蝦蝦肉鮮甜，扇貝也新鮮。這裡有幾款丸我覺得頗特別，特別喜歡黑椒貢丸及芝士丸，這裡的芝士丸是有Wasabi味道的，好食！其他食材都新鮮，食得好滿足！

又打邊爐啦今次係黎旺角呢間新開既餐廳食因為係新開張所以人流唔算好多，呢間店係用gas爐，有幾個餐可以簡，加$68可以任食配菜同野飲我地兩個人叫左一個海鮮拼盤同埋一個煽牯牛拼盤湯底有羅宋湯同麻辣湯，佢既用料睇得出冇落好多調味料，唔會好油膩，飲都得兩個餐一齊上，煽牯牛拼盤仲有木牌係旁邊介紹，每樣肉有兩片，唔會樂多肥肉，好食海鮮好新鮮，如果想食到比較原汁原味既可以加落羅宋湯到，基本上攞出黎唔洗點調味料就好夠味然後仲可以追加其他配料架，平平地食一餐都唔錯

天下糧倉係一間新開的火煱店。一開始坐好，職員就好耐心咁介紹佢地有幾款唔同餐比我地揀，每人揀一個，我地就㨂左一個海鮮拼盤同一個新鮮煽牯牛拼盤。而湯底就揀咗超濃羅宋湯拼重慶翡翠綠麻鍋。我地再加埋$68食佢其他任食配料。一嚟到見到個湯底，就已經好吸引，因為平時我哋出去食麻辣係紅卜卜，但係呢一度係綠色㗎，我老公第一啖試一試，都有啲辣，係好味嗰種辣，同埋比起平時紅色嘅麻辣係冇咁油膩。如超濃羅宋湯，同佢個名係一樣嘅，係非常之濃味，蕃茄味好重，正👍🏻👍🏻👍🏻👍🏻我哋嘅主菜嚟到喇，平時你會喺出邊見到佢係一碟碟牛咁樣攞過嚟，佢present得好好，佢係一盤過咁樣拎出黎，中用牌放喺每一款牛下面，令我哋好清楚邊款牛叫咩名，香港好少見到呢種做法👍🏻👍🏻海鮮都係同一盤咁樣出嚟，排得好靚，成盤野出黎完全係呃like。講完賣相，當然試吓好唔好味啦，先是啲牛，每一款嘅牛味都有啲唔同，食落圡唔同牛款都有唔同口感，牛的濃郁度都唔同，我款款都鍾意食。而個海鮮拼盤，款款海鮮都有點，既新鮮，款式又多，不論聖子同扇貝都大大隻，食呢兩盤野真係飽左一大半。我個人認為一定要加$68，因為佢點丸好好味，佢地好明顯有細心揀過，每款丸我都覺

今日同朋友去打邊爐，呢間店位置好方便，就喺正地鐵站隔離，而且入面亦都佈置得好靚，好以好舒服咁同朋友傾計。呢度有好多拼盤可以選擇，加多$68仲有一啲火鍋料係任食既！自己去裝醬汁。任飲既飲品。湯式有蕃茄湯同埋麻辣湯式可以選擇，我地選左蕃茄湯底。拼盤方面，我地點左新鮮煽牯牛拼盤，呢個拼盤有好多唔同部位既牛肉，餐廳仲好細心咁將名牌放喺肉既旁邊，等客人清楚知道食緊咩肉。我地亦都點左海鮮拼盤，同樣都係好新鮮。仲有其他任點既火鍋料！

今晚係旺角想食完飯先返屋企，但今日用得太多腦又唔想諗食乜噤啱有人派傳單介紹呢間新開嘅店鋪，望吓原來係打邊爐，見有單點或一人份套餐火鍋，而且新張期內半價諗都唔使諗就上去試吓，上到去見門面和內裏個裝修真係似糧倉講明今日唔想再用腦所以唔睇單點，即刻睇一人份套餐，我選左新鮮煽牯牛拼盤，湯底要左鴛鴦湯底，另加$68指定火鍋配料任食和汽水任飲鴛鴦湯底：係重慶翡翠綠麻辣和超濃羅宋湯，麻辣湯好香，食落有d麻，甘香而辛辣羅宋湯有好多蕃茄和芹菜，入囗好香濃蕃茄味新鮮煽牯牛拼盤：有7款唔同牛嘅部位和牛丸，佢哋都幾細心每款牛都有名牌話你知係邊個部位，因為有d店鋪你只知道d牛好食但唔知邊個部位，想再encore時就唔識叫我首先試吊龍伴甘香三花趾有咬口挽手好腍滑匙柄牛味濃鮮牛頸脊有咬囗過三花趾雪花脖仁鮮甜嫩滑極品胼肥美甘香牛丸彈牙爽口瓜子雞餃，裏面餡料幾好味，有d類似雪裏紅個類鹹菜龍蝦沙律包咬開流心有粒粒蟹籽有淡淡wasbi味至於其他火鍋配料都好新鮮好好味，還有好多款韓國汽水選擇

顧名思義，天下糧倉牛肉火鍋專門店就係俾我地專門食牛既，見佢menu又唔算貴都係百幾蚊咁都值得一試！湯底叫左麻辣同埋羅宋湯。個麻辣好得意，唔係出面嗰種紅油，反而係綠綠地色。而羅宋湯其實就只係番茄湯😂，我認為就可以再濃味啲～我地叫左兩款牛拼盤，安格斯牛肉拼盤&新鮮煽牯牛拼盤～ 佢將兩款拼盤放埋一齊，仲有牌話我地知係啲咩牛，睇落好吸引呢😍各款牛都好好食呢，牛味重、口感絕對唔係出面任食邊爐果種牛！😆對於我地兩位食肉獸，就覺得份量可以再多啲啦～😆我地都加埋68$食啲火鍋配料，呢啲就正正常常不過不失啦。

今天正好在旺角見客戶，順便過來吃頓牛肉火鍋放題，讚👍鍋底一端上來，就知道味道一定與眾不同，果然沒有讓我們失望！麻辣味十足，辣椒🌶️跟花椒都特別鮮。一開始不是特別辣，但是隨著煮的時間變長，辣味慢慢滲入湯裡面，後面我們煮的烏冬麵跟娃娃菜都特別入味。而且這種鮮辣是特別鮮香，跟其他紅油火鍋完全不同！我們點了牛肉拼盤跟豚肉拼盤，還有好多丸子🍡肉質果然特別嫩，且上等！一口下去，你就明顯感覺到區別。服務員跟老闆都特別熱情❤️不時給我們加湯，加菜。任食兩個小時，完全可以讓你開開心心滿滿足足的好好吃上一頓！這次是跟同事一起過來吃的，一邊吃一邊聊聊工作，政治，生活，愛情💓哈哈哈，如果你喜歡你的工作，並在其中找到了滿足感，那麼每一天你都在享受，而不是苦逼的工作。完蛋，太專心寫食評，又坐過站了......首先，麻辣鍋底就是一大特色，用的鮮辣椒跟鮮花椒調製，加上清油，跟平時我們吃的紅油火鍋相比，更加健康，而且不熱氣。麻辣味道隨著打邊爐的時間變長，味道也會慢慢變濃，鮮味慢慢煮出來。豚肉跟牛肉，肉質鮮嫩，在鍋底裡面涮煮之後，蘸上自己調製的調味料，入口就是特別幸福的感覺。其他配菜是任吃的。最喜歡牛肉丸，一口下去彈性十足！

唔打唔撞上咗呢度，估唔到牛肉的確有驚喜！不過可能新店嘅關係，有啲火鍋配菜就未有得食住。呢度係做緊套餐加任食咁，牛肉/海鮮就一人一份，加$68就可以火鍋配料任食。我覺得價錢都幾抵。湯底我哋揀咗鴛鴦，番茄湯配麻辣湯底。麻辣湯底好正，好香、唔係好辣！最正嘅地方係佢唔會好多油，唔會浮着一層油喺面咁樣油淋淋我哋揀咗一個牛肉、一個海鮮。海鮮種類都唔少，一人份量好足夠！牛肉質素更高，每個部位都清楚寫明，真係每個部位都唔同口感！！！而且每一件都牛味好濃，牛頸脊口感柔軟得來有嚼勁，三花趾口感就似牛展爽爽地，極品肥胼就油脂好豐富海鮮最正係大虎蝦同埋扇貝！真係好新鮮相比之下火鍋配料就比較普通啦～五餐肉同鱈魚豆腐係推介，煮落麻辣湯嗰度食一流飲品主要係韓式飲品，選擇都唔少。第一次飲牛蒡茶，最好飲！我哋嘅結論係覺得呢間野性價比唔錯，可以下次拉大隊嚟食靚牛肉