大鍋口海鮮火鍋店

营业中

休息中

佐敦嘅大鍋口海鮮火鍋專門店，主打價錢親民嘅邊爐放題，計到最貴嘅入場時間加埋假日附加費，都係$200頭就可以任飲任食2小時，難怪天氣開始轉熱，仍然爆煬！晚市放題（假日）$238Default會送一碟靚啲嘅肥牛，肉質軟腍有水準！手切肥牛隨後任嗌嘅肥牛，質素都幾好，有油花又夠滑嫩，可以放心狂嗌！鮮蕃茄薯仔豬軟骨湯底鮮茄味清爽，茄膏味香郁，內含大量蕃茄、薯仔同埋洋蔥，仲有切成心形嘅豬軟骨，唔錯！火鍋配料任嗌嘅食物種類都幾多，而且上菜極有效率，啱啱交紙，轉個頭就送到枱！肉類、炸物、腸類、丸類、蔬菜等一應俱全！當中嘅牛筋腩、豬頸肉、魚雲、超甜粟米、台灣黑椒腸、蟹棒等都頗為美味，值得encore！自助區場內有多個飲品櫃，總有一個喺左近！除酒精飲品外，罐裝飲品、竹䉀茅根等，都係任飲！另一個自助item係雪糕機，有雲尼拿、朱古力、或者雙拼，配爆珠同埋焦糖醬，真係好正！

最近呢d天氣涼涼地同朋友打下邊爐就最岩，我地最終去咗佐敦呢間大鍋口海鮮火鍋店打邊爐，7點半前離座每人都係$198，可以任飲任食，好抵食😆入到去職員好nice,我地坐卡位，望住彌敦道既景食野，座位又闊落，幾舒服😊湯底方面，都好多選擇，我地叫咗胡椒豬肚湯底，味道濃郁，胡椒辣辣地好開胃，而且呢排濕氣重，食完可以健脾暖胃😆另外，餐廳將醬汁放晒係枱，唔使出去拎，好方便，按自己喜好任撈😆食物方面，睇點餐紙，都幾多野揀，我地叫咗好多野食😋手切肥牛：打邊爐必叫，一d都唔會韌羊肉片：有羊肉騷味得黎又吾會好騷，就算怕騷既人都不仿試下😆海鮮（白膳片，鯇魚片，吊桶仔，帆立貝）：好新鮮，好鮮甜花雕醉雞：本來仲諗住醉雞放左入湯煲後，會吾會冇晒味架，點知入口，原來佢仲保留到陣陣酒香味🤭菜(油麥菜，皇帝菜)：皇帝菜比較少食，原來烚下烚下，又幾好味喎，配埋胡椒豬肚湯，好入味👍鮮淮山：好新鮮，放落湯度做湯底又得，撈起入口又好味，正👍我地仲額外叫咗碟極品肥牛，賣相已經好吸引😍而且份量好足好大碟，肉質嫩滑👍飲品方面，一樣都可以出去任飲飲拎，除咗一般野飲之外，仲有自家製既竹蔗茅根水👍整體黎講，呢間餐廳性價格比高，好抵食😋

天氣突然涼番！就岩就係約朋友去打邊爐😀😀位於佐敦彌敦道219號莊士倫敦廣場12樓的大鍋口海鮮火鍋店 (佐敦)開咗一段時間，但我一直未試過！晚市堂食禁令同疫情過後，仍然屹立不搖的餐廳，經得起風浪一定唔會太差😎我地兩個人食最基本嘅套餐，有任食雞煲及任食火鍋，火鍋的湯底嘅選擇有成10幾款，好吸引！飲品亦都係任飲，除咗大路嘅罐裝飲品外，最吸引嘅飲品就係自家製嘅竹蔗茅根水，清熱解毒，啱晒打邊爐飲！一嚟嘅雞煲非常吸引，我哋食咗兩煲😎😎哈哈到打邊爐啦！我哋叫咗少有嘅川芎白術天麻魚頭湯湯底一定唔少得要食肥牛啦！超正！我推介食生猛海蝦我哋仲叫咗皇帝菜添！最驚喜嘅係竟然有軟雪糕機呀，我當日去到有三款口味揀係有朱古力味、雲呢拿味、同埋兩者合併嘅！大鍋口海鮮火鍋店 (佐敦)佐敦彌敦道219號莊士倫敦廣場12樓

好耐都冇嚟過，大窩口打邊爐裝修得好企理俾人感覺好乾淨一開始係可以任食呢個麻辣雞煲食完雞煲之後就可以揀湯底打邊爐而我今次就冇食雞煲，專心打邊爐湯底方面，揀咗鴛鴦鍋分別係胡椒豬肚湯底，同埋先番茄薯仔豬軟骨湯底上到嚟個顏色都非常之靚另外一坐低店員就會將個調味盤拎過嚟非常之貼心一開始嘅時候，店員會上一盤安格斯極品肥牛油脂嘅比例岩岩好之後梗係要主攻佢唔同嘅肉類佢嘅魚類種類非常之多脆魚腩，白鱔片，魚雲都非常之好食大大嚿啖啖肉牛筋牛腩，亦都整得非常之淋口感唔錯亦都要推薦一下佢舖頭入邊嘅手打丸類同埋各式各樣嘅蝦滑墨魚滑都係非常之鮮甜同好味亦都好彈牙另外仲有一個黑松露水餃都值得一試黑松露嘅味道都幾出而蔬菜方面選擇亦都非常之多我就揀咗好多菇類最後就梗係唔少得一杯甜品，作為結尾佢竟然有麻糬可以選擇鍾意食麻糬嘅朋友一定要狂加而整體食物質素同埋價錢來講都叫做相當出色

今日去佐敦拎完野 見到呢間 大鍋口海鮮火鍋專門店 $228加一就可以任飲任食😍 即刻入去試試佢🤣 入到去一睇原來仲可以食左雞煲先🤩 先叫左個雞煲 再揀左湯底 揀好湯底就揀打邊爐嘅野食啦 一睇張紙野食都唔少選擇😬 基本上平時打邊爐會食既野都有😋 跟住就出去拎野飲啦 汽水可樂烏龍茶果啲都唔少選擇 最讚既係有竹蔗茅根水呀🤩 打邊爐必備 即刻揀左呢個👍🏻 拎完野飲雞煲就上枱啦😬 好香呀麻辣味 雞都已經9成熟 煮返熱就食得啦 雞肉都滑同埋好入味 又夠香😋 食完雞煲就開始打邊爐啦 我哋揀左四川麻辣湯底 本身個鍋上枱果陣見到咁紅又咁多辣椒🌶️ 我哋仲驚會好辣 但食落係好滋味 辣得好過癮😬 湯底好香麻味重過辣👍🏻 先上一碟佢送嘅安格斯極品肥牛🤩 油脂分布算唔錯 食落都有牛味～ 我哋叫左好多野食呀🫢麻辣火鍋必點鴨血呀😍好讚👍🏻同埋佢既黑松露水餃都可以一試～ 手切肥手、羊肉片、五花腩、豬頸肉、芋絲、炸芋頭、響鈴，手打墨魚滑、脆鯇魚腩、帆立貝、紅薯粉、油炸鬼 呢啲都係正常發揮呀😋 跟住仲有啲菜 西洋菜好新鮮～豬皮吸左麻辣味好正🤣魚皮都推 好脆好食😋 打完邊爐幾飽都要食返杯雪糕😬 有雲尼拿同朱古力味 我就揀左

星期日行完尖沙咀，想打邊爐🍲去咗中學年代大鍋口火鍋🍲就係佐敦地鐵站莊士敦廣場今次五點鐘左右上到去，已經有幾枱客人坐咗，七點前入座成人每位都係208加一，樓面姐姐幾熱情😝，景觀唔錯一排卡位望彌敦道街景開枱幾快手，叫咗椰子雞湯底，幾香椰子🥥味每枱例牌送嘅肥牛，質素唔錯🤣食落無渣唔鞋口，呢個價位完全收貨。呢到寫紙仔落單，早開始人唔多都算快上。四寶丸、蝦滑、墨魚滑、蔬菜籃正常發揮，最有驚喜有鱔片 ！新鮮爽口，唔會腥，Encore 咗三四次

朋友話疫情之後，好耐冇出嚟食過任食火鍋，所以我今日就揀咗呢一間同佢食盡佢😂😂我之前食過幾次, 知道等位嘅時間係好耐, 所以今次特登book左位先嚟食😆😆首先餐廳座位足夠, 都唔算迫, 環境亦算乾淨😌😌；Staff 們👨👩亦都好Nice，有禮貌，收碟速度亦很快, 服務唔錯.由於我哋book咗位，同埋時間比較早，所以去到唔駛等直接入座。🗒6:30pm入座，收費係$228加一，2小時任飲任食湯底方面, 佢地有十個免費湯底可以揀, 我地就揀左鮮蕃茄豬軟骨薯仔湯, 味道濃郁叫完湯底完之後，就可以調教下自己個醬啦～醬任撈🤣，醬料/配料係自己枱上有齊晒，唔洗自己行出去拎👍🏼👍🏼飲品方面，同普通任食火鍋餐廳一樣, 汽水, 忌廉鮮奶等等，仲有自家製嘅竹蔗茅根水，自己係出面任拎任飲食物方面，餐廳用紙張點餐，我地叫咗超多嘢食🤤🤤👇👉肥牛 – 打邊爐一定要叫肥牛,呢度嘅肥牛非常新鮮, 唔會好似其他地方咁雪到硬哂, 牛味濃郁, 必叫! 😍😍👉黑豚肉 – 任食邊爐竟然有黑豚肉食!! 豬味非常濃郁, 脂肪分佈均衡,正!👉羊肉片-少少羊羶味，不過接受到🤗🤗👉鮮蝦滑+墨魚滑 – 非常新鮮, 好爽口, 好彈牙🤤🤤👉海鮮

🫕我同朋友一年四季都好鍾意打邊爐，所以今日約埋佢去佐敦一間叫做大鍋口海鮮火鍋店，一齊烚吓烚吓！☺️🤓由於我哋7:30入座，所以價錢係每人 $208 (加一) ，可以任食兩個鐘，價錢嚟講都算唔錯。湯底方面我哋就揀咗鯊魚骨猴頭菇湯底，味道鮮美，適合鍾意清淡嘅人士。😋🥬🥩🍤火鍋食品種類繁多，而我哋就叫咗手切肥牛、黑豚肉片、手打蝦丸、鮮蝦滑、墨魚滑、生猛海蝦、牛柏葉、水魷魚、生猛海蝦、潮州白魚蛋、海帶結、蟹爪棒肉、一口魚腐、千島龍蝦丸、魚皮餃、一口台灣黑椒腸、帆立貝、炸響鈴、凍豆腐，萵筍等等，全部食材都幾新鮮，上菜速度都算快，食物味道不錯。🥤唯獨飲品種類就比較少，只有汽水、烏龍茶、鮮奶忌廉、蘆薈飲品、檸檬茶等等。🤡不過整體嚟講，座位尚算闊落，呢個價錢性價比都算高，侍應服務態度都幾好，會主動幫手加湯，值得一讚！🦦大鍋口海鮮火鍋店 (佐敦)佐敦彌敦道219號莊士倫敦廣場12樓

大學時期最鐘意就係一大班friend去打邊爐，而大鍋口就肯定係我地嘅first choice! 價錢合理，食物多選擇又好味，湯底又香~真係超級正嘅港式邊爐！非常可惜疫情期間佢大部分分店都執咗笠宜家得翻佐敦有分店今日瑜伽落堂，心血來潮同朋友夜媽媽十點去食~以前去大鍋口，永遠都係大排長龍。今次勁多空檯...希望佐敦呢間最後分店做得住啦！打邊爐我最愛沙爹湯底，但喺大鍋口揀湯底一定係椰子雞！超級香，我以前一打愛上。一坐低就會比呢個醬料bar比你自己溝豉油，我超欣賞~唔洗自己行出去落湯底之後就會即刻送上一碟靚肥牛+一碟靚豬肉~超好味！我地掛住食，都唔記得要影相。。。最最鐘意真係佢地嘅香甜粟米🌽依家疫情完結，希望大鍋口快d開返多d分店啦！

話說好耐冇打過邊爐，同friend講起以前學生時期會成日食，成個幾月都book唔到，咁樣就喺度睇會唔會而家易book啲呢，結果真係喎，今日book聽日都有，咁就回憶下舊時啦佢嘅裝修真係完全冇變過，嘅啲嘢食都係用剔紙嘅方法，所有嘢都好有以前嘅風味連湯底都冇乜點變，但係呢佢就可以食咗雞煲先雞煲同出面街冇得比，佢似係普通雞淋啲醬上去，冇乜特別味但食下都唔錯嘅但係個湯底就真係乜味都冇，所以當打邊爐嘅時候都變晒所有嘢都冇味皮蛋芫荽湯果皮蛋勁難食勁大浸石灰味總體而言係失望嘅回憶，就讓佢永遠留在回憶當中，冇下次連雪糕機都冇埋

每次想打邊爐，都係會諗起呢間舖頭😝今日我試咗佢個晏晝時段3:30-5:30。$158舖頭唔係好顧客幫襯，可能因為係下午茶時段。坐落佢即刻送個靚肥牛俾我哋，😋😋我食咗個雞煲先然後再打邊爐。佢個雞煲個汁煮得幾好味，我通常都會加啲肥牛落去索返啲汁，跟住個件肥牛就正到爆😍我鍾意佢有鱔片食，薄薄地好快熟。雞骨丸好彈口，唔係間間火鍋舖都有，所以我覺得值得一試👍🏻海鮮種類唔多嘅一半海蝦帶子及元貝都有，其他火鍋配料選擇都比較多，所以真係物超所值😆最後我一定會食佢杯雪糕先走人🤣飲品嘅選擇都好多，有自家製嘅竹蓆茅根唔太甜幾好😍

今日咁岩要出黎佐敦搞啲野，咁當然要部署下食乜啦！今日揀既係——大鍋口！其實喺荃灣仲有大鍋口時我已經係佢地既忠實fans，成日成家去打個靚邊爐但之後好可惜執左，就好耐好耐都冇食過大鍋口🥹🥹喺我冇食既呢段時間，大鍋口都有少少改變，竟然有雞煲食咁為左嘗鮮，我地就嗌左黎試😎😎喺等雞煲上既時間我地就可以較下自己個醬啦～同以前一樣，都係喺自己枱上有晒配料，唔洗出去拎👍🏼👍🏼雞煲上枱啦！其實佢係幾淡味既，但好彩雞件唔多都幾快可以食得晒，建議好似我咁重口味既人可以直接打邊爐😎😎呢盤一開頭就上既牛真係好好食！油花岩岩好唔會好膩，好有牛味，建議一見佢轉晒色就食，非常嫩口🥰🥰🥰特別要提一提呢度啲雞子！因為我屋企人都幾鍾意食雞子，差唔多每轉都有嗌，而我就目擊住佢地俾啲雞子既size愈來愈大😂😂😂而且屋企人都話食落好新鮮👍🏼👍🏼反而呢度既帆立貝我就覺得有少少奇怪，佢有一朕奇怪既味，但又唔似係唔新鮮果隻味，但屋企人食又話唔覺🤔🤔羊肉就有啲羶味，但我地都鍾意羊有少少羶味😋😋所以唔岩羶味既人就要留意❗要讚下呢度既餃子！係真係食得出同出面既有唔同——佢地係有種自己包既感覺，連啲皮都係有煙韌感同埋少少麵粉味，鍾意餃子既人

最抵食既-任飲任食打邊爐又黎到我搵野食時間。朋友介紹呢間任飲任食打邊爐，2小時任飲任食，張枱有埋調味料俾大家揀，一開始會俾雞煲我地食先其後再揀湯底⋯我地都叫左好多野食，野食又冇甩單⋯記得叫海蝦⋯好好食野飲仲有自製竹蓆茅根飲，一支咁囉番埋位、都倒到6杯出黎呢間野都幾full, 最好卜定位先環境都好好坐，如果好肚餓人士記得食呢間😂🤣

前排成日食唰唰鍋 發現唔太抵食。轉返傳統打邊爐。因為呢間舖，佢嘅肥牛好過唰唰鍋好多。價錢都只不過係百零蚊。唰唰鍋，通常最平嘅套餐，啲牛都好垃圾。同樣係100幾蚊，呢間嘢嘅牛就有誠意好多。雖然唔係超級靚牛，但好過唰唰鍋嗰啲平價牛好多。價錢又一樣。最緊要係牛肉靚，有白鱔片，有蝦（但係蝦就唔太好）。手打滑唔錯。呢間鋪屬於傳統打邊爐，冇小食。但係勝在款式ok. 我最鍾意係，自家竹蔗茅根，肥牛，手打滑。但係發現，有啲漏單。總括嚟講，會成日幫襯，性價比好高。

喺香港，一年四季都打邊爐係一件好正常嘅事，無論係夏天熱有30幾度，打邊爐嘅店依然都會係有好多人排隊等食🤤🤤喺夏日炎炎之下，我就同朋友一齊去到佐敦嘅大窩口火鍋海鮮店度打邊爐，印象第一次食係中學畢業嘅時候，其實呢間嘢都好耐歷史啦，中間都轉左幾手，對上一次去大窩口食飯已經係幾年前嘅事啦，而今次再去食，依然都係平靚正， $300都唔使，就任飲任食👍🏻有多款肉類、丸類、蔬菜、豆製品、麵食等等等等，任君選擇🤤😋重點係佢哋嘅手切肥牛都唔係劣質嘅牛肉🥩🥩，想叫幾多盤都得，不過溫馨提示唔好浪費嘢食啊，叫幾多就食幾多😊肥牛、滑牛肉魚皮響鈴墨魚滑、蝦滑土魷豬頸肉魚片牛柏葉滑豆腐仲好多好多野食🤩🤩🤩🤩