大阪李朝園 (已結業)

有時真的不應人云亦云，在吃東西上，更應大膽憑直覺及經驗去選擇才尋到寶。很多人，特別那些花漾少年少女，一入這鋪便會吃DIY大坂燒，老實說，除了見到他們弄到一頭煙及四處都是煙外，從他們吃後的表情，真的感受不到他們覺得好吃! 我反而頗欣賞這兒的冷麵及泡菜，首先聲明，雖然在二十多年前香港未太興韓國菜時已開始吃下不少泡菜前菜，所有小碟如蜜糖甜薯，魚仔，魷魚絲，菠菜大豆芽，煎蛋卷全都愛瘋，唯獨不太喜歡那款最經典紅色酸辣椰菜，故這店的這款泡菜水準算超班，至少讓我從附上的樽仔中多拿了幾片。這兒的冷麵真的拍得住名店新羅寶及Kaya，麵透明煙韌，湯底冰涼清甜，有一片爽脆蘋果片，一片雞肉，半隻熟蛋，少許泡菜及翠綠葱花，吃下舒服清新，這兒的泡菜味道不過酸過辣，質地爽脆，有時就是很怕此種泡菜有腐爛感。此下午茶冷麵set更配以什錦天婦羅，因即炸即上即食的關係，水準比許多日本料理超班，粉漿又薄又脆，蝦肉有鮮味，肉質爽口，紫薯及南瓜甜美可口。我想，這兒的炸雞應該吃得過，下次可以一試!另外，這下午茶餐更奉送韓國熱飲或汽水，我就揀了蘆薈蜜，真的非常温順潤喉! 這是一頓份量恰好，水準高，價錢又合理的下午茶!

早排上網見到呢間舖頭有得自製八爪魚丸，兩人份下午茶時間都只係98蚊😊今日放工就即刻去試食入到去有一大張圖教你點整八爪魚丸，個店員都會講一次教你，第一次整果時有啲搞5掂 =皿= 但後來第二底就整得好靚靚了食落去外脆內軟 又正又好玩值得一試吖

和朋友在銅鑼灣"搵食"時見到這個優惠老實講這個優惠我覺得是頗吸引, 可惜是友人不太想飲酒。但我倆還是被那個韓食menu 吸引進去一進去發現原來樓面也頗細的, 大約能坐二十多人吧。一進門見到章魚燒的廣告牌, 店員說是可以自己DIY做的! 友人和我二口不說立即點了一個! 韓國燒肉我們吃得多, 即場燒小丸子還是在香港第一次見到呢。女店員很用心地幫我們燒小丸子, 也用心地教我們怎麼做, 這個小丸子其實不難弄啊, 玩味十足啊! 我們還點了一個滿腹套餐(石頭鍋飯+冷麵) 和一客炸雞, 依價錢來說不過不失吧。玩完小丸子之後再吃這些填飽肚子還是不錯的。埋單人均消費才 $120多, 有得玩有得食真的是超值呢! 另外要讚一下裡面的店員頗親切的! 值得再來一次! 

一個人逛街兼午餐，上網搵到呢間餐廳幾特別，食韓式食物！去到門口有店員派街招，因為下午茶時間，入去無客人，裝修簡單，木桌椅加紅坐墊，光猛乾淨！坐低店員放低杯麥茶，麥茶幾香！可以解膩！加放低一大樽泡菜，加一個碗仔，可以任食泡菜，然後落單！食物好快到！泡菜：冰凍，好爽口，大白菜新鮮多汁，索晒啲醬料，唔太辣！我食咗1/3樽！滿腹套餐--什錦石頭鍋飯：呢個套餐$78，淨冷麵都要$58（我呢散叫份量應該會多啲嘅），好抵食！上菜樣子好靚，店員會問我使唔使幫手撈，佢好有心機將醬油慢慢撈勻，飯焦脆卜卜，飯唔乾，味道唔會太咸，中間夾雜爽口芽菜同泡菜，口感豐富！熱辣辣好好味！滿腹套餐--韓式冷麵：可以揀冷麵或拉麵，我選冷麵，比石頭飯遲少許上菜，不銹鋼碗盛載，賣相好靚，凍湯清涼，味道唔重，麵質煙韌彈牙，味道唔錯，泡菜增加香辣味道，特別在有片蘋果，爽口清新，味道幾夾！但有一片雞肉就非常嚡兼無味道！唔得！半隻蛋蛋黃又好嚡！唔得！所以一般！食物唔錯！店員服務好勤快，幫手撈飯，上菜收碟都好爽手！埋單後成間舖店員都同我講多謝！

午餐時間有5款套餐可選擇，價錢由58d到128不等，有韓式有日式料理以石鍋飯為主。揀咗滿腹套餐，朋友叫牛肋肉鍋飯。有免費泡菜可食，少少辣少少甜，開胃，唔似正宗韓國泡菜口味重，幾啱胃口。有沙律，味增湯。沙律分量不多不過算新鮮。滿腹套餐有一個石鍋飯同冷麵。石鍋飯可選擇加D辣醬，味道變得更加豐富！啖啖都好好味！冷麵凍凍地，面好韌，湯底清，酸酸地，都唔錯。滿腹套餐真係好飽，最後冷麵食唔嗮。朋友話牛肋肉好好食。下次想試下。最後午餐時間1點前埋單有20%off。

一行3人係銅鑼灣亂逛比佢好有特色既招牌吸引左眼球大阪李朝園一個日本crossover韓國既名字見餐牌價錢合理就試試吧未點菜服務員已經送上一瓶美味既泡菜大大刺激胃納 (難道係店主精心的佈局嗎?)所以我決定呢一餐要叫多d野一打開餐牌見到滿腹套餐 (豬肉石頭鍋飯加韓式冷麵或者拉麵) 非常滿足再揭原來加大版既超級滿腹套餐都只係加多廿蚊不作他選就叫了熱騰騰的石頭鍋送到正想開餐既時候 waitress好貼心咁幫我將飯醬汁同餸撈埋手勢一流石頭鍋燒得好足我食足15分鐘都仲好夠熱好爽熱到後來我一口飯再加一口冷麵 cool down返兩者簡直就係完美既配搭冷麵d麵整得好彈牙個湯帶微酸同個熱辣辣既石頭鍋實在太夾石頭鍋係韓式 冷麵就日式 呢個crossover 好有新意同火花 如果你鍾意試新野 呢間值得推介

午市時間，想在銅鑼灣找一間坐得耐、又不用太花費的餐廳真的不多。大阪李朝園便是一個好選擇。下午一時抵達餐廳，店內座位40多個，客人一隻手數得哂。午市餐牌選擇只有5款(看了幾個月也沒有轉過)，其實如果不介意沒有沙律、面豉湯的，大可以散叫，主餐牌價錢和set lunch差不多的。今天試試滑蛋豬扒飯定食($58+10%)。這家店最特別之處就是每檯都有一瓶自家製泡菜! 客人可以隨便享用! 如果喜歡的還可以向職員購買($38/300g)。 個人頗喜歡這家的泡菜, 酸度適中，作為飯前小吃也挺醒胃的!~從座位可以看到廚房的情形，即使是set lunch, 廚房都是即叫即煮的, 所以每個出品都是熱氣騰騰的。等了15分鐘，我的滑蛋豬扒飯終於出來了！甫上檯便被那金黃色的外表吸引了，店家用小火爐托住豬扒飯的盛器，原以為下面有火保暖，但原來只是presentation的技倆...豬扒算是炸得脆, 肉質未算粗糙, 滑蛋裡有冬菇片及甜洋蔥絲, 與白飯一起吃很夾 不過較失望的是份量非常少，基本上滑蛋只在豬扒的兩側，一放下匙便已到底...... 難怪要用小火爐去掩飾它的「敷淺」啦 幸好泡菜是「吃到飽」，那才可以吃完餘下

遮打革命的出現，總會影響到佔領區附近的商店，作為市民大眾能夠做的，就是好好幫襯受影響的店鋪，不過也要清楚知道甚麼鋪頭值得幫，甚麼鋪頭不值得幫，這間食肆和某鹹豬手只幾步之遙，但就知道天國與地獄的分別。雖然只是一個人進場，不過還是要等一下才有位置，是本來就己經人頭湧湧還是因為撐小店的宣傳後才聞而至就不得而知了。想要吃得飽飽的，不過餐牌裡套餐看起來不足夠飽肚，看到牆身上有一個滿腹套餐，有一個豬肉石頭鍋飯和韓式冷麵，價錢來說在銅鑼灣區很公道就選這個了，畢竟在銅鑼灣吃一碗普通的麵已經三十元起跳了，現在有飯有麵不過一百元還要是韓食，實在沒有話說。石頭鍋飯製作必定需時，所以不要點了後又大呼小叫為甚麼那麼久。真的忍不了餓的話可以吃一吃免費的泡菜消消火…啊不對，辣的東西應該吃後更火。雖然我不太喜歡吃泡菜，不過這泡菜辣度對我來說還適中的，而且很夠酸勁，是一個很好的開胃菜。之後侍應姐姐送上石頭鍋飯（或者我重申一次，那姐姐長得不錯），她問我要不要下辣醬後就摩打手的把飯攪拌起來了，快到望塵莫及恐怕跟她猜拳會輸在彈弓手下（笑）。說回石窩飯，雖然翻滾過後飯好像停止了加熱，不過見到有相當多的飯焦我很滿意。可能是因為沒

撐小店晚上8點到步，店已8成滿座，我同呀q拿拿臨入座，店員亦快快手送上熱茶與kimchi。民度kimchi唔太辣，好岩hk人食。我地叫左個燒魷魚同滿腹套餐。落完點後狂食kimchi。滿腹套餐我地叫左冷面，d面真係好鬼煙un，煙un到有d難咬，加上我cool牙，真係好難搞。之後條魷魚黎啦，煎得重手左dd，但係都仲好味道，叫多左個asahi送黎飲，嘩32一罐，飲完老闆問仲要唔要我地擰哂頭。石頭飯終於黎啦，waitresse幫我地快手撈好，等一陣無咁熱就食得啦。d豬肉撈左好似唔多食得出，成個飯比較清，食落比較有日本feel既韓國野，不過又幾岩我地口味。食完之後我地又食左好多kimchi終的而言，個唔洗錢kimchi最好味。呢度服務好，個個都好好口，令我地食得好開心。

特別推介風味煎餅,煎得五會太過,好香,食落脆脆地又五會好干身,有D香蔥,好正~不過佢寫住系韓式既煎餅就五系好合乎我既要求....呢款餅無韓式個種香spicy既口感,比較似本地化左之後既餅,好適合香港人既口味!價錢方面都可以接受,就CWY地段,都五算好貴,值得一試~

一心一意想去銅鑼灣試果間台灣菜既小店, 點知星期日無開...所以最後我地就轉陣去此店試下..當日唔算多人地亦好輕易咁坐到將4人枱, 就算店子細細座位都幾舒服..睇下餐牌價錢亦唔算貴, 一個菜都已經有包飯都係大約$70-80左右..我地點左個石頭飯跟小冷麵, 另外一個係店主推介既泡菜豚肉鍋配飯點完餐後就即送上一瓶泡菜, 不過泡菜味道只屬一般相比韓式泡菜少左D香辣味道先來既石頭飯味道唔錯, 如果好似我咁喜歡有飯焦, 這一店一定滿足到...整個石頭飯都有好多飯焦香, 加入大量既蔬菜都唔錯,但配上既冷麵味道就麻麻, 無咩味道, 個湯又無味D麵質又唔算特別好味.再來就係泡菜豚肉鍋, 原來鍋中已有即食麵條再配上幾片豚肉片及大量蔬菜, 味道都係只屬一般, 豚肉片煮得太耐有點鞋, 個湯亦唔算好辣, 可能佢地醃既泡菜本身唔辣.整體上食物都只屬一般, 相比韓國人處理既韓國料理味道都差太多, 但此店既服務就令人好舒服, 又細心.

呢個是一個月前的食評見openrice好耐無登，仲吾見咗所以我再寫多次當日情況一條友在銅鑼灣行入咗呢度一個人坐counter位置，面對牆叫咗個牛肉石鍋飯同一杯橙汁石鍋飯都等好耐先到期間有職員都走去廚房門口追石鍋飯好香好熱亦有好多配菜，牛肉，芽菜紅蘿蔔絲同菜條等等仲有一隻生蛋，隨鍋有一兜辣汁加上辣汁再攪飯一齊食好辣同好好味道，不過要小心因為好辣咀下，味道惹味呢度環境都幾有日本feel有機會都會再光顧

日本菜食得多、韓國菜也食得多。Crossover 的，其實也有不少。不過，相信大家去日本旅行，總不會走去食韓餐；而大家去南韓旅行，亦不會走去日食處。然而，日、韓的大城市，都同香港一樣，是一個國際性的大都會，當地的食品也是國際化的，所以，在日本、韓國，當然會找到出色的他國食品。近日，我在銅鑼灣的街頭中發現了一個很特別的餐廳名字，而就是這一個名字令我寫出了以上的一段話，這就是推廣和風韓國菜，來自大阪的《李朝園》。在大阪，《大阪李朝園》是一間分店眾多的韓食小館，有普通的石頭鍋飯店，更有韓式燒肉店。而增設在香港的店，就是以石頭鍋飯店為主的小店，當然，正確來說，這兒的食品是韓日合壁。入內，給我們的感覺是一切簡單，大家可以坐在高檯，亦可以坐在正宗的飯桌用膳，而在每一張檯上，都有一大個盛滿了泡菜的玻璃瓶，供大家任食。店員稱，這泡菜是駐香港店的師父自家醃製，當我們放入口時，立即感受到這泡菜的不同之處，首先，辣味強而不刺，而且這帶有新鮮的海產味道，入口的感覺亦是比較腍，加上這泡菜夠新鮮，沒有可怕的雪水味道，很少會出現令我吃不停口的泡菜，而這是我人生中第二次遇上。近來炸雞好狂熱，所以我們點上了一份韓式炸雞

下午茶時間，一入門口，一個客都無；大部份員工都食緊飯。明明無人，但係待應都叫小妹坐去設計得怪怪嘅高枱，不過坐落又無乜嘢，比想像中好坐。坐底待應又遞上怪怪嘅餐牌，餐牌上有一大堆日文字，實在有啲唔知點叫；正想開口問待應，佢又突然攞出下午茶餐牌。都係一堆日文字，不過設計無咁複雜，亦無乜嘢揀。頭盤係沙律，好似有四個主菜揀，跟住就係湯烏冬或者拉麵。對畀茶餐廳有幾十樣選擇寵壞咗啲香港人嚟話，真係可以話無嘢揀；不過既然都坐底咗，就食住先。結果小妹揀咗韓式炸雞同烏冬。下午茶嚟講，份量都算多。先嚟日式沙律，都係生菜、車厘茄、加醬汁；味道唔錯，但蟹籽就少得可憐。跟住嘅湯烏冬反而有啲驚喜。個湯好好味、又有肉香、味道適中；烏冬麵質煙靭；有幾片韓國泡菜，同半雙十成熟嘅烚蛋。雖然待應食緊飯，但都好窩心咁幫小妹落七味粉，又推介小妹食枱面嘅泡菜。不過唔知係唔係因為下午茶時間要順手清潔，只有小妹張枱有樽泡菜。到主菜韓式炸雞，係用碟另上嘅，避免咗浸淋啲炸雞。炸雞上面有啲白色醬汁，似沙律醬但比較稠身，味道唔錯。但可能因為太熱就切開，所以啲肉汁漏晒出嚟，令到啲雞件有少少乾。味道尚可。埋單嗰陣經理問小妹，味道如何，小妹答佢ok

好友特意前來找我吃午飯，所以臨急找了大阪李朝園 吃個午飯，門一打開，看見做工的人比客人還多，店子不大, 最多可容納四至五十人，位子分為高椅子及普通椅子，對於高椅子，我個子不高，坐著高椅子吃飯，坐得不舒服，所以都是選了普通椅子坐下。大阪李朝園 … 我猜應該是有日式及韓式食物。看一下餐牌，真的給我猜中了。餐牌上有日式咖喱豬扒或牛肉飯，日式烏冬，拉麵(份量少)，韓式雞肉泡菜湯，冷麵，也有一個大盛套餐，即是一個拉麵跟一碗石頭鍋飯，等等。我點了一個韓式雞肉泡菜湯配飯，菜還未上，侍應跟我說：這是我們自家制的泡菜，可免費品嚐！我只覺得這裡的泡菜給醬料掩蓋了泡菜的鮮味，等了差不多半小時才上菜眼看像很好味，事實是沒味道，令我驚奇的是湯底裏有麵底，但餐牌上沒有清楚列明，麵質太軟身，感覺是煮太久，這個湯的配料是芽菜，紅蘿蔔絲，洋蔥，粉絲和幾片雞肉。 真的無法想像泡菜湯配料沒有泡菜，更加沒有辣味，雖然湯裡有許多辣椒皮，但帶不出泡菜湯本身的特色。 在灣仔及銅鑼灣區，消費平均一個午膳價錢是大概四十至五十以上，以大阪李朝園來說，午膳一個需要七十五元左右，價錢貴，味道差，吃不飽，不值得再光顧。用這個價錢在其他餐廳，肯