影片
更多
2021-11-14
333 浏览
今日嚟到沙田搵好嘢食👍 因為之前去過沙田圍嘅呢一間大越，抵食又好難忘，今次終於再有機會嚟試其他嘢啦~上次嘅我嗌咗佢哋嘅單品飯餐，今次同朋友決定一試佢哋嘅海南雞火車頭二人餐， 有炒菜、有海南雞再配埋二人份量嘅車頭河🤗炒菜我哋揀咗馬拉盞秋葵，因我特別鍾意食秋葵，但配上馬拉盞炒真係第一次食，惹味同時又食到秋葵嘅fresh 💚配二人餐嘅海南雞係例牌，海南雞都冇令我哋失望，肉質非常滑，再配埋我最鍾意喺越南餐廳食到嘅醋漬蘿蔔，越食越醒胃！嚟到最後嘅主角，就係二人份量嘅車頭河🤩 可能我好少食火車頭，冇諗過原來咁大碗咁多料，我同朋友見到都忍唔住影番幾張相先😆入面有牛腩、生牛肉、牛柏葉、蘿蔔、牛丸、牛筋，大大碗真係好足料！其中入面嘅牛腩真係要讚下，炆得好腍好鬆化👍嘢飲方面可以以加配價加配，價錢抵食而且份量多，啱曬鍾意性價比高同大胃王嘅人😆 會Encore~
炒菜我哋揀咗馬拉盞秋葵，因我特別鍾意食秋葵，但配上馬拉盞炒真係第一次食，惹味同時又食到秋葵嘅fresh 💚
配二人餐嘅海南雞係例牌，海南雞都冇令我哋失望，肉質非常滑，再配埋我最鍾意喺越南餐廳食到嘅醋漬蘿蔔，越食越醒胃！
嚟到最後嘅主角，就係二人份量嘅車頭河🤩 可能我好少食火車頭，冇諗過原來咁大碗咁多料，我同朋友見到都忍唔住影番幾張相先😆
入面有牛腩、生牛肉、牛柏葉、蘿蔔、牛丸、牛筋，大大碗真係好足料！其中入面嘅牛腩真係要讚下，炆得好腍好鬆化👍
嘢飲方面可以以加配價加配，價錢抵食而且份量多，啱曬鍾意性價比高同大胃王嘅人😆 會Encore~
张贴
