大鍋口海鮮火鍋店

营业中

休息中

尋日全家10個人有大人有bb去打邊爐，去到算快有枱，但我哋咁多人，佢竟然比張只可以座8人既枱我，問佢可唔可以分枱，又唔得，一味話人哋都係咁座，點知隔離嗰枱人哋都係咁多人，人哋都分枱座，算，唯有照迫，咁開始點餸，真係等了又等，2.5 hr任食，有1.5hr係等同催單，寫2碟又只係得1碟，有嘢食都係亂比啲唔係我哋寫既嘢我哋，重要份量好小，10個人根本唔飽，唯一最准時就係埋單，會有個黑口黑面既呀姐同妳講last order，比完錢重要多謝冇句....由於啲細路都唔飽，最後要過m記食過，我打邊爐咁耐，真係未試過咁樣

一直都有唔少朋友 and 網站講大鍋好幾好幾好，所以一直想試。終於有機會試，但又覺得佢未如朋友及網站提及咁好，又唔係話唔好食，正常law。等位：係無booking嘅情況下，唔算耐服務態度：正常，唔係差嘅食物質素：正常，無特別爸爸媽媽鍾意食脆骨鯇，我地六個人，諗住叫三碟都食到（仲要係第一round）點知黎得一碟，仲要得四舊。諗住可能上溜咗，諗住入第二張紙先叫返。入第二張紙時，又係叫 3碟，點知又係得一碟。佢又唔係無得你食，只係要你不停入紙先有得食。魚肉又唔係話特別好，一睇就好似放咗好耐咁，魚肉黃黃地但無光澤，好似被風乾咗咁。其他食物，如肥牛，丸，雞，支竹等等都只係一般，正常。

明明寫明任食2.5小時，但17:30入座，但迫你19:09埋單。Ok 最多食快D但帶位位小姐，服務態度十分差，帶位俾枱人又大細超。樓面服務員，粗聲粗氣。成間店不知所謂！

一直都想試大鍋口binno!今次終於的起心肝黎試下同朋友10點先黎到排隊,聽人講好多人要等好耐,我地呢個鐘數都要等成差唔多一個鐘我地一行5個人入到去,俾左8人枱我地,服務好好,一坐低就介紹湯底同俾曬落單紙我地我地嗌完野食好多就到,仲要唔走單唔俾漏!雖然d料就一定唔係特別好,但都有番咁上下,尤其係d蝦都好鮮甜以佢既價錢黎講,想平平地食個任食binno都係性價比之冠!

一大班朋友是啱打邊爐 坐埋一枱傾計感覺close d...晚市邊爐要早1-2星期book 經常都好full 今次一行八人 1星期前book7:30pm 食到~10pm 飽到不行了

成班fd完mid term邊爐一行6人訂枱話要930先有，好彩7點去等walkin都係幾分鐘就有枱湯底揀左椰子雞同蕃茄椰子雞湯香濃，配響鈴好正叫左好多野，是日海鮮係蜆超正 好甜手打丸同蝦滑必叫 爽同彈牙 食落唔覺好多粉不過埋完單過左陣就催交枱，其實冇人等位同仲有枱，仲收左個煲，煲入面仲有野想食埋，逼我地嘥左d食物

一行三人訂了7點枱我係第一次食嘅所以非常期待同行朋友已食過幾次了！一坐底已經叫個椰子雞湯底奶白色，有啲雞件同椰子不錯！之後叫了第一輪嘅嘢食竟然貌相已經唔錯！飲品係自助嘅罐裝飲品經過今次，一定會有下一次不過2個鐘到巳經要埋單。但係明明2個半鐘任食

今天到大鍋口，味道尚可，价格公道，唯一是五時入席，要等半小時才開始有得吃，有待改善，環境可以，如兩至三人又沒訂位就必須搭枱了，有點失望。如果還有供應糖水或雪糕就更好，希望下次有機會再光顧……

我從來未試過咁嬲要寫食評，等左兩個小時，知客竟然話跟人數安排枱既優先次序，即係永遠得六至八人枱有得食，兩至三人就無得食就要等到最後。而且仲要係訂枱優先，就算等到食咩都成肚氣啦，就算話好食都唔會再黎！

食品無質素、服務差劣,約一小時十五分叫交枱,極之惡劣·特別一提"西瓜跑'的女侍應真的態度劣惡·無謂浪費時間及金錢,不值一試.....................

有日收工後，一大班同事即興想打邊爐， 但有幾位大胃王同事又唔想食單點貴邊爐， 所以揀來揀去就決定去食小師奶介紹的「大鍋口」， 但即日下午打去想book枱，已經full booking， 所以我地就打算walk-in等位。 我們8點半左右到達， 唔好講話等位，我地連搭𨋢上去都已經遇到困難，😩 由於整棟大廈都係美食匯聚點，所以係搭𨋢的地方已經擠得水洩不通。☹️ 等左20分鐘𨋢左右先上到去， 上到去整個門口都堆滿人， 再等了差不多一小時先有位入座。 「大鍋口」任飲任食火鍋放題收費如下： 正價時段：5:00pm – 9:30pm，成人每位 $158，小童每位 $98特價時段：9:30pm 後，成人每位 $138，小童每位 $98（另收加一服務費）用餐時間：入座計 2 小時 30 分鐘 7:30pm前結賬離座每位減$20逾時收費：每小時每位 $50 火鍋湯底一共有8款不用額外收費的，😏 如椰子滑雞湯、沙嗲湯、皮蛋莞茜湯、蕃茄薯仔豬軟骨湯、胡椒豬肚湯、五香牛雜湯、鯊魚骨猴頭菇湯和馬來喇沙湯等 因為我們當中有人不吃辣又不吃內臟，所以就選了椰子滑雞湯這個比較大眾化的湯底。 如果想要自選兩款鴛鴦湯底，就

其實都黎過N次 只系今次叫有影相 所以post 一 post 雖然旺角都開左 但見到d人話食完肚柯果d 都吾系敢駁 食番呢間算！依舊吾小得蕃茄薯仔豬軟骨湯底款式都多 食物質素都吾錯ga肥牛薄薄的 吾太牛 牛魔王必怒食水魷好爽彈 海蝦真系好生猛 鮮甜一d 都吾楣有至愛既花膠仔好咬口爽得黎又膠膠地 黑椒牛丸 咬落左淋淋地一d都吾實既粟米 次次都有水準 系我朋友笑緊我粟米怪 洒錢既時候 佢地一試就知我把嘴冇死錯人 個個食完都話好甜好甜 好好食 有料蟹柳 系日本仿蟹柳 一d都吾粉黑松露水餃 咬開左一半朋友問我系咩黎 好有料 好大陣松露味已經進入佢個鼻！encore 3碟真系痴左線 野杯仲要任飲 忌簾奶 韓國7喜 可樂 忌簾 龍井茶 烏龍茶 一行10人飽到棒住個肚 任食首選

都食過好幾次， 每次都會叫佢地個蕃茄湯底（味道👌🏻）任食火鍋黎講喱個價錢有甘既質素係吾錯既雖然我每次黎都係為左佢個烏冬而黎個人好鍾意食稻庭烏冬🙆🏻食物方面好多選擇之餘， 味道都吾錯💪🏻係個是日海鮮（蜆）有時會有好多沙同好似變味、但有時都好鮮甜！所以都係一間吾錯既任食火鍋之選😎

2個人一定唔接。。話唔知幾點先有位。。我見到有檯都唔買。。。。。。。。。。 。。。。〉。。。。。。。。。。。。。。。。。。。。。。。。。。。。。。

五個人訂咗枱打邊爐 講咗好耐終於食到 晚市每人$158 另收加一總結：同其他火鍋店無分別嘅舖頭服務一般 一坐低個職員已經行埋嚟問我哋要咩湯底 其實我哋連餐牌都未睇然後求其決定咗要喇沙同猴頭菇 溫馨提示：鴛鴦湯底要另加$48㗎個爐set up咗之後 職員就嚟倒湯咁都可以倒瀉到落去地下 跟住我對鞋就濕晒而啲湯都有溫度的 好在個爐未滾 唔係對腳就淥熟埋 仲有個爐濕晒 要換過一個去咗洗手間整理 大概10分鐘左右 返到去個地都仲係未拖 肇事者不知所縱 得返另一個部長過嚟清理 其實一人做事一人當 無理由要其他同事幫你執手尾聽返朋友講 佢哋解釋嗰位職員係新嚟嘅喎 跟住都話補返時間畀我哋打 咁就算啦嘢食都幾多選擇 最深印象係牛骨髓炸魚皮都幾好食 全部都幾新鮮 包話海產類同肉類只係個喇沙湯底麻麻飲品選擇唔太多 大約就係2款樂天+2款可樂+竹蔗茅根+Jolly shandy最後叫咗好多嘢 真係捧住個肚走 食得好飽