天下壽司 (已結業)

今晚一家人到了這~平時看食評看得多,今天終於可以試試了~原來比元氣好食n萬倍~坐又坐得舒服n倍!但價錢是差不多的!食物好新鮮~!連爸爸這麼咀尖都讚好!帶子好鮮甜!正~還有很多特式的壽司!有新意又好味!服飾一流~話說姐姐和爸爸搶著要簽卡~姐姐給了東亞卡,爸爸叫侍應收他的匯豐卡那侍應很細心的提醒說:東亞卡有9折,仲送雪糕!一定要再來!看來這裏會成為我們常到之處!但奇怪怎麼如此少人呢!?我想大約店裏只坐了一半的客人....不用等位,也是一件好事吧~?

I'm not sure if this restaurant is normally so quiet but last night only a few tables were occupied. I find this strange as the food quality was definitely not bad with lots of variety. My favorite is the 蟹膏sushi and cream of corn soup (haha... funny)! Tempura and tonkatsu were fried upon customer order, rather than made ready and sogged in oil. But the uni wasn't too good though. I really don't understand why people would wait in big long line ups at other sushi restaurants where I do not s

靚太與家人一向喜歡去Hotel的日本餐廳, 認為有一定的信心保證. 最近發現屋企附近開了一間廻轉壽司店,無想過去光顧,因為不是我杯茶, 但看到POSTER內有一位日本老師傅,駐埸, 於是和HONEY覺得可以一試. 入到餐廳的第一種感覺是寬敞,地方潔淨.我坐在老師傅前, 點了一盆魚生拼盆, 拖羅. 海膽. 池魚. 三文魚.牡丹蝦, 嘩! 真係有酒店水準, 魚鮮有口感. 再問師傅有什麼壽司好介紹, 他幫我們ORDER了A5和牛. 鵝肝.海鰻和蟹糕壽司, 飯正宗, 又點了些小吃, 味道也不錯. 甜品還吃了柚子和芝麻雪糕. 想不到比酒店還好. 埋單HKD750.00. 簡直超值. 酒店價肯定TRIPLE. 各方面都超驚喜, 下次一定再來.

之前睇完呢度d食評,介紹左個friend去食,佢話好正,有90分添... 今日終於有機會去食,感覺就.... 環境好high,樓底又高..人又唔多, 好有高級日本餐廳feel,因為只坐得3成客...一開始叫左一堆壽司,有鰻魚,三文魚,針魚,甜蝦,玉子...再加個生牛肉壽司.三文魚比較腍, 鰻魚~~oh.. 點解會係咁架..乜d鰻魚唔係熱架咩?點解係雪藏架... 玉子-都係失望,舊蛋係mass production果種,好硬.甜蝦比較好d,隻蝦新鮮有睇頭. 針魚有咩特別..至於個生牛肉,35蚊一件,不過冇"叮"一聲o既感覺.第二輪:鹽燒三文魚頭,炸軟殼蟹,鱸魚壽司,立魚壽司,炸蝦露荀卷,附味魚生飯...三文魚頭都好難做得唔好, 炸軟殼蟹就ok,有d鮮味, 鱸魚有d腥, 立魚唔夠爽,炸蝦露荀卷反而係較為突出,蝦鮮,露荀爽,魚生飯個賣相好特別,一個飯團咁大o既反加一堆魚生, 個碟仲有好多日本沙律醬同d燒汁咁,味道不過不失.我朋友就好ok.. 我就覺得一般, 成晚最高峰都係得一半滿, 出品一般,價錢又比較高, 我唔係咁睇好..以$180/人o既價錢, 可以更好...如果夜晚搵唔到位食飯,可以黎

之前同男朋友第一次去"天下壽司",好多野都唔錯,壽司,甚至剌身,以及炸物,其中A5壽司是本人覺得一樣很好的壽司,肉質鬆軟,有牛味,直至上星期再去幫親時,有樣食物要講一講,就是天婦羅,之前食既時候,都有一個月前,天婦羅炸得很脆,而且賣相都很好,但今次大失水準,本人叫左一碟南瓜和番薯,開始食既時候,食到中間有少少"濕濕地"既感覺,好"梅",炸"將"好很定未炸得透,雖然我對食物唔係太了解,但一定係炸"將"問題,之後再點左一個雜錦天婦羅,都係咁,由其是d蝦,表面尚可,但內裹仲係好"林",前排食既時候我都覺得好好味,但呢幾次去都好差,天婦羅上面既"將"又冇花,賣相同味道都比之前差很遠....唔知佢係咪轉左師父,總之同2-3月時差好遠,好彩之後order左一個"牛肉烏冬",唯一依然好食,希望他們盡快改善。

以呢類型既壽司舖，水準屬於高級，可以與豐及板前相比．但係講到環境同服務質素，天下壽司就真係無敵．講種類，可算是俾足心機，深海池魚，雞魚，蟹仔，馬肉，A5肥牛等等．可惜一般香港人未必可以接受．其他機本壽司，例如帶子，油甘魚，三文魚，未見突出，但件鰻魚壽司就與其他壽司舖有ｄ唔同，都算幾香．枱上的餐具很精緻，仲用埋布枱墊，一般餐廰都好少用．整體黎講，真係籍得再去．星期六７點半都見唔到佢爆棚，可能係落雨，又可能個位唔就腳．．．希望佢做得住啦．

辣椒女聽人說，這裡幾好味，看過食評都唔錯，便決定來一試。我們叫了活赤貝刺身、針魚壽司、油甘魚壽司、醋鯖魚壽司、魚壽司、拖羅壽司、海膽壽司、帶子壽司、軟殼蟹手卷和炸南瓜番薯。活赤貝刺身- 切得好靚仔、看外貌就知新鮮，很爽口但甜味就唔多夠，雖然份量唔多，但以這樣的價錢，也值得一試。針魚壽司- 魚肉雖然唔屬於爽口，但都算唔錯。油甘魚壽司- 唔算好高檔的貨式，所以沒有油甘魚應有的香味，但好在幾新鮮又爽口。醋鯖魚壽司- 魚質口感幾好，也算不錯。魚壽司- 味道唔錯，但自已唔算喜歡。拖羅壽司- 這樣的價錢，也不會要求很高檔的拖羅，部份有根，也是可以接受。海膽壽司- 有點點甜味，唔會出現腥臭味，已經算是這樣的了。明知唔會很好，已經比想象中好了。帶子壽司- 帶有點點沙粒，帶子唔夠爽口，有點點粉的感覺，唔多得。軟殼蟹手卷- 軟殼蟹炸得好脆、但沒有什麼肉，就好像食薄脆一樣，紫菜唔脆又韌、明顯好唔新鮮，實在非常失敗；看來來這裡是不適合食手卷的。炸南瓜番薯- 炸得幾香脆、雖然不是日本南瓜和番薯，但都算幾好食。價錢唔算貴，也不能要求太高檔的食品，食物算是這樣吧；而且侍應又主動添茶，也算是不錯的了。

朋友J話賀我好番晒去勁食一番，日本菜不嬲都係我飛彿，想食好d既壽司，板前本是good choice奈何太迫人太多人等到人都忟，高價的如見城又唔想朋友破費，所以諗諗下就黎左呢度，上一次同媽咪黎食lunch都ok!人真係唔多，成晚都唔full，不過又唔算非常冷清。呢度比一般迴轉壽司店舒服很多，有空間感。侍應生亦非常有禮!睇睇重頭戲食左乜...海膽壽司-- 新鮮份量唔少，正!Toro壽司-- 油香同肉質皆是水準之作，雖然係$35/PC, 值呀!池魚刺身-- 成條上，雖然唔係活魚，但係仍非常新鮮，我偏好濃味既魚(如秋刀，沙甸)，呢條魚掂呀!而之後拎去炸既魚骨亦非常可口!($150唔算貴!)燒雞泡魚乾-- 意外地非常好吃，讚呀! 有魚味而燒既味亦好香，加上少少沙律醬，yummy!!!! 燒鰻魚-- 非常厚身條魚本身又夠肥，d鰻魚醬又幾好，好味呀!其餘仲叫左少少壽司..帶子(唔錯)，赤貝(ok, 可惜唔係成隻o個d)，蛋(比較失色)，朋友的軟殼蟹手卷聽聞亦不俗!可能我食唔慣，佢d飯比較酸左d..但都係可接受程度(朋友完全唔覺呢!)可惜，我唔敢飲酒住，所以冇叫到sake一邊飲一邊食...好滿足的一個

早排經雜誌報導以廣為人知，第一次去係星期六，要等一小時，在沒法等。於是星期一再去，都要等十五分鐘!食物質數~ 好, 夠新蘚、款式又多環境~ 閒日去較為靜，可和朋友談談心本人已去過六、七次啦! 還有九折咭

當你一進入天下壽司,整個雅緻的環境會給予大家有別於一般迴轉壽司的感覺!當大家再留意心一下,便發覺有一位十分專業的日本師傅細心,誠懇地炮製精各式各樣的刺身及壽司,連其他小師傅也給予我一種整齊,專業及不兒戲的感覺,這相比起其他所謂出名的迴轉壽司那些名不附實,寓工作於娛樂的"師傅"已有明顯的差距。在食物方面,從最簡單的三文魚、吞拿到貴價的馬肉、深海池魚及牡丹蝦,一樣一絲不苟。而服務方面,可能係人流不多的關係,亦算態度慇勤,又可頂座,地點亦就腳。從製作、食物水準、環境及服務因素四方面,總體水準是上佳之作,與同行相比有過之而無不及,但人流不多使我感到奇怪,希望可藉此食評為天下壽司帶來人流,為各位食家帶來口福!!!

同意其他人對門口果位"穿便服"的人說的話,比較奇怪?!咁岩可以坐係日本師傅前排既位置,邊吃邊看師傅的神情~記得曾到過日本既同事跟我說過:日本人很認真的對待工作,在工作時即使同事與同事之間也沒有半句閒話,各人埋頭苦幹"這次終於可以看得到~觀望著師傅認真既神情,令我聯想到成功背後既艱辛~食品,在味覺上沒太多既驚喜~整體感覺板x還是教好一點~不過有其中兩款做得比板x好:5A和牛:肉厚,吃落是有質感有油香的,與板x那片肉薄如紙兼冇味的和牛真是天淵之別~TORO碎:好像是釀了一點點的鹽,不用沾醬油,吃下有種不一樣的感覺~男友嚐遍3款前菜,他說很好~離開時聽到師傅們:多謝晒~!感覺到不是一般行貨的叫聲~整體每一個員工也訓練有素~

年頭時看到雜誌介紹，說這裏的日本師傳很堅持，香港師傳則勇於創新，而且客人不多，環境舒適又不用排隊，很值一試云云。那晚約七時來到，剛有一pair人在等位，一位沒穿製服的女仕不停道歉解釋，說他們平時較靜，雜誌出街後人多了，招架不來... 本以為那pair人因訂了位而不能入座所以投訴，但實在那位女仕全晚不停跟客人這樣說... 有點奇怪。時間相隔甚遠，對個別菜式的印象不深，只記得迴轉帶上多是卷物，不甚吸引，所以我們都是按餐牌點菜較多。而且是第一次來，本著不妨一試的心態，前菜、湯、炸物、手卷都點來試試。可惜整體味道都沒有預期好，刺身亦不是特別新鮮，確有點點失望。而當晚日本師傳是在場的！結賬後正想動身離開，前來收拾的女侍應突然問我們吃了雪糕沒有，說是送的，還熱情的介紹各種口味、幫我們安排。雖然感激她的熱誠，但反之對剛才幫我們結賬、看來較高級的員工竟沒有提醒我們，心裏不禁再扣了點分...http://home-and-garden.webshots.com/album/557061357uZpFnH

同男友終於黎左試啦, 今次係男友主動話黎ge. 等左一陣先有位, 不過都好快, 5-10min la.d壽司好特別. 我地食左好多, 全部都好味.尤其果個乜乜牡丹蝦壽司($35/pc), 係好好好味! 蟹膏都好好味! 炙帶子膽都好味! 其他都好好味ga, 我地仲叫左個鹽燒三文魚頭, 都幾好. 油甘魚刺身好正. toro都好鬼死正($38一塊).service好好, 好有禮貌, 唔錯.環境又靚, 我覺得唔似一般壽司店的格局. 總之就幾好啦. 個toilet都算乾淨.total $490. 絕對有下次呀!

我在三月十一日，再次去天下食壽司，因為以前成日去食，所以同日本師博好熟，第一次去的時侯，食他的海膽，非常甜。但現在食就好腥，而我首選係拖羅，去到就一定要試！

美道同環境都好, service好, lunch set好抵食, around $38! d 壽司新鮮, d飯唔會一夾就散, d薑仲好好味! 價錢同平日大家去排餐死o既壽司店都差唔多, 我好推薦大家去天下食, 舒服好多ga!