大鍋口海鮮火鍋店

营业中

休息中

上次去旺角店，夜晚，一去到就有位入好好，啲湯底都幾好味，最好食係芥末丸，食過翻尋味，但係寫左四份淨係黎左五粒。建議可以佐敦分店咁增設雪糕機，因為都想食芋頭牛奶味雪糕。

今日同女友野餐睇戲直落，唔經唔覺已經九點幾，坐車出返佐敦就更加唔使講🤦🏿‍♂️我地未食晚飯架，餓住個肚點返屋企訓丫🤷🏿‍♂️好彩，差啲醒唔起佐敦大鍋口仲有開，所以我地即刻九秒九跑過去喇一直以為宵夜火鍋應該唔使等位，原來大錯特錯，成堆人企哂喺門口，最後又要等多半個鐘左右先有位一坐低呢，我地就瘋狂落order。先叫胡椒豬肚湯底（女友至愛，啲湯差啲比佢飲哂），再狂叫一大堆肉😻係肉丫哈利~肥牛真係叫左唔少，而肉質都幾彈牙既，鮮味就談不上喇，脂肪亦稍多，但今餐無謂過份挑剔了，飽肚就夠其他野食都相當正常，飲品款式算多，至於雪糕就因為忙住食肉而無試到🙈最後食到尾班地鐵開之前先走，埋單百五蚊一位真心抵，而且又食到好飽呢🤤

又係食宵夜時間凌晨兩點上到去去到就即刻要你last order 不定行黎吹又五知佢份量幾大份 待應服務態度差 眼中只有收工兩字🤬食物質素：好差好五新鮮點乜就冇乜 一係話廚房收左 一係話賣晒椰子湯底 朋友話好臭魚皮 牛 各樣都好五新鮮好似放左好耐求其執比你甘完全五想食最後夠一包公仔麵味精粉捱埋下半場 啲丫姐趕收工甘係甘清你台面野問你依碟食五食 個碟食五食 好似要你放晒落口 然後等佢可以洗野收工甘😪再宵夜一定五會再去依間食 雖然有朋友話夜晚食過係五錯但係同行朋友都覺得五知我地係米去左異域地帶同一間餐廳竟然可以評價差甘多只能同大家講 宵夜要小心🤦🏻‍♂️

講真，食物質素幾好，而且因為早食，所以上菜快。但其中一個女員工既態度真係好差我地問距拎雞蛋，距話要5蚊，我地問：下，要錢架？（因為我地以為任食包埋）之後距答：樣樣都要錢架啦，食野吾洗錢咩，吾好食羅我就吾知距係咪幾億身家係度打工所以睇我地吾起態度好差差差差差差差差差差差差差差差差差差差差差差差差差差差差差差

最近開始轉涼，木嘴同木嘴朋友又開始麻甩發作，蠢蠢欲動想去打邊爐。因為今次餐飯比較多朋友食，所以木嘴既朋友早一星期已經好有誠意咁預早book定。但係，book完之後幾日，木嘴睇新聞發現成棟莊士倫敦廣場大停電，成堆食客打打下邊爐無得食。木嘴見到，仲恥笑個負責book既朋友做咩好揀唔揀揀間疑似有伏既食肆。當然，木嘴都係得個笑字，最後咪又係乖乖赴會。而食完之後，我終於明點解朋友要book呢間，因為呢間火鍋真係又抵又好食。可能你會問我，火鍋咪即係將D食物dum入煲裏面淥熟囉，間間都咁上下架啦，呢間又有咩特別喎。雖然的確打邊爐就係將D野食dum晒落個煲度，但係呢間淨係個湯底就喇完勝其他地方喇。話說木嘴本人就好鐘意食辣既，今次本身都瞄住佢個麻辣湯底諗住叫。但係因為有幾個朋友事前表示個肚唔舒服，最後唯有揀咗蕃茄薯仔湯底。木嘴一心諗住食辣，見無得食真係咩mood都無晒差D想好似D港孩咁攤喺地下濠哭。但真係估唔到個蕃茄薯仔湯底出奇地好食喎，個湯底好足料，除咗蕃茄薯仔之外仲有好多煲到軟淋淋入晒味嘅豬軟⻣，淨係啲湯渣都食到木嘴我停唔倒口，令到我將個麻辣湯底拋諸腦後。至於打邊爐嘅主菜 - 肥牛、墨魚滑、菜、菇、

大鍋口海鮮火鍋店位於莊市倫敦廣場，位置方便，容易搵。呢間火鍋店可以叫係價錢便宜得來質素亦都唔錯。＄158 加一可以任食火鍋配料，飲品！最重要係仲有乳酪雪糕。九點半後更可享用特價＄138。呢個火鍋店我都食咗好幾次，今次同樣覺得好味。佢嘅牛肉唔錯，唔會好鞋。另外佢嘅出前一丁係以完整包裝上，所以麵質有保證。

第一次去大鍋口時,真係人逼到就算上到果層,你想出升降機去接待處攞位都難呀.就算俾你逼到去接待處,佢都會話你知唔知要等幾耐,暗示叫你走先,下次book咗枱先好嚟.今時唔同往日喇,雖然仲有唔少人,但當日既虛撼得誇張既情況已經見唔到.我6點到,可以即刻入座.因為要19:30交枱,所以極速點咗個醉雞鍋先.醉雞一啲都無酒味,藥材味都非常輕,有啲後悔叫咗依個湯底.湯底既雞肉要盡快食,因為來到時已經熟晒咁滯.牛肉通常係頭一碟最好,之後就睇運氣,不過今日似乎幾好運,每碟都唔會過肥,肥膏又唔會傾埋一邊,同埋幾有肉味.蝦係實淨既,即係起碼新鮮啦,最好蝦頭都啜埋,食落鮮甜.不過會有低機率遇到梅既蝦.雞子今次比起以前真係好細粒,不過好在依然新鮮,未落鍋前夾落去唔會係冧既,最緊要煮熟時會好爆醬既效果,新鮮既做唔到.脆鯇魚腩實在脆得誇張,又爽又脆,咬落去已經唔覺得係食緊魚肉亦都無理到味道,因為超爽既口感蓋過一切.真係唔知讚好定彈好.牛骨髓,果種獨特既軟滑同味道真係好難抗拒,但係依家連係茶樓都唔係咁易見到.注意唔好煮太耐,因為佢會逐漸縮小直至你搵唔到.凡立貝非常細粒,逐粒食未必食到咩味,一次食幾粒就會嚐到佢地既鮮味

早2個星期book定先有位既大鍋口，同朋友四個人坐卡位，好舒服咁打邊爐~依間任飲任食既限時火鍋，對比起其他任飲任食既火鍋，大鍋口的價錢唔算平，但食物質素就好好多！不過始終都好多人客，d 侍應都好忙，態度上就唔算好好d野食都好新鮮，我地嗌左好多肉，手肥牛，同海鮮墨魚滑等等，都幾新鮮！仲嗌左花膠，雖然唔會話比d咩好貴果種，但都唔錯，幾好味！而d平價材料好似粟米咁都好甜，試過有d餐廳d粟米係無味，比幾多都無用不過依間野一定要book位，仲要早起碼一兩個星期，否則都full晒

佐敦大鍋口一向都係我打B爐放題既選擇不過唯一壞處就係真係好多好多人如果星期六日想去食，如果無訂位最好就6點就乖乖去拎位，否則真係要等一世先有得食湯底有好多款揀（椰子雞，沙爹，蕃茄薯仔，胡椒豬肚，皮蛋芫茜等）（掛住點野食已經無影相）點菜紙好簡潔，一眼睇晒咁多除左上面少量item之外全部任飲仼食開餐喇我地瘋狂點左好多海鮮，因為d蝦，花甲同魚都好新鮮唔怕腥！另外重點推介大家試黑松露雲吞，好香黑松露味打左2個鐘，埋單每位只係$174，抵！

最鐘意三五好友一路打邊爐一路傾下計，這間位於佐敦的＂大鍋口＂是不錯的選擇，食物選擇多樣又新鮮又抵食，不過記得一定要book位，否則都要等幾耐😉醬料椰子滑雞湯底 - 椰子味濃，湯很奶白，雞就不算太滑😆生猛海蝦，魚雲，鮮蝦滑 - 海蝦真的非常生猛，爽口彈牙有鮮味，魚雲很新鮮滑口，鮮蝦滑蝦味足亦很彈牙鮮美😋金菇，冰豆腐，鮮腐皮 - 金菇條條脹卜卜，冰豆腐放湯後吸晒湯的精華，鮮腐皮很滑有豆味各式丸，炸魚皮，炸響鈴卷，薯仔片 - 芝士丸爆芝，炸魚皮和響鈴很香口，不過薯仔片有點硬不夠粉脆鯇魚腩，脆鯇 - 脆鯇不太脆反而脆腩肉質又脆又爽很味美肥牛 - 肥牛比較薄身，幸好不算太肥也有牛肉味

任食火鍋通街都係 都係擇呢間 因為貪佢啲嘢食夠保證 又新鮮 所以都係擇呢間...今次我滿意佢啲嘢飲一乍乍嘅䇞筍汁...好飲過梅子汁呀....是日海鮮係d蛤，不過好多沙，有點失望。我哋加48蚊有兩個湯底，個痳辣湯底好夠辣又好味，我覺得烚烏冬做湯底好正，仲有d墨魚滑，鮮魚同海蝦都好新鮮，唔會有腥味，叫多多都食哂，d菜都好乾淨，唔會是但俾札菜敷衍你而家有洗過切埋，都算係咁，出去食菜最怕有小蟲蟲同沙，睇到佢咁樣都食得安心

任點、任食、任飲 2.5小時！絕對足夠大家邊傾邊食 食到飽抖完再食😂 性價比超高🤓 雖然間野嘅名叫做大窩口 但地方方便就腳 仲要最遲可以食到凌晨4點😏----------不論火鍋湯底同配料嘅選擇都好多😀 肥牛、肉、海鮮、丸、餃、超脆響鈴&魚皮(必點!)、菇、瓜菜、稻庭烏冬、出前一丁等等 正常嘅都有😂 質素正常同都算新鮮 落單後好快就上菜 雖然都有俾漏野 但冇亂俾野🤔 (食過咁多次都係咁上下😅）-飲品除左一般罐裝韓國飲品、茶同汽水外 仲有自家製竹蔗茅根水 清熱氣都幾好-可惜冇糖水同甜點 只係得一部自助雪糕機 好似話係乳酪雪糕🤔但味唔太濃 但可以一試自己唧雪糕技巧 同埋任落#朱古力#棉花糖#糯米糍 等配料😬-港🐷去到都好多人等位 唔想walkin或搭枱嘅 記得提早打去留座 聽人講二人訂座好似要早兩個星期 如果唔介意食夜啲 9點去到就派籌等特價時段-正價時段: 5pm-9:30pm 成人$158 小童$98特價時段: 9:30pm後 成人$138 小童$98- 另收加一服務費- 7:30pm前結賬離座每位減$20- 用餐時間: 入座計2小時30分鐘-P.S. 除左佐敦 喺旺角瓊華同荃灣眾安街

大鍋口任食邊爐一直都係我至愛既打邊爐之一，原因係湯底夠濃，選擇夠多，價錢都好公道。唯一一樣唔好既就係真係太多人去食，有時多人到book位都冇得book，walk in等位分分鐘要一個鐘，不過如果揀啱凌晨時間去就唔使點等位，呢晚約左朋友宵夜，第一時間就諗起大鍋口食物種類真係好多，而且好多係出面任食邊爐冇得食既帆立貝新鮮彈牙，油炸鬼索左湯汁就夠濃味另外仲有好好味既白鱔片，難得任食有得食梗係要瘋狂叫，可惜每次都係黎得幾片每次食完大鍋口都覺得好飽好滿足架，絕對係抵食又好味既推介

天氣寒冷特別想打邊爐，不過早一日book 已經full 左，只可以walkin 等位。六點多的時候已經有好多人在等，實在誇張等了一個多小時終於有位啦。湯底選了椰子滑雞湯有多款醬料調配飲料除罐裝韓國茶和汽水外，還有竹蔗茅根水，比較健康清熱椰子湯雪白色,有很香椰子味，雞件都嫩滑火鍋食材質素都很不錯，肥牛半肥瘦，有牛味。蝦都新鮮而且可以任食。限時2.5小時任飲任食，時間十分充足，以$158呢個價錢，難怪咁多人最後order 的稻庭烏冬得到朋友好評彈牙又滑，下次一定要encore.

我同好姊妹都中意打邊爐，之前好姊妹聽朋友講呢間大鍋口打邊爐好食，兩條友就約埋一齊去食。兩個女仔其實食唔得多，佢份量小小啱哂我地，味道唔差，不過略嫌得兩小時唔夠！食得嚟都唔夠時間傾計！