大鍋口海鮮火鍋店

营业中

休息中

平時同一大班人聚會通常都會嚟呢度打邊爐， 因為性就容納得夠多人，同埋價錢都好抵，配料選擇有好多， 絕對滿足到要求多多嘅朋友們。佢哋嘅嘢食嚟得好快，所以每一次都食到好飽， 湯底方面沙嗲鍋非常之惹味，椰子雞都非常之唔錯。食材方面就強烈推薦嗰度嘅鱔片，雖然有時會有少少骨碎，但勝在夠鮮甜，淥一陣就好爽脆。而滑牛就一定係必食，因為牛味比較重，同夠曬淋， 我鍾意食佢仲多過肥牛。 除咗牛肉之外， 鵪鶉蛋同補血既豬潤都值得推介。

今時唔同往日，一向 #座無虛席 嘅 #大煱口，呢晚變得人流稀疏🤨 或者大家都怕感染而唔敢嚟 #打邊爐😉 心口有個勇字嘅我地，一於少理... 食埋呢餐先算啦🤣 以往密密麻麻嘅擺設，依家都變得寬敞。朋友話好肚餓，當然我要盡我所能，叫到一枱都係 #火鍋料 啦！其實講真呢度真係幾抵食㗎， #餐牌上 九成嘅 #食物 都係 #任叫任食，而 #汽水、#涼茶 都包嘅，不過朋友就寧願自費叫咗幾罐 #啤酒，佢話飲 #可樂 會肥呀🤣🤣 #小秘書 當然唔執輸，加錢叫咗份 #桶蠔 返嚟，雖然只係得三隻，但係其中一隻蠔仲大到成罐啤酒咁，至啱喎呢 #蠔痴🤪 不過美中不足係個 #蕃茄豬骨湯底 味道實在太甜，唔知師傅係咪落錯咗啲糖，當鹽嚟做 #調味 呢？搞到我要叫啲 #生番茄 返嚟落湯中和返個味道😤 至於食物方面，#火鍋料 都好新鮮呀，而我就最欣賞佢嗰啲 #鮮蝦，新鮮得嚟又啖啖肉，以 #火鍋放題 嘅講，質素算唔錯。唯獨可以改善吓嘅係 #服務員態度，唔好下下扮見我唔到先得㗎🥴

每次同一大班同學出嚟見面，都會揀呢間大窩口，打邊爐做晚餐。揀呢間做晚餐嘅好處係，可以一張枱坐十幾20人，又有唔同口味嘅鍋底同埋配料選擇，唔同口味嘅人都可以照顧到。再加埋佢有自助飲品吧同埋乳酪雪糕，真係抵食！老實講，同朋友出街食飯，最怕都係傾食咩嘅時候，傾唔掂數！所以呢間餐廳就變成我哋嘅蒲點啦。全程打邊爐兩個零三個鐘有講有笑，仲有咩要求！雖然話佢嘅配料選擇好多，但係上菜嘅速度就比較慢。整體來講佢哋嘅嘢食算係乾淨同埋足分量，嘢食嘅味道唔算太難食，亦都暫時未出現食完之後唔舒服嘅問題。（假如你叫響鈴或者肥牛，建議你可以降低你嘅expectation，因為肥牛係薄切，響鈴係瘦身響鈴。如果你咁岩對呢兩樣打邊爐熱門食品好有要求、好有執着的話，可能你自己係屋企打邊爐會更加開心。）

天氣近日轉涼,所以約咗幾個朋友食火鍋朋友話這放題火鍋店的食物夠新鮮,,我地訂咗7:30,可以食2.5小時 ,都係$158一位(另需要加一服務費),價錢都幾抵食店面積幾大,但座位較迫,差不多係檯貼檯,我地5人,被安排坐卡位火鍋食物紙一張,都有好多食物,肉類,丸類,海鮮類,菜類等等,真係幾多嘢食叫咗個椰子雞湯底,個湯白色,幾香椰子味,仲有幾粒杞子,(如要鴛鴦鍋,就要加錢)肥牛都幾靚,油脂分布均勻,入口好軟滑黑毛豬肉片,切得好薄,都好易熟,好滑鵝腸唔會好多油脂,入口好爽脆最鍾意係白鱔片,入口鮮甜,肉質有彈性脆肉鯇魚腩,直係好脆口,丸類有部份係手打,入口好有彈性另外飲品放係飲品櫃,有汽水,枝裝茶,啤酒都有,都係任飲

因為有個舊同事要返美國，所以我地成班舊同事又出嚟食飯，但又唔想食得太貴，所以我們就揀左又去大鍋口食打邊爐啦。今次我地揀左皮蛋莞茜湯底，但真係超搞笑，皮蛋係成隻係到，之後佢地夾嚟食時估計，應該係有切，但無切開晒，所以黐埋晒一齊。我地叫左手切肥牛、蟹柳、韓式年糕、白鱔片、墨魚滑、蝦滑、鮮牛肉、五花腩片。咁多樣嘢我覺得最正都係墨魚滑、蝦滑、鱔片，但今次我都係第一次試呢個五花腩片，原來佢淥起上嚟都好正㗎喎，好滑溜，不過可能因為多脂肪的關係啦，不過即係代表住有辣有唔辣，滑溜的代價係會好肥。之後第二round再叫多次嘢食，除左叫上round覺得好正的嘢食之外，我見到居然有樣好特別的食物，就係雞軟骨滑，之前真係聽都未聽過，所以決定今round叫呢個雞軟骨滑啦，除此之外，我地仲叫埋醉雞同鵝腸。雞軟骨滑我真係未食過，佢的口感都幾特別，似係將平時軟骨的位打碎左撈左入個肉到，不過到底個肉係咩肉我真係唔知，唔知係咪雞肉，怨我未能食得出。醉雞就啲雞肉幾滑，但佢的酒味的確幾入味，就算隻雞淥過之後仍然係有酒香可以食到，所以唔錯，鵝腸都爽的，不過因為都份量多，叫一份好了。甜品佢今次係芒果同雲喱拿新地，都ok的，不過不

1個月前已預約，每次都好難預約到，因價錢超值，食物款式種類多，食物材料新鮮，湯底味夠濃，服務一般。極力推介：脆肉鯇魚片、脆肉鯇魚尾、脆肉鯇魚頭、台灣黑椒腸、黑松露牛肉餃、肥牛、新鮮大蝦....

友情似火煱湯底，闕始時間清淡，但加咗好多食料烚下再烚下，湯底會越嚟越濃越有味今日生日，認識好幾個十年頭的朋友，請我嚟哩間食放題打邊爐，時間有2.5小時，已好足夠我地四人食嘢兼傾計。因掛著傾計，所以冇影好多相。哩度湯底選擇有10種，我地㨂咗椰子雞，調味醬料就有6種，火煱食物選擇就有一張紙。哩度食材好新鮮，海鮮我地鍾意鱔片，蝦，咬落有彈性，肉類，牛肉，豬肉都唔錯，尤其是韓式五花腩片，每片都帶一點軟骨，咬落咯咯聲，丸類都係非常好，全部都係手打丸，非常新鮮彈牙，尤其係雞軟骨丸環境方面，枱距離好近，較迫，出入較易有碰撞，又冇位置放背包。

莊士倫敦廣場的食店一向如走馬燈，可以迄立多年不倒，佢當然有D料到。黃金時間 $158，宵夜時段$138；就有咁多選擇，食足兩個鐘頭，有加一。混醬有呢盤，簡單、直接、豪邁。任食項目中不乏靚牛肉，仲有大隻海蝦，全程認真任叫任食，唔會輕易地話沽清。而汽水當然係任飲，成個雪櫃自己揀。魚皮餃的皮好煙韌，餃的饀料多肉汁。四寶丸都幾好味。蝦滑、墨魚滑同雞軟骨滑係必吃 items, 自家製有驚喜。反而今次脆鯇咁夠脆，少少失望了。連平時唔會點叫的年糕、水晶湯丸等都照叫，人多又任食，當然高興D！到底食左幾多野真係唔知，總之就是開行馬力，大食特食的一晚。

去完西貢玩水就好肚餓想搵一間打邊爐食下，即日book好彩book到八點半。 Book 左座位一去到就可以入去食，已經唔係第一次入去㗎喇，不過都係咁好食。 我哋叫錯個胡椒豬肚湯底，佢啲豬肚都好好食。佢嘅蝦滑同埋墨魚滑係一定要嗌嘅。 肥牛我就覺得麻麻地唔叫都得 ,佢嘅海蝦都唔錯。 響鈴金菇 雞髀菇嗰啲都好好味。 佢有個黑松露豬肉餃個味道果唔到都幾夾不過我食咗幾粒之後就好似爆咗佢啲蟹柳同埋台灣腸都好吸引。 打邊爐梗係未到要試㗎喇結果我哋都叫左好多野。 每人好似唔使二百蚊，真心好食。

同舊同事聚會，去左佐敦間大鍋口食，之前都食過，覺得都唔錯，所以佢地揀呢間時，當然舉手支持。大煱口的飲品係自助的，都有唔少選擇，不過無糖飲品就只得茶可以選擇。我地都點左唔少食物，叫左美國肥牛、響鈴、水魷魚、海蝦、脆肉鯇、白鱔、墨魚滑、韮菜餃、黑松露餃等。湯底揀左蕃茄湯底，酸酸地，會開胃啲。我個人覺得有幾樣食物係幾正，可以加追的，有啲就比較普通，都係一般大路的食物，而我會再追加的食物有海蝦、白鱔、墨魚滑同黑松露餃。雪糕係自助軟雪糕機，味道都不錯，可以自選配搭的材料，我覺得佢配脆片係最好食。

第一次黎，4個朋友聚下舊，座位舒適，餐廳安排4人卡位很好，2個半小時任食，不錯，除應有的火鍋材料外，新鮮蝦， 花膠都係任食，飲品種類亦多，有薏米檸檬水。但我身體不好，我不太喜歡冰凍飲品。所以要放暖左才飲。埋單只是$150,抵食

呢排好想一班人放工去吹下水，輕鬆下。有個同事想食大鍋口好耐，今晚終於食到。發現野食幾新鮮，好多款式揀。炸魚皮超好食，仲有羊肉！每次上肉既份量都幾夠。同埋羊肉真係有羊味架。蝦真係好抵食！我覺得都幾好味。其實有午餐肉同出前一丁已經夠晒野飲係少左啤酒無得任飲，不過都多野揀，仲有自製檸檬薏米水，希望去到水腫。軟雪糕都唔錯，正正常常。提提大家，八位先會有兩個鍋，如果七個人，就叫多個抵啲，唔係就要加$48. 我地叫左椰子雞，好香。沙嗲反而就無咩味。本身book左7:00, 但放工成班人都遲左，打去希望hold到位，真係盡量幫手hold到7:20，可能星期四都會好啲，巧感恩。但我同事好環保咁用玻璃杯食雪糕，俾呀姐話。不過用之前要睇下有無裂，我同事個隻真係裂左。

今天和家人去佐敦大鍋口打邊爐，此店平時一星期七天都爆滿，很難入座的，就算打電話訂位也只可以4位以上才受理，2位通常他們都説冇位了事，除非是5點至7點半時段就會很容易入座，而且可以選擇卡位，座低有很多款湯底選擇，我們選擇了椰了鸡湯底，味道香濃，再點了手切肥牛、九肚魚、水土尤、魚云、蟮片、蝦、貝殼、羊片、水餃、墨魚滑、脆肉鲩魚、牛柏葉、西洋菜、牛筋腩等等，賣相也非常新鮮，服務買也有經常加湯，只是唯一可惜是黑衣的女接待態度比較差，帶了我們去一個卡位，但我們要求座靠窗的卡位她說己被人訂了，後來我們由開始到结尾都沒有看到靠窗的幾個卡位有人來。最後埋單2個人3百幾，算低食。

打邊爐想食好d通常都要叫餸，但咁又食得好唔放差咁d，任食既話就話周街都有但間間都劣食咁，呢間就真係高質，唔太貴既邊爐啦😍打邊爐首先要講個湯底，朋友食過話椰子雞湯幾正，今次試試新野叫左個醉雞煲同埋胡椒豬肚湯（雙拼湯加48蚊），醉雞湯飲落唔錯但煮完野食就唔係好入到味，胡椒湯就超級重胡椒味勁香👍🏻野食碌完都仲有陣陣既胡椒味真係必試🤪醬料選擇就唔算多不過勝在有花生醬炸蒜，未試過咁食既真係可以試下，會變左一個好好食既醬🤤普通野食唔講啦，講下d特別d既，首先係油炸鬼，都算係一樣幾新既餸，其實好似響鈴同魚皮個d不過更脆同有口感，一般都係碌幾秒就得，呢到既油炸鬼都幾脆口唔會太軟身幾好食🤪然後有個朋友推介既松露韮菜餃，朋友話有好香松露味不過我就唔多覺，正正常常咁🤔打邊爐食肥牛就基本啦，佢d肥牛好靚唔多肥肉叫做幾高質，即刻可以叫番10碟8碟👍🏻仲有個雞軟骨滑，口感非常特別，佢有平時食滑既彈牙，中間夾雜左少量雞軟骨令到成件事好有咬口，淨食雞軟骨又驚咬到牙仔軟，食魚滑又好似食魚蛋咁，呢碟野真係一絕，即刻黎個round 2😍最後發現有個水晶湯丸真係好想見下佢既盧山真面目，點知真係平時所知既水晶湯丸😂😂仔細品嘗下

二月中同一班朋友出黎見下面食，傾下計。揀左呢間佐敦既~大鍋口~ 任飲任食打邊爐。今次係第一次黎食野，晚上8點幾黎到，我地一行十二人黎到，卜左枱比左張大圓枱我地，不過都係有啲迫🤣。野食方面都幾多選擇。。。 罐裝飲品係任飲都有幾種選擇。仲有竹蔗茅根要令外點先有。點。左既野都算係黎得齊，冇漏單👍🏿👍🏿。打完邊爐，仲有乳酪食，過一過冷河🤣👍🏿衛生唔算很好，有小強出黎say Hi ~(飲食業一定有，但係唔好比人見到)4am先關門，我地食到1點幾，唔會崔我地走。👍🏿