影片
更多
2016-03-29
560 浏览
話說我十歲就成日上網去小遊戲平台玩燒章魚小丸子遊戲，好鐘意逐粒燒逐粒轉既感覺，真係玩足一日都唔悶。中學時期出到旺角必食小丸子，一路望住啲師傅整，一路幻想自己整同唸下好無係到返兼職！而家大個有時我都會係腦海裡面練習下點樣整小丸子，從未真實整過既我，自問有資深經驗✌️。終於！比我搵到可以發揮所長既地方！😍 原來香港有餐廳有得自己燒章魚小丸子呀！仲要係間韓國料理餐廳？以為食小丸子既地方就係日式餐廳，點知呢到MENU全部都係韓菜。原來老闆以前媽媽係日本一家食店打工時出售自家製韓式泡菜，大受歡迎。之後家族就做起泡菜批發生意，仔仔女女因為想更多人吃到媽媽泡菜，就開左李朝園呢間餐廳。去到而家係日本已經有三十幾間喇！300g外賣泡菜 $38 （唔記得影實物相）甘利害，我地當然要試試佢既泡菜喇！佢地而家泡菜只有外賣裝，我地買左300g係店內變做堂食，一盒滿滿，份量很多。味道是溫和順口的微辣，有一點點甜及咸，整體味道非常平均，拿捏得很好！讓人一口接一口都不覺口喝的餐前菜。章魚小丸子 $128落完order即刻送上爐頭同鐵板，我自信心滿滿(因為覺得自多年打機經驗😹)，鐘意自己摸索，但店員一直過來制止我，仲一黎
終於！比我搵到可以發揮所長既地方！😍 原來香港有餐廳有得自己燒章魚小丸子呀！仲要係間韓國料理餐廳？
以為食小丸子既地方就係日式餐廳，點知呢到MENU全部都係韓菜。
原來老闆以前媽媽係日本一家食店打工時出售自家製韓式泡菜，大受歡迎。之後家族就做起泡菜批發生意，仔仔女女因為想更多人吃到媽媽泡菜，就開左李朝園呢間餐廳。去到而家係日本已經有三十幾間喇！300g外賣泡菜 $38 （唔記得影實物相）
甘利害，我地當然要試試佢既泡菜喇！佢地而家泡菜只有外賣裝，我地買左300g係店內變做堂食，一盒滿滿，份量很多。味道是溫和順口的微辣，有一點點甜及咸，整體味道非常平均，拿捏得很好！讓人一口接一口都不覺口喝的餐前菜。
章魚小丸子 $128落完order即刻送上爐頭同鐵板，我自信心滿滿(因為覺得自多年打機經驗😹)，鐘意自己摸索，但店員一直過來制止我，仲一黎就幫我倒滿哂油係每一格，由於我怕一次過兼顧唔到甘多丸子，就問佢可唔可以將材料分兩次整，但佢一口拒絕，好似好想我快啲完成甘😭。
亦都因為佢多次催迫，所以落材料果陣我同鼻B手忙腳亂，有啲勁多餡，有啲得粒墨魚仔😅。
不過過程其實同想像中差唔多，都好容易上手，只要keep住轉佢就會變得又圓又金黃！
燒完之後就淋上醬料，紫菜粉同木魚片。
完成！ （怎麼感到今次食評寫到好似煮食日誌甘😂）
終可一嚐自己燒既小丸子，有付出過心機真係覺得特別好食！個漿好軟滑，章魚粒粒夠彈牙，配合埋醬料，直頭好似出面買既甘！
日式牛肉火鍋 $68當我們在七手八腳處理小丸子的時候，店員就端上了牛肉鍋！牛肉呢家野，最怕就係太熟，但我地整緊十八粒小太子根本睇唔到啲牛幾時食得，於是就問店員可否先熄火，但店員又一次拒絕，說火燒完後會自然熄滅。唉呀，但說算熄滅後，可惡的餘溫還是會讓牛肉變韌呀😩。
待我們開始食這個火鍋時，火已經熄滅，雖然牛肉口感還可以，味道亦頗有牛味，但溫度上已經不夠熱，連生蛋放上去都熟不了。而且份量十分小，比湯匙還要扁平。
其實每道食物我都真心希望可以吃到他們最完美的狀態，但感覺這家店的員工十分欠缺彈性，對客人的要求太過輕視，亦不夠細心，甚少站在客人角度切身處地地思考。希望他們願意跟客人多溝通，不必將每一套做法都死板地套在客人身上。
张贴
