影片
更多
2016-04-24
1597 浏览
成日離遠望到男朋友屋企附近有間日本餐廳叫大阪李朝園，雖然唔知道係食啲咩，不過睇到個名個陣已經對佢產生興趣。事關早前先去完大阪黎，簡直係美食天堂，即使係隨隨便便走入一間普通既餐廳，都一定食到超正既野食。即管上openrice睇下呢間餐廳係食咩架啦。唔睇由自可，一睇，嘩！！！不得了，係我最最最最最最最中意食既章魚小丸子！最特別既係，小丸子係自己整自己食架！一直都想係坊間買部機自己係屋企整小丸子，不過考慮到怕難洗同埋唔知自己會唔會三分鐘熱度，所以打消左呢個念頭，依家有機會比我表演下喇。襯住放假，即刻拉埋男朋友黎呢度試，其實價錢唔平，＄128兩人份量(18粒)，不過有得食又有得玩，點都要試一次既。平日既夜晚，餐廳都唔少人，裡面坐滿，外面有大概4-6人排緊隊等位，等左10分鐘度就有得入喇。周圍裝修都係日本餐廳風格，最特別係門口有隻大概半個人咁高既大八爪魚公仔坐陣，特顯呢間餐廳既賣點。但環境有少少挾窄，檯與檯之間幾乎都冇咩空位，同後面臺既背脊都差唔多掂到咁濟。不過唔緊要啦，我志在玩小丸子，其他野都冇咩所謂既。點左2人份量既小丸子後，店員好快就端上丸子爐同所需材料，幾個碗仔入面幾配料足夠整晒18粒。
即管上openrice睇下呢間餐廳係食咩架啦。唔睇由自可，一睇，嘩！！！不得了，係我最最最最最最最中意食既章魚小丸子！最特別既係，小丸子係自己整自己食架！一直都想係坊間買部機自己係屋企整小丸子，不過考慮到怕難洗同埋唔知自己會唔會三分鐘熱度，所以打消左呢個念頭，依家有機會比我表演下喇。
襯住放假，即刻拉埋男朋友黎呢度試，其實價錢唔平，＄128兩人份量(18粒)，不過有得食又有得玩，點都要試一次既。
平日既夜晚，餐廳都唔少人，裡面坐滿，外面有大概4-6人排緊隊等位，等左10分鐘度就有得入喇。
周圍裝修都係日本餐廳風格，最特別係門口有隻大概半個人咁高既大八爪魚公仔坐陣，特顯呢間餐廳既賣點。但環境有少少挾窄，檯與檯之間幾乎都冇咩空位，同後面臺既背脊都差唔多掂到咁濟。不過唔緊要啦，我志在玩小丸子，其他野都冇咩所謂既。
點左2人份量既小丸子後，店員好快就端上丸子爐同所需材料，幾個碗仔入面幾配料足夠整晒18粒。
不過泡菜我地冇落過，因為我地兩個都唔太鐘意。
由於全店滿座，店員雖然好忙，但都會細心教導整小丸子既方法同秘抉。第一步係要係其中一格落啲啲紅蘿蔔粒，為左睇下啲油幾時變熱，熱左就可以開始落麵漿。
按照個人喜好落配料。
店員雖然一直好忙好忙，但都好細心，會留意每一檯整小丸子既客人既進度，到咁上下，即使你未叫佢地，佢地都會自動自覺走過黎詳細咁講下一個步驟。可以開始轉喇，但原來係冇想像中咁易，雞手鴨腳既我反左幾粒之後，決定都係交比男朋友做算了，哈哈哈哈哈！
大功告成，可以落醬同紫菜了。
熱辣辣既小丸子，要攤一陣先食到。一咬落去，嘩，正，外脆內軟，八爪魚夠大粒夠爽口。估唔到唔識整既我地都可以整到咁好味。但要襯暖食先得，因為一凍左就會硬左冇咁好味架喇！一共有18粒，每人食9粒其實都已經有少少飽了。
另外仲叫左兩樣食物，有煙火腿忌廉芝士卷。普普通通吧，飯有點硬，係食到芝士同火腿，但其實成舊野都冇咩味道，我地最後落左小丸子啲醬落去，叫做好味少少，都食晒架，但有機會再黎就唔會叫呢樣了。
仲有呢樣黑椒牛肉石鍋飯，也不錯，要小心手碰到石鍋因為真係好熱下。飯內有洋蔥、粟米粒、蔥粒、仲有足料牛肉，夠味夠香令人忍唔住一啖接一啖。但有一樣唔好既就係比較多飯焦，如少少飯焦係有口感既，但呢碗比較多了點，下次應該要再撈勻啲先！
张贴
