大越越南餐廳

营业中

休息中

最近食越南野真係食上癮，沙田圍都有好食既越南菜！款式好多，見佢仲有一人越式火鍋，都係$100 內，都好吸引！我地叫左個軟殼蟹米紙卷，入面超足料，而且包得好實，唔會一夾就跌曬d料出黎架！之後叫左個三寶喇沙，有香茅雞翼、豬扒同埋扎肉，湯底好濃郁，用左油面，仲有豆卜吸曬湯既精華，好滿足。而朋友同樣叫左三寶，但配湯粉，湯底就相對比較清，鐘意清淡既朋友就可以試下呢個。野飲方面，我地叫左椰汁冰同椰汁珍多冰。入面有碎碎既冰粒，飲落好冰涼，椰汁味濃，而且唔會過甜，相信夏天飲呢杯一定會更加透心涼！總括嚟講，呢到都幾抵食，而且份量又多，下次一於試埋個火鍋先！