大角咀爐端燒 (已結業)

路過好多次，終於去左食，總結係──正！老闆(定夥計？全店只得一個人看鋪)超用心燒！之後都食過其他店的燒雞皮，燒都乾晒，食到口都損，仲一陣燶味，但呢間係係啱啱好，脆得黎仲有少少油香！正！由於店內少人，唔使等位，即叫即整，味道very good~!!!好食的還有炒烏冬、有個係煙肉內包芝士(唔記得叫咩名)都好好味！但都有d麻麻既，如：日本年糕(太細件)，燒茄子等......但都係好食o既居多~~~裝潢簡單，坐得舒服，而且老闆(定夥計?)超nice~對於一d外區人可能覺得大角咀好隔涉，但其實在旺角火車站or旺角or太子or尖咀，坐小巴(21k、12a、12b、3)去又得，由奧運站行去又得~~~兩個人食完$310左右，食完係有少少肉痛，但人地真係超用心燒，又好味都值得既！