大鍋口海鮮火鍋店

营业中

休息中

兩人打邊爐, 食任食比較抵食。首先歎左個雞煲先，2人份量岩岩好，醬料味濃好惹味，麻麻辣辣，雞肉嫩滑。食完雞煲，可以揀其他湯底打邊爐…醉雞湯底，有雞件藥材同酒香味。未正式點餐，食店送上一碟牛肉，牛肉油花分怖均勻，輕輕淥幾秒，牛肉味濃。食物飲品全部任飲任食，之後仲叫左鮮蝦串、鱔片、蝦滑、墨魚滑、鯇魚片、 豬潤、 帆立貝、秋葵、西洋菜、皇帝菜食鱔片去骨，方便入口，又有油香味。墨魚滑同蝦滑真材實料，幾爽口彈牙。餐廳上菜嘅份量係按人頭計，唔會浪費食物。炸響鈴同炸魚皮都係必食之選，浸曬落精華湯汁，好正！ 韮菜餃同黑松露餃亦都味道唔錯，皮薄多餡。打完邊爐之後，仲有雪糕食，出面有雪糕機，有原味乳酪同蜜瓜味，我食左原味，乳酪雪糕吾會太甜，食完之後覺得好滿足！

#ftf_佐敦超抵任食海鮮火鍋今次點了鴛鴦湯底，川芎天麻魚頭湯底充滿了濃郁的魚香味和淡淡的藥材香氣，而椰子滑雞湯底口感滑爽，口味清甜，能夠讓人感受到椰子的自然風味，吃得一點也不膩口。如果你喜歡清淡口味的火鍋湯底，椰子滑雞湯底絕對值得一試。火鍋配料選擇非常豐富，食材新鮮，特別推薦脆鯇魚腩，厚身爽脆，鵝腸處理得好乾淨，豬潤厚薄剛好又爽口，雞軟骨丸亦有驚喜，花雕醉雞都好入味！不過羊肉片就有點羶，配合重口味湯底可能比較適合，哈哈！最後吃一杯雪糕，簡直心滿意足！🍴 大鍋口海鮮火鍋店 (佐敦)📍地址：佐敦彌敦道219號莊士倫敦廣場12樓回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

今日約咗朋友喺佐敦行街，行完街之後，當然去食飯，火鍋任食，最啱我。這間店舖地方寛倘，整潔。點了一個鯊魚骨猴頭菇湯底，湯底落足材料，有猴頭菇，鯊魚骨，紅棗和其他藥材，所以湯底很香。手切肥牛，肥瘦均勻紋理清晰，入口牛肉味濃郁，入口軟綿，越食越甘香。打邊爐點可以少得肥鵝腸，入口鵝腸爽脆，在口腔內咀嚼越食越甘香，加豉油和辣椒蒜頭，我很喜歡吃。牛柏葉焯的時間不要太長，入口爽脆有口感加上冰凍的汽水，冇得彈。竹串蝦10分新鮮，蝦肉入口爽脆，而且蝦頭的蝦膏甘香，食材10分新鮮。魚頭魚皮爽滑，吸啜魚頭的鮮味。打邊爐點可以少得響鈴，放入鍋兩三秒即可，還有豆腐，餃子，生根，唐生菜，食了很多肉，當然要食返蔬菜，消滯一下，今餐任飲任食非常滿足，而且有很多火鍋材料選擇，食材也很新鮮。會經常來

今日係咁落雨，搞到個人好唔舒服，所以我朋友就提議去打邊爐啦，今次揀左位於佐敦嘅大鍋口，佢係區內都做左好多年，今次我都係第一次去食餐廳新裝修過，住得非常之舒服，今次叫左個$228嘅火鍋放題（2小時），包左雞煲任食，又有超過80幾樣野食可以任點任食，肉類、海鮮、蔬菜類都好足夠。1.雞煲佢地個雞煲麻麻辣辣，當佢個辣汁煮到收汁時，就係最好食嘅時間，每一舊雞都付有辣汁，每一啖都好惹味，而且雞肉非常嫰滑，點煮都唔鞋口，正呀😋2.火鍋我地叫左個鴛鴦鍋（花雕醉雞、胡椒豬肚），花雕醉雞，湯底夠晒酒味，桂圓肉都多，所以飲落又清甜又有酒香，而胡椒豬肚雞夠晒足料，胡椒味香，豬肚夠晒爽口，個湯底真係可以飲完再飲，非常正😋3.肉類、海鮮、蔬菜及丸類依到嘅牛肉非常之靚，牛味足夠，又唔會口，雞肉又夠嫰滑！海鮮類嘅吊桶仔、水魷同海蝦都非常好食！蔬菜都幾新鮮，而最好就係佢有秋葵同淮山食，唔係到到都有，真係唔可以錯過啦。丸類就非常推薦佢個四寶丸，都係手打類，食落都爽滑彈牙。4.飲品飲品種類都多，茶類汽水都齊，而我最鍾意佢個竹庶茅根，飲落非常清甜又解膩5.甜品佢仲有即唧嘅軟雪糕食，作為依餐嘅結尾非常完美整體黎講，又抵又好食，

成日聽朋友講佐敦大窩口嘅任飲任食火鍋放題料靚，樓層夠高，可以食嘅時間長時間，所以搵晚來試試，只要響7:30pm前埋單，兩小時任飲任食$198/1位，假日再補少少錢而已醬汁自選選擇多籮籮雪糕解暑必備粟米竹蔗水清熱降火，火鍋良伴微辣雞煲微微辣好過癮，雞肉彈牙惹味牛雜火鍋湯底超香濃牛肉鍋手切肥牛賣相一流肉質嫩滑豬潤滑牛肉豬頸肉柳蝦白鱔片脆肉鯇腩炸響鈴麻辣鴨血鵝腸蝦滑墨魚滑手打豬肉丸食材新鮮且高質，絕對超高性價比，不妨同友人上來飽餐一頓，絕對過癮

今日同老公去配完眼鏡，配完又夠鐘開餐。行到呢個商場見到餐廳名叫大鍋口幾得意，佢係食火鍋放題，然後老公就話不如食呢間。呢間係呢個商場頂樓，一出電梯已經見到有好多人，裡面緊加係full house，好彩我哋等左一陣就有位。呢度係用order紙落單，飲品在外面自取，全部係罐裝，另外有自家製竹蔗茅根，打邊爐清熱氣啱晒。雞煲：份量唔多，同樣係任食，食完可再加添，食多食少自己話事。平時半隻上，要食晒先可以打邊爐。而辣度只有一個，但又唔算話好辣，越食越惹味。湯底：揀左椰子滑雞，未滾都已經聞到椰子味好香，老公鐘意到連D椰子同雞都食晒。手切肥牛：賣相吸引，脂肪分佈均勻，仲要係任叫架。食落牛味重，厚薄適中。丸類：最驚喜就係呢度嘅墨魚丸、雞軟骨丸、蝦丸同鯪魚丸都係手打，入口彈牙，夠新鮮，平時我哋都好少再order，但今次竟然要encore。海鮮：叫左海蝦、帆立貝同脆肉鯇，各款都帶鮮味唔腥。其他配菜：有豬皮、炸枝竹、蟹爪棒肉、金菇、茶樹菇同炸魚皮等，一份份上，乾淨整齊，每人一舊，唔怕食唔晒浪費左。瓜類及蔬菜：種類都唔少，我就叫左最鐘意嘅西洋菜同冬瓜，西洋菜幾靚，洗得乾淨，食落爽口。甜品：自斟軟雪榚，有雲呢拿同

打邊爐真係一年四季都岩，明明出面熱到死都係會想打邊爐。近幾年任食邊爐比較多食台式/日式，反而港式任食火鍋少左。大鍋口算係早年大排長龍嘅一間，記得以前食係要預早一兩個星期打電話book位。而家都仲係$198仲要有雞煲加火鍋，真係幾抵食。今次目標係打邊爐，就請店員幫我skip左雞煲，直接上火鍋。湯底揀左蕃茄湯，顏色對板，食菜時都食到湯底嘅蕃茄味，唔算太淡。店員放低左一碟無得refill嘅肥牛，比起任食個款會比較厚身同有肉味。落單就同樣係畫點心紙，交左單後野食都黎得好快，又無乜漏單，抵讚。🥄白鱔片：質地夠爽，又無骨。薄薄一片唔使烚太耐就食得。🥄脆鯇腩：肉質彈牙，夠厚身，比起脆鯇片更加有滿足感。🥄雞軟骨丸：雞軟骨幫粒丸子增加口感，丸子本身唔會成口粉，幾出色。可惜呢款要連埋手打墨魚丸一齊叫，好想不停encore呢款。🥄海蝦：新鮮，叫左幾round都無一齊係梅。🥄韭菜餃：菜肉比例適中，餃子皮又夠薄。🥄山藥：幾surprise有淮山，切得唔會太薄，煮完都有口感。🥄蟹棒：唔係cheap cheap成口粉嘅蟹柳。🥄生菜／油麥菜：菜葉脆綠，夠新鮮🥄凍豆腐：有陣雪味，唔推薦飲品同甜品都係出面自取，甜品方面當

今晚同朋友下晝5點幾就黎左大鍋口打邊爐😬 唔洗等就有位😬😬湯底要左花膠蟲草花雞，花膠好厚，雞肉夠冧。飲完湯之後就開始打邊爐啦😀肥牛既油花分布均勻，唔會太肥膩！滑牛肉、滑雞柳都真係好滑。鮮蝦滑、墨魚滑、雞軟骨滑夠彈牙。牛筋腩炆得夠冧。自家製韭菜餃皮薄餡料足。蔬菜類都夠新鮮，粟米亦甜。飲品雪櫃有竹蔗茅根任拎，岩哂打邊爐飲！最後仲食左杯蜜瓜味雪糕+爆珠，好滿足！😁7點半前食完埋單都只係二百零蚊，抵！👍🏻👍🏻👍🏻

🍴228 蚊任食邊爐可首先點個雞煲 任加 雞煲辣味適中 有芫茜胡椒辣椒 雞肉入味 大件 有咬口 唔錯 🐥食完雞煲 就有得揀邊爐 我就揀左椰子雞煲椰子多 雞肉大大件厚肉 椰子味香 打邊爐有好多野揀 手切肥牛 魚腩 牛腩 蝦滑 墨魚滑 脆鯇 海蝦 花鵰雞肉 牛柏葉 九肚魚 九筋丸 響玲等等 仲有粟米 好多菜 唔同粉 烏冬 年糕 仲有各式飲品可拎 好似可樂庶汁等等#打邊爐 #火鍋 #肥牛 #任食 #牛肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#大鍋口海鮮火鍋店 地址: 佐敦彌敦道219號莊士倫敦廣場12樓~~~~~~~~~~~~

尋晚未到六點鐘就肚餓， 可能因為冇食到晏晝飯， 同朋友未到六點就上咗嚟佐敦大鍋口， 食自助火鍋放題。我哋叫咗基本套餐，湯底揀咗椰子雞煲。 手切肥牛質素唔錯，但我哋最推介係佢嘅手切金錢展， 有肉味得黎， 因為切得好薄身嘅關係絕對唔會韌， 淥十秒就食得，正。其他配料都非常多選擇，每客嘅份量亦都唔少， 推介佢哋嘅陳皮鯪魚手打肉丸， 入口彈牙亦都有好香嘅陳皮味。飲品都係一啲大路嘅選擇， 但絕對夠你飲，啤酒任飲要另外加錢。仲有部軟雪糕機今日係雲呢拿同埋蜜瓜味。整體黎講十分值得推介，因為性價比極高， 質素亦都唔差。

未食過咁高質嘅任食火鍋。🔥🍲麻辣或清湯？任君選擇！這家火鍋店真的超贊，不僅價格實惠，而且食材質量超高，完全抵得上那些高端火鍋店！🌟推薦菜品：肥牛和白鱔片，鮮嫩可口，吃起來真的很爽！首先，肥牛的口感十分柔軟，薄薄的一片就能感受到肉汁的鮮美與香氣。肥牛片的紋理細膩，入口即化，帶著鮮美的味道在嘴裡緩緩散開，讓人十分享受。同樣令人驚豔的是白鱔片，魚肉細嫩，口感彈牙，每一口都能感受到魚肉的鮮美。白鱔片的味道清新，不帶腥味，肉質鮮嫩，令人一試難忘。總的來說，任食火鍋的肥牛和白鱔片絕對是用餐體驗中的亮點，搭配著滿足眼線的用餐環境，把用餐體驗提升到了一個全新的高度。

Giant seafood hotpot is at Jordan and quite close to mtr station. The location is convenient and the seafood is really gigantic! The giant shrimps are fresh and delicious. There are two hours all you can it which is sufficient for everyone to get enough food and really full. The beef is very tasty with good texture. The squid, cutter fish and scallop are outstanding and excellent! I also recommend the mixed soup becoz both mala and coconut chicken are spectacular. In conclusion, there are a grea

今日嚟到佐敦呢一間打邊爐雞煲放題，地址非常容易搵到，位於地鐵站嘅正對面，行過去大概1分鐘下一條馬路就係 向上一層，搭lift去到12樓就到達由於係臨近呢張嘅關係，全場幾乎爆滿，好彩我哋有booking! 呢度係先食雞煲，再打邊爐！飲品同埋甜品就喺自助區！ 飲品我就揀咗烏龍茶，見到好多其他唔同枱嘅人都攞咗竹蔗茅根，我哋之後都攞咗，打邊爐點少得竹蔗茅根配打邊爐，簡直正呀！雞煲嚟講，都幾好食，啲雞幾嫩，我哋揀咗小辣，配埋芫荽食，簡直一流 份量都唔會太多，因為要留肚打邊爐 如果鍾意食雞煲嘅可以繼續添！佢呢度唔係直接加湯落雞煲，係可以另外選一個湯底，都幾特別，我哋就揀咗椰子雞湯！比較推介嘅火鍋食材有手切肥牛，非常靚仔，食落去有濃郁嘅牛肉味，亦都唔會好韌嘅感覺！海鮮種類都幾多，有海蝦墨魚仔，兩樣都好鍾意食！海蝦非常爽口彈牙，非常新鮮！另外要大推佢哋嘅四寶丸，最鍾意食手打墨魚丸同埋手打蝦丸！兩樣都爽口彈牙！呢啲出去單點都唔平，竟然喺放題有得食！我哋忍唔住encore咗一次！最後我哋叫咗個烏冬，大家share! 都食唔落雪糕了 總括嚟講用餐愉快，非常滿足

大鍋口向來出名主打火鍋放題，任飲任食😝十分之抵食，每人$200幾就可以任飲任食食到飽！由於好多款湯底，仲有雞煲煲底食完可以飲加雞😎但係我想食清啲，所以要左鴛鴦鍋食兩種湯底。椰子雞湯底比較濃，湯底非常非常鮮甜，雞肉超大件又嫩～胡椒豬肚湯底配料很多，超大片豬肚，肥瘦均勻。火鍋料方面，首先會送一碟極品肥牛，脂肪同肉比例均勻，食落去好香牛味。丸類叫左好幾款，值得一提係白鱔片，細細件肉質軟身，食落去帶魚香真係好好味！仲有脆肉鯇，咬落去爽脆，切得比較厚身，所以好有咬口。另外一定要叫墨魚滑，有個匙羹俾你筆落去，我自己比較鍾意細細粒食嘅時候爽口彈牙。仲有必食大隻鮮爽海蝦🦐🦐叫多幾round已經回曬本！飲品方面，有佢哋嘅竹蔗茅根，基本上常見嘅飲品都有齊。最後食完嘢仲有雪糕😝非常推介雲呢拿，好香奶味

呢間餐廳喺佐敦出名抵食，今日終於約到朋友過嚟！今次朋友同我就叫咗麻辣雞煲！雞嘅份量好多！而且一啲都唔鞋！啲雞切得幾大嚿之餘，仲冇碎骨！雖然呢度嘅麻辣雞係無限添加！但係當然要留返個肚去打邊爐啦！我哋之後叫咗椰子滑雞湯底打邊爐手切肥牛好好彩嘅係雪花肥牛唔會肥都食唔到！感覺上肉類質地比其他任食嘅店舖更為高質！黑松露水餃唔係好多地方有得食！啲皮都幾薄！海鮮方面就有大海蝦！大海蝦超級新鮮同彈牙！打邊爐又點少得食丸呢？四寶丸都幾好食，唔會剩係得粉！飲品除咗自家製嘅竹蔗茅根水之外，都好多選擇仲有雪糕機！加埋啲芒果爆爆珠好正呢！呢度啲座位都幾闊落，仲有窗門位！兩個鐘頭飲食時間好鬆動！🤟🏻🤟🏻因為上菜好快！可以同朋友嚟吹吓水又唔怕太嘈聽唔到朋友講咩！