大越越南餐廳

营业中

休息中

今日陪屋企人喺沙田行街，行到攰攰哋就諗住搵間餐廳坐下同食嘢！行過見到呢間大越越南餐廳門口既畫已經瞬間被吸引🗺️👀🥙🧆🍜🍲🥘午市套餐樣樣都好想試，最後媽媽同我點左烤雞肉串，烤豬頸肉，海南雞飯同埋大越三寶香茅雞翼豬扒扎肉飯！🐔雞肉串肉質軟嫩，配埋佢個醬汁，超好吃！🐖豬頸肉好香，軟滑爽彈嘅口感好正！🐤海南雞飯，雞肉好嫩滑，油味十足，配有薑蓉同個甜醬油，撈飯一流！🍗香茅雞翼豬扒扎肉飯，雞翼甘脆可口，豬扒淋滑，滿滿香茅青香！呢間餐廳滿足左我對越南食物嘅恩念，好奈有食過咁好食又正宗既海南雞飯💖💞💗💘

難得同閨蜜放半日假，咁我哋就梗係好好地去嘆吓啦，諗住揀返間越南餐廳撐下枱腳！呢間大越越南餐廳，近日都見到有中意食既叻沙去，當然要去試試啦！😽🍴閨蜜就叫咗個海鮮叻沙，而我就叫咗鮮牛腩叻沙！因為我係食肉獸😹🥘🥘海鮮叻沙配油麵，嚟到見到份量都足，每款海鮮都新鮮！起碼有五款配料，🦐🦑🐟魚蛋及魚片！一試叻沙湯底好香濃，濃厚🥥味道，🍤🦑好彈牙鮮美我叫嘅鮮牛腩叻沙，都非常之不錯，牛腩肉味濃，🥩好嫩又大舊！叻沙湯係呢個麵嘅靈魂，每啖油麵食落都好滋味😽我同閨蜜對今餐都大感滿足！下次要再試埋晚餐✌🏻💁🏼‍♀️💁🏼‍♀️

番屋企經常經過呢間越南餐廳，見到裝修好有特色，門口牆壁上既巨形畫好著目👀👀今日放假特登帶朋友黎試試👩‍👧麵類，小食選擇好多，我同朋友都睇到心花獠亂😩🤨不過多得侍應親切既推薦，如果唔係天黑我都未必決定到食咩🥺💗$46 蜆港蕃茄蟹膏蝦丸扎肉湯檬🦀🍤🍅湯底真係好濃郁，蟹膏味完全冇比蕃茄味蓋左。🦐蝦丸都好鮮美彈牙，扎肉香濃富肉味$65 鮮牛腩叻沙配油麵🐮叻沙香料椰奶味香濃，啖啖湯都好惹味。牛腩煮得好軟爛好入味😚🤑食物好食又價錢合理，裝飾特別，環境舒服，下次都想試吓佢其他菜式！😜💕

沙田花園城一期地下大越越南餐廳湯麵好值得推薦，絕對係一試難忘❤️餐廳裝修非常越南風格，🖼️牆上既畫都好有藝術感，連餐牌都十分可愛👧🏽朋友同我一人點左一碗湯麵🍜，再加左份廣寧魚餅🐟大越生牛肉湯粉🍜湯底呈淡啡色，湯香料味突出，牛肉油花分布平勻，肉質嫩滑，牛味濃郁🐄越南素扎肉撈檬粉🍜檬粉味道清淡，素扎肉口感柔韌，嫩滑，味道清香。拌上醬汁，味道酸酸甜甜，好滋味😋廣寧魚餅🐟魚餅好大件，口感軟滑彈牙，魚味清香鮮美。👍🏻點樣去化解我所有壓力，煩惱同疲倦既心靈，就是食到好食既美食。而呢間就係我既心靈雞湯🍲🐣

食過最好食又正宗既越南餐廳，忍不住要推薦比大家😚餐廳位於沙田花園城一期地下，牆壁上既圖好特色，到處都充滿越南風味🇻🇳下午茶套餐真係最抵食，選擇多又價錢又合理😉🍲$48 古都湯檬配有牛腩、扎蹄、扎肉、牛丸🍴湯底濃郁帶少少辣，牛腩入曬味，牛味濃，肉質仲好軟嫩。扎蹄相當有口感🍜$75 海鮮喇沙油麵配海蝦，蜆，魷魚圈，魚蛋，魚片🍴蝦味、咖哩香及椰香缺一不可，濃厚得來又不會過膩，蝦肉新鮮彈牙，魷魚圈爽口，魚片軟稔🫔$12 炸春卷🍴炸得酥酥脆脆的，啖啖蝦肉鮮味係香港有咁好食又抵食既越南餐廳，真係好難得😚💯

唔知點解好鬼中意食喇沙，可能同係新加坡留過學有關掛～😙😙呢間大越越南餐廳真係企係門口聞到都已經好香，流曬口水呀😋💦喇沙套餐選擇會唔會太多，有選擇既我真係諗到頭都暈，牛腩又想食，海鮮又想食最後決定點指兵兵，再加個最愛炸蝦餅🍜海鮮喇沙油麵真係好豐富呀，色香味具全，一飲湯底味道又酸又辣，仲滿滿椰奶🥥🥥配料真係好多，有海蝦，蜆，魷魚圈，魚蛋，魚片，真係食到好過癮🦐🐟🦑🦐炸蝦餅係新鮮炸，上枱仲係熱辣辣，一食口感彈Q、蝦味鮮濃😳配酸甜醬更加好食🥰呢間既喇沙味道好正宗又好食，真係食完都令人念念不忘呀🥰🥰

今日好想食蕃茄湯麵，於是放飯既時候去左花園城一期地下既大越越南餐廳，餐廳又闊落，座位又舒適！見到下午茶餐牌有$46蜆港蕃茄蟹膏蝦丸扎肉湯檬，毫不猶豫點左，再加左一份$26烤豬頸肉。蜆港蕃茄蟹膏蝦丸扎肉湯檬湯底以豬骨、番茄、鮮蟹熬成，飲落好鮮甜又開胃，成個人都暖曬。扎肉同蝦丸，口感好彈牙又滿滿肉味😚😚。加點既烤豬頸肉都好大份，豬頸肉一入口好香口又惹味，肉質酥脆嫩滑，邊邊仲有少少焦香，再配埋酸辣汁，非常好食！🥰食到咁飽又好食都先係$72蚊，仲有埋杯野飲，下午茶真係好抵食！😆👍🏻

難得挨到星期六放假，可以訓到自然醒好開心，訓醒好肚餓唔知食咩野好，決定去屋企樓下花園城行下睇睇， 見到呢間大越越南餐廳，我仲未食過，於是趁今日試下先。見到餐廳午市套餐真係有好多選擇，而我仲最意食肉，所以就點左古都湯檬，有牛腩，扎肉同牛丸，再點左個烤雞肉串。古都湯檬一到我驚訝左😍，真係好大份，肉都好豐富。牛腩片好大片，食落肉質細膩爽口！扎肉味道香濃富肉味！👍🏻湯底都好正，看落平淡無奇，實際牛肉湯味十足，仲一D都唔油膩！😋烤雞肉串都好大條！😆雞肉烤過食落好外脆內軟，雞肉味濃郁，配酸甜醬都好開胃！☺️

🍽️下午茶餐$38西貢咖哩牛腩湯檬+ 咸桔水 勁多餸...六件牛腩, 三件牛筋 炆到勁淋, 我本人就唔鍾意咁淋😬湯底唔算濃, 有咖哩味, 味道適中檬粉幼身, 正常發揮, 但份量都幾多 咸桔水味道ok鹹鹹地 追加: 廣寧炸春捲兩件$12$12蚊兩件仲跟埋生菜, 追加嘅食品都唔算揸流灘, 即叫即炸, 新鮮脆口, 內有肉碎粉絲, 甘筍絲, 木耳絲, 不過味道屬一般, 餐廳比較暗, 衛生環境ok, 食物質素屬一般, 但份量足夠食得飽又唔貴😜。  

今晚收工唔想煮飯，想食完先返屋企，經過屋企樓下俾餐廳外牆幅璧畫吸引又見佢轉左手重新裝修完一直未幫襯過，今晚就選呢間來試吓，而且又少食越南美食，就入呢間食返餐飽先，睇餐牌有：套餐、火鍋、飯、河粉、羊腩煲、小食和小菜選擇。我哋散叫左幾個來食軟殼蟹米紙卷：米紙卷入囗清淡，咬落蔬菜新鮮爽囗，連同軟殻蟹一齊食，美味可囗，覺得淡可點埋個越式醬汁，提升味道大越小食拼盤：（春卷、胡椒豬肉串、煎扎肉、牛肉蝦片）胡椒豬肉串賣晒轉左做蝦餅，春卷熱辣辣香脆可囗，蝦餅和煎扎肉味道惹味，點埋個酸甜辣醬更好味，牛肉蝦片，蝦片入囗脆咯咯大越火車頭2人份量（生牛肉、牛腩片、牛丸、牛栢葉、牛筋）：我覺得唔祇2人份量，個湯底好濃，我選左金邊粉，入囗好滑，生牛肉半生熟好嫩滑，牛腩片牛味濃唔硬，牛丸入囗彈牙，牛栢葉爽囗，牛筋腍滑唔使用力咬最終食唔晒，太大碗，要打包返屋企做宵夜，下次再來可以試埋其他

想食越南菜 見到OpenRice咁多正評 所以就去試下晚飯喇首先喺門口睇餐牌係幾吸引但入到去得一兩枱客食飯環境亦都比較殘舊枱面上有放置餐具同水餐具都比較舊d🔹🔹🔹我哋叫咗1)生牛肉牛腩湯金邊粉$60落單前已經同職員講咗d湯要熱d但湯河黎既時候係完全唔熱已經有d失望生牛肉都滑，牛腩片就唔好食 冇味又勁薄金邊粉比較粗 麵質就正常湯底味道偏淡總括只係啱啱合格🔹🔹🔹2) 蕃茄蟹膏蝦丸扎肉河粉$65蕃茄湯底都算濃郁但係亦都係完全唔熱所以飲落有浸草青味同埋亦都感覺比較油膩蝦丸同扎肉味道都正常🔹🔹🔹3) 炸春卷$42/4條炸春卷上枱係凍嘅所以我哋忍唔住叫佢返叮但係叮完上枱係極度油膩每一舊春卷d油係滴出來個餡亦都係唔好食非常失望🔹🔹🔹值得讚賞嘅係，員工態度非常有禮親切座位雖然殘舊，但位置闊落價錢上唔貴，份量都正常可惜食物唔夠熱 味道普通 環境感覺亦唔太乾淨所以都唔會再去了

呢間店除咗食評好，就係比門口幅畫吸引我，即刻係OpenRice 訂位，記憶中舊店是M3 Italian,店內仍然保留舊店裝修，同燈光較暗，呢點有些格格不入。但服務方面幾唔錯，侍應是幾位中年女士，說話溫柔細聲，不是大叫幾條街個類型。至於食物，睇食評已經好吸引，實際味道亦唔錯，生牛肉牛丸河材料十足，味道正宗，和我在越南食既味一樣，一路添食都唔覺飽滯。芝士蝦多士有厚厚芝士及蝦肉，多士面層蓋滿炒香芝麻非常香口。酸辣鳯爪份量都好多，不過份辣，好開胃好滿足。串燒雞肉味道可以，但點個汁就麻麻，不是一般串燒個花生醬汁。食完咸野，當然要品嘗個椰汁三色冰啦！很香甜又有咬口。總括以這個價錢好吸引抵食，呢間我會再返轉頭幫襯的。

今日嚟到沙田搵好嘢食👍 因為之前去過沙田圍嘅呢一間大越，抵食又好難忘，今次終於再有機會嚟試其他嘢啦~上次嘅我嗌咗佢哋嘅單品飯餐，今次同朋友決定一試佢哋嘅海南雞火車頭二人餐， 有炒菜、有海南雞再配埋二人份量嘅車頭河🤗炒菜我哋揀咗馬拉盞秋葵，因我特別鍾意食秋葵，但配上馬拉盞炒真係第一次食，惹味同時又食到秋葵嘅fresh 💚配二人餐嘅海南雞係例牌，海南雞都冇令我哋失望，肉質非常滑，再配埋我最鍾意喺越南餐廳食到嘅醋漬蘿蔔，越食越醒胃！嚟到最後嘅主角，就係二人份量嘅車頭河🤩 可能我好少食火車頭，冇諗過原來咁大碗咁多料，我同朋友見到都忍唔住影番幾張相先😆入面有牛腩、生牛肉、牛柏葉、蘿蔔、牛丸、牛筋，大大碗真係好足料！其中入面嘅牛腩真係要讚下，炆得好腍好鬆化👍嘢飲方面可以以加配價加配，價錢抵食而且份量多，啱曬鍾意性價比高同大胃王嘅人😆 會Encore~

是日打完波去左附近食，朋友話附近有一間好食又抵食既越南野😋岩哂我😋地址係沙田圍站附近，好方便，不過我覺得餐廳唔算係當眼位置，都係要搵。而家仲有30蚊抗疫麵！加埋熱飲都係38！份量同餐牌其他麵一樣，不過當然其他啲餸會大份啲啦，但係都夠食的😋我叫左撈檬，酸菜同青瓜超級多，岩哂我呢個青瓜狂😂金邊粉有剪過，好易夾👍🏻魚露比較酸，唔小心落太多會太酸🤣餸方面唔係想像中咁好食，有啲解凍唔夠野飲有咸柑桔水，酸酸甜甜好正

食了個二人餐268份量還好，味道也不錯但到付款一刻就感覺很不好。因為未比我試八達通有没有自動增值就說我不夠錢，換另一個店裏的人來看原來已付款。即係有自動增值。不過在事情未明朗之前就斷言我冇錢比，這種態度真的不值得鼓勵。也不知會否再來，所以留言讓店家留意一下是否所有員工也熟悉店的運作。另外也值得一提的是，明明有很多car位但還是安排坐圓枱，這一樣雖然不算太大問題，但坐car位應該會和旁邊的顧客隔得好一點吧？講返二人餐，雞翼挺不錯，軟殼蟹就偏咸少少。