大紅袍火鍋料理

营业中

休息中

贵……冇预期高，一行三人夜晚去吃，鱼头冰鲜的，鸡腸好肥，牛肉好吃I…金屋藏嬌汤都幾好飲， 鱼生麻麻…… 港晶價錢偏貴唔抵食，朋友都失望😣 放入面嘅冬瓜好味其他講真出品好麻麻，……

星期一嘅夜晚見個場都坐滿8、9成，環境黎講又真係幾唔錯，啲位夠闊落，裝潢幾有中國風，以紅色為主，睇落幾豪華咁，襯番大紅袍個名。個筷子托仲係鴨仔黎架，襯埋成套餐具斬真係幾有心思。有齊醬汁配料比我地自己溝，好多野揀豬骨湯底？！　蕃茄湯底？！太普通啦我地今次食既係金屋藏嬌湯底入面有成半隻雞，仲有冬瓜等等配料，索哂D湯味! 好味啊~最特別係佢個鬼馬蝦膠， 呢個真係必試，蝦膠後面痴住舊油炸鬼，食落油炸鬼仲有少少脆，搭埋蝦膠唔會太膩之餘口感勁過癮，忍唔住食完再食。另外呢到D肉類都出色，食落就知來貨有D要求，食材都係有保證個人黎講最鍾意係牛肉因為我係牛魔王!加埋其他食材食食下都飽4個人都係食左600蚊到~ 單點火鍋黎講都幾平!

呢排咁凍，最岩約朋友去打邊邊喇😋所以今晚就約左幾位好朋友黎到開張無耐既荃灣大紅袍，一路食一路傾下計~通常散叫既火鍋店食物水準會較有保證，呢次都唔例外首先我地簡左個幾浮誇既湯底，因為姐姐係會用火槍喺個鍋中間製造非常吸睛既效果。影相拍片少不免之餘，亦佩服姐姐純熟非常既手法😯食肉獸一定要點呢個！拼盤包括和牛、肥牛、牛柳粒、牛脷粒等，每種既數量都多，四個人一定夠食🤗特別想講下肥牛同和牛，兩者脂肪分佈平均，而且夠哂厚身，食落啖啖肉又鮮美啊四種手打丸都好彈牙，如果每種都可以多一粒就好了呢度仲有出面較少見既紫菜響鈴，因為係即炸所以超級脆的呢。浸落湯底再拎返出黎食，好味之餘又唔肥膩🤩至於小食就叫左鮮魷，熱辣辣又脆卜卜，好惹味啊最後埋單都係二百五十蚊左右一位，呢個價錢食到咁正既野，又可以坐咁耐吹足咁耐水，絕對值丫😆

有閨蜜知你想打邊爐 即刻帶你去食佢覺得最好食果間👭💕 真係夫復何求😌之前都試過尖沙咀嗰間大紅袍, 不過知道荃灣呢間新開張, 即刻嚟試吓裝修型格~ 地方非常乾淨四正, 淨係門面都贏曬👍🏻佢湯底都有20幾個選擇, 無辣不歡嘅我哋一定係揀麻辣鍋啦, 經過店員介紹, 我哋仲叫埋胡椒豬肚鍋~ 火鍋料Menu真係有好多選擇, 我地兩個女仔忍唔住order到全枱餸, 仲有三文魚刺身送, 紫菜炸響鈴係必食👅全部都新鮮好味!!!😍😍😍

同屋企人打左個邊爐，已經第3次食哩間！次次都冇失望，keep到水準！打邊爐當然最重要緊係個湯底啦！之前2次都試唔到哩個金屋藏嬌，今次終於試到啦～ 湯底有半隻雞+冬瓜 好清甜好入味肉就叫左牛頸脊、西班牙豬肉、蒙古羊肉，全部都好新鮮，唔會”梅”哂.. 而且份量好足！中意食芝士既一定要試 手打芝士牛丸 同 芝士獅子狗 ！好勁既芝士 一咬爆哂出黎！真係要小心食！！俾佢熱死呀真係～仲有新鮮即炸既響鈴都一定要食，拎到出黎仲係熱辣辣好鬼脆，又唔會好油！食幾多都唔會油～ 鬼馬蝦膠，係油炸鬼+蝦膠..舊油炸鬼係點浸都唔會淋！！舊蝦膠又好爽口，夾埋一齊perfect match⋯ 今次4個人都係食左around $1200 性價比高👍🏻 好抵食👅

火鍋店 @ 大紅袍] (平均每位$300-400)這火鍋店一向是JT至愛，因為環境舒適，裝修玩中國風，設計很有個性。食材方面，種類多、夠新鮮、質量好，就連鍋底都多款兼新穎過人。JT幫襯很多，也試過不同分店，沒有一次失望而回。不知推介那款火鍋料好，因為隻隻都不錯。早排在openrice發現他們荃灣店新開業，立即去幫襯了一次，食物依舊的好，但裝修再下一城，超級有格調，各位有機會可以去試試。🍎Food: 🍀🍀🍀🍀👯‍♀️Service: 🍀🍀🍀🍀👩‍🔬Hygiene: 🍀🍀🍀🍀🎪Decoration: 🍀🍀🍀🍀💰Value for Money: 🍀🍀🍀🏆Marks: 8/10

前排天氣咁凍同左一大班朋友去打邊爐，個湯底真係好正，重料！呢度啲材料好新鮮，又多選擇，好啱我哋呢班鍾意食肉同sashimi嘅朋友仔, 估唔到打邊爐嘅地方sashimi都可以做得咁新鮮，而且賣相好靚，有驚喜。

冬天梗係要打邊爐儲脂肪過冬☃️-啱啱新開張未係多人排隊，但係平日都滿座😼除左金屋藏嬌💃🏻呢個招牌湯底，店員仲有另一個推介【火焰清酒醉甲鍋】$138佢哋會係你面前點火，燒着啲花甲同牛肉，令味道更突出濃郁👅再加埋上湯煮一陣。好快就食得啦。【大紅袍牛王拼盤】$338 打邊爐又點可以冇牛肉呢😍而且打邊爐越嚟越追求要高品質嘅牛肉，今次呢個拼盤一共有五樣🧐最好食嘅當然係和牛啦，煮幾秒就得啦，就算你煮耐左都唔嚡又夠香😎本地肥牛都非常之重牛味嘅同埋新鮮。牛脷同埋牛柳粒就要煮得耐小小，都非常之鬆軟㗎。【蘇格蘭聖子皇】$60（時價）大大隻聖子王都幾新鮮不過價錢有啲貴，但店員話已經做緊特價。【蟹籽墨魚滑/蝦滑雙拼】$80 有啲配料可以雙拼，每樣食啲試多啲😏分量都唔錯，煮出嚟都幾彈口。【炸響鈴】$48都似係新鮮即炸🤩淥兩三秒食得😳【鮮腐竹】$32 叫完可以再叫😛同個湯底非常之夾。味道會因為牛肉同埋海鮮變得好豐富。【竹笙】$62 一種好特別同埋健康嘅蔬菜。一個一個窿，咬落去好爽嘅(管家形容得好好笑😂😂)【萵筍片】$32 記得要煮來耐小小，又林又好食啦。【酸梅湯】$35/渣依家新開張，仲送左三文魚刺身同榴槤雪糕🍦係

早二個星期，聽朋友介紹，荃灣開左大紅枹火煱，以前都係尖沙咀試過，感覺都不錯，咁啱係屋企附近，所以同屋企人去試下！預早訂左位，去到就一早安排好位置環境裝修，行中國風 Nice ,枱與枱又不會好迫，環境舒適.....湯底叫左個胡椒豬肚雞同黑松露，二個湯底都好有水準，可以先飲湯後火打邊爐～食物質素高，新鮮價錢合理，荃灣人又多一個食火煱選擇！！！必試火煱配料：鴨血，本地手切肥牛，鮮雞腸，鮮腐竹，炸響鈴，鮮活田雞......

天氣凍約了三五知己打邊爐，一看到那個放筷子的鴨非常精美，先吃主打刺身，海膽和帶子，帶子還配上蟹膏非常夾，再來牛刺身，師傅刀工一流切得超薄，而且沒想到刺身的新鮮程度拍得上高級酒店、再來是小菜，椒鹽豆腐，皮脆內軟，不過要提醒大家一下上菜時先放一下再放入口，因為熱到辣嘴火鍋湯底非常特別，物來金屋藏嬌，金屋是指冬瓜，非常甜美，嬌是指雞，原隻上，還有專人幫忙剪件，肉質非常鮮嫩 。至於火鍋配料選了幾款牛，賣場已經好吸引，吃下去真的令人回味無窮！而其他配料方面有田雞，四寶丸等都非常新鮮，主打菜響玲簡直是秒殺，一出來就給全清了，所以另外再叫多一次紫菜響玲。總括而言，食物水準非常之高，值得一試！

今次黎到荃灣，朋友介紹呢間新開不久的火鍋店，見已有幾家分店，決定一試，所以朋友預早book位。當日去到，店員預早為我們安排了窗邊卡位，環境舒適，坐落亦覺位置闊落。湯底選了「金屋藏嬌」招牌之選，金黃色的湯配上嫰雞、花膠、竹笙、冬瓜，配料很足。頂級安格斯牛頸脊四個人叫了一份大的，份量都足，牛頸脊油花紋細緻，嫰滑有咬口，牛味濃郁。桂花蚌爽脆彈牙，味道鮮甜。墨魚丸入口富有彈性，好彈牙，吃到墨魚的味道。海中蝦滑新鮮且有黏性，食到粒粒彈牙蝦肉，混合蟹籽有多重口感。炸魚片頭原先點這個是想放進火鍋內的，豈料店員上菜時話可以即食當小吃，新鮮炸好，炸得金黃，還感受到熱呼呼，配以泰式辣醬，夠晒香口，是我吃過最好吃的魚片頭。紫菜炸響鈴比普通響鈴卷更有新意，加上紫菜一齊炸，不算油膩，不但香脆，而且味道層次更豐富。萵荀片如果不想咁悶成日食生菜等，可以一試萵筍片，焯一會就可以吃了，既清甜又爽口。焯的時間過長會使萵筍綿軟，失去清脆口感。總括來說，這家火鍋店食物質素高，環境舒適，不過可能因為新開張店員不足，等候上菜時間有點耐，但我們都會再次光顧，非常讚！

得知大紅袍在荃灣區內新開張，就選這裏慶祝朋友舊公司的last day。雖未去過北角店，但都聽說大紅袍這店不錯，所以期望也當然高。荃灣店裝修新穎、空間大座位闊落，給我們的印象很好，特別是區內的火鍋店的環境都一般，所以比較起來大紅袍更勝一籌。胡椒豬肚雞鍋 $128寒冷天氣下點個胡椒豬肚鍋最好不過，在開始吃之前可先飲兩碗湯。這個鍋胡椒味夠，豬肚和雞件也不少。另外以這環境來說，食物價錢相當親民。湯底選擇逾二十款，能滿足不同口味的食客。大紅袍牛王拼盤 $338牛王拼盤包括了和牛肉、神仙牛肉、鮮牛肉粒、牛脷粒、牛胸尖各樣，份量不少，我們五人來說剛剛好。各款牛肉油脂分佈佳，入口柔軟、肉味濃，質素來說也十分滿意。蒙古羊肉片$78、日本黑豚五花腩 $75 、醉雞件 $75羊肉片及五花腩份量也很多，前者羊膻味完全不重，連不吃羊的朋友也能接受；五花腩片也是油脂豐富，沒有豬膻味。醉雞件也是滿滿一碗浸在花雕汁內，相當入味。炸響鈴$45、蟹籽墨魚滑 $72、手打四寶丸 $68炸響鈴是意外的大件，是平常的兩倍，炸得脆但油味過重；蟹籽墨魚滑和丸類份量就不多，但能保持鮮味和彈牙口感，證明手打工夫足。整體來說，大紅袍的食

去左荃灣食火鍋，棟樓係新改建，地方好新淨又寬敞。 店內裝修好靚，好有中國風味，好多特式擺設。坐底叫左個鴛鴦鍋，麻辣同胡椒豬肚湯底。叫左超多野食！不能盡錄～一開始黎左個黃金尤魚鬚，好香咸蛋黃味，熱辣辣，正！湯底到啦！！超香！ 叫左個牛肉拼盤，入面有澳洲，本地，日本和牛，仲有好特別既牛脷粒。澳洲牛最淋滑，而本地牛就最有牛味！兩個湯底都超惹味。佢地個黑松露餃，釀油炸鬼都好值得一試！ 牛肉拼盤鬼馬炸兩　（釀油炸鬼） 　　黑松露餃　黑毛豬腩肉　冰豆腐，打邊爐必點！好入味！最後不得不提既係佢d醬料，樣樣都正，尤其是個炸蒜油同麻辣椒油。好滿足，一定要再黎！ＭＥＮＵ都幾多選擇架

老老實實其實我一直都覺得打邊爐間間都係咁上下， 係食之前其實都冇咩太大 期望但係食完之後我又覺得佢材料非常新鮮，湯底都好足料，真係值得再去過!由於太肚餓，一開始我地就叫左一碟黃金魷魚同埋三文魚刺身食住先，三文魚真係好鮮甜，黃金魷魚好鬆脆！ 同我一齊去既朋友仔都鍾意食辣， 所以當然一定要叫一個麻辣湯底，真係辣得好過癮， 又要辣又要好食真係好正，好彩叫左一揸竹蔗茅根畀我地解辣。另外仲叫左胡椒湯底，本身擺出嚟已經係奶白色，再加埋入面有一隻雞，烚下烚下之後， 飲落口真係好豐富好好味! 雖然佢比左好多配料 我地自製醬油，但淨係個湯 已經好夠味，基本上我都冇咩點佢d醬料　（麻辣湯拼胡椒雞湯底）　（醬料架）因為menu有太多選擇，我地花多眼亂，店員都好好人， 特登為我地推介各種新鮮食材打邊爐當然要叫牛架啦，叫左個拼盤，有澳洲和牛、安格斯牛 、 本地肥牛、 牛柳粒同埋牛舌粒。佢既牛好有肉味同好滑，當中最出色竟然係本地肥牛，有小小接近入口即溶既感覺，真係好幸福！ 另外我地仲有叫左黑松露餃、，豬腩肉，即炸魚皮， 呢兩樣都係佢地自家製，都值得一試　（新鮮炸魚皮）（豬腩肉片）順帶一提仲有佢個冰豆腐， 索曬湯底

近排天氣時冷時暖，早晚就特別寒，收工凍凍地就梗係想約埋班frd打番個邊爐暖下肚啦。朋友提議大紅袍，話坐得夠舒服，吹水都開心啲，見到係荃灣開咗新分店，幾近西鐵站咁，啱晒住大西北嘅我地，一於book位試試佢。講番野食，一黎梗係點湯底先，我地點咗金屋藏嬌，成大舊冬瓜，配埋大約半隻雞，非常足料。店員仲溫馨提示我地可以先飲下個湯試下先，又真係幾鮮甜，仲有我最鍾意嘅竹笙，吸晒啲湯好好食啊！見個湯底咁高質，我地都即刻叫咗冰豆腐同響鈴，盡情吸啲湯汁，正啊！！呢度啲火鍋配料選擇都幾多，我地就揀咗招牌餃（黑松露蟹肉餃）、韮菜餃、脆鯇片、黑豚五花腩片、鬼馬蝦膠同埋娃娃菜等等。不得不提個招牌餃真係好驚喜，唔單只大大粒，一咬啲黑松露香味即刻爆晒出黎！而另一款韮菜餃都同樣好食，一碟有成8粒，大大粒夠晒足料。脆鯇片夠晒新鮮，啱晒鍾意食魚嘅我～呢度每款野食都真係好大份，我地一行四人，叫咗9樣配料，加兩楂野飲，飽到差啲行唔到，埋單都唔洗$1000。非任食邊爐黎講，呢種質素同份量，真係超晒值。咁啱今次有同行朋友唔食牛，見到隔離枱啲安格斯牛好似幾正咁，下次一於再黎試試佢！