天下糧倉牛肉火鍋專門店

营业中

休息中

旺角抵食牛肉火鍋專門店 究極和牛放題 $217起 店員會先俾預設有齊 8 款牛肉嘅拼盤好重份量 樣樣都可以試唒😍食唒呢一盤已經好夠飽！但都要encore 一次澳洲M7和牛 入口即化好好味安格斯牛肩胛好重牛味 都好正！亦都推薦鮮牛肉 較似沙嗲牛肉麵嘅牛肉 口感特別滑！湯底選擇咗肉骨茶鍋藥材味湯頭好香濃 夠晒補入面有大量排骨 仲有粟米 用料好足！食得太多肉 配料就拎返多啲蔬菜自助區雪櫃嘅蔬菜都乾淨新鮮 仲有鵝腸同豬大腸都幾唔錯 同肉骨茶湯底好夾 補給庫仲有銀針粉拎 好耐冇食過都拎一包試吓 總括價錢合理 食到咁多牛好滿足 尼度真係啱晒牛魔王下次會想加錢試埋奇味雞煲 可以無限添雞㗎

如果想一次過食到唔同部位、唔同口感既牛，呢度的確係一個唔錯既選擇～因為呢度人均大概二百幾蚊就可以任食不同牛肉，當中仲有和牛食添！！！店內一旁係自助區，可以自行調配醬料～亦有不同種類既火鍋配料、飲品同雪糕添😚😚呢晚同朋友加錢轉配左做鴛鴦鍋，中意食雞煲既亦可加錢轉配，咁就連雞件都可以任食🤤🤤我哋既鍋底分別要左蕃茄蘿宋湯同喇沙湯～呢兩款湯底都好濃郁，做得好出色👍👍👍前者酸甜開胃，後者椰香帶辣，味道濃厚💕湯底到場後，店員就會送黎一盤牛肉拼盤～當中既有澳洲和牛、安格斯牛肩胛，亦有牛板腱、封門柳、一級肥牛同鮮牛肉，連牛脷同金錢展都有！！！大部份既牛都偏向薄切，好快食得😆😆不過當中口感各有不同，牛味亦各有層次～朋友中意食較重肉香既封門柳，而我就最欣賞較為嫩腍既和牛✨✨所以我地都有encore咗自己既心水牛肉🤗🤗可以喺兩個鐘頭食盡牛牛，又有其他配料同雪糕任食仲有不同款式既飲品可以揀都真係食得好爽下架🤣🤣🤣

今日屋企人話想食放題，當然要即刻去安排啦。而作為一個牛魔王🐂梗係要黎試下🔆天下糧倉（究極和牛放題），呢間鋪主打牛肉，我同屋企人嗌得最多嘅係一級肥牛&M7和牛😍真係超級滿足，勁好食🤤肥牛肉質細嫩、口感豐富，色澤鮮紅，入口即化，带有濃郁既肉香同甜味。肥牛的脂肪含量高，而肉質又鮮嫩多汁‼️點睛之筆就係湯底係潮汕牛骨湯啦，啲湯有濃郁既牛骨香味，同埋有肥牛嘅加持。真係冇得頂😋😋😋✅自助區響鈴卷/香菇🍄/紅腸/豆腐/各種味嘅小丸子😊/蟹柳🦀/青口😍/鴨腸👈超爽口✅飲品區主要係茶類超級解滯/甘蔗汁/綠茶/烏龍茶/五花茶/銀菊露/紫背天葵/雪梨海底椰汽水類：可樂（亦有無糖）/芬達/七喜✅湯底螺片鮑魚雞煲/奇味雞煲/肉骨茶/重慶翡翠綠麻辣鍋/四川紅麻辣鍋/番茄羅宋湯/喇沙湯/潮汕牛骨湯/芫莤皮蛋鍋/豬骨粟米湯/秘製沙嗲鍋/鴛鴦鍋整體而言，食物種類未算多，但樣樣都係精品，上菜速度都好快，一盤食完即刻有下一盤，個人認為係好抵食，高汁之選👍👍最後再以雪糕收尾，一流😋😋😋

朋友減肥所以揀左一間火鍋食~主要係佢可以努力食菜同蛋白質!!!牛肉就岩啦..我地搵到呢間抵食的餐廳有多款牛揀..我地全部都試晒!!!我呢就最開心有日本的雪糕任食~!!!揀左比較清的莞茜皮蛋湯底!!足料到呢...睇相就知..個湯係好猛料~呢個價錢任食任飲黎講真係抵試..食牛都賺返晒..跟住就係主菜喇..佢有好多牛比你揀架..我地就一次過揀晒..因為主要係...諗住食牛!HAHAA牛黎講呢..我地就最鐘意食安格斯牛肩胛, 牛脷片..呢兩樣我地食完再ENCORE左...佢的鮮牛肉的口感都幾好架!!

最近去咗旺角一間天下糧倉牛肉火鍋專門店，聽個名已經知道係牛肉專門店😈 佢嘅究極和牛放題套餐，只係每位$246(+10%)，就可以任食澳洲M7和牛啦，真係好抵食😁一坐低唔洗叫野食住，店員會即刻比一份有8款牛肉嘅拼盤，樣樣都可以試哂。最高質梗係澳洲M7和牛啦！佢嘅和牛肉質鮮嫩，薄切淥一淥就食得，入口即溶🥰 鍾意牛味濃嘅朋友可以食封門柳，有濃厚嘅肉味，油脂少啲無咁肥膩。如果你係個牛肉控，呢間餐廳就一定啱你😏佢嘅放題套餐除左牛肉，仲有其他嘅食材例如丸類同蔬菜，都係任食。自助吧仲有多款醬料，可以配合唔同嘅口味。至於湯底我揀左肉骨茶湯(+$28)，真係好濃郁，湯底材料都好充足，有大量豬肉同藥材，好入味😁食完熱食之後仲可以去凍櫃任食雪糕，有成4，5隻味咁多，我就食左最愛嘅香芋同朱古力味，滿足哂😁

-成日揀唔到食咩嘅時候 打邊爐 燒肉 日本放題呢類型就最啱心水今次嚟咗呢一間火鍋店 💁🏻‍♀️天下糧倉牛肉火鍋專門店幾年前同朋友已經嚟過一次最有印象就係果盤好有份量 好吸精嘅牛肉拼盤▫️究極和牛放題▫️今次我地揀咗鴛鴦鍋🍲 - 蕃茄羅宋湯x秘製沙嗲鍋除咗牛肉之外 所有配料都要自己動手去出邊嘅自助區攞喺*補給庫*可以攞你要嘅醬料😅另外蔬菜🥬丸類 飲品🧃 甜品🍦都喺雪櫃入邊任拎牛肉分別有8款唔同風味及部位🐮一級肥牛🐮封門柳🐮澳洲M7和牛🐮澳洲和牛金錢展🐮牛板腱🐮安格斯牛肩胛🐮牛脷片🐮鮮牛肉同行朋友比較鍾意M7和牛💁🏻‍♀️雪花均勻👍🏻有油香 入口即溶😍我自己幾鍾意封門柳同埋牛板腱💁🏻‍♀️肉味比較濃 😋有咬口又唔會太肥膩

✨究極和牛放題呢到只有一個餐 兩小時任飲任食店名寫明係牛肉火鍋 當然主打係食牛肉 其他火鍋配料就唔會有好多選擇湯底有11款選擇 除咗普通湯底仲可以額外加錢要特色湯底或雞煲今次揀左豬骨粟米湯 湯底夠味 粟米好甜肉品任點只有牛肉 共有八款 包括澳洲M7和牛 Prime牛板腱 安格斯牛肩胛 一級肥牛 封門柳 澳洲和牛金錢展 牛脷片同鮮牛肉 有唔同部位 各有特色 牛魔王應該會好滿足另外出面可自取 其他丸類 蔬菜同麵類等配料 飲品同雪糕亦有多款口味同種類選擇總結：火鍋配料種類唔多 上菜速度快冇漏單 任食兩小時時間充裕環境服務正常 價錢大眾化 性價比高

好耐無去百寶利個邊食野，個度一直俾我感覺係係好抵食!!今日揀咗打邊爐，之前都見好多人打卡嘅天下糧倉🤭一入到去你一落單揀好湯底，店員會上一大盤牛肉(有齊哂任食嘅牛肉list)，仲要好細心有名俾你易啲揀到你鐘意食嘅可以encore!!份量唔少野，我哋2個人都無再點牛肉🤣由頭帶到尾！我哋點咗沙嗲湯，見到幾圍都係😝好正！勁濃！！再落鮮牛肉即刻想起茶記嘅沙嗲牛麵👍🏼牛肉質素高👍🏼特別係牛肩胛同牛脷片!!勁香，肥脂分佈均勻，有咬口!!由於個湯底好濃，就算食菜都勁好食！！我哋專揀吸湯嘅野食，例如豆腐，枝竹，烏冬，金菇！里啲全部係外面自取好方便！而且啲料都好新鮮！特別要試枝竹，唔少野，勁重豆味！飲品方面，有汽水，茶類同鴻福堂任你揀！怕熱氣嘅我，就揀涼茶啦當然🤣

🌃 餐廳位於旺角百寶利商業中心5樓，鄰近於旺角港鐵站E2出口， 餐廳主打究極和牛火鍋放題，餐廳以簡約木色設計，以4人枱為主，座位不算多，繁忙時間需要等位建議預早時間book位，而大堂設有多個自助吧。.🤠通粉foodie 就叫了 究極和牛放題 ， 於平日下午六時入座， 價錢為$246，另需加一。.🥘湯底💟 小編叫了潮汕牛骨湯， 飲落味道比較清甜，牛骨味唔算好濃， 用嚟打和牛邊爐就啱曬， 會較容易食到和牛嘅原汁原味😋.🐄 一開始嘅時候，店員會首先呈上牛肉拼盤，擺盤十分之靚， 讓大家影相打卡，之後再淺嚐八款牛肉， 之後係可以任食嘅😍， 八款牛肉分別有 澳洲M7和牛、澳洲和牛金錢𦟌、Prime 牛板腱、安格斯牛肩胛、一級肥牛、 封門柳、牛脷片同埋鮮牛肉。💟 個人喜好當然任叫澳洲m7和牛喇，油脂分佈呈雪花狀，淥一淥就可以食，雖然未做到入口即化， 但係油脂又幾甘香，回本嘅首選， 如果想牛肉味濃郁啲就建議食封門柳， 係咁多款入面牛肉味最濃嘅部位😋.🍴 跟住去睇一睇個自助區先， 因為主打食牛嘅關係， 自助區配料都唔算太多， 海鮮方面有蝦🦐， 其餘有蔬菜類，唔同款式嘅丸類， 另外有生筋同埋響鈴，而麵食都

牛牛我又黎la🐮今次黎天下糧倉食120分鐘究極和牛放題，$217/位，任食牛肉有唔同種類既靚牛任叫任食自助區都有丸類、菜等可以任拎，不過我就focus係牛度任食，食牛食到好滿足！我就最仲意澳洲M7和牛，肉味香濃又嫩，食几多盤都仲好想食！以依個價錢黎講真係抵食ga，任食靚牛兩個鐘，食几盤都回番本la🤤仲開到凌晨2點添，宵夜想打邊爐都無問題！我都encore左好多盤牛肉啊，約朋友係度聚會一定好盡興！

打邊爐最鍾意食牛，見呢間餐廳大大力推自己有多款唔同部位及產地嘅牛肉，大眾化放題嘅價錢，而且仲係任點無限追加。入場9:30，宵夜價217，醬料另加13，火鍋嚟講抵食。先揀湯底，有4款免費湯底，其他on top收費，揀咗芫荽皮蛋，芫荽量爆晒煲，湯底非常清。調味料係自助嘅，選擇都好多，見到有麻油，另外有個秘製醬汁。◾︎牛肉拼盤任食牛肉總共有八款，基本上會預先砌好一盤。澳洲M7和牛、牛板腱、安格斯牛肩、一級肥牛、鮮牛肉、封門柳、金錢展同牛脷片，試完邊款最啱自己再無限encore，但係一盤絕對夠兩個人食，真係冇辦法再encore。八款牛油脂唔重，口感行先，咁多款牛，質素表現都平均，各花入各眼。其他配料都係自助嘅，取名補給庫，有幾種蔬菜菇類，丸類，蟹柳腸仔，牛柏葉、鵝腸，不過食牛都好full，都係留肚。飲品甜品，大同小異，中規中矩，唔少係涼茶類飲品，支裝罐裝簡單方便。

牛魔王又出動！朋友介紹西洋菜南街一間樓上火鍋店，和牛放題連加一醬料錢都只是二百多元，公道的價錢食到8種不同部位的牛肉，性價比高，非常吸引。坐下首先選擇湯底，之後店員捧來雙龍頭的鐵鍋，分隔開芫茜皮蛋湯和潮汕牛骨湯。芫茜皮蛋湯有超多份量的芫荽，啱曬一眾芫荽控。潮汕牛骨湯則有白蘿蔔、粟米和京蔥。兩個湯都屬清爽型，更能食到牛肉原味。其後店員用一個托盤把8種牛肉一次過奉上。全部牛肉都新鮮紅潤，不是硬綁綁未解凍，睇得出有誠意。當中我最愛澳洲和牛金錢展和鮮牛肉，前者爽，後者滑。蘸點沙嗲醬好好食。客人還可隨便到雪櫃自取其他打邊爐食材，雖然只有兩個雪櫃，但青口、豬腩片、鴨胸、鵝腸、午餐肉和丸類等都很齊全，還有各式蔬菜及主食，其實都相當豐富，跟本試唔曬。最後來杯雪糕作結。雪糕口味甚多，推薦海鹽和伯爵茶。

收工梗係要食餐好，嚟咗旺角呢間天下糧倉食2hr火鍋放題， $247一位超級抵食，性價比超高，而且環境都唔錯，食得滿足☺️火鍋湯底叫咗秘製沙嗲湯，沙嗲嘅香味非常之突出，而且食到有少少微微地嘅辣，令到成個湯底嘅味道更加昇華🤩鍾意食牛嘅你更加唔應該放過呢一間，一上場就一個超巨型嘅牛拼盤，有牛脷片、鮮牛肉、牛肩胛、肥牛等等，牛味好濃郁，簡直係肉食者嘅天堂🤭火鍋配料嘅選擇都繁多，有芝士腸、響鈴、青口、蟹柳、烏冬等等，我個人最鍾意食佢嗰隻自家製嘅烏冬，烏冬相對幼身，而且非常索味，非常掛汁， encore左2 rounds 😍飲品方面選擇都好多，有齊碳酸飲品、茶飲、健康飲品等等，今餐食得非常之滿足，值得再encore🤩

香港有好多放題火鍋店，亦都好多食牛嘅舖頭，今日就黎到，旺角一間叫做天下糧倉聽聞都好多唔同部位嘅牛入到嚟位置唔算好大，得幾個位，火鍋店計，其實佢都算靜，唔算好多人呢度係放題嘅形式，但係佢會喺每一堂都送上一大盤嘅牛基本你食完都飽咗都唔使再嗌佢有唔同種類嘅牛肉安格斯、澳洲和牛牛舌、等等等等等等本身我對佢嘅和牛期望都幾高，因為我見到佢油脂都幾靚，但係另外有啲失望擺入口唔算好嫩滑唔算好有牛味，其他都叫做不過不失，但係唔會有種想再叫嘅感覺牛舌金錢展叫做還可以佢湯底都有唔少嘅可以揀，我就揀咗皮蛋芫荽芫荽唔算好新鮮，落咗好多芫荽個湯底都唔係話特別濃郁，皮蛋仲有少少石灰粉出面一啲醬料區，$18 1位，比較特別嘅係有銀針粉叫然後菜類腸丸，都係自己夾嘅種類就唔算好多啦我總結一句二百幾蚊唔算特別貴，但係唔係特別好食，但係如果想傾吓偈嘅話呢間都唔錯，因為九點入座都可以，而且都靜靜雞

一言難盡，唔建議食，劣質呢個價錢570/2位，大家可以有其他選擇當日去到(約7點)成間店黑黑地，完全一個客都冇心諗 中伏見其他人post牛啲相望落又唔係好差又話ok 就諗住比個機會試過真係冇下次！