影片
更多
2014-09-02
2185 浏览
下午茶時間，一入門口，一個客都無；大部份員工都食緊飯。明明無人，但係待應都叫小妹坐去設計得怪怪嘅高枱，不過坐落又無乜嘢，比想像中好坐。坐底待應又遞上怪怪嘅餐牌，餐牌上有一大堆日文字，實在有啲唔知點叫；正想開口問待應，佢又突然攞出下午茶餐牌。都係一堆日文字，不過設計無咁複雜，亦無乜嘢揀。頭盤係沙律，好似有四個主菜揀，跟住就係湯烏冬或者拉麵。對畀茶餐廳有幾十樣選擇寵壞咗啲香港人嚟話，真係可以話無嘢揀；不過既然都坐底咗，就食住先。結果小妹揀咗韓式炸雞同烏冬。下午茶嚟講，份量都算多。先嚟日式沙律，都係生菜、車厘茄、加醬汁；味道唔錯，但蟹籽就少得可憐。跟住嘅湯烏冬反而有啲驚喜。個湯好好味、又有肉香、味道適中；烏冬麵質煙靭；有幾片韓國泡菜，同半雙十成熟嘅烚蛋。雖然待應食緊飯，但都好窩心咁幫小妹落七味粉，又推介小妹食枱面嘅泡菜。不過唔知係唔係因為下午茶時間要順手清潔，只有小妹張枱有樽泡菜。到主菜韓式炸雞，係用碟另上嘅，避免咗浸淋啲炸雞。炸雞上面有啲白色醬汁，似沙律醬但比較稠身，味道唔錯。但可能因為太熱就切開，所以啲肉汁漏晒出嚟，令到啲雞件有少少乾。味道尚可。埋單嗰陣經理問小妹，味道如何，小妹答佢ok
坐底待應又遞上怪怪嘅餐牌，餐牌上有一大堆日文字，實在有啲唔知點叫；正想開口問待應，佢又突然攞出下午茶餐牌。都係一堆日文字，不過設計無咁複雜，亦無乜嘢揀。頭盤係沙律，好似有四個主菜揀，跟住就係湯烏冬或者拉麵。對畀茶餐廳有幾十樣選擇寵壞咗啲香港人嚟話，真係可以話無嘢揀；不過既然都坐底咗，就食住先。
結果小妹揀咗韓式炸雞同烏冬。下午茶嚟講，份量都算多。先嚟日式沙律，都係生菜、車厘茄、加醬汁；味道唔錯，但蟹籽就少得可憐。
跟住嘅湯烏冬反而有啲驚喜。個湯好好味、又有肉香、味道適中；烏冬麵質煙靭；有幾片韓國泡菜，同半雙十成熟嘅烚蛋。雖然待應食緊飯，但都好窩心咁幫小妹落七味粉，又推介小妹食枱面嘅泡菜。不過唔知係唔係因為下午茶時間要順手清潔，只有小妹張枱有樽泡菜。
到主菜韓式炸雞，係用碟另上嘅，避免咗浸淋啲炸雞。炸雞上面有啲白色醬汁，似沙律醬但比較稠身，味道唔錯。但可能因為太熱就切開，所以啲肉汁漏晒出嚟，令到啲雞件有少少乾。味道尚可。
埋單嗰陣經理問小妹，味道如何，小妹答佢ok，而且門口好靚。呢個係事實，就係因為門口好吸引，令到本來想去食碗快粉嘅小妹去咗對面食韓國嘢。不過一個下午茶連加一要64蚊，真係以為自己去咗酒店食high tea。
题外话/补充资料：
網上查到，店主係日本出世嘅韓國人，所以菜式融合咗日韓嘅飲食特色喺入面。品牌來自日本關西，集團喺當地有超過 30 間分店。
(以上食记乃用户个人意见 , 并不代表OpenRice之观点。)
张贴