大阪李朝園 (已結業)

一直o係網上面見到人地食呢間有得自己燒章魚丸既餐廳已經好想試, 今日終於同朋友黎到, book位既時候已經講明要食呢個章魚燒XD餐廳細細間, 座位唔太寬敞, 一坐低已經有個章魚燒爐預備好!枱面上放哂要用既材料同醬汁, 店員會先示範整一粒,先將粉漿同材料加入去, 等到個邊位金黃色就反轉再加粉漿, 等到成粒金黃色就食得了~ 材料方面, 除左有章魚之外, 竟然係配左泡菜, 洋蔥同紅蔔白粒...又日式又韓式咁, 幾有趣~睇落簡單原來都唔易整, 一路整一路又怕太燶又怕唔熟, 都幾狠狽下, 章魚燒最多可以整18粒, 就算d粉漿有淨都唔可以再整...Vi同朋友就係一直都落得太小粉漿, 攪到最後d章魚丸唔夠大粒又淨番d粉漿~ 幾經辛苦, 終於整好18粒出黎, 加上燒汁, 沙律醬同木魚, 睇落都整得唔錯XD章魚丸外脆內軟, 味道幾好食wo!!當然, 自己親手整既都覺得好食d 不過整既過程都幾chur, Vi都係中意人地整埋比我食XD除左章魚丸, 呢度都有好多其他野食, 有日式同韓式既食物, 雖然章魚丸有18粒, 但其實每粒都比街外買既細粒(同埋Vi落得太小粉漿), 所以食完都唔會幾飽, 另外再點左份炸雞

今天與同事在銅鑼灣開會，會議完成後，已是三時多，我倆決定在附近覓食，路經大阪李朝園，看見自製小丸子，感覺新鮮有趣，決定入內一試。先來一客自家製小丸子， 店員將麵漿、餡料及調味醬汁送上，然後細心講解後，我們就立即開始自家泡製小丸子，先將烤爐加熱，再注入麵漿於烤爐內，接著再放入，洋蔥、八爪魚、泡菜及蘿蔔，慢慢地烤至底部呈現金黃色時，將丸子返轉再注入麵漿於底部，靜待金黃的丸子形狀變得圓渾飽滿，新鮮熱辣的小丸子接近完成，淋上燒汁及沙律醬，再灑滿木魚絲，熱騰騰的小丸子已大功告成，入口外層十分香脆，加入了泡菜的小丸子，增添多了一份韓國風味，餡料非常豐富，不消一會，十八球已全部給我們清空。迷你部隊鍋，材料有午餐肉、腸仔及泡菜，配上韓國辛辣麵，由於是以熱鍋上桌，為原本已十分香濃的辛辣麵，再加添一點刺激口感，鹹辣又惹味。泡菜餃子，廚師推介食物，不容錯過，網狀外皮煎得又香又薄又脆，內裡饀料依然帶著水份，口感鬆軟，入口微辣，非常美味。原來，看似簡單的小丸子，自家製時也不簡單，要泡製出一粒完美的丸子，的確要花點耐性及工夫，但製成後感覺滿足又有趣。但因為熱爐有200度的高溫，相信於天氣轉涼之時，再來一趟，到時定

「大阪李朝園」嘛，逛街時總會經過的，但一直未有機會食。身邊朋友一直跟我推介這家餐廳，說食物化算，服務又好，而且還可以自製日式小丸子。嗯….好奇心驅使下，我跟他便去了光顧這家餐廳。蒲坐下便被這張章魚小丸子教學吸引了。其實$128/2人份這個價錢還好啦，可以滿足自家製的心態。面前這個鐵板就是用來製作章魚小丸子的，旁邊的就是材料。粉漿、油、醬料、紫菜粉、木魚，還有章魚小丸子中的材料，有洋蔥、泡菜、章魚、紅蘿蔔粒，份量也蠻多的。小聲：太好了，木魚可以加量喔！！工作人員細心的教我們整第一粒小丸子。加油、粉漿，再放入材料。看似沒難道的，但…..到我們自己整的時候，就會發現親製小丸子這回事並沒想像中簡單。速度、力度都是要講究的元素。我們努力地把整個鐵板都鋪滿了，呀，控制份量這回事，還是下次再多學習啦。賣相還不賴吧，最後把沙律醬、燒汁、紫菜粉跟木魚放在成品上面。呀，有包裝的食物果然加分xd這個章魚小丸子中加入了泡菜，所以帶微辣，加上章魚本身有點彈牙，還有小丸子外脆內軟的，雖然比較細粒，但總括而言，這十八粒章魚小丸子的味道是不錯的。也許是「自家製」的心理作祟，自己整的特別好食。李朝園豚肉火鍋 ($68)

自從係大阪番嚟之後，一直太掛住當地嘅小丸子，友人因為聽得太多次，決意揀好日子訂好枱，帶我去咗呢間可以自製小丸子嘅餐廳開餐去到當然要order嘅個小丸子set啦! 上枱時有晒蘿蔔泡菜八爪魚等嘅配料，仲有人教埋點整添!聽落簡單，但好考功夫嫁1 set可以整到18粒到，2個人食，叫下其他都好夠倒好漿之後就可以隨自己喜好放配料喇!貪心嘅人，當然係咩都要放啲啦!等到半熟時，就可以反轉另一邊最後，倒番自己喜愛嘅 source同柴魚就得!食落好足料好啱自己囗味當然個粉唔會好厚同硬，外表脆脆地內面剛好!有啲加咗泡菜味嘅，仲多咗種韓味添，新囗味有啲微辣，但又同八爪魚好夾喎1 set最多整1轉，整完就唔會倒嫁喇之後當然有叫其他啦，石鍋牛肉泡菜鍋上枱時香噴，配料好夠，有菠菜、牛肉、芽菜、泡菜同滑蛋等!好快噤撈好晒!鍋底仲有少少飯焦，正泡菜味濃，如果加多啲辣醬就更好食。食粒黏黏卭，同脆脆嘅芽菜一齊食另名叫多咗個韓式炸雞，雞肉都幾嫩，配埋個醬真係好犯罪不過小油啲就仲好總括嚟講，幾好玩而食物又不錯嘅一餐，下次可以帶番屋企人去添

其實係門口以為係日本野 入到黎好多都韓國野咁 不過佢都話係日本菜 咁就試下啦 我叫左呢個係芝士年糕火鍋 黎到一d都唔火鍋 因為佢係石頭窩上 加埋芝士撈左陣其實都乾埋水 佢個低有小小公仔面 之後泡菜 同埋有年糕 佢既年糕都好煙煙unun 好彈牙 公仔麵就爽晒d泡菜味 都好香 不過好林 可能個鍋熱得制 都整到林晒 d泡菜就得個辣字 唔算香口 d菜都好林 唔係爽身 食落去好一般 同埋佢個鍋熱就係熱得一陣 d芝士一溶之後就結住左 同埋佢地d侍應都唔多想招呼我地咁 水都冇杯 一落完單就走開 想再加水都難

呢間其實我都唔知佢算係食d咩 不過佢有自制章魚小丸子就真係吸引到我 我夜晚食$128 其實都幾貴下 不過整呢個野真係好過癮 同朋友兩個一齊整 都可以增加合作性 搞呢個野都搞左成個鍾先有得食 個重點係 好熱 好埋原來要落超多油 唔係佢好痴低好難反轉佢再加麵糊 做既過程佢有教 不過落手個一下就真係好難咁😂😂😅 我就咩材料都落晒 章魚啦 泡菜 洋蔥 整完之後我發現同出面食真係差唔多 不過真係要整到燶燶地先好食 千萬唔好好似我咁見佢熟左就吉佢上黎 林晒冇口感 好古怪 味道方面都會有小小辣 此終有泡菜 佢既漿都係自己加 有燒汁同沙律漿 其實襯埋一齊都幾咸 同埋佢都好多粒 兩個人都食到膩都未食完個隻 佢座位都一般 唔算好逼 不過佢個冷氣機係咁吹住我個頭 最尾佢幫我熄左佢 同埋d姐姐都好hea落完單就走人 問左幾次先比杯水 整既過程佢都係制過黎望兩眼 我覺得食一次就夠

成日離遠望到男朋友屋企附近有間日本餐廳叫大阪李朝園，雖然唔知道係食啲咩，不過睇到個名個陣已經對佢產生興趣。事關早前先去完大阪黎，簡直係美食天堂，即使係隨隨便便走入一間普通既餐廳，都一定食到超正既野食。即管上openrice睇下呢間餐廳係食咩架啦。唔睇由自可，一睇，嘩！！！不得了，係我最最最最最最最中意食既章魚小丸子！最特別既係，小丸子係自己整自己食架！一直都想係坊間買部機自己係屋企整小丸子，不過考慮到怕難洗同埋唔知自己會唔會三分鐘熱度，所以打消左呢個念頭，依家有機會比我表演下喇。襯住放假，即刻拉埋男朋友黎呢度試，其實價錢唔平，＄128兩人份量(18粒)，不過有得食又有得玩，點都要試一次既。平日既夜晚，餐廳都唔少人，裡面坐滿，外面有大概4-6人排緊隊等位，等左10分鐘度就有得入喇。周圍裝修都係日本餐廳風格，最特別係門口有隻大概半個人咁高既大八爪魚公仔坐陣，特顯呢間餐廳既賣點。但環境有少少挾窄，檯與檯之間幾乎都冇咩空位，同後面臺既背脊都差唔多掂到咁濟。不過唔緊要啦，我志在玩小丸子，其他野都冇咩所謂既。點左2人份量既小丸子後，店員好快就端上丸子爐同所需材料，幾個碗仔入面幾配料足夠整晒18粒。

去大阪旅行時已經好想玩自製小丸子，但時間問題錯過左，估唔到香港都有！一order完店員就會擺低漿，一支叉，配料，一次過可以整18粒，控制火候最難，但啲漿調得剛剛好，唔會太稀，配料亦足夠，有泡菜，八爪魚好彈牙～熱辣辣食入口都幾過癮！其他小食就比較普通。

今日肥髀最後一日考試，特登攞日假同佢輕鬆下，仲約埋同學仔一齊食食食！呢間係同學仔介紹，重點係可以自己燒墨魚丸，去到店內都幾爆場，等了5分鐘剛好入到場！比咗高座椅，座椅皮太滑，兩個小朋友腳唔夠長頂住，啲袋及褸成日「扇」落地，好唔方便！而且座椅好迫，好唔舒服！餐牌食物選擇多！而且落單超快上晒枱！ DIY小丸子（$128）每枱都叫咁滯，其實一個爐上面加個好多窿嘅盤，加熱後落半粉漿，再加餡料，反轉後再加粉漿煎，變成球形，第一次唔熟手，都要店員出手相助，餡料只係好簡單嘅蘿蔔碎、泡菜、洋蔥、墨魚粒，不過比嘅份量用唔晒，阿姐店員又好強調唔會加粉漿比我哋！味道其實一般，可能我哋落唔夠餡料！只係一團頗油嘅粉漿，即燒熱辣辣！韓式風味煎餅（$52）好厚粉，餡料唔多，面頭唔夠脆，入面唔夠軟，點魚露都唔夠味！ 芝士年榚（$48）外脆內軟，入面半溶芝士，味道唔會好鹹！好正！ 迷你部隊鍋（$88）賣相同相片好大出入，味道亦比我想像中差！火腿、午餐肉及蔬菜都太淋，味道鹹香！辣鍋湯正常！ 日式牛肉火鍋（$68）牛肉片肥美，湯唔辣清爽，，連埋蔬菜湯熱辣辣好味！加蛋之後好滑！跟鍋嘅白飯同湯正常！巨峰乳酸（$2

之前見朋友去呢間食DIY小丸子，見咁得意可以自己製就諗住去試新野，但點知食到一肚氣，完全中伏！我地一行六人星期六晚7點多入座，因已訂位都唔需要等太耐，一坐低枱上已經預先放好製作小丸子的粉漿，八爪魚粒，泡菜，蘿蔔粒，洋蔥及一些醬料。點了餐後有員工俾咗兩張製作方法既牌俾我地睇，之後就教我地用枝粉漿前要先搖勻後才用，當佢示範完搖勻粉漿後就將支野放咗係枱面然後手指一鬆開唧咀位啲粉漿就噴咗落我朋友身上，佢仲認真咁話如果搖勻後唔停一停先鬆開手就會好似而家咁噴咗出嚟⋯⋯我地當場呆哂，唔知佢係有意定睇唔到啦，佢整到我朋友件衫不單止無講sorry亦無俾紙巾我地抹返乾淨就走咗去。之後我地欠兩隻碗就再叫另一位員工俾我地，但佢相當十分之無禮貌..竟然對客人飛碗！是否在趕客？小丸子既味道只屬一般無特別好味，只係可以DIY比較有趣，如果想整可以考慮自己買回家整都好過係度受氣！我地一行六人見服務態度太差根本都唔想再逗留太耐，草草食咗幾碟野就閃人，而其他食物如炸雞非炸雞，迷你部隊鍋真係細到唔夠食....呢間野真係唔會再去，貼錢買難受！

小丸子曾經在香港流行了好耐 ，而家已經少見有得賣,有朋友話cwb開了一間小丸子食店,平時小丸子由師傅整好曬給客人。今次由客人自行整小丸子，材料可以自由組合，我同朋友另外再叫紫菜卷,揀了牛肉紫菜卷,小丸子真的好好味,十分大粒,我同朋友覺得好抵食,牛肉紫菜卷又是好好味,牛肉十分新鮮，味道整體幾好,服務亦OK,環境就一般味道:可以自己整小丸子特別好味,材料好足料,紫菜卷味道又幾好環境:地方不是好大,座位亦尚算舒適服務:我覺得都OK價錢:平均120元一個，亦可以接受

好夜去食，好多位都要搭枱！叫左個diy小丸子同牛肉火鍋定食。某男員工態度惡劣！鐵板受熱唔一樣，諗住用中間整左9粒先，但個無禮貌嘅員工走過黎話要1次過整晒18粒，個板會燶，ok..但中間一定係快熟啲架啦，但側個啲未熟架！未熟晒就粒聲唔出走過黎熄個爐！咁我就自己開返再整熟佢，佢又咩唔講走過黎熄，我知個板會燶，但都要整熟先食得架！大佬丫，趕客咩！牛肉火鍋無火又唔願加！因為蛋係後加，而我又唔食生蛋，想整熟佢。唔加酒精膏都算啦，有辦法整熟佢就得啦，結果佢打算夾個鍋入廚房煲熟，夾唔起倒到啲湯係枱面就走左去，以為佢拎毛巾定紙巾，但原來係叫第2個同事黎夾。枱面都唔抹，唔好意思，對唔住一句都無！好彩無倒到落人到啫！自問已經唔該前唔該後，食到一肚氣！真係好差！基本禮貌都無lor...好失望

自從bangbangpan執左之後, 一直都想再揾間類似可自己整大板燒或章魚燒既餐廳玩下前幾日見有朋友去食呢間, 即打去book位有訂位既唔洗等就可以入原來章魚燒只限有訂位講明既先可以order, walkin係無大家訂枱時記得講明 一開始店員會教你點整，幾時反等等... 好似好好味 完成後, 加醬油, 木魚睇落個樣唔錯 黎呢度都係想玩下章魚燒, 過下癮味道無咩特別

話說我十歲就成日上網去小遊戲平台玩燒章魚小丸子遊戲，好鐘意逐粒燒逐粒轉既感覺，真係玩足一日都唔悶。中學時期出到旺角必食小丸子，一路望住啲師傅整，一路幻想自己整同唸下好無係到返兼職！而家大個有時我都會係腦海裡面練習下點樣整小丸子，從未真實整過既我，自問有資深經驗✌️。終於！比我搵到可以發揮所長既地方！😍 原來香港有餐廳有得自己燒章魚小丸子呀！仲要係間韓國料理餐廳？以為食小丸子既地方就係日式餐廳，點知呢到MENU全部都係韓菜。原來老闆以前媽媽係日本一家食店打工時出售自家製韓式泡菜，大受歡迎。之後家族就做起泡菜批發生意，仔仔女女因為想更多人吃到媽媽泡菜，就開左李朝園呢間餐廳。去到而家係日本已經有三十幾間喇！300g外賣泡菜 $38 （唔記得影實物相）甘利害，我地當然要試試佢既泡菜喇！佢地而家泡菜只有外賣裝，我地買左300g係店內變做堂食，一盒滿滿，份量很多。味道是溫和順口的微辣，有一點點甜及咸，整體味道非常平均，拿捏得很好！讓人一口接一口都不覺口喝的餐前菜。章魚小丸子 $128落完order即刻送上爐頭同鐵板，我自信心滿滿(因為覺得自多年打機經驗😹)，鐘意自己摸索，但店員一直過來制止我，仲一黎

上星期朋友帶左我去銅鑼灣一間幾得意gei日韓餐廳，呢間餐廳最特別係可以自己親手整章魚小丸子。呢隻章魚仔好得意材料有說明可以跟住d step整但最好叫staff教一次因為張圖step唔齊架開火後先落油，點知得未?可以先落dd紅蘿蔔粒試下d油滾未如果見到起泡泡即係可以落小丸子個粉漿啦之後落材料原來落泡菜係好好食架，又唔會點辣好正反果下要有d技巧，記得問定staff教路好緊要!!由於無得單點章魚小丸子我同朋友另外叫多兩樣小食韓式炸雞勁脆口加左胡麻醬食落勁滋味d菜好新鮮，整體感覺唔會膩味淋魚干味道幾濃下，size幾厚身食落帶少少甜味同好煙韌如果有碗白飯就正啦(但同朋友食小丸子食到飽飽地)最後topping按自己喜好落salad醬、海苔粉同木魚碎就完成啦yeah食呢餐飯感覺幾開心d野又好食如果有貪玩gei朋友可以帶佢來試下，又或者帶小朋友來食，應該都會玩得好happyps:時間控制方面唔太易，同一邊千期唔好等太耐先反