天下糧倉牛肉火鍋專門店

营业中

休息中

$217 120分鐘任食牛肉火鍋，抵食到爛。入到黎先揀好湯底，加$17可以揀鴛鴦鍋。我哋揀咗四川紅麻辣鍋同牛骨湯底。想介紹下佢哋嘅四川紅麻辣鍋，味道好濃，真係夠曬麻夠曬辣，上到枱會見到一堆嘅辣椒同花椒粒，落料真係唔手軟。叫左盤包哂所有款式嘅牛肉。有澳洲m7和牛，牛板腱，安格斯牛肩，一級肥牛，卦門柳，澳洲和牛金錢展，牛脷片同鮮牛肉。本身比較鍾意食牛肩同牛板腱，但估唔到佢哋嘅鮮牛肉會係最值得試，極鮮嫩極滑。唔夠食仲可以再order，鍾意食牛肉嘅朋友真係可以嚟試下呢間火鍋店。另外佢哋仲有唔同種類嘅肉丸同少量海鮮和菜可以選擇，當然粉麵嘅種類都唔少。甜品方面，佢哋只有一款大板牌子嘅雪糕，但係就有好多款口味可以選擇，連伯爵茶味都有，少少驚喜～

今晚去天下糧倉，聽講佢嘅和牛放題好正，慕名而來試一試， 舖頭位於旺角地鐵站E出口行出嚟嘅行人專用區入面，方便到極上到去揀完湯底，店員已經即刻捧咗盤和牛拼盤出嚟盤和牛真係大盤到驚人！包含咗八款牛肉，每款牛嘅數量都好多而且油花分佈平均，呢度嘅牛唔係A5嗰種食兩片都飽滯嘅，而係濃濃牛味，唔㑹韌亦唔㑹凈係得成口油咁，相當啱我口味！最好味係澳洲M7和牛，最濃牛味係封門柳，最爽口彈牙係牛舌，而牛肩胛同牛板腱就平平均均咁今次嗌嘅湯底係芫茜皮蛋，嚟到嘅時候嚇一跳，直頭係爆茜，成個煲都係芫茜，未食過任食火鍋食到咁濃嘅芫茜湯，芫茜控必試！肉類係掃QR code落單，其他粉面蔬菜丸類就自己出去攞，鵝腸好味，午餐肉厚切好正甜品就係啲香港製造嘅雪糕，支持本地生產，質素都唔差旺角呢啲旺區難得搵到一間可以靜靜地同朋友傾偈嘅火鍋店，和牛拼盤夠特別質素又超班，會再嚟幫襯！

據聞呢間火煱店啲，任食牛肉好得又多種類選擇，加上價錢合理，所以3月25日星期六，揾食肥華聯同靚媽，大仔仔一行三人便到此店，試食呢個牛肉放題餐，是日17：15便到達此店，成為第一枱嘅顧客，由大仔仔話事，點了個牛骨湯做煱底，而最先上枱個牛肉拼盆，真係精彩非凡，一盆内有八款牛肉選擇，而且味道甚好，肥華感覺剩食呢盆牛肉都值回今餐，放题價錢，再加上此店要顧客自取的火煱配料，質素亦OK，又有多款飲品及雪糕選擇，最重要竟然在一個星期六嘅日子，在17：15至19：OO呢段時間内，食到結賬為止，此店都係得肥華一枱客，變相肥華呢餐係包場食火煱，真係夠晒豪💯👍✌️

今日超忙碌，收工已經過了晚飯時間，真係好想食個痛快才回家～剛巧同事話不如食放題打邊爐，話有好推介,仲要有多款牛肉選擇，但價錢超合理，我係牛魔皇，真係好難拒絕 🫢$217任飲任食120分鐘+醬料每位$13有八款不同種類牛肉選擇澳洲M7和牛👍➡️Prime 牛板腱➡️安格斯牛肩－級肥牛➡️卦門柳➡️澳洲和牛金錢展👍牛脷片👍➡️鮮牛肉👍選咗湯底(都有數款選擇)之後，店員會上一盤多款牛肉，份量足夠～唔會吝嗇，唔夠仲可以添加🫣個人比較喜愛鮮牛肉▶️非常滑溜，牛脷▶️爽口~另外，自助區都有好多種蔬菜，丸類，麵類選擇，飲品選擇眾多，仲有多種鴻福堂飲品，無糖飲品👍甜品區~雖然得一隻大阪雪糕牌子，但有多款口味選擇❤️真係可以滿足牛魔王的朋友❤️店舖座位不算太多，記得要訂位❤️性價比高，如果惠顧雞煲，仲可以無限添加雞

天氣有點涼，收工決定同朋友去出名食牛既火鍋店，性價比超高，一個放題價錢就可以食到多種類既牛，特別係任食澳洲和牛。 🍲湯底湯底種類繁多，所以特登揀左鴛鴦鍋，潮汕牛骨湯同秘製沙嗲鍋，的確有驚喜。牛骨湯鮮甜，不油膩。秘製沙嗲鍋味道好特別，淥牛肉一流，唔會影響牛肉味道，湯底既配搭令肉汁更好味。🍲自助區自助區食物同普遍火鍋店差不多，應有盡有，更有鮮蝦同青口，愛食蝦既朋友可以大食特食，食物新鮮。醬料都有好多種類，可以隨意調配自己中意既口味。另外雪糕區雪糕味道都有唔同種類，今次試左蜜瓜味，有日本蜜瓜雪糕的味道。🍲牛肉不止牛肉種類多，份量更加超級誇張，二人份食到捧住肚走，分別有鮮牛肉、安格斯牛肩胛、牛板腱、牛脷片、澳洲和牛金錢展、澳洲M7和牛、封門柳和一級肥手。每一款牛都十分新鮮，而且爽口彈牙，超級出色。性價比果然超級高。

之前食過幾次都好正😍自從前牌屋企人返咗嚟之後就一直諗住帶佢哋嚟試吓呢間！前幾日終於帶咗佢哋去食，真係好正！我哋揀咗究極和牛放題，湯底揀咗鴛鴦湯底，分別係四川麻辣湯底同埋沙嗲湯，四川麻辣湯底真係一望都覺得驚咗😂啲辣椒多度！食粒星人必點！而沙嗲湯底配牛肉就正到爆💜👍和牛：牛肉一共有8 款，包括：-澳洲M7和牛-封門柳-安格斯牛肩胛-牛板鍵-一級肥牛-澳洲和牛-金錢展-鮮牛肉每款牛都好高質素～每一款牛肉上面都放有名牌方便知道～好貼心❤️其中我同屋企人最愛牛板鍵😋有種獨特嘅奶香😍而肥牛，個人就覺得肥咗少少，適合碌耐啲另外仲有自助甜品 、飲品同蔬菜區～值得一提嘅係佢啲雪糕都好好味❤️質地好creamy～咖啡味都好濃

自問要求唔高，諗住打邊爐食材ok 就唔會太差見其他食評家影啲相咁靚仔，價錢又唔算平寫晒牛肉部位起碟牛度以為冇死掛起旺角附近就Walk in試吓啦大約7:45 一入到去唔使等枱先唔評論湯底點知佢全部牛肉比9成放題餐廳最低檔次牛肉仲要差，走個時睇番發現真係有3份一牛食唔落因為真係太難食，d肥牛全部同香口膠冇分別其他部位我一定冇其他餐廳質素第一次食放題食量重少過單點真心價錢完全對唔住質素一定無下次仲好意思收醬油錢兩人埋單$570唔收卡賺到你盡

最近天氣急降，梗係同老公去打邊爐，今次第一次去朋友推介嘅呢一間旺角任食究極牛肉火鍋放題！啱晒我同老公呢一款牛魔王，朋友食完都大贊牛肉種類多，價錢都非常合理！一於就試試佢！店舖面積唔算大，但都簡潔乾淨，平日晚上人多記住要book位。坐低後先叫湯底，再揀自己喜歡嘅肉類，種類都非常多，有澳洲M7和牛，Prime牛板腱，安格斯牛肩胛，一級肥牛，平時好少食到嘅封門柳同埋澳洲和牛金錢展，另外仲有牛脷片同埋鮮牛肉～ 我同老公每樣都揀咗啲來試！湯底方面，我哋就揀咗個沙嗲併豬骨粟米鴛鴦湯。自助區都有丸類，蔬菜類，同少量肉類提供，好驚喜有豬腩片鴨胸同埋青口！飲品方面，除咗有韓國汽水之外，仲有啱晒我嘅無糖茶類，又有啱晒老公嘅清熱解毒鴻福堂支裝飲品，覺得今餐絕對值回票價🧡🫶🏻職員服務質素都好好，會自動幫你不停加湯，加分！我自己最鍾意澳洲M7和牛，牛脂均勻，油味甘香，食到停唔到口，另外仲有手切封門柳，牛微算濃郁，質地軟滑，但記住唔好滾太耐！老公就最鍾意澳洲和牛金錢展，好濃牛味，細細塊又易入口，配稻庭烏冬一流，另外我哋兩個好鍾意嘅一款就係鮮牛肉，除咗超級滑溜又薄切之外仲好濃牛味！之後我地都order左多轉！好推薦

📍天下糧倉牛肉火鍋專門店好耐無打邊爐了，今日就打邊爐啦！揀左尼間以牛出名嘅火鍋店！！因為佢一個價錢就可以享受唔同類型嘅牛🐮，超級抵食🥳🥳重點係仲要有澳洲M7和牛任你食😋😋🥢湯底（潮汕牛骨湯+四川紅麻辣鍋）潮汕牛骨湯煲得好香，重點係個湯底唔油，攞來淥素菜食，超正，唔會太油而頂住個胃食唔落其它🥳🥳四川麻辣湯底勁誇張，辣椒🌶️多到爆炸，仲有成個紅油塊係入面，見住佢慢慢溶化，好解壓😌😌而且個湯底都係唔會超油，唔會食食下覺得好滯。🥢自助區出面都多種類嘅菜品可供選擇，重點係全部都幾新鮮下，同平時放題嘅菜品差唔多啦，中規中矩。飲品選擇都算多，有茶類，汽水同涼茶粉面區都多選擇，有烏冬公仔麵尼啲，最特別係佢仲有銀針粉。自助調料區嘅醬料豐富，竟然仲有好特別嘅醬汁，上面寫著秘制油碟，有興趣嘅可以try try 。雪糕區有五款口味嘅雪糕，試左朱古力同海鹽。個人鍾意朱古力🍫多啲濃香牛乳朱古力雪糕真系好正，雪糕好滑，唔會有冰粒或者好難食到🥳🥳🥢🐮牛肉份量大到誇張😱😱超級滿足，第一次見放題可以一次性上咁多塊牛😍😍肉質好嫩，兩個人食尼一盤係超滿足😌😌全部厚度適中，唔會薄到好似張紙咁，係啖啖肉嘅快樂🥳🥳🥳十分推薦大家來食

$217就食到8款牛肉？！湯底揀咗潮𣳈牛骨湯同沙嗲，牛骨湯嘅粟米好甜，湯底相較之下比較清淡，沙嗲亦都有花生粒粒，好濃味，唔使加豉油都已經好好食😋醬料區竟然有麻油！！好香啊🥹🥹仲有好耐冇見嘅福字麵🤣🤣牛肉有八款，自己比較鍾意澳洲和牛金錢展，澳洲M7和牛。金錢展每塊好薄，淥幾秒就食得，彈牙爽口，M7就唔使講，肥瘦適中有牛味😋 牛脷同鮮牛都正，鮮牛勁滑，唔鞋~出面配料方面仲有鵝腸、大腸同青口等，油麥菜都好甜好食~飲品方面選擇都幾多，有甜嘅有無糖嘅，而最後仲任食牛乳雪糕添👍🏻

無意之中喺旺角搜尋到呢一間火鍋店諗住試吓，OpenRice網上預約咗，一入去嘅時候竟然得一台客即刻有啲擔心，跟住見到個環境唔大比較黑暗，佢有幾款湯底有啲係要加錢，我哋叫咗個唔需要額外收費嘅牛骨湯，種類唔多丶沒有任何海鮮只有簡單嘅蔬菜雜丸，佢係屬於比較舊式嗰種自助形式，湯底到咗之後自動上一盤肉！我哋三個女仔食都食唔晒，牛肉正常冇乜特別，或牛有啲黑色所以唔敢食。優點係冇乜人傾偈舒服嘅，10:00我哋好似包場咁，唔好諗住味道會有啲咩驚喜不過二百零蚊呢個價錢我覺得合理，轉個頭11點好多人入嚟就多咗四五張枱，開始熱鬧少少越夜越精彩，原來因為呢度收2:00，喺旺角來講佢打邊爐算係比較夜又可以傾偈都係一個選擇之一

話說當天星期五我同個朋友即興打邊爐好多地方都book唔到，全部full booking見到呢間有，二話不說book左仲要我地落200訂，心諗都冇問題既，點知去到，地方殘舊都算，得冇味既牛肉食（多款又如何）想俾錢叫海鮮都冇態度又差食到尾聲，我地都其實只是在吹水（冇野食），個老闆竟然走過黎話我地限時2個鐘已夠鐘…..無言，出面冇人等位，有幾枱客都走左，大把位剩，識唔識做生意？博我幫親多支啤酒唔好？請我都唔黎，不知所謂，唔怪得得你冇full booking

好幾年前肉食badboy已經同朋友一齊嚟食過，事隔多年再嚟都係性價比咁高🤤一嚟就一大盤各種部位嘅肉都上齊，非常架勢🤭不過badboy得兩個人，又食咗tea，最後食唔晒啲肉🥲覺得好浪費🥹感覺都係同多啲朋友一齊嚟食會好啲🤭食完頭一輪又可以追加自己偏好嘅肉。Badboy比較偏好安格斯牛肩胛、牛板腱、牛脷片。安格斯牛肩胛有肉味亦比較嫩口，牛板腱嫩得嚟比較爽口。牛脷片都係爽口彈牙有嚼勁。湯底有好多款，badboy揀咗比較清嘅豬骨粟米湯。另外其實仲有好多嘢任食，有丸有有菜有菇有青口等等。雪糕得一個牌子，幾款口味嘅大阪牛乳雪糕，口感味道都同其他雪糕好唔同。兩個鐘牛肉火鍋放題真係食得好飽🤭啱哂鍾意食肉嘅食肉獸，不過就算係平日晚都幾full，最好訂定位先😉。

今次同大家介紹呢間牛魔王必食之店。同一般嘅放題火鍋店唔同，呢間餐廳只有一個Set，$217+$13醬油費，一次過可以食晒和牛、prime牛板腱同埋安格斯牛肩胛😍餐廳座位唔多，我哋Weekday嚟食6:00打後booking 都已經full晒，大家黎試嘅話記得book定位🙈湯底🥘我哋揀咗潮汕牛骨湯底，可能因為湯底加咗粟米嘅關係，有少少清甜嘅感覺感覺，牛骨嘅味道唔太多。肉類🍖肉類嘅選擇絕對係一大賣點，呢度有得嗌澳洲M7和牛prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉除咗肥牛同埋鮮牛肉之外，其他質素都幾好，M7和牛、prime牛板腱、安格斯牛肩胛油花都幾靚。值得提一提嘅係，店家一開始會一大碟牛肉咁樣上嚟，各種牛肉都有。如果唔想食咁多肥牛同埋鮮牛肉嘅可以事先同佢哋講定，咁就可以留返個位多啲食其他貴價等級🙈值得一讚嘅係當我哋加牛嘅時候，店家都大大碟咁樣上，一啲都唔吝嗇👍🏻👍🏻👍🏻咁就唔使嗌好多次啦配料🥗麵嘅選擇都幾多，有公仔麵、福字麵、烏冬等等。但係打邊爐嘅配料就比較少，而且個人覺得質素一般般。飲品🥤飲品方面選擇唔錯，除咗有汽水、韓式飲品選擇之外，亦有鴻福堂👍🏻咁樣即使食

性價比高既和牛火鍋放題！位於旺角百寶利商業中心，店舖空間的確唔大，但都五臟俱全。以任食和牛做主打，一共有8款牛可以任食🥰，啱哂喜歡食牛既你，包括：澳洲M7和牛Prime牛板腱安格斯牛肩胛一級肥牛封門柳澳洲和牛金錢𦟌牛脷片鮮牛肉8款叫齊，成個拼盤一齊上好壯觀☺️個人好鍾意Prime牛板腱同安格斯牛肩胛，肉質鮮嫩，油脂均勻；牛脷片好爽口；但最鐘意一定係澳洲M7和牛，超嫩滑超香濃🫶🏻🫶🏻湯底叫左潮汕牛骨湯，好濃郁好夠味。其餘既配料都係係雪櫃自取。款式雖然唔算好多，但食牛都抵🙌🏻下午4點半至9點半入座每位$217；9點半後都係$198咋（醬料費每位$13；星期五六日及公眾假期另加收$13；有加一）。