大角咀爐端燒 (已結業)

特然同男友k先生講到想食爐端燒於是係openrice搵啊搵搵到尼間係大角咀既以前住尼度個陣冇咩野食 所以都想反來睇下尼度d新食店不過主要因為見人地食評話尼度boss燒野好比心機 所以覺得差極應該有限6/30星期六晚同k先生坐東涌線到奧運站 再行多10分鐘店面上面在搭棚 差d揾吾到間鋪....舊區環境吾太乾淨 成日見到地下有小強同你say hi而且周圍都係車房 感覺比較雜接受吾到尼d既就請三思此店很小只有3張台 一個人(boss)在燒+服務我去到時加買我尼台 仲有另一台一家4口食緊建議大家吾好太肚餓狀態入去因為要燒一陣先有野食我地個日既時間流程係 第一轉等左15~20分鐘左右 來左3樣野其後10~15分鐘來2,3串 大概就係甘既速度上菜我同k先生都係放慢心情去食 諗住慢慢食 所以有耐性等至於野食 叫左: 雞皮, 牛舌, 芝士年糕, 雞腎, 羊架, 明太子雞翅, 煙肉芝士蟹柳, 生蠔, 雞軟骨, 秋刀魚, 茄子, 玉米...1支清酒1支啤酒...數起來好似2個人食左好多甘...boss係女仔來既 佢真係真係好比心機燒 係一食就可以食得出來k先生大讚牛舌 食完一串要encore 而我吾食

路過好多次，終於去左食，總結係──正！老闆(定夥計？全店只得一個人看鋪)超用心燒！之後都食過其他店的燒雞皮，燒都乾晒，食到口都損，仲一陣燶味，但呢間係係啱啱好，脆得黎仲有少少油香！正！由於店內少人，唔使等位，即叫即整，味道very good~!!!好食的還有炒烏冬、有個係煙肉內包芝士(唔記得叫咩名)都好好味！但都有d麻麻既，如：日本年糕(太細件)，燒茄子等......但都係好食o既居多~~~裝潢簡單，坐得舒服，而且老闆(定夥計?)超nice~對於一d外區人可能覺得大角咀好隔涉，但其實在旺角火車站or旺角or太子or尖咀，坐小巴(21k、12a、12b、3)去又得，由奧運站行去又得~~~兩個人食完$310左右，食完係有少少肉痛，但人地真係超用心燒，又好味都值得既！

久唔久就要黎報到﹗最吸引到我黎的主要原因，除左時常可以「包場」之外，仲有佢一味燒牛舌真係無得頂；雖然油左少少，不過個味YIP得非常正，厚砌唔在講，仲有加上老闆的靚鹽黎燒，就係佢，一個月起碼要黎一兩次﹗除左牛舌之外，仲有雞翼，都係必叫項目，燒得好乾身，脆喔喔，食左咁多次都冇失手﹗次次都有叫的還有：燒牛柳粒，茄子，司華力腸，塞米，魷魚，冬菇，炒烏冬……等，完全OK；仲有，因為店子小，很多都是熟客了，基本上，我們只去過幾次，都可以跟老闆娘（佢話佢唔係）吹到幾句，同埋佢絕大部份都有求必應的，例如你話唔食烏冬改食公仔麵，個餐牌冇的，佢又走出街，買包公仔麵幫你整，呢D小店子的親切關係，相信很難在其他地方遇到了﹗

雞皮燒蠔燒帆立貝多春魚燒手羽估唔到,後街都有一間燒烤店幾好食!由其是雞皮,手羽~值得一試,等多一點時間也值!但服務員都幾踢腳,一個人做晒雖然欠奉裝潢,但消夜時間去一去亦也有一點樂趣,當然要有酒相伴啦!

雖然地點方面比較遠，不過既然朋友極力推介，加上喜愛爐端燒的我，一於去試下！單看門面無有甚麼別，但食物質素是意料中外的好。我們一行 4 人頭一輪「狂風掃落葉」之下叫了差不多全個 MENU 2/3 種類的食物，以下是我個人精選推介：燒雞皮：朋友想試，即管叫了一串。初時以為很油，上碟後發覺原來入口非常之脆，讚！燒生蠔：這個一定要試，店員說這是從日本來的廣島蠔，很鮮味而且一粒沙都沒有！讚！燒特大帆立貝：SIZE 大而且很鮮味，加上我個人很喜歡吃帆立貝，所以更加要試！燒煙肉露筍蝦仁卷：之前未曾見過有這個菜色，一心想著「試下無妨」，點知原來都好有驚喜，所謂的「蝦仁」其實都是新鮮的蝦，只是 SIZE 比較小一點，用煙肉包住蝦和筍一起吃，味道非常特別，加上未曾在其他爐端燒吃過，所以都要一試！鹽燒牛舌：原本對牛舌不太喜好，但同行朋友想食，所以都叫了一客。估唔到牛舌質感會一 D 都唔韌，喜歡吃牛舌的朋友不可以錯過！燒香草頂級羊架：這個真的不能不試，在其他餐廳吃羊架，羊架質素參差，加上燒的火候未到家，但這個羊架入口鬆軟，而且幾乎沒有羊羶味，一定一定要試呀！有讚亦都有彈！店舖地點位於大角咀，不算熱鬧地方，所以

第一次去. 有d隔涉. 如果一個人行去都幾驚舖面唔算大,但係幾靜幾乾淨.staff好friendly.如果早d打電話俾佢地.佢地可以幫客留定車位食物即叫即整,好新鮮,我地2個人食左7,8碟+野飲都係$133埋單. 超抵!downside: 食物份量小, 同埋有時要等耐d因為即叫即燒

朋友介紹要去試下,仲以為會好多人,又唔係喎!!叫左佢地話新推出煙肉魚肉卷,真係好多汁喎!!冇諗過燒既野都會有肉汁,尼個好驚喜!中亦又係,撐開燒有d汁架,個燒雞皮又係好食,好似燒豬咁,d成係化架!!仲有個燒芝士蛋糕,因為我鍾意食芝士蛋糕,係尼d地方有得食又係好驚喜!!個晚見到得2-3台,都唔係好明d野食唔差,但係又冇咩人....可能唔係主流野食,又或者係自己區唔會係自己區食野掛.整體我好鍾意d野食,可惜我好少去大角咀,不過我都會多d去!

在大角咀食店林立的街上走過，多次見到大角咀爐端燒的宣傳廣告，特地去試試。這裡位置實在偏僻，除非是住在港灣豪庭附近，否則去食嘢都幾唔方便。好似今次去幫襯咁，沿著角祥街頭一直行到街尾，才見到這間小店，從外面望去，已經是晚飯時間，裡面竟然一枱客都未有，難道這裡是愈夜愈美麗，要到夜宵時段才會客似雲來？坐下看看餐牌，其實款式不算很多，隨意叫了些想吃的東西，好以燒鯖魚、燒帆立貝、手羽（細隻雞翼）、牛舌、雞腎、豬頸肉等，味道尚算ok，都算唔錯，不過牛舌燒得過乾，個醬燒豬頸肉又過於濃味，比較失色。呢間的確是間小店，而且位置實在比較隔涉，除非真係好想食爐端燒啦，唔係都未必會行咁遠來呢度食嘢啦！

呢度都唔知道係唔係有黑幕我之前打過一編食評上來，不過唔知道點解過兩日就唔見左上次叫外買4樣野問佢就話15分鐘，我20分鐘後去到問佢重未得，原來佢地把我叫o既外買比左佢地唯一一"台"人客等多10分鐘終於有得取，點到家後一食........味道其差，原來只可以係佢地舖度聞下好了。不過呢度d人都唔知道係唔係真係有食過還是自己人幫佢唱好個招牌，個個都話好，我就住係佢對面，不過日日早3唔見佢有客lo

之前0係奧海城看戲!!上過OR望下有咩食！見到呢間野，看完戲去食......我平時食串燒去開kowloon city D泰國舖,諗住呢間好似0個D咁，只不過唔洗去咁遠,去到喇! 叫左個 牛柳肉 x4 , 咩野日本年糕x2 , 燒鰻魚 , 青椒x2 , 雞肉串x2 , 叉燒x3好似係咁多..... D串燒好味過九龍城o個D,開頭見到佢無醬以為好難食...尤其是個牛柳肉同埋0個個日本年糕,前者真係好juicy,另外o個個煙煙'un''un',個人喜好:鍾意個口感!叉燒都唔錯，我bf鍾意食!但係個鰻魚真係多骨,係就係頗大件,一般般.......waiter同廚師幾nice,地方細,for傾偈都幾好！

一向都好鐘意食日本野同埋日本既我，當然唔會錯過炉端燒。本來唔係太肚餓，又唔知想知想食的咩好...記得朋友講話哩度有一間鋪頭係食炉端燒，所以咪走過睇下囉。 位置唔可以話好易搵到，但都叫可以既。入到鋪頭，門面都可算大，內裡細細間，都幾乾淨。 都唔算嘈，同朋友坐下傾下計感覺都唔錯。 不過就好似冇咩裝飾...有少少唔夠似日本個的小店咁溫暖既感覺。不過可能係新開既關係啩~ 坐低就有人俾杯水同我，服務都ok。見我睇餐牌好似有少少心大心細, 都有個店員走埋黎同我推介下佢地鋪頭的特式野。諗左好耐，終於點左推介既煙肉豬潤卷、日式芝士餅、芝士車輪串、牛柳肉同埋鱈魚豆付。等左陣，的野食就到啦~ 以下係我食完之后既感想:煙肉豬潤卷: 入口煙肉燒得幾香，豬潤唔會太老。感覺都唔差，不過煙肉味就好似濃左的，食唔到豬潤既甘香。日式芝士餅: 哩個真係要講下，上到枱個時見到佢脹脹地, 店員已經叫記得快的食會好味的。咁我咪聽話囉! 一食. 又幾得意喎。 入口個感覺一的都唔似芝士餅既，似係薯仔既感覺。出面脆脆地，入面個心仲係軟既。芝士車輪串: 哩個入面都係有芝士，但可能係我凍左少少先食，的芝士已經開始唔溶啦! 不過哩個食入

星期二是看電影的好日子…因為有特價…在一個三號風球懸掛的晚上…在奧海城看了一場電影…完場的時候已經改掛八號風球了…~不過由於開場之前只是吃了burger king…似乎應該再吃點東西才回去吧….~收工之前在OR看過有什麼新開的店子…發現了這一家炉端燒凌晨才關門的…雖然那些食評給我的感覺像在賣廣告~只是好像好一陣子沒吃過了…所以就膽粗粗…冒著八號風球走到角祥街的盡頭…晚上走到那邊比較陰暗…幸好店沒有關門…店子很小…只可以容納不足二十人…而且店裡有人吸煙…這讓人有點不高興..~不過走了一段路已經很累…不想再找地方吃東西了…~但慶幸的是過了一會兒已沒有人吸煙了…因為要忙著吃東西…哈哈哈~是晚點了牛肉…蔥雞肉…蜂蜜豆腐…雞翼…燒茄子…燒鱔….燒蕃薯…粟米…青椒和羊架…~牛肉和蔥雞肉…一般…沒什麼特別…而且雞肉有點鞋口…不過醬汁就挺惹味…蜂蜜豆腐…是店裡的推介作品…上面是蜜糖芥茉醬…塗在鱈魚豆腐上面…幾特別…味道也不錯的…~燒雞翼…也不錯…不過有點兒乾…而且不太夠味…其實這裡的串燒有一個共通點就是不夠香味…可能只是簡單的用了鹽作調味…味道比較單一…但我就吃慣了比較濃味一點的串燒…因為串燒本來就不

大角咀真係有「大角咀爐端燒」嫁!!!! 爐端燒於眾多傳統日式料理系列中最為健康，皆因爐端燒主要用磚爐或炭爐來烤製食材，不需用上太多油來烹調之餘，亦能鎖住食材中原有的鮮味及肉汁，達至原汁原味、色香味俱全。以前以為來大角咀只有吃豬骨煲，從來沒想過可以找到一間餐廳吃日本菜，但現在這區的食肆已經甚多元化，最近更開了一間爐端燒，串燒做得甚有水準，想食好東西，完全不是問題。現在大角咀不單止係豬骨煲的世界，而且在角祥街尾就有「大角咀爐端燒」，而且很多的士大哥都知道，在公園旁邊很容易找到。舖面不大，大概只可容納30人，不過，吃爐端燒最重要是氣氛，晚上坐滿了人，倒是熱鬧非常，適合舉行各類商務酬酢或私人聚會。本人推介物．有．所．值!炭燒羊架羊架肉厚，望見已叫人垂涎，入口勁juicy，雖然有羶味，但已被其冶味蓋過。嫩滑的羊肉，就是滋味。雞肉軟骨串好香口同幾有口感, 味道適中, 又ENCORE左墨魚咀咬落亦很爽脆的，燒後既香口又能保持滑溜質感啤酒特別大粒Asahi 和 有一隻比黑啤淡少少，唔知叫什麼啤，感覺很特別的，要試下，聊聊天都是減壓的好地方

個日同朋友傾完計,好似4am啦~咁更係想搵野食啦~揸車周圍兜~係人都知咁夜有咩食啦~我都食到悶,點知兜入中匯街去到尾先見到有d燈,原來有間鋪未收,又想食野,出面又有list左價錢同咩食,都ok,咪入去low~可能唔係好多人知,所以冇咩人,正.我地等左一陣就有得食,佢推介個煙肉豬潤卷串呀,尼個真係好正~入口即溶,結果我食左3客!!仲有食牛舌,好似$16咋,又係佢地推介,真係好味,而且唔'鞋',雞皮又係要食,不過佢d雞皮一時時燒得脆,一時皮咁low,但我會叫佢燒脆d,咁就keep到~正!!不過最正係咁夜都有得食咁正既日本野,真係冇第度!!!!我依家差不多隔日食一次,因為泊到車,超怕會生飛'之'tim呀><,但我都會keep住去食架!!!

套用席上朋友的一句，有時人少少的飯局，幾個朋友輕鬆隨意的聚一聚，真的比什麼龍鳳水面局更合意。下午來過，未試過晚上來，是晚還是第一次。雖云市道不景，但這裡也是高朋滿座的，見檯檯客的木筒也插滿籤，不要看開在這個斜路盡頭，生意也不俗。是日朋友約出來，也是照舊的工事忙碌，來得到已經是八時半有多了。坐下朋友們便遞來清酒，也塞了個餐牌給我要我點菜，就點了雞軟骨丸、雞頸肉、蘆荀煙肉卷、燒雞皮等等。原來朋友們事先也要了幾多食物的，燒牛舌不錯，雖然是薄身的，但吃起來爽口沒渣，口感豐腴，美味；燒鱔也不錯，鱔肉夠厚身，爽口彈牙，也燒得香口；雞軟骨丸吃起來脆口的，是將雞軟骨搓在雞肉中，下油良品；雞頸肉也是我喜歡的一味串燒，肉質帶爽，口感軟滑，此品多是汁燒，吃起來幾有風味的；蘆荀煙肉卷燒得夠乾身，蘆荀鮮甜爽脆，加上鹹香的煙肉，在座食友一致推許；燒雞皮就可以更好，這裡的吃起來帶苦味，是過了火；總括而言，這裡的串燒是有水準的，如果能再燒得香口乾身一點，更好。侍應們的服務很不錯，值得一讚。衷心多謝朋友的安排，是意料不到，衷心感謝。我也不客氣的沒給錢就走人...推介菜式:雞頸肉，燒鱔，蘆荀煙肉卷 是次消費: 每人約HK