大紅袍火鍋料理

营业中

休息中

第一次嘗試這家，兩個人點了招牌麻辣鍋底和花雕藥膳鍋底，麻辣鍋底不是正宗的川式口味，花雕藥膳鍋底很特別，酒味很濃，油碟和配菜也都不太適合麻辣鍋底，是經過改良適合港人口味的火鍋。沒有嘗試他們的四川牛油麻辣鍋底，也許會比較正宗～菜品份量都很小，但是價格都不便宜，我們七點多去到，海中蝦已經沒貨了，還有刺身可以選擇，菜品種類很多，但是當天並不齊全。環境很好，服務也不錯，適合多人聚餐和不太能吃辣的朋友，如果想吃正宗的川式火鍋不推薦這家～

大紅袍係荃灣開左一段日子，終於有時間去食喇！一入到去好靚啊d裝修，好有中國風，好別緻我地好肚餓就叫左份三文魚腩加海膽過下口癮先，都有十件到，勁肥美同新鮮！海膽都不錯喲！我地叫左個好出名嘅金屋藏嬌，真係勁足料同好飲，有雞，冬瓜，蟲草花，花膠，勁鮮甜啊，超加分！個雞好滑身同好入味!!!叫左幾樣配料，本地肥牛真係吾小得，d肉好重牛味，好香，兩個人食好夠仲叫左蟹子墨魚丸，貢丸，全部都好彈牙爽口，好好食，配埋個湯底係一流仲有個古惑蝦膠，係油炸鬼上面加左個蝦滑，浸一陣就食得，浸完湯依然好脆，勁正兩個人食哂都已經覺得好飽了 好滿足啊呢餐

入面裝修好中國風 好正坐底見到價錢幾高 求神拜佛唔好伏啲餐具都好中國風 個人黎講勁like淨係湯底都有有好多款 揀咗好耐最後揀咗酒味蜆骰子牛鍋？（唔太記得正確名）黎到好誇張熱好個鍋就倒酒落去炒熟啲蜆同牛 啲火一下子衝上黎 場景有啲震撼 好正炒好就倒湯落去店員話可以食之前飲啲湯先 試真個湯一試之下 嘩 鮮甜度滿分再食下蜆同牛 吸哂啲酒味 勁香其後嗌咗個牛拼盤 諗住食飽飽點知黎到 咁少嘅！ 雖然擺得好靚不過食落有驚喜 每款都好有驚喜由其係和牛 入口勁香 有幸福感覺諗埋山藥 兩個餸 一揸野飲埋單7xx不過食得幾滿意

今晚，兩位組織成員為我慶生辰，來到荃灣大紅袍。環境裝修頗中式及燈光舒適。食物是逐碟叫的。廣島生蠔鮮甜又好吃😋還有⋯⋯這些我最愛的午餐肉真的很好吃！最吸引我再來的，是服務員的服務，有禮貌、也回應之餘，也是非常友善。幫我們照相時，也提示我們如何坐位。食材來到，時也執位迅速。非常好👍🏻會再來！

今日同朋友即興約食飯，因朋友想去荃灣區食飯，所以就揀了荃灣這間打老邊，店內環境舒適，坐下服務員已介紹幾款特色食物給我們，服務不錯呢？椰子雞湯底都不錯，但如濃味些會更好極上牛肉刺身，如食刺身的人，這個真的是推介鮮牛肉粒，這個都幾好食。響鈴正唐生菜多種調味料這裡還有一個特色湯底，叫“金屋藏嬌“，這鍋吸引之處有花膠有雞再用冬瓜盅製成，所以很多客人都會order的，但因那天只有兩個人，所以沒有叫，驚吃不到呀！整體是一間不錯打老邊的地方，但都係同其他店舖一樣，只可以食2小時，如諗住約朋友倾偈，可能就不適合了

香港人真係一年365日都咁鐘意打邊爐😍我今次要挑戰大紅袍重慶空運牛油麻辣鍋🌶🌶佢哋嘅湯底真係好多選擇, 要黎多幾次先試得曬, 我哋好貪心想試埋木瓜雪耳雞腳鍋!! 麻辣鍋夠麻夠辣, 仲越食越辣, 過癮!! 雞腳鍋就夠清甜, 可以用來煮蔬菜類, 同埋必點嘅紫菜炸響鈴~! 其他材料都非常新鮮👍🏻 我哋試咗三文魚刺身, 好好味, 好新鮮, 相信呢度其他刺身都唔錯啊~ 不過我哋太飽食唔到其他啦荃灣呢間大紅袍裝修特別靚, 員工都好有禮貌, 我會encore😉😉

無論春夏秋冬香港人都一定要「打邊爐」，之前不斷聽朋友同事大讚「大紅袍火鍋店」好吃，今次終於有機會一試，味道和期待一樣！！而且性價比高，被列入會「回頭」的餐廳之一！今次到訪的荃灣店環境舒適， 友人說比起尖沙咀分店座位更好坐，也因為是新店的關係，人流較少，不想同人迫可以轉戰荃灣分店！湯底選了「金屋藏嬌」(＄188)，即蟲草花雞湯，湯底上桌時整個鍋都是滿滿的蟲草花，對於超愛吃蟲草花的我來說是一件超級幸福的事，另外侍應姐姐會幫忙將雞肉剪成小塊，方便食客品嚐，超貼心！雞肉嫩滑而湯底鮮甜濃郁，沒有濃重的味精味。  試完湯底，就來到重頭戲配料： 脆炸紫菜響鈴($48)，即店內的招牌四寶，一定要趁熱食，才能吃到香脆的口感，不沾湯也很好吃。多人的話可以點牛魔王併盤($338)，併盤有本地手切肥牛、牛舌粒、澳洲和牛、安格斯牛以及牛肉粒，可以一次試勻所有牛，份量超大，4人分吃也多到吃不完，而且牛肉口感很嫩，以此價錢來說非常出色。 圖片_004 其他配料的份量也很大，有廣島蠔($98/8隻)、鬼馬墨魚($65)、蓮藕($32)、蔬菜籃、雜菌籃、黑毛豬等等。 蔬菜類只需30多元就有一大盤，非常伐算！ 

好姊妹慶生聚會@大紅袍火鍋料理5月壽星女好友選擇了吃火鍋慶祝生日，之前有聽聞過大紅袍呢個名，今次終於有機會試啦。先講下店內的環境格局，枱與枱之間空間夠寬闊，仲有卡位，坐得好舒服，呢度仲有個整得幾靚嘅吧枱for 飲品區。閨蜜好友選了一個名為「金屋藏嬌」的招牌湯底，淨係個名已經夠吸引啦😄呢個湯底的配料非常豐富，除了半隻雞外，仲有花膠、蟲草花、冬瓜、鮮淮山等，啖湯非常鮮甜😋😋😋因為個湯底已經咁多料，我地三個女仔都唔敢叫太多其他火鍋料，但一定要推介的係紫菜響鈴 同埋 鴨舌，真係好正呀～

打邊爐對我嚟講喺無分四季，但人在香港，平時出街打嘅話我會揀日本貨牛氏系列🤣🤣 今次難得有人預定左依間大紅袍火鍋嘅位，令我真正體驗到打個邊爐究竟可以去到幾盡😤 為左提升服務質素，檯同檯之間都有較大空間，仲有另外擺菜位。我地一行四人坐到卡位✌🏻✌🏻食得攰仲可以攤下休息下，環境好舒服！最緊要佢冇限時，上菜速度都啱啱好，一啲都唔趕人走配料同餐具都睇得岀有考慮過為打邊爐而設我地揀左人氣推介之一嘅「火焰清酒醉甲鍋($138) 」入面本身有和牛😻店員喺你面前加清酒猛火炒起加湯，鮮味即時撲香，加肉煮真係好正！因為冇乜味精，原汁原味，所以飲多兩啖都得！😽「大紅袍牛王拼盤（$338」 👍🏻👍🏻👍🏻👍🏻👍🏻依個真係極推！當中有五種牛肉，如果想知啲牛肉來源地，部位，點煮好食啲，可以隨便問啲店員㗎！佢哋個個都好專業同樂意答你！ 依間必食喺牛肉，無論點都要叫！當中澳洲和牛同牛肩肉真係好重味好鮮❤️❤️ 牛脷同牛柳粒都好鬆軟！食完你會明白點解食肉之人總會不斷尋找更貴更好味嘅肉，因為真係好唔同！返唔到轉頭「日本黑豚五花腩($88) 」👍🏻👍🏻👍🏻👍🏻依道令平時不太好豬嘅我都嘆為觀止，薄切令到佢更軟身！同時keep到多汁

同男朋友無論春夏秋冬打邊爐都係我地首選😻平時食得多任食邊爐 係時間試下呢啲高級野平日嚟食估唔到都坐無虛席😂所以大家記得要book位！每張枱食之前都會有呢盤野 唔洗特登行出去拎 呢樣幾貼心 隔離附送冷盤小食 又少少酸同麻辣都幾開胃我地嗌左薯仔蕃茄豬骨湯 因為男朋友唔食得辣 不過見到好多人都會嗌麻辣鍋！完全無諗過湯底咁足料 入面有n舊粟米 蕃茄 蘿蔔 豬骨！全部都係可以當火鍋配料咁食 保守估計齋食個鍋都可以有4-5成飽 啖湯好清甜 豬骨味入唒同埋會有少少胡椒味 好正！我地無叫到最靚既肉 但呢個例牌size都估唔到咁多份量 而且食落無咩肥肉 牛味好新鮮唔會有啲雪藏味！幾抵食平時響鈴必點！呢度都唔例外 嗌左紫菜響鈴 呢個係最後先上 嚟到之後每一舊都閃令令 一睇就知即叫即炸！個味道係幾豐富既 響鈴脆脆地會有種油分喺度 但配埋紫菜就中和左 成件事係無咩油膩感覺 唔覺意一舊又舊ko左除左上面2樣 仲嗌左生菜 鯇魚 四寶丸 鵝腸 酥炸蝦丸！全部都好好食 不過我地嗌得多左啲食唔唒 因為唔知原來佢地每樣都咁足料 真係一分錢一分貨！同出面任食果啲質素無得比 平時做野咁辛苦 間唔中嚟食下獎勵自己！

其實已經第二次來這家吃火鍋 現在就把它們合併起來 一起打食評在第一次來大紅袍的時候，就覺得地方寬大舒適。我特喜歡這個小鴨筷子架。所以就忍不住把它拍下來了。👇🏻第一次來，我和朋友一致認同要試一下「金屋藏嬌」這個湯底。湯底裡面的材料很豐富，有一大圈的冬瓜、花膠、雞、大蔥、莞茜等等。湯底非常清甜，湯底可以當湯水直接飲用，不會是很味精很油的那種。而且湯裡面的雞肉不是很老，而是很滑很嫩。吃起來嘴裏好滿足所以我十分推介這湯底。👇🏻眼看著就嗨了 嘴吃著就爽了👆🏻兩個愛吃的女生，第一次來試新品，當然什麼都想吃，結果點了滿滿一桌。首先第一點的就是「活魚刺身」，因為不是很多地方都可吃到活魚刺身，所以一看到餐牌上有，還有店員說今天的活魚刺身是黑𩶘，就想都沒想就直接點了。因為是活魚刺身是直接在魚缸拿出來，所以魚質比較彈牙爽口，一點腥味也沒有。很新鮮。份量又多，性價比高，值得一試！👆🏻另外大膽點了「肥牛刺身」，這個來到大紅袍一定要點。因為本人超怕吃牛刺身，但這個牛刺身不得不讚一下。不僅吃起來不會吃膩，而還會讓人不停吃的感覺。真的好吃！（⚠️刺身類 記得點了就盡快吃比較好阿~!!)👆🏻我們抱着什麼也嘗一下的心，就點

今晚一家人出去打邊爐，想試下啲高質既邊爐於是去左大紅袍，貪佢就腳又坐得舒服成間火鍋店既抽風做得好好，而且design似足西餐廳門口同最裡面都有吧枱，完全諗都諗唔到而窗戶係落地玻璃，可以居高臨下睇到荃灣既夜景成個感覺都幾chill架揀左湯底先，要左金屋藏嬌個名夠哂特別，裡面仲藏住隻雞、花膠仲有啲菜同冬瓜夠哂豐富，而且雞好嫩滑，配埋蔬菜感覺幾fresh湯底幾清甜唔油膩，可飲幾碗先再食其他火鍋料食豪啲叫左個牛王拼盤總共有5款牛，擺盤都擺得好靚最鐘意食和牛，夠哂鮮嫩，食落去牛味湧哂出黎食肉獸既至愛另外叫左黑松露蟹肉餃，黑松露味超級香！蟹肉鮮甜，兩種味道完全係perfect match!仲叫左四寶丸，全部都係手打，爽口彈牙最鐘意牛丸，食落牛味香濃最後要多左個日本廣島蠔刺身食落好新鮮，而且有淡淡既海水味估唔到打邊爐都有刺身食，幾特別呢間完全可以再encore!

知道朋友中意食打邊爐, 就決定左帶佢食好啲, 去試下好出名嘅大紅袍。一入到去已經覺得冇黎錯, 裝修好有古典味, 唔同一般嘅火鍋店, 岩哂用黎影相慶祝。由於我地都好中意食麻辣火煱, 所以揀左大紅袍麻辣湯底, 辣度岩岩好, 唔係淨係死辣，啲火煱料已經會有哂湯底嘅味道，所以基本上都唔洗再用豉油。我地叫左鋪頭推介紫菜炸腐皮，平時好少食，加左紫菜，脆脆口咁好好食。如果大家有去過台灣打邊爐, 一定知要食鴨血, 估唔到依度嘅鴨血都同台灣有得比, 浸落個湯到入哂味。我自己本身好中意食淮山, 但香港好少有, 通常叔大陸食海底撈先會叫, 點知依到都有, 真係好開心!依間大紅袍仲有埋刺身叫. 個極上牛肉刺身賣相都唔錯, 用黎po相打卡就最岩!我自己最鍾意食四寶丸，每隻款都有3粒，一食落口就知道手打嘅，唔似坊間某啲係用機打，當中我地最鍾意就係蝦丸，十分有蝦味同極之爽口彈牙。 另外我地仲叫巿面上極少嘅黑柏葉，每＄1都切得啱啱好，完全係冇內臟嘅味道，仲極之爽口，比起喺內地嘅係有過之而無不及。本人都喜歡打邊爐食脆肉鯇，但最怕太多骨同切得太薄，但食落嘅時候一條骨都食唔到仲非常之有魚嘅鮮味，但無半點鯇魚嘅泥味。

我極之推介嘅係豬潤，我簡直當佢係大紅袍嘅招牌菜，原因係佢唔係坊間嘅沙膶，因為我極怕果陣腥味，我本身都膽博膽，試一試，點知食過真係不能忘記，沒有半點腥，仲要口感十分滑同彈牙。如果下次去食一定一定一定會叫番豬膶！

大紅袍火鍋聽人講就多，今日終於有機會去試下喇依家係新分店，開業冇耐~朋友介紹一定要叫「金屋藏嬌」個湯底，金黃色湯底加上半隻新鮮嫩雞，仲有花膠竹笙等等材料真係無得輸呀2隻做黎做筷子托既duckduck裏面其實有個大冬瓜，好似放咗個冬瓜盅入去咁，得個湯滾咗，職員會拎係湯入面半隻雞剪開，再放入去，之後就可以先試下個超級好味既湯仲有食下d配料色澤靚，材料多脆金花 $88先點個小食炸既時間控制得幾好，裏面既蝦膠保持彈牙，每一粒都有番咁上下份量嫁大紅袍牛王拼盤 $338超級抵食既牛肉拼盤安格斯、和牛、本地牛、牛肉粒、牛脷粒完全連休息既機會都冇，太豐富喇，每款都好有質素，牛味濃郁，肉質嫩滑，我最中意既牛脷有好重牛香味，有咬口又唔會韌手打四寶丸 $78四款唔同既丸，色澤好靚丫，仲可以一次過食到四個口味墨魚丸、鯪魚丸、豬肉丸、牛肉丸，每款既味道都唔錯，最緊要係夠新鮮彈牙