大鍋口海鮮火鍋店

营业中

休息中

#小秘書 感恩有一班好朋友，星期六晚又陪咗我出去 #烚吓烚吓 🥢 而家出去食餐飯動不動都要三四百蚊落樓，我就話比咁貴食裝修😪倒不如同大家慳返啲。所以呢晚我揀咗 大鍋口海鮮火鍋專門店 佐敦店，貪佢街坊價得嚟食物水準又唔差😋雖然我哋只得5個人，不過胃口認真唔差😋 #墨魚丸、#蝦丸、#桶蠔、#海蝦、#肥牛... 枱面上幾乎每個角落都佈滿食物🤩場面好震撼！#小秘書 好鍾意食 #蠔，所以呢畢一定唔可以慳😅 大大隻 #肥嘟嘟 嘅 #桶蠔 有成半隻手掌🖐️咁大👀 #小秘書 見到已經流哂口水🤤 加埋罐 #可樂... 正呀喂！

自己另一餐生日飯局，好彩朋友有訂位，如果唔係真係要排長龍。豪俾佢，加$48先可以叫鴛鴦湯底，椰子滑雞湯底+鮮蕃茄薯仔豬軟骨湯底。不過湯底椰子味唔夠香囉，另一邊湯底都 ok，豬軟骨都夠淋。另加$148叫了極品肥牛，入口都即溶，真係要食多幾片。牛柳粒係送嘅，都夠鮮味。手切肥牛，雖然唔夠極品肥牛好，起碼啲牛肉唔會好梅；滋補花膠當係補吓；生猛海蝦，夠鮮。手打墨魚丸拼雞軟骨丸，鮮蝦滑，墨魚滑，金錢牛展，翠鯇魚腩，花雕醉雞件，九肚魚，白鱔片；黑松露水餃，食唔出黑松露；炸魚皮，夠脆；凍豆腐，冬瓜片，西洋菜，皇帝菜，唐生菜，其他都幾豐富，食到夠飽，食材都多選擇，如果唔加嘢，$168這價錢算CP值高。 但有自助甜品雪糕食，不過個雪糕質感似食冰，唔似食雪糕，算任食邊爐，人有我有果種按掣撳雪糕。

之前食過荃灣分店， 跟住近排網上好多食評都話呢間很好， 所以想試下， 都知一定很多人， 所以嘗試打電話book晚上9:15,2位， 接線生說 這個時段已爆要輪walk in， 都明白嘅因為間嘢 評論很好， 所以諗住上去輪walk- in， 當晚8:45分上到去 人不是很多， 但帶位接線生 十問九唔應， 諗住問他攞兩位 他很悔氣說 九點先派位 又沒有講幾時可以開始， 見到這樣已經先受曬氣， 立即走去了第二間了，其實都明白價錢係真係 抵食， 但冇理由未開始消費已經要受氣， 希望下次 可以遇到一個好少少嘅 接待員

近期天氣寒冷，三五知己聚聚，圍住個爐打邊爐是個不錯的選擇，今晚來到大鍋口海鮮火鍋店，任飲任食，吃得更多都有預算，不會out of budget。打邊爐熱氣上火，所以選了清熱去火的芫莤湯底，配料方面就點了美國肥牛、羊肉、蜆仔、雞子、響鈴卷、餃子等，去放題或是任食火鍋，除了食物質素和選擇多樣化外，上菜速度和數量也十分重視，大鍋口的上菜速度也快，數量也沒有漏單的情況。以平價的價錢能吃到食物和服務良好的任食火鍋，性價比也不錯👍🏼。

12月睇完戲去佐敦揾嘢食……莊士敦廣埸揀了大鍋口; 2人坐4人枱、相當闊落！點了湯底跟住睇睇食物點單: 鲜牛肉最滑、蝦膠彈牙、鮮蝦新鲜……又有竹蔗茅根精……解熱良品！全2小時任點任食……底、正、靚！

一大班朋友話…..又要食野又要吹水又要開會, 又話要交通方便又話要平, 於是乎訂咗佐敦大鍋口打邊爐食放題, 滿足哂噤多要求!雖然從未幫襯過大鍋口,但其實打邊爐來來去去都係果D配料, 再加上上網睇膠口碑, 大鍋口唔太差, 所以唔太擔心中伏.最擔心肥牛, 如果肥牛唔得, 總覺得其他配料都唔掂.我點咗肥牛同滑牛, 慶幸兩款牛都唔差, 滿意.打邊爐黎講, 自己中意食滑牛多過食肥牛, 滑牛比較厚身, 入口有質感得多! 而大鍋口嘅滑牛完全合乎要求.再睇睇其他配料同湯底先,點咗鴛鴦湯底一邊麻辣一邊薯仔豬軟骨, 真係有大大件豬軟骨同薯仔, 又好味, 合格!炸魚皮脆嘅,午餐肉厚切,響玲脆嘅, 海蝦新鮮嘅,合格!重有任食軟雪糕添, 攪到我食到滿腹囉! 成班人一齊烚吓烚吓, 吹吓吹吓, 不經不覺食到凌晨一點半, 個場重有成7成客, 如果唔掂，都唔會噤多客掛..... ^(OO)^

想平食火鍋可以揀呢間，大人 $168， 小童 $108， 長者卡有九折$151。呢個價錢已經包湯底、火鍋配料任點任食，而且都幾齊全，手切肥牛、生猛海蝦、花膠、脆腩等等，成張 order 紙密密麻麻堅係應有盡有。仲包罐裝飲料任飲，甜品有軟雪糕。而食物質素係幾好的，新鮮靚料，唔算 cheap 野，大可放心。坐位大枱的話都幾迫，十五六人都係安排十二人枱咋，大家即時親密左好多。服務比一般更一般，不要抱期望。不過真係超級多人，多到連lift 口等候區都爆滿。想食請先訂位，咪諗住 walk in, 會餓死响門口，訂左位其實都有機會要再等一下。Good Luck !

下班和五個同事諗住去佐敦區找晚餐地點 在OpenRice見到呢間餐廳幾好食評 於是一試雖然比安排坐門口位 但空間都算幾廣闊 上菜速度都算幾快 海蝦屬於免費任吃叫項目 非常新鮮 湯底都算幾有味買單六個人只需1096 真係平 而且大部份食物都有質素 有機會會再encore

平日收工收得夜又想同同事食得好d，一定會黎呢度，又抵食又多選擇，而且食物質素仲要唔係差，無野係唔放得入口。加上任飲同有雪糕食，係深夜放䦉既好地方。上次去要左個蕃茄豬骨湯，唔係流既湯，真係有好多茄同豬骨，湯底好甜。基本打邊爐既材料都有，最推介就係台灣腸，比想像中有口感，加上黑椒辣辣地好野味，又細細食多幾條都唔怕！另外牛肉都係一定要，平價邊爐好少有d牛肉係唔既，中意食牛既要叫多幾次！不過不時會有漏單情況發生，記得要追！

入秋了，係時候烚下烚下🤤之前食過旺角分店，今次試下佐敦店~結果係比旺角個間好食既👍🏻🍲2.5小時任食邊爐$168+1/位🍲食物質素幾好，叫左咁多樣野都完全無伏😍首先係呢間分店有得唧雪糕(旺角無)，仲要有抹茶味🍵質感味道都合格有餘，無乜回甘但都有茶味，唔會hea你👍🏻雪呢嗱味都ok，而配料就有4款，最正一定係麻糬粒🙈.湯底叫左椰子雞湯，雞肉好嫩滑又厚肉😍火鍋料方面👇🏻✅花膠: 大推！份量多，成個口充滿骨膠原🤤✅手切肥牛: 大推！唔肥又有肉味，質素真係唔差👍🏻✅黑松露餃、韮菜餃: 我食左5隻🙈兩款都好香好夠肉汁❤️.黑豚肉片唔錯，另外蔬菜類好新鮮好爽甜！(食左3大碗haha)丸類就唔太特別，當中芝心丸最好食👍🏻炸芋頭都夠粉，食得出芋香，唔會無味~另外有得叫湯圓，放落火鍋湯到烚係有少少怪💩😂.整體黎講幾抵食，質素仲幾好，又有雪糕唧，可以encore😌150分鐘任食，吃完飽到上心口啦🤣.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌘回頭率: 🌕🌕🌕🌕🌘

一年四季都啱食火鍋，諗唔到食咩，好多時都會選擇去打邊爐！🤣 一班人去食就最爽，可以熱熱鬧鬧聚會之餘，又可以試多d唔同嘅食品！🙆🏻‍♂️🙆🏻‍♀️😋·👑 任食火鍋（每人$158 + 10%）9.5/10分·個人覺得呢度嘅「超厚切午餐肉」同「芝士丸」最出色！雖然唔特別有益，但每次嚟都會食好多！🤤·好多醬料選擇，如果有埋麻醬就滿分了 😎·個人特別鍾情嚟「大鍋口」打邊爐，因為食物多選擇、質素唔差，而且價錢適中！😛·💡 嚟之前最好book定枱，曾經試過walk in排隊，等咗差不多1個鐘，餓住等都幾辛苦...

講到打邊爐，我既首選一定係大鍋口。任食得黎，又平、選擇又多、質素都ok，好抵食！基本上每款都會叫啲試下，肉類、海鮮、丸類、蔬菜、粉麵都會叫啲食。個人推介手切肥牛：不會太多肥膏，而且好香牛肉味，我一個人可以食到十塊😂是日海鮮係墨魚：好新鮮又爽口！而且大大舊，真係一啲都唔吝嗇萵筍：平時好少有機會食，黎親尼到都必叫，新鮮又爽口至於元貝：個人麻麻，唔知係咪整得太熟，好硬好難咬仲有，飲品係任拎咖，有自家街既竹庶茅根，不會太甜又解熱氣，配打邊一流😌佐敦分店好好，仲有得任食雪糕！配料仲有麻糬任落！！再黎既話一定食去番佐敦分店🤤

平時一大班朋友出街食野，book好曬枱是常識吧！但有時一對對情侶，或者3、4個朋友突然餐敘，要搵個位食好野，真係一位難求。好彩的可以慢慢排隊，唔好彩的，可能直接被拒絕（因為full booking)呢間火鍋店都幾出名好食，過往試過book位食，唔book位無得食，今次諗住食早場（17:30），唔book位都應該有位食掛！只差一點點就無機會食，好彩仲有幸運之神眷顧，俾我walk in到最後一個位，否則就無得食（見到之後有數對朋友上黎問一問就走）。其實唔知係唔係book左無人黎，佢地俾左門口果張大枱我，本身可以坐8人的俾我兩個人坐，呢餐食得特別舒適講完自己ge好彩，講講火鍋內容湯底有好多款，款款都唔駛特別加錢呢個係椰子滑雞湯底，個湯好香，當然唔及果d賣湯底出名，賣成～200蚊個果d比。但任食火鍋黎講絕對高質素，唔係清湯加色就算。混醬款式唔多，係得基本野，但可能火鍋料掂，其實唔太洗醬料都可以。火鍋料有太多選擇，而我又十分肚餓，所以想睇清楚有咩食，去試一次仲好。任食的果款牛唔係膏肉分明果種，唔駛太擔心中伏。呢度同其他都一樣，有任飲，唔駛擔心又要俾多筆。除此之外，而家仲有雪糕同toppings俾

一輪辛苦之後就去食～ 朋友介紹去大窩口，咁遠由尖沙咀去荃灣？ 有無咁好食呀？點知原來我地誤會咗，其實係佐敦嘅大鍋口一大班朋友打邊爐最開心我地一行12人入到去，最正係去到剛好特價時段，仲俾我發現呢度有冬陰公湯底，大愛呀雖然呢度係任飲任食，但食物質素唔差，而且唔會漏單，份量都算大碟，最好笑係竹庶茅根可以成樽攞，正～另外我地自己帶咗枝紅酒嚟，呢度係無收開瓶費架～ 佢仲話切餅費都無👍🏻👍🏻同埋呢度有間房，好似VIP Room 咁，可以private d~總之今餐就食得開心啦～ 一定有下次

今晚約左我一個中學同學聚一聚，但因為我要加班，所以約左晚上十點係同學仔公司附近佐敦等，想下次再約過，但我依個同學仔真係好忙架，可能佢嘅職業啦，佢從事金融行業，我地下班時佢才上班，因為佢要經常睇住美國個股市.我與同學仔會合了，商量不如打邊爐丫，打邊爐可以一邊吹水一邊食野，係佐敦都唔想諗咁多，一於去莊士倫敦廣場睇下有咩好食呢？夜媽媽，睇下樓下廣告，不如試下這間大鍋口，於是我地上去，好快已經有位，但咁夜都有唔少人係到，我地選擇左蕃茄湯底，醬油就有阿姐遞過來，任君選擇，汽水果汁啤酒都係任你攞的，都有好多選擇啊！之後我地係火鍋紙到劃飛，好得意有是日海鮮，今日嘅是日海鮮係貴妃蚌，好正!好新鮮啊！最特別係依到有白鱔片，唔係好多任食場有白鱔片呢~D白鱔好肥美啊，其他野都好新鮮啊！而且個蕃茄湯底越煲越濃味呢~整體e間大鍋口值得推介俾大家~