天下壽司 (已結業)

八時幾，尖沙咀地帶，想食壽司又唔想等，板長和花亭板前一定無可能，諗起呢間一定有，於是順理成章由美麗華前來。坐普通檯，三五知己傾計方便，不太餓，隨意點選幾款壽司：燒鰻魚：本人喜歡熱辣辣上檯，可惜這裡的不夠熱，食落口時已凍了，不過味道是不錯的，至少沒有烘火農的味道!醋青魚：好鮮味，酸酸的，適當的魚味，好味道!帶子：肥美而甘香，有口感!章紅魚：厚厚的，入口即溶的感覺，好有口感，好滿足!三文魚：睇賣相就知道幾肥美，又一力作!吉列蝦：香脆可口，唔油膩，同D飯及紫菜碎簡直係絕配!忘記甚麼名字：但不得不提，面頭充滿了蟹子，食落口真係逐粒逐粒爆比你知，新鮮得佢呢...個口感好獨特，食迥轉壽司要有此效果，直到目前為止，本人就真的止此一家!!其實呢間真係有水準，有日本師傅坐鎮，價錢亦大眾化，又唔駛等位，侍應又殷勤，唯獨是隔涉左D，唔通就係因為咁而做唔起?!?

成日見到網友話不過遺忘呢間壽司店, 專成同男友過黎試下, 地方其實吾難搵, 雖然係有"了能", 我地六點幾到到, 一入去都打個突~無人既.......跟住我地揀左坐bar, 對到正個日本師傅, 睇住佢整野, 一打開個menu, 就見到果個師傅原來就係老細, 正呀~我地order左蟹籽沙律, 蟹糕軍艦, 三文魚帶子芒果卷, 丹蝦壽司, 三文魚壽司, 三文魚籽手卷, 仲有幾樣, 不過吾記得係咩lu, 但係所有都好有水準, 好好味, 因為之同男友食左街邊野, 所以食吾得到太多最有印象係個蟹糕軍艦, 同個丹蝦壽司, 個蟹糕真係好香, 食落口係成個口都充滿海鮮味, 好正! 而個丹蝦佢係成隻比你的, 蝦頭切開, 蝦身就連飯, 真係好爽好美味呀其實食食下, 都陸續有人黎食, 同埋waiter都好有禮貌, 總括黎講, 真係幾好, 價錢同元氣差吾多, 但係佢亦都有貴野揀的, 男朋友話個感覺有似電視劇和味濃情內面個一期一會喎, 不過係便宜版, 我一定會介紹比朋友, 同埋一定會再黎的

上個月29號朋友生日, 大家去左食個晚我地食7:30pm, 去到都坐左一半人, 到我地落order時已經full晒, 出面亦有人等位...我地order左:壽司:三文魚,燒鵝肝壽司,三文魚子蟹子, 劍魚, A5和牛,芥辣八爪魚其他:赤麵豉燒茄子, 炒雜菜, 軟殼蟹手卷,一板海膽, 蟹籽沙律.烏冬全部都幾好, 食物新鮮, 侍應既服務幾好.... 會主動加茶

朋友生日話想食日本野,仲話想去間坐得舒服d既餐廳,於是我上openrice睇睇,盡量搵間乎合到佢要求.這間好似幾好評,加上話比較靜同少人,就算唔訂位都ok,於是乎就選擇e道勒~2個人叫左好多野~小食:蟹籽沙律(用料新鮮,切絲切得好幼細~)珍味螺肉(個獻汁太多,唔太中意)雞泡魚干(good,唔太干唔太硬,幾好~)刺身:章紅魚(普通)湯:栗米湯(夠香濃,好creamy,好味不過幾漏~)壽司:三文魚(好爽好新鮮,good!)蟹棒(幾鮮甜)油金魚(普通)海膽(海膽good不過塊紫菜係淋既..)蟹籽香芒甜蝦(一般,塊香芒唔夠甜)燒鵝肝(又大件又香又靚又好味!!)三文魚籽蟹籽(我無食,唔知好唔好味..)甜品:綠茶雪糕(good)*因為wait哥哥唔小心在我背後整跌咗個拓盆,佢已經即時禮貌地道歉,而我亦表示無緊要..不過到埋單果陣佢表示要送返個甜品比我地食,而且又再次話唔好意思... 其實我沒有介意過,而且餐飯仲食得好愉快添!整體上服務態度非常好~ 讚讚!!野就幾好食,不過有2樣好奇怪既野:1. d wasabi 係完全唔辣..令我無左公鼻果種快感2. 7:05 pm到達至9:00 pm離開,全場

星期六晚大約七點,下雨天走咗入去試下,入到去無乜人食,入去坐壽司枱前,有個相信係經理的物體用英文叫我們將把雨傘放係個桶到,我地梗係采佢都傻啦,自己用個U 入住把雨傘攞埋入去,講返是晚所食的壽司如下:三文魚壽司($10)--ok,$10兩件都算扺食,因為條三文魚都幾長.瀨尿蝦壽司($15)--比較乾身又細隻,個人不太滿意.魷魚壽司--比較失望,普通.蟹棒壽司($15)--這個很不錯,很油滑,很軟熟,和別的壽司店不同,很好味.針魚壽司($15)--不錯,都有點魚味.象牙貝壽司($15)--ok.玻璃蝦壽司($15)--幾鮮甜.燒鵝肝壽司($35)--$35竟然有兩塊鵝肝,上檯還是熱的,很有口感.好好味.北寄貝沙律軍艦卷($15)--北寄貝沙律本身幾鮮甜,雖然是落order紙的,紫菜竟然是淋.蟹膏軍艦卷($25)--又是紫菜的決點.但蟹膏一點也不腥,個人十分欣賞.三文帶子芒果卷($35)--這個卷物賣相很好,芒果很甜,三文魚及帶子混合食也一流.軟殼蟹手卷($15)--整晚最欣賞就是這個手卷,個人見識少,未見過這麼大的手卷,這次的紫菜出奇地十分脆,軟殼蟹也十分卜卜脆,非常好食兼超扺食.大約八點

不嬲唔多好食迴轉壽司，總覺得水準比傳統手握壽司店差得多。是夜太座選擇食迴轉，一係唔食，一食就要揀間有水準D嘅...自問食過唔算多嘅迴轉舖。元祿或元氣呢亭貨色係一定唔會去嘅，和花亭算不錯，一壽司已退步，峰壽司未試過(真係揾次去試下先)...响呢度食過午餐，由日籍老闆親自主理，水準不錯。有咗信心，可以帶太座嚟食dinner...叫咗好多嘢 --- 壽司、天婦羅、湯等等，食到七個一皮...好奇怪响迴轉舖order碗湯。但太座一見到menu有粟米湯，對眼好似會放光咁，即叫。入口creamy，甜甜的，口感軟滑，太座說跟响日本飲到嘅好相似...是晚推介壽司有白象拔蚌，本想叫埋馬肉及kinki，但當晚冇貨返，無奈。象拔蚌入口爽甜且彈牙，不俗...飯團冇一夾即散嘅弊病，不過略嫌不夠鬆軟，但迴轉舖嚟講已是不俗...蟹膏有海水味，鹹度恰到好處之餘亦頗鮮，食完一碟後忍唔住再encore...其他例牌如北寄貝、帶子等亦有水準。北寄貝絕不會食到擦膠般嘅質感，帶子夠大隻亦夠鮮甜...tempura水準就so so，炸蠔唔夠juicy，乾身咗D，比萬豚屋嘅北海道蠔差咗一大截...食得太座極高興，朕滿足矣...埋單出

好評如潮想試很久了不過原來都相當隔涉花了一點氣力才找得到但正因為位處較偏人少少服務也好一點也不用人迫迫很好坐甘蝦叫了兩碟不過樣子完全不同第一次(圖左)的好像精美很多蝦羔和肉都鮮甜得多吃過一轉於是就再追叫多一次第二次來的其實不是差不過只能說是平庸多了海膽魚子冷烏冬很特別和色彩豐富的配搭烏冬的味道和質地也都不錯壽司方面帶子很大粒而且極度鮮甜很有在日本才吃到的感覺連辣汁三文魚軍艦也不是求其辣得來還是吃得出三文魚味來的其他的例如章紅小柱露筍海膽吞拿魚蓉和玻璃蝦都很新鮮有好但也有不好的北寄貝有點腥特別推介的秋刀魚壽司(左下)要40元一碟呢肉質比較實還是用來燒了吃好一點刺身看來不是吾等香港人的口味了總的來說一般壽司刺身的質素都相當穩陣即使是迴轉帶上的品質也不太難看吃貴價的就要衡量自己的接受程度了8壽司2刺身1麵這個質素來說相當抵吃又不用等位是值得給很高分的迴轉壽司總好過食等到十點才吃半價壽司吧?

星期日10-Feb﹐同女友週年紀念原想食buffet﹐但女友有點感冒無胃口建議食日本野﹐於是就上openrice搵到呢間勁多好評o既天下喇六點多就到﹐全場只有一臺客不過地方幾大﹐多人應該都唔會逼環境唔錯﹐而且招呼好好﹐每一位staff都好有禮貌﹐友善食物點左唔多﹐其實我仲想食的﹐無耐女友食唔落自己食就無隱啦﹐叫左壽司三文魚﹐炙帶子海膽﹐炙三文魚海膽﹐章紅﹐玻璃蝦﹐海膽花之戀﹐曼魚牛油果卷湯就叫左個﹐蜆仔味曾﹐呢樣要扣分﹐因為只係微熱另外一個燒羊俾併焗青口﹐呢樣又要扣DDmenu明明寫青口﹐唔知點解變左大蜆定係我唔識分?? 不過算﹐我鐘意蜆多D兩件羊有一件我女友就覺太生的確係見到深紅色o既肉﹐熟DDo既紅係淺色o既但我係食開血淋淋o既﹐我就覺得肉汁鮮美喇應該仲有兩款壽司唔記得喇﹐總之全部食得出o既新鮮其實好想食馬肉﹐鵝肝﹐和牛﹐又係女友唔食o既下次搵第二個食先總括o黎講食得開心舒服﹐價錢都適中好o既服務態度真係可以令人食得更開心架好過去板x﹐等幾粒鐘仲要逼到回鄉探親o甘啦

很久沒有寫食評, 因為識食靚太很忙,所以很少出外吃飯,有時又沒有留意餐廳的名字,且又沒有驚喜,故安靜了一段時間.但聖誕及新年必須出外見見家人及朋友們, 朋友們很想吃SABU SABU (日本火鍋)問我有無好介紹, 哈哈!為了方便, 我提議選擇家附近的天下壽司, 雖然那裡沒有正式的SABU SABU, 但我記得此店有很多熱鍋類, 於是一行六人浩浩蕩蕩到達.那裡的WAITRESS仍然記得我, 並熱情的介紹了幾款熱鍋給我們, 如三文魚頭鍋. 海鮮鍋. 長脚蟹鍋和韓國泡菜鍋等. 落單點了三文魚頭鍋. 韓國泡菜鍋和一些TORO, 海膽和帶子刺生, 因為一周年誌慶,他們新推出了“法汁油甘魚刺生”我們又想試試, 幾個女人好像很饑餓似的, 最後竟再ORDER了一客鰻魚炒飯.朋友們對那個法汁油甘魚刺生特別喜愛, 說混合了中西合璧的做法, 看得出老闆和廚師很用心的研穵新食譜和經營生意, 但價錢也只是HKD120.00, 實在超值. 我們更難敵雪糕的誘惑, 各人點了一客. 於是六個HIGH HIGH的地女人在兩個多小時內很開心和很滿足的離開, 記得朋友們說這裏的環境,衛生及食物都很有水準, 還多謝我的好介紹

I and 2 friends arrived at tenka sushi at around 12:40 today. There was only one family having lunch.First of all, the waiters are polite. They often refill our glasses of green tea. Then the food is REALLY delicious. I think tenka sushi is better than itamae sushi and mi-ne sushi now. The sushi in Itamae is becoming more of common whereas those in tenka has their own special and fresh taste. The tamago sushi is so thickly cut. Regarding the crab meat sushi, the texture is not as soft as those i

聖誕食評第四擊:今晚12月23日星期日8:20去到，諗住有排等，典知一上到去大把位，成個吧檯得我地兩個去，心感不妙!以為唔好食先無人幫襯!好彩..，同第一次食一樣咁好味，章紅、三文魚、醋靖、凡立貝、炙三文魚..所有壽司都好正!!!另外，軟殼蟹手卷都好足材料，$15一件仲加埋三文魚子，咬口一流!!海膽筋子冷烏冬，用料鮮，但烏東較硬而不煙勒。食友們，如果想食又平又正的壽司又唔想等太耐，高度推薦這間食店!

wow! 成十個月無去過天下壽司, 上次新開食完覺得唔錯, 奈何地點唔太就腳, 所以無再去過呢! 終於再去食一次, 至於好唔好食? 又睇落去?尖沙咀天下壽司回轉地址: 佐敦柯X甸道122號麗斯中心UG/F三文魚帶子芒果卷: 佢地既芒果好好味, 比牛油果配三文魚0個種滑滑感覺更好! 大拖羅: 天下拖羅menu 上只有中拖羅, 大拖羅要問佢有無, 咁多間回轉壽司既大拖羅最貴係天下! $50 一件, 價錢同千兩極上金槍魚骹壽司差唔多。大Toro 飯同肉溫度幾接近, 不算肥, 有筋可咬兩口回味。蟹糕壽司: ha...唔係我order 既, 無咩感覺, 如果要比的話, 峰壽司既蟹糕味道濃d 實在d。帶子壽司: 新鮮而size 正常, 唔乾身! 回轉壽司中級水準。炸軟殼蟹手卷: 無食yoh! comment 係: 好味?! 太general 呢...下次我要試下先!鵝肝壽司: 鵝肝切片, 連蟹子食, 呢件好油, 不過好香!...真係越來越中意食... lam 脷中!火炙三文魚壽司: 燒得唔錯不過超油! 其實d 油從何來? 唔似係三文魚肉滲出黎goh woh...蔥拖羅蓉露荀卷: 拖羅蓉碎欠油, 露

10月14日去咗佐敦既「天下壽司」, 之前都聽兩、三個朋友講過話呢度好食, 但就一路都未試過囉!上網睇過食評都唔差喎! 其實一直都好想嚟試下架! 不過真係冇機會... 襯今次有一大班人陪我食飯, 當然要嚟試下啦! 咁先試得多嘢食嘛!!我哋叫咗好多嘢食,首先上檯既係「三文魚」&「油甘魚」刺身!活/ 鮮壽司「鰻魚」,「玉子」,「炙三文魚」,「煙鴨胸肉」,「玻璃蝦」,「墨魚」,「赤貝」,「吞拿魚」,「章紅魚」,「三文魚」,再嚟多轉刺身: 「三文魚」,「油甘魚」,「劍魚」又嚟活/ 鮮壽司(上至下, 左至右)「鰻魚」,「腐皮」,「玉子」,「北寄貝」,「炙三文魚」,「甜蝦杞子」,「酢鯖魚」,「海螺片」,「蟹膏」,「三文魚子蟹子」,「三文魚子」,「炙帶子鵝肝壽司」,)「海老露荀卷」,「蔥拖羅蓉露荀卷」,「辣三文蟹子手卷」,「櫻花蝦」,「蒜味魷魚仔」,「珍味螺肉」,「炸軟殼蟹」,「雜錦天婦羅」,「日式炒雜菜」,「燒骨付腸」,「雞軟骨串燒」,「雞腎串燒」,「雞翼餃子」,「汁燒魷魚筒」,「燒多春魚」仲有每滿$300就送一個雪糕球, 正呀!!有豆腐, 綠茶, 芝麻& 柚子。綠茶唔駛講, 我既最愛! 同埋都幾

好友一直推介來這裡吃壽司，因為他經常吃日本餐，所以本著去他推介的地方吃一定沒有"蝕底" ~不過本人口味跟大家都很不一樣．．這邊的壽司飯做得很硬!! 一吃下去感覺就很差~而且我又不太覺得刺身真的很新鮮...都是一般貨色吧除此之外, 我們點了一客牛肉炒烏冬，烏冬很"爛" 吃上去質感非常差!!唯獨可以一讚的是這邊的服務真的很好，茶一喝完就很快有refill , 而且當我們不知道選什麼吃服務員都很細心推介一些壽司給我們點選~

公務後，兩隻半醉的貓兒要找些澱粉質救命，其中一隻醉貓想到吃壽司，半夜時分，這倒是一度難題。附近想到的就只有天下這開了年多的餐廳，說什麼師傅是日本人，做得一手手握創作料理，冒死前來，點了幾味壽司、刺身同最重要的炒飯。幾味壽司只吃了件海鰻，蒲燒鰻魚加了些蟹籽舖面，肉質極為霉腍，只收$20一件海鰻乎？壽司飯說是手握，但大少一樣，口感都是實的的，醋味也很強勁，說是放在大盤倒模般做出來也不奇。記得從前喜歡吃馬刀貝，見這裡有賣著，也鬧著玩點來吃，不腥但就無味道，也沒有爽嫩口感，$10一件貨色真的恰如其分。閒聊一番，聽到友人面對的問題，也真的身同感受，但願雨過天睛的日子快來吧。壓軸好戲是炒飯，是晚惟一的熱食，腸胃冷冷的要吃些熱食暖肚，海鮮炒飯，加了不少三文魚粒、蟹籽、蛋絲來炒，濕腍腍亦吃不出炒飯香味，但就連吃了兩三碗，畢竟在「肚空空」時好吃與否已變得不重要了。單以師傅的認真度與食物質素計，怎麼看都是港式經，該給予喊面，然而與友人傾得甚是投入，感情分是滿分的，加加減減就給個中立吧，看過拙文的朋友，請對號入座。P.S珍重