天下糧倉牛肉火鍋專門店

营业中

休息中

有點小貴因為用原價加一但牛真心好食夾大用半價食真係好正一定要食新鮮煽牯牛拼盤可以一次過試哂咁多種部位全部都好香好好食和牛拼盤都不錯但比我揀我會只叫鹿兒島A4牛肩胛一口牛的確麻麻因為比較厚用黎燒會正好多手工餃十分有驚喜好香好好食整體黎講值得再戰

今次來到旺角百寶利中心的樓上火鍋店，店名叫天下糧倉，聽這個名很有三國feel，草船借箭那些感覺，幾特別。店內環境也有穿越古代的感覺。醬油區是一輛木車載著幾個木盤，放著不同的調味料，很有特色。盛載著湯底的器皿也是有龍頭的，很有霸氣。今次點選了蕃茄湯底和四川辣湯底，那就兩種風味都可以試。看到這盤肉就已經急不及待了，不同部位的肉都會有塊木牌放在旁邊標示，讓你清楚知道不同部位的口感以及味道會有什麼分別。其他配菜也是相當不錯，丸類餃子類等的款式有很多，比坊間其他店都還要多呢。這張像點心紙的，可以加68元任叫任食右邊的食物呀。這間店性價比很高，真的可以吃飽飽，就如店名一樣，十分豐富不怕不夠飽。這間店我會常來的，值得推薦!

火鍋專門店🍲]大肥肥👦🏻就梗係食肉獸啦，所以我地就去咗食牛肉火鍋2小時任食啦🤤我地就叫咗潮汕牛骨湯＋重慶翡翠綠麻辣鴛鴦湯底。麻辣湯唔算辣🌶，麻辣程度：譚仔三小辣，而且一d都唔覺得肥膩。牛骨湯嘅牛味超濃郁，白蘿蔔索哂湯底嘅味，粟米🌽好甜。-1️⃣安格斯牛肉拼盤 $113 (原價:$226)呢個頂級牛小排，安格斯牛頸脊，安格斯牛肩胛，潮汕牛肉丸，蔬菜🥬拼盤。一級肥牛真心大飽口福啦🤤牛味唔算特別濃郁，不過整體來講都幾嫩滑鮮甜，有啲部位仲爽囗彈牙添🥰🐮頂級牛小排:肉質鮮嫩🐮安格斯牛頸脊:呢部份做嘅運動最多，體脂較少🐮安格斯牛肩胛:口感軟滑🐮潮汕牛肉丸:爽口彈牙，牛味好濃郁🙆🏻‍♀️好味指數: 7.62/10 2️⃣新鮮煽牯牛拼盤 $178 (原價:$356)吊龍伴，極品肥胼，三花趾，雪花脖仁，牛頸脊，匙柄，挽手，潮汕牛肉丸，蔬菜🥬拼盤。🐮匙柄:中間有一條似鑰匙柄的肉筋紋路，入口柔軟超彈，超有彈性。🐮雪花脖仁:入口柔嫩多油脂，鮮甜爽口有咬勁🐮吊龍伴:香滑可口🐮三花趾:肉質酥脆，鮮甜多汁🐮極品肥胼:一層有厚度脂肪和一層紅肉真係好肥美🐮牛頸脊:呢部份做嘅運動最多，脂肪相對較少🐮挽手:油香味濃厚，脂肪較多，好肥

本身我係個好鍾意試新餐廳嘅人見旺角又開咗間打邊爐，Openrice訂位有半價 就諗住去試試去到餐廳門口 明明係晚餐時段入邊得兩台人食緊野已經有啲擔心唔知伏唔伏叫咗個招牌嘅牛同海鮮set 係半價既總加咗$68任食其他配料同飲品滿心期待佢個牛set 賣相係唔錯食落完全唔掂 冇乜牛味 海鮮料又要少買單兩個人加埋都要五百幾蚊 完全唔抵 仲要價錢已經半價咗唔值得去最好笑嘅係另外果兩枱好明顯係blogger食完完全唔使俾錢直接走人呢間野其實服務態度係OK 冇心要寫衰佢但係見呢間野有咁多好好既食評睇唔過眼

優質抵食套餐@天下糧倉 我好鐘意打邊爐，早陣子朋友帶路下去了旺角新開的天下糧倉打邊爐，餐廳就位置百寶利商業中心，地點非常就腳易搵 餐廳生意非常好，到晚上十點幾仲係好多人，如果人多來打邊爐必然要先訂位比較安心。裝潢好別緻，最重要係坐得舒服冷氣又夠凍 新開期內 單點食品有半價優惠! 我地人唔太多，店員推介我地叫SET，一個SET包括了指定的食品，之後加$68可以任飲各式汽水和任食其他生料，計落既可以食多D款式又抵食一點 任飲的汽水都是韓國飲料 我不愛汽水，但這個牛蒡茶卻是非常清熱又可口，不禁飲了好幾支  混醬區 多款湯底都別具特色，我們也愛辣，美女店員推介下我們點了鴛鴦鍋，一邊是潮汕牛骨湯另一邊是重慶翡翠綠麻辣!重慶翡翠綠麻辣用上青泡椒同京蔥做材料，既香又麻，開始時不是很辣，但湯底愈煮得耐，味道會愈辣，但真係辣得好過癮， 我們點了安格斯牛肉拼盤$113和海鮮拼盤$178各一份 一人份安格斯牛肉拼盤$113CP值超高，雖然量不萛好多，但每一片都是上品 可以食到不同部位既牛肉 個人最喜歡是安格斯牛肩，肉味重，油脂雖然不多但不韌又嫩滑，

同朋友去完旺角行街, 就周圍睇下有咩食, 上 openrice search 到呢間火鍋, 就上來試試原本我都唔知道呢度有食肆, 以前買團購就有黎過攞! 但原來都有好幾間上到去個招牌唔算好特別, 但我好喜歡, 簡簡單單, 但經已帶到個信息我地叫咗牛肉同海鮮 set, 再加$68可以任食丸類, 菜同飲品兩個 set 上枱時好驚喜, 餐廳排得好靚, 好有心思!估唁到牛肉有咁多款式, 雖然其實唔太識分, 但各款牛都厚切, 有咬口海鮮都很新鮮, 不過就第一次用螺打邊爐, 都係炒較為好味!個蝦好實肉, 又開好邊, 方便客人!

聽朋友講旺角新開咗間火鍋店，又講到好好食咁，所以今日就同朋友嚟呢度食晚飯！餐廳裝修好靚，有啲中國特色，門口嘅霓虹燈牌都好靚，座位都幾舒服。我地點左兩個拼盤套餐，分別係海鮮拼盤同埋新鮮煽牯牛拼盤。其中個牛拼盤有唔同嘅身體部位食，仲好細心咁有塊牌介紹個名，而海鮮拼盤嘅海鮮都好新鮮，唔錯！我哋就叫咗個鴛鴦湯底，分別有牛骨湯同埋重慶翡翠麻辣湯底，重慶麻辣湯底嘅辣度適中，對於我呢啲係譚仔食三小辣嘅人黎講真係已經好足夠😆，而牛骨湯底嘅湯底都好清香，唔會好油！我哋仲叫咗個$68任選火鍋配料，有好多款唔同嘅食物可以叫，飲品同埋醬料都係任拎，好抵食！

The 50% off all food attracted us to go there on a Monday night. It was quite empty with just 5 tables. We ordered two sets ( Angus beef $118, special halal beef $178) and wanted to add $68 for all-you-can-eat fish balls, vegs etc but was told that as we booked via openrice so offer of adding $68 for all-you-can-eat doesn't apply, which is annoying.The beef was really tasty but small portion. The vegetable platter that was meant to come with it was even small, had two types of veg about 6 leaves

旺角有新嘅火鍋店，就係天下糧倉，招牌寫住佢係牛肉火鍋專門店，睇嚟牛肉應該有返咁上下質素睇吓餐牌有咩食，首先就梗係叫咗個鍋底先，見到重慶翡翠綠麻辣個名咁得意，就問下店員係咩嚟嘅，店員話呢一款綠麻辣湯底用嘅係青泡椒同京蔥做材料，湯底會相對冇咁油同埋香啲，所以我哋一於試試佢，我哋叫咗鴛鴦鍋，配左羅宋湯底，因為我都冇試過用羅宋湯黎打邊爐至於打邊爐嘅配料方面，天下糧倉有供應一人拼盤，有唔同嘅肉類及海鮮拼盤，好處就係唔需要每個人都揀一樣既拼盤，另外仲可以以優惠價任食另一頁嘅配料係等個鍋底期間，就出去雪櫃攞野飲同埋醬料過咗一陣個鍋底就嚟啦，好香呀，即刻好肚餓呀，第一件事梗係要試吓個羅宋湯，個羅宋湯底好足料，唔係罐頭湯，做有好多牛腩粒喺裏面，個湯已經好好飲我哋叫咗一個海鮮拼盤同埋煽牯牛肉拼盤，海鮮嘅種類好多，有聖子，大蝦，青口，東風螺，扇貝等等至於煽牯牛肉拼盤，裡面包括左好多唔同部位既牛肉，好多都未見過，幾特別，味道都唔錯個羅宋湯越食越好味，個辣湯都唔錯，唔需要加醬料都幾夠味，有咁好味既湯底緊係要食返個烏冬，完美地結束呢一餐

上刀山落油鑊為求就係豐盛而且美味既一餐。今次小編搵到一間新開張既鋪頭，而且係佢地限定期間，所有拼盤都半價呀！咁有誠意，咁真係要去試試佢。/頂級豚肉拼盤 💰139 7⃣️點5⃣️分依款拼盤包含鹿兒島黑豚肉眼、鹿兒島黑豚梅肉、西班牙黑毛豬腩肉、頂級五花肉。而且仲附送蔬菜拼盤及潮汕豬肉丸。/新鮮煽牯牛拼盤 💰139 7⃣️點5⃣️分好明顯就係潮汕牛肉火鍋既主角們，吊龍伴、雪花脖仁、匙柄、五花趾、三花趾等大人物，當然都一樣附送蔬菜拼盤及潮汕豬肉丸。潮汕牛肉火鍋對牛肉每個部位都十分講究，甚至係佢地食既順序，從瘦到肥，咁先會令個湯底更加入味。輕輕講下佢地既五花趾脆彈可口；匙柄就入口軟熟得黎不失彈牙，極有拉伸感；吊龍伴呢就軟嫩細膩而肉汁鮮甜飽滿！其他既牛肉食落個口感都各色千秋，反正依個拼盤係高汁啦！如果真係叫左依款拼盤既小食貨們，記得熝既時間唔洗太多既，因為佢哋d牛肉都幾新鮮同切得啱啱好，所以真係好快可以食到。/任食火鍋配料 💰68 7⃣️點5⃣️分價錢十分划算，只是沒有太大既特色，所以略言有點普通。但68蚊可以任食既質素來說，都係高質同抵食ge。/鴛鴦湯底（麻辣&番茄）7⃣️分麻辣湯底香濃而且油份唔會過多，而且只要落左配

呢間野新開張，我鐘意食打邊爐既朋友search到就帶埋我黎試下咁。有隻牛牛幾得意。有個醬料吧同飲品櫃自已任拎。因為唔太想食海鮮既關係，我地也無叫佢最貴既和牛餐，而點左一個安格斯牛同一個新鮮牛既餐。另外旁邊有一排可以任食既菜，我地主要點既係金針菇，娃娃菜同餃子。因為佢預你無限任食配料，所以一碟都唔會俾太多，唔想等既朋友可以一次過叫多少少。湯底方面，點左辣湯同番茄湯。我地兩個都覺得佢既辣湯唔太辣，岩啲唔太鐘意或者唔太食得辣既朋友食下。牛肉方面，佢會一次過一整盤上，望落去好令咁放左啲牌，俾你知道自已到底食左啲咩肉既部位，幾特別。而肉方面，我個人覺得新鮮牛既口感會軟身一啲，易入口一啲。不過整體黎講，兩個拼盤既牛既質素都相當唔錯。係一入口就食得出係高質啲。整體黎講，叫得牛肉專門店，牛係真係唔錯既，好食

打邊爐真係食極都吾厭架係香港，真係一年四季都可以打收到閨蜜報料旺角又開左一間新邊爐店「天下糧倉」佔盡天時地利嘅我，一收工就可以衝過去.踏出LIP門，就已經係邊爐店啦裝修設計以古代糧倉為主題座位寬敞，吾會有壓迫感冷氣夠涼，又吾會愈食愈熱，吾錯.由於新開張嘅關係，拼盤套餐係半價共有五款拼盤，以牛為主有安格斯牛肉，煽牯牛，A4和牛亦有海鮮同豚肉最平$113就有交易，而飲品仲係任飲添真係超抵加多$68，就可以任食26款火鍋配料冇理由吾加呀？P.S. 醬料費每人$10.有吊龍伴，極品肥胼，三花趾，雪花脖仁牛頸脊，匙柄，挽手，蔬菜拼盤同潮州牛肉丸我地完全吾知佢地係牛嘅邊一個部位結果真係邊食邊GOOGLE吊龍伴其實係牛脊背下嘅小部分肉，口感香滑極品肥胼係牛腹部夾層肉，油脂較多牛味香濃三花趾係上臂部分，肉質爽口富肉汁雪花脖仁係牛肩胛肉最近頭嘅部分，密麻嘅雪花賣相吸引，入口柔嫩而油脂多，有嚼勁牛頸脊就食得多，口感結實又爽嫩匙柄係脖仁更下嘅部位，口感柔軟富彈性挽手近牛胸，牛味最濃，啖啖油香真係第一次食牛食得咁刁鑽我地嘅結論係匙柄最好味.有大虎蝦，聖子，扇貝，脆鯇腩半殼青口同東風螺大虎蝦好大一條，食落爽口彈

今晚又去左打邊爐，但今次揀咗呢間位於旺角鬧市新開上樓舖，地方雖然不大，但勝在坐得舒服，而且食物質素都唔錯，價錢亦合理。一坐低店員遞上點菜紙，好細心地為我們介紹每一款拼盤及套餐，套餐尚有五款，包括海鮮類，豚肉及牛肉，適合各人唔同口味。我哋三人每人各選一款再加$68元可任食火鍋配料。 新鮮煽牯牛拼盤$178 一人份量已經有七種不同部位的牛肉部份，還有牛丸及蔬菜，份量亦不少，牛肉色澤紅潤，紋理清晰可見，脂肪比例亦平均，食落去有咬口而且牛肉味濃。 海鮮拼盤$178 有蟶子，大虎蝦，扇貝，脆鯇腩，半殼青口，東風螺等，蟶子輕輕淥至離殼就食得，口感爽口，鮮味十足，這裏的海鮮樣樣新鮮，食到舔舔脷。 頂級豚肉拼盤$139 豚肉來自鹿兒島同西班牙，肥瘦平均，肉甜油花非常甘香，不同豚肉位置食落有不同口感。

香港人中意打邊爐既程度真係無野可以阻擋到🤣無論天氣幾熱都好，都一樣唔會停！今日又黎試新野食，見到朋友打卡個牛肉拼盤好靚，係旺角又就腳，剛剛又去咗試試！我就係比呢個拼盤吸引咗，有個牌仔寫咗咗肉既部位，勁貼心！咁多款入面我最中意三花趾！超級爽口，有嚼勁咬口！食落好香牛味，而極品肥胼入口即溶，正！呢個係$178既新鮮煽牯牛套餐～另外我地仲叫咗個海鮮拼盤，同樣係$178！分量大大份，非常豪爽！海鮮新鮮👍🏻👍🏻第一次用東風螺打邊爐，非常鮮甜！醬油可以自己調配～而湯底方面我地揀咗2種湯底，一格辣一格唔辣！辣既係重慶翡翠綠麻辣，有好多花椒，食到一半條利勁麻，同我一樣中意刺激感既麻辣同好一定覺得正！而唔辣既就揀咗潮仙牛骨湯！湯底有好多牛肉粒，真材實料！因為d牛肉本身高質，所以就咁清湯更加食得出牛肉鮮味！覺得唔夠飽可以揀加$68任食其他配料同飲品，或者係單點食品！試咗手工雲吞係好好味！勁多蝦，啖啖肉！仲有比較少見既龍蝦沙律包！

去親旺角百寶利中心都不外乎買波鞋或者紋身，但其實當中仲有唔同小店，今日就同男朋友去咗5樓一間天下糧倉，主打半放題打邊爐🙆🏻🙆🏻餐牌上有幾款肉類海鮮拼盤比大家選擇，身為食肉獸嘅我同男朋友就叫咗一份安格斯牛肉拼盤同頂級豚肉拼盤，湯底就叫咗番茄濃湯同埋牛骨湯，而且升級$68就可以任飲😍😍飲品種類唔算多，但係當中有一個牛蒡茶無糖👍🏻👍🏻打邊爐再加佢就一流，荔枝烏龍茶都相當特別🤤🤤 湯底一上枱，見到牛骨湯撈起好多蘿蔔同牛腩，但係價錢講緊鴛鴦湯底只係$76，🤑🤑胃口唔大嘅人淨係個湯底都已經食飽一半，而且蕃茄濃湯番茄味都好重好濃😍😍之後肉類拼盤上枱，無論豬同牛每一款肉類顏色都好新鮮，每款牛唔同部位食落口感都好好，但係只係普通酒樓打邊爐或者出面普遍火鍋放題永遠都食唔到嘅感覺 😍😍雖然只係半自助，但其實任食Menu對已經包含普通打邊爐所需嘅基本嘢食， 當中最出色就係手工韭菜餃同埋雲吞，全部都係自己包，皮薄但係肉質好彈牙而且韭菜味好出，絕對唔係街邊貨食到，而且鮮蝦雲吞口感都好彈牙，死嘅口感唔會死咕咕👏🏻👏🏻大家去百寶利其實都可以幫襯一下呢間小店，價錢其實同全自助火鍋放題一樣但係講到性價比同質素，火鍋放題