大興餐廳 (第尾牛扒) (已結業)

典型o既古老餐廳, 環境同衛生認真麻麻, 而d 伙計竟然仲可以成日含住口煙, 雖然未至於攪到間餐廳煙霧瀰漫, 但已令人食慾不振.

環境好有懷舊Feel、衛生都唔係太好！但羅宋湯就好好飲，落重料之餘亦好夠味。到大興o既人十居其九都係食扒，港式牛扒味道無得彈，好味過花園、扒王之王同金鳳，值得去試，黑椒汁夠惹味，只要你認為服務、環境及衛生係次要的話，大興係一個食扒o既好地方！

行行下旺角，見到有一間絕不起眼的餐廳！就入去試下囉。燈光十分之暗，懶晒有氣氛，但係小心會仆親！服務就冇啦！乜都趕住，趕住叫你點o野食、趕住要你叫餐茶(但係個主菜都未到)！點解甜品會最早到o既？唉……個扒餐還可以，紅湯有味，黑椒汁好正，但係個扒就細碟o的囉！

今次係小妹第一次寫食評，還請各路英雄多多指教!夜晚約o左班friend 食飯，但係諗唔到食乜好!咁o岩o係旺角中心附近，其中有個friend 話呢間『大興』幾好，所以姑且一試!點知入到去~嘩~個feel正到以為自己拍緊花樣年華，殘舊非常~個waiter 又有性格，叫佢果陣諗耐少少就即刻面到黑埋~我地每人叫o左一個set dinner~ 牛尾湯就乜料都無，不過羅宋湯就勁多料!鐵板牛就唔在乎你感受，無問過就全部medium~鍋仔牛柳又自動變身做鐵板牛柳~焗海鮮飯o的芝士太咸，無咩海鮮~但係竟然食到一舊懷疑係龍蝦物體~奇怪!甜品雪糕味道唔錯，一食就知道係牛奶公司，不過個杯邊黏住o的黑色污糟o野~埋單每人大約$60~ 完全唔值!最最最緊要係個廁所無水~之前食o既o野差不多嘔返晒出o黎!