大興餐廳 (第尾牛扒) (已結業)

昨晚又跟男友來這兒晚膳。我們二人各要了蒜蓉西冷和砵酒牛(加$15 轉了SET)。今次的羅宋湯好好味，冇上次咁甜，有少少辣，而且好多，分量剛剛好，唔會飲完就好飽，食唔落主菜。砵酒牛其實應該要改名為西汁牛，因為除了有砵酒味外，個SAUCE真係好似快餐店種西汁，不過當然比快餐店好味得多，牛依然入口即溶，但今次有一小塊過老，男友的西冷個汁好掂，勁香蒜蓉味，但塊扒就差了少少，肉質鬆散，同太多筋。最後，男友想將餐飲轉黑牛，點知那位叔叔說轉黑牛要加錢，佢教我︰餐飲要可樂，雪糕要朱古力味，然後兩樣一齋上，咁咪一樣囉！虧佢想得到，真係佩服~~~~