大鍋口海鮮火鍋店

营业中

休息中

通常去佐敦尖沙咀附近想打邊爐，好多時都會揀食大窩口勝在夠平，不過成日都要等位😂今次難得 walk in即刻有位食物都係正正常常啦，可能因為今次冇爆場嘅關係，服務好好，主動加湯，收碟，冇甩單😂埋單仲問好唔好食☺️

早排都因為各樣那樣嘅理由，一直約唔到兩位壽星出嚟食飯，不過俗語有云「有心唔怕遲」，呢日我哋終於可以齊齊整整坐埋食餐飯🤩 大家唔知係咪想就我戒口，兜兜轉轉我哋又返到嚟 #大煱口 #打邊爐。以往人山人海嘅景象，都因為 #火煱群組 嘅疫情新聞，變質得有啲冷清🤪 不過對我哋班食客嚟講梗係好啦，既可以坐得舒舒服服，又唔使食得咁趕😉 呢度嘅 #食物 同 #飲品 都係任飲任食嘅（除咗幾款自費食物）。天口咁㷫，先嚟飲杯佢哋自家製嘅 #蔗水 真係幾爽🤩 話晒係 #火鍋放題，梗係要「不飽無歸」啦🤣 我哋要咗個 #椰子雞、#豬骨煲 做湯底，#鮮蝦、#響鈴、#肥牛… 一定少不免，當然仲要叫畀埋我最愛嘅 #桶蠔 （自費食物）先至夠滿足啦🤩 湯底係免費嘅，雖然味道唔係太濃郁，不過清清地都算唔錯，#火鍋料 都好新鮮，以 #放題 嚟講，算係勝價比高，如果你好似 #小秘書 一樣咁鍾意食 #蝦🦐 就咁啱哂🤤 啲桶蠔大大隻，啖啖肉好鮮味🤤整體服務都算唔錯，而且價錢都係街坊價，鍾意打邊爐嘅大家，可以試吓呀😉

以前真係宵夜飯堂 質素對得起個價錢有多而家分兩個價錢貴嗰個有海鮮同靚牛食唔好以為任食 係得一碟㗎咋啤酒任飲得獅威同冰藍千祈唔好揀貴啲嗰個餐好伏牛肉就超薄 隻蝦又細隻咗質素差咗 但變相加價真係冇下次

一開始坐低，問個服務員有冇Wi-Fi 距話有 但係唔知道密碼 我個下真係笑左出離咁都由距啦 之後叫野食 叫個樣冇個樣 個經理仲搞笑 我話叫左3次雞子冇一次離到 距仲要勁大聲答我雞子下年先有 咁姐係點？我下年先買單得唔得？之後好啦 我叫左兩碟肥牛 出到離啲色澤就好似擺左係雪櫃成個月咁 由距啦我再叫過 點知之後個兩碟都係一樣🤮🤮🤮呢間野完全冇可以比讚既地方 我真係唔明 今日既香港仲可以有啲咁既餐廳 呢間野下次請我食都唔食 又污糟又冇服務真係等執笠

講起打邊爐真係香港人嘅最愛，亦係我最愛，平時係屋企唔想煮飯就一定諗起烚吓烚吓，如果出街打邊爐我第一時間就係諗起（大鍋口),第一價錢實惠，食物新鮮同飲品多選擇、第二地方方便，但最可惜係因為疫情另外兩間分店已倒閉，但我相信疫情過後一定可以捲土重來。同埋我特別欣賞佢地嘅自家制雪糕，每次去到一定食番幾杯，仲會定期轉口味，又多配料，真係堅好食。大推👍🏻👍🏻👍🏻

任食火鍋最抵的時段15:00-17:30 $128 加一免費送雞煲，但我們只是兩個人食會吃不完，所以沒吃雞煲直接打邊爐，人多就可以吃。湯底要了椰子雞湯，不算很濃椰子雞味，清清地。推介鱔片、肥牛、羊肉、手打墨魚丸、油炸鬼、粟米。最後一定要食雪糕🍦是自助的擠擠雪糕機有雲呢拿、朱古力、雲呢拿朱古力兩溝，我要了兩溝配料也是自助的，有焦糖醬、棉花糖、爆珠、軟糖、薄脆。這個時段打邊爐，抵食啲又少啲人！

今日黎左任食邊爐，第一次食呢間，嘢食質量就一般，限時兩小時，真係多一分鐘都唔得甘。講返食物，送既肥牛我覺得最好食，粟米夠甜，蝦任食都OK，其他質素就真係一般，係勝在價錢真係平搭救

3/3重開 3pm~6pm前優惠價$98+10%雞煲 + 火煱 任飲任食食物同晚市 招呼好好 上菜快 有漏單 再叫有嚟 鱔片 每次叫都係上4片 再接再厲鴛鴦湯底 要+$48川芎白芷魚頭湯 好香藥材味 食物豐富 鵪鶉蛋 土魷魚柏葉爽口冇異味 魚頭鮮 雞子麻辣鴨血川麻入味 鮮尤魚桶 扇貝虾 很一般 有黑腸醬料~麻醬 沙嗲 蒜 蔥 但冇芫荽冇加錢點番餐紙嘅食材"手切牛肉“ 薄薄嘅 夠淋 有牛味牛展~淡口重雪水味羊肉 ~有啲韌 乾 嚡牛筋滑淋 但牛腩(崩沙)硬 煲到尾都咬唔入 浪費啦手打丸 推介虾丸墨丸 鮮味爽口彈牙

一向怕羊騷嘅我，呢晚居然跟咗班朋友去食 #羊腩煲😅 不過其實唔食 #羊肉，都可以揀煲入面嘅 #枝竹、#冬筍、#冬菇 再點啲 #腐乳 嚟食，其實都幾 #惹味 㗎🤤 唔知由幾時開始，大煱口海鮮火煱專門店 已經變咗我哋個 #聚腳地，除咗價錢夠貼地之外，#火鍋料質素 都算係唔錯，#小秘書 淨係食 #蝦 加少少 #肥牛 已經夠晒滿足🤤一向 #座無虛席 嘅 #大鍋口 都因為疫情生意淡咗，我哋四個人竟然被安排坐張八人枱... 真係夠晒寬敞🥳 走嘅時候，大家不約而同話下次出嚟要食得高雅啲🤪 睇嚟有排我哋都唔會返嚟 #麻甩飯堂 lu 😏

平日六半點門口都已見到要等位, 真是嚇我一跳, 幸好我們一早訂了位今次被安排位坐卡位, 記得上次嚟都有兩三年前了, 我相信火鍋店一定要各方面都能保持水準才能夠吸引食客再次幫親首先, 侍應為我們奉上一鍋麻辣雞煲, 鎬內嘅雞件唔算太多，始終主打都係打邊爐呢！雞煲普普通通啦火鍋食物係寫紙仔嘅，款式種類繁多出面自助區重要係取飲品和軟雪糕呢碟肥牛係送嘅，雪花分布都唔錯。雖然每碟食物份量唔多跟人數配給，但亦可以試到唔到款式，始終係任食嘅好處，邊款喜愛可以再接再厲繼續再落柯打

終於約到既同事聚會！大家都諗住食牛大人....同事17:45去拎飛竟然話派晒！！牛大人真係好癲！結果....去大鍋口.....真係好耐好耐冇試過咁多人打邊爐了，雖然8個人都係要分枱....但闊落d都唔錯既！宵夜時段，抵食既！好似$178一位最好食係墨魚滑、蝦滑個d！食物款式都唔少！湯底一般啦，唔太夠味！飲品選擇較少！食物性價比ok既，但服務就唔太得。比我揀既話就唔會揀大鍋口喇！

好耐冇出去打過邊爐...咁啱朋友講起呢一間任食火鍋店好耐冇去..所以我哋就起行啦..一坐低個店員就問我哋食唔食雞煲..佢話份量唔多可以食少少..跟住再幫我哋換嗰個湯底打邊爐..咁我哋當然就試吓啦份量唔係話好多大概10件8件左右..雞肉係夠味...但係雞件就偏鞋咗少少..食完我哋就換咗個胡椒豬肚湯底..胡椒豬肚個味好香濃..個湯底仲越煲越辣添...如果再凍啲食就勁暖胃任食來講呢度種類真係算好多...佢連魚雲，鵝腸雞子都有...食到飽晒

Return customer. This time price has increased and eating time reduced. StillOk for the quality of food but wish price and time can go back. There was a big rush to get the bill and last order was 30Mins before our 2 hours was up.Missed a good quality hotpot. Alcoholic drinks was available at a good price as always.Recommend to book early. Still love a great hotpot with friends and family. This is highly recommended

大鍋口曾經係晚晚爆場嘅打邊爐勝地，雖然有一段時間沉寂咗冇咩人去，但限聚令放寛後又成為一個人氣蒲點。同三個老友一齊上去聚一聚，因為可以放開懷抱，任飲任食，一邊食嘢一邊吹水，放鬆一下 😚😚😚都係例牌先食一個雞煲，因為肚餓關係已經趕不及影相就食晒啦⋯⋯ 雞肉嫩滑，火候味道掌握得好，少少辣有追食感覺 😋入正題當然係打邊爐啦，今次叫咗個清清哋嘅椰子湯底，原因係想食到食物嘅原味，所以唔會用濃味湯底。牛肉當然係少不了，新鮮，分量足夠。白鱔片，肉質新鮮彈口，好食到停唔到，相信都有 encore 咗六，七次。墨魚滑，雞軟骨丸，鮮蝦肉丸及游水鮮蝦，用料上乘所以件件都彈口，加上用椰子湯炙熟，可以完全保留海鮮嘅鮮味。黑松露水餃，松露味道不濃，𥚃面有爽口蝦肉及木耳絲，材料充足。萵筍及茶樹菇清新，食完肉類之後食返少少蔬菜，減去一些肥膩感覺。響鈴放入湯中，浸兩秒就夾起，入口鬆軟又帶有少少脆口 👍🏼👍🏼👍🏼👍🏼另外，朋友仔叫咗鴨血，豬膶，韓式五花腩片，雞子，羊肉片等等⋯⋯食材都十分新鮮，因為內臟食物如果唔夠新鮮，就容易有腥臭味，既然朋友可連續叫了三，四次鴨血及雞子，即係話質素冇問題啦 😚😚差不多成大半年冇打邊爐，今晚

以為邊爐放題一定係劣質嘢？你咁諗就錯喇！呢度真係又平又抵食 打邊爐要有嘅配料大部份都齊晒 牛肉好食😋 一啲都唔鞋 響鈴都好正 呢度仲有大圓枱 最啱一大班人聚埋一齊呀🤤 略嫌時間有啲短 得兩個鐘 如果係成班傾計嘅話就可能唔係好夠時間喇🤐 不過就嘢食黎講 呢個都算係平價高質之選啊🍲