天下壽司 (已結業)

其實未食這家壽司店之前真是有d好感，但是食了之後真是失望．１）壽司很鬆　２）魚生無鮮味３）貴．若這價錢食這質素食物，倒不如比多少少食見城or壽司德．起碼食物質素高好多．

媽媽生日, 一家人特意o黎呢度食壽司環境: 不錯, 坐位闊落開揚, 坐得好舒服服務: 都ok, 2位女侍應就無乜表情, 另一個男侍應看似日本人, 識講廣東話, 而且很有禮貌食物: 韓泡菜吞拿魚壽司, 很特別, 都幾辣的 三文魚, 吞拿魚, 帆立貝壽司等很新鮮, 比峰壽司細舊, 略嫌飯有點鬆散 最正係帶子, 好鮮甜, 好味 仲食左三交魚帶子芒果卷, 鰻魚牛油果卷, 意大利火腿芝士卷, 加洲卷等食物+ 環境, 感覺好清新lunch時段唔多人, 可能同位置有關吧, 如果開係nathan road會好好多

「天下壽司」絕對是值得一去再去的壽司店~ 無論食物美味度、材料新鮮度、食物款式數量都比得上「峰」及「板前」，環境跟服務更比這兩家有過之而無不及。這兩家壽司店猛開分店，水準保持不了，但人龍卻依舊。反觀這店可能地理位置的問題，而且作風十分低調，所以食客不多，但只要光顧過的，一定會讚不絕口，再三到訪~========================================油甘魚壽司$25 ─新鮮得我要瞇上雙眼細味~ tenny 說：「有厚度。」所以大大提升滋味程度。玻璃蝦壽司$15 ─侍應推薦的~ 玻璃蝦真的「蝦」如其名，晶瑩剔透。有鮮味，但不算很強。有口感，彈牙。我喜歡這多於熟蝦或甜蝦。海膽拖羅蓉壽司$30 ─拖羅蓉很新鮮，但海膽的海鮮味更強勁~吞拿魚壽司$20 ─跟油甘魚一樣，也是很新鮮和有厚度，滋味得很。海鰻壽司$35 ─tenny 知道我愛吃海鰻，就點了這給我吃~ ^ ^ wow，只看賣相已足以嚇倒我了! 好棒的presentation! 還沒吃已覺得很吸引。吃下後，好正哩，「芝」味十足，醬汁搭配，風味更佳! 而且，海鰻大大條的，讓人好滿足~~~獨家tips: 不要分開來吃，

與美女大學同房相聚，到她大力推介的天下壽司。地點不算易搵，但因為咁樣，所以無排長龍的情況出現，而且全晚都坐得好悠閒。裝修格局走高檔路線，空間感強，一ｄ都無小鋪既感覺。細看餐牌，價錢與坊間連鎖壽司店差不多。先來第一輪壽司三文魚、甜蝦、吞拿魚、鰻魚－－飯唔會一夾就散！！就算板前都無呢個質素，鰻魚燒得唔錯，魚生新鮮。雜錦天婦羅－－愛吃炸物的我對天婦羅向來要求不高，所以輕鬆過關。第二輪火炙三文魚－－魚脂豐腴露昏炸蝦卷－－露昏雖小，依然爽口，與飯的醋味好夾。燒魷魚筒－－有少許un，始終爐端燒唔係佢地主打　另外再o係廻轉帶拎左三碟壽司。談笑間又到十點，總共坐左三個鐘，服務態度一直勤快。貌似日本人但操廣東話的師傅架勢十足，手起刀落，再拿起一小束大根絲，一碟漂亮刺身就上場了。食左咁多，埋單都係$209，質素高得驚人，但價錢亦平得驚人，實在難得。同房，我地將來仲有機會做同房的！

知道呢度風評不俗。大熱天時，"清清哋"食吓壽司都幾好...去到剛開門，只得小弟及另一對情侶幫襯。始終呢度位置都係有少少僻，希望佢哋可以頂得住la...一定揀坐壽司bar，冇計...本來又打算散叫，但見lunch set有雜錦壽司，連沙律、miso soup同甜品都係五十多大洋。第一次幫襯，簡簡單單叫個set都叫穩陣ge，如食過OK先叫埋太太嚟散叫甚至omakase la...先食口酸薑清清味蕾，開動...壽司款式屬大路貨，始終係lunch set，都唔好有乜期望--- 三文(最討厭)、tai、熟蝦、北寄貝，蛋、蝦蛄...材料都算新鮮，特別係北寄貝，texture十分軟熟，跟其他普通壽司舖嗰D韌過柴皮嘅貨色，不可同日而語...雖然有自己最最討厭嘅三文魚，但用嘅竟然係魚腩部份，相當肥美，咁又唔同...飯揑得幾鬆軟，並冇一夾即散嘅毛病，醋份量亦下得剛好，合格有餘....絕對值得一試。呢度係一間水準被低估咗嘅壽司舖...板前? 每次見到外面排晒長龍就真係忍唔住笑...行多兩步嚟呢度食好過la..

深海池魚兩食，刺身上，刺身用一款較酸的汁陪，齋食還新鮮味，之後師傅會收起上第二輪，令人回味的炸魚骨，想起武俠劇入面常用的"化骨掌"，d魚骨炸得勁鬆化!再來一客拖羅混入兩款沙律醬，好鬼野味.依家行開尖沙咀，不再懵lu，想食日本野，總洗乜排隊企到腳軟，先食到好味道的日本菜.

都說壽司店競爭激烈，類似價位質素的壽司店俯拾皆是，這間位置較僻的便成為人所忽略的好店。這店的價錢其實和板前峰等相若，但壽司飯黏性高醋味濃，不會如一般的一夾即散，不俗；燒物點了較新的雞骨腸，味道較佳也不膩，可試；而亦由於他暫時人數不多，總算讓人可安心的靜靜聊天，服務亦較妥貼，整體感覺良好，是那種會翻頭吃的店。若排板前和花亭峰排得瘋了，這裡確不妨一試。

我同老公兩個人去食，叫左‥‥三文魚壽司＄１０　雖然唔太肥美﹐但好新鮮，以咁既價錢黎講﹐可以話係超值！鰻魚壽司＄１０　我自己無食﹐我老公話唔錯．拖羅壽司＄３５（一粒）非常好食﹐入口即溶，食落無渣‥‥好正呀！三文魚＄１２同埋蔥吞拿魚手卷＄１５﹐好多材料﹐唔似坊間一般多飯少料．雜錦魚生飯＄１２０﹐一上到菜時，我淨係見到ｄ魚生，多到見唔到飯，ｄ魚生係平時食刺生個ｄ黎﹐有玉子﹐三文魚﹐吞拿魚﹐池魚﹐甜蝦﹐八爪魚﹐全部都好好食﹐係八爪魚有ｄ鞋‥‥食完冷盤之後就到熱食啦﹐叫左，麵豉燒大蜆＄８８　得八粒﹐其實都唔係咁抵食，最慘就係個麵豉醬﹐佢唔知加左ｄ咩野落去，搞到又油又咸﹐好難食﹐我食左兩粒就無食哪～燒羊扒拌青口＄８８　個兩塊羊扒燒得太熟﹐鞋哂唔好食﹐青口又係燒大蜆果個汁，即刻唔食！燒三文魚頭＄５５　個魚頭唔錯﹐不過唔知點解唔係成隻燒﹐切開左５粒黎燒﹐變左ｄ肉比較乾身﹐唯一敗筆係個沾汁﹐好咸好酸﹐好難食．基本上食魚生類係絕對無問題﹐可以話係超值﹐抵食﹐但ｄ熱食完全唔多得囉‥‥又貴﹐我埋單要五佰七十幾﹐下次都係醒ｄ哪～

手卷一流，必食！1) 吉列炸蝦手卷$15 -好脆口，但只得一隻炸蝦2) 軟穀蟹手卷$15 -也很脆口，好味過板前千萬不要叫魚類壽司，超難食！1) 針魚$15 -好似食像皮膠一樣2) 魚$20 -極之唔新鮮壽司類:1) 三文魚$10 -一般啦2) 墨魚$15 -好細件3) 蟹棒$15 -好乾身，口感唔太好食4) 北奇貝$15 -好食5) 赤貝$20 -好食6) 象牙貝$15 -好食7) 玻璃蝦$15 -無特別前菜1) 珍味螺肉$15 -太濃的湯，唔好飲！一品料理:1) 雞軟骨串$20 -麻麻地現用東亞信用咭，食滿$300，有九折及送雪糕一客。可以打電話book位！

味道ok, 基本上大路壽司都ok.要彈既只係個a5 和牛壽司, 有"根" 的, 亦無入口即溶的感覺, 唔太值.如果去板前, 峰, 又要排大隊, 呢間好d, 價錢差唔多, 又有得book, 環境都ok, 如果5 6 個人, 坐order 木台, 都食得幾舒服.

上周4午飯專登去食"天下"，步入店子發覺人很少! 坐在bar table叫了帶子壽司，厭她的飯粒不夠黏，米微暖.海膽花之戀-海膽有少少說不出的怪味，不像新鮮，但整體連厚切三文魚吃下，口感不錯，米卻冷了少許.面豉湯-d紫菜碎碎很難嘴饞..很差勁..蟹膏壽司-真的很惹味，不用點醬油，咸味適中.難得不用排隊，優閒地吃，真的不錯.

21/6和朋友在這裏吃生日飯環境清幽,樓底頗高,有空間感,没有一般日本迴轉sushi店侷促的通病,店員服務殷勤,同三五知已係到閒聊,簡直係件賞心樂事望著琳瑯滿目的餐牌,好多創作sushi,好多野都好似好吸引,都唔知點choose,又唔係樣樣野都有相睇,haha,憑直覺la最後我地點了玻璃蝦-名字太吸引,太特別,比普通蝦有咬口,但唔係好特別,ok laA5和牛-件牛個質感唔錯,好咬口,贊油甘魚-好厚的油甘魚呀,都係好有質感海膽花之戀-佢d三文魚sashimi切得好厚,好長,d海膽都落唔少,好新鮮,有鮮味,唔腥,夠大件,仲要只係$30/2件,激贊蟹膏軍艦-好足料,好滿足,食得出新鮮的蟹味,唔知咁多蟹膏要係幾多隻蟹先有咁多呢,$25/2件,又係要激贊什錦天婦羅-唔油,ok雞軟骨串燒-gd,燒得好好,唔油炙帆立貝鵝肝-原來呢個一客有2件,佢餐牌印錯左,呢個又係惹味之選,好好味牛油果鰻魚卷-佢加埋d醬同芝麻,都幾得,不過如果多d牛油果會更好軟殼蟹卷-呢個haha,可能太飽,有d滯xx魚-ok,條魚好好咬口,但我唔記得乜名波菜龍蝦-特別的名字,波菜取代了紫菜包住d飯,係飯上面再擺滿龍蝦仔,我欣賞佢

朋友仔的五重驚喜!!!!其中一重就係帶左我黎呢度補返半年前欠下的生日飯XD仲訂左位坐係大師傅面前麻煩的小朋友們係咁問佢問題好奇心爆哂燈佢又樂於解答又教我地正宗日本食法仲請我地食佐酒小吃同深海池魚!!!推介必吃：拖羅池魚海膽花之戀海鰻兩個人食左三十幾碟六七十件!!!經理請飲兩枝熱清酒老闆娘請吃甜品全部staff都好nice呢好滿足好快樂最後要再謝朋友仔^^五重驚喜都很美妙*

約了朋友在佐敦食午飯，因朋友喜歡食日本，想來想去，還是這間比較好一點。我們叫了南瓜番薯天婦羅、鹽燒三文魚頭、皮燒日本鱸魚壽司、魚壽司、海鮮炒烏冬、鰻魚炒飯和汁燒魷魚筒。南瓜番薯天婦羅- 上次食過，水準唔錯，今次再食，也算幾好；炸得金黃色，食落脆口又唔會太油，雖然不是正宗日本南瓜和番薯，但以價錢來說，都值得一食。鹽燒三文魚頭- 份量偏少，可能條魚都幾細條，每人只有一少件，有點唔抵的感覺；好在味道都燒得唔錯，都可以一試。皮燒日本鱸魚壽司- 這種魚偏韌身，還帶有一點魚味，朋友就好唔鍾意，相信都不是每個人可以接受；但自問自已都唔算喜歡。魚壽司- 這種魚偏淡味，但好有質感，而且夠新鮮。海鮮炒烏冬- 份量都係比較少，海鮮還算新鮮，可惜炒得唔夠入味。鰻魚炒飯- 飯炒得一粒粒金黃色，不會一舊舊，幾好；味道就比較偏咸，可能鹽落得重手了一點；鰻魚就比較少，有點像食蛋炒飯的感覺。汁燒魷魚筒- 今次最失敗的一味，面淋上的醬汁太甜，魷魚煮得太熟，好韌好難食，我們每人食了一件便放棄了。大部份食物都算幾好，可惜份量就真係少d；價錢都唔算貴，可以值得再來的。

I totally agree with Mega-scene after visiting this place on last Friday (Jun-8), people should stop queuing up in long lines. Their Sushi dishes are fresh and delicious! Must try:1. A5和牛壽司2. 蟹膏壽司3. 深海池魚壽司4. 白象拔蚌壽司5. 活赤貝刺身I will definitely go back again.