大紅袍火鍋料理

营业中

休息中

今日生日，但屋企人要返工，所以就揀咗喺荃灣晚飯慶祝，方便啲啊嘛，而佢哋就一早book咗位，話帶我試吓大紅袍火鍋，本身我都係抱住火鍋咁普通嘅心態黎嘅，但上到去，氣派果然唔同，有別於普通嘅火鍋店，呢度環境十分高檔啊環境舒適，我哋book咗位嘅坐到卡位真係好闊落，除咗火鍋呢度仲係主打刺身嘅，所以一坐低，店員就為你倒上兩款豉油，一款係火鍋豉油，而令一款就係刺身豉油，非常講究醬料亦十分齊全，而且真係好乾淨衛生，慢慢調教醬汁，再order野食要特別講下呢度所有嘅用具亦十分講究，好似個筷子托咁，鴨仔外型，非常得意又實用火鍋前，我哋先叫咗個餐前小食，我揀咗個黃金鮮尤，皆因最近實在太流行黃金、鹹蛋黃嘅嘢食，呢度個黃金鮮尤，有驚喜，鹹蛋黃味濃郁，而且煮到起晒沙，鮮尤爽滑，上枱時熱辣辣，真係正火鍋我哋就選擇咗雙拼，一個揀咗大紅袍麻辣鍋，另一個就係芫荽皮蛋湯，芫荽湯底10分健康，而且味道清甜，而麻辣鍋，我哋揀咗小辣，佢麻香十足，唔會得個辣字，確係不錯嘢食方面呢，基本上種類都係同平時嘅差唔多，當然啦，呢度高檔好多，而且有啲都幾有特色架，好似響鈴咁，佢呢款紫菜響鈴，估唔到有幾夾喎，響鈴無油益味，食完都唔覺太油膩而

今日屋企人請食飯。咁一定要食好啲架啦。近近地就其人放工就book 咗去食大紅袍荃灣分店。食完先知原來依到開左冇幾耐。裝修超中國風。一入去就見到個吧枱，依到真係超大。氣派裝潢，原來佢係新開的 。地方好大，坐得好舒服，枱同枱之間都有空間，啲人岀岀入都唔會阻礙到食客。入正題先。大紅袍嘅食材真係有別於普通餐廳，可以食得岀每道茶都有佢精緻嘅位，同埋好新鮮，同行嘅長輩都讚架！我地叫左火焰清酒醉甲鍋。鍋未到，味先到，超濃嘅清酒味，開鍋前，佢會先整熟内有包涵嘅料，牛肉粒同花甲，之後再落清酒湯，我地忍唔住係咁飲，因為好鮮甜呀！我地都叫左好多配料下。🍴牛骨髓💬好滑，而且唔腥，同埋超大份，到最後食唔完。不過唔太好嘅人，可以唔洗叫。整體：🌟🌟🌟🍴紫菜響鈴💬係自家創意菜，幾特別，紫菜好香脆。整體：🌟🌟🌟🌟🍴忘記了是什麼蚌，唔係時價個啲💬幾鮮脆，爽口，碌一碌就可以食，價錢記得唔貴，性價比高。整體：🌟🌟🌟🌟🍴五花腩💬冇錯，五花腩原來都可以打邊爐，雖然佢薄切左，但依然食到佢嘅肥瘦位置，好軟身。好好食！比美到啲牛嘅質素。整體：🌟🌟🌟🌟🌟🍴四寶丸💬集齊大紅袍幾款手打丸，手打感覺比較爽口，而且冇粉感，食到佢有根，手打到。不

呢間火鍋料理分店越開越多，口碑又好好，今晚約埋三五知己一於嚟試吓，咁多間分店，我哋決定揀荃灣呢間，皆因佢就腳，地鐵站行過嚟都係十分鐘左右，揸車嘅朋友就更加方便，附近有大型商場提供足夠車位，食嘢之前又可以行街shopping，一舉兩得大紅袍招牌logo好搶眼，好有氣勢，好多客人都會拍照打咭留念周圍擺設瀰漫着濃濃的中國風，紅紅火火，意頭對於我哋中國人來講好重要，打邊爐滾下滾下，即係財源滾滾咁解店內環境格調高檔，空間感夠，座位舒適，仲有靚靚咕𠱸，唔似普通火鍋店咁迫迫夾夾，簡單講句，檔次高幾皮黃金鮮魷⭐️⭐️⭐️⭐️⭐️餐前小食，起晒沙嘅蛋黃，猛油即炸新鮮魷魚，好惹味，食落好過癮，值得推介大紅袍麻辣鍋/香茜皮蛋鍋⭐️⭐️⭐️⭐️⭐️純銅嘅邊爐煱，與眾不同，仲以為自己返咗古代，有啲時空交錯feel，我哋揀左鴛鴦湯底，策略上一定係一辣一清，啱晒唔同要求嘅朋友，視覺上真係好靚，睇見都口水流大紅袍牛黃拼盤⭐️⭐️⭐️⭐️⭐️打邊爐點可以冇靚牛肉，呢份拼盤，已經有齊頂級澳洲和牛肉、頂級安格斯牛頸脊、厚切牛脷粒、頂級本地手切肥牛及鮮牛肉粒，信我，全部靚野，一次過滿足晒我哋呢啲牛魔王嘅要求鬼馬蝦膠⭐️⭐️⭐️⭐️爽脆可口，好特別，

第一次試食D高級火鍋，入到餐廳，環境已經深深吸引，佢哋D服務態度一流，覺得自己高級左添，所有配料精心挑選，款式都好多選擇，非一般的火鍋，大家一定要試試，絶對無介紹錯架！

今晚即興去荃新天地睇戲, 但無訂位食飯, 周圍都要等位, 決定行遠少少搵下有咩食。原來楊屋道街市對面有棟大廈有好多餐廳。我地就簡左十六樓既大紅袍黎個快既邊爐!一入到去侍應已經幫我地倒豉油, 仲好細心咁講解兩種豉油既分別同介紹其他配類! 當中最特別又有驚喜既一定係佢地自家製既炸蔥油, 勁香! 一定要落埋啊! 湯底我地叫左花雕藥膳湯底, 一黎到見到幾乎奶白色既湯底已經急不及待想試下啦。入面有杞子, 紅棗, 同埋好多我講唔出名既藥材。 終於等到佢滾可以飲啦! 勁濃, 飲完又唔會口乾! 正喎! 野食方面我地叫左個大紅袍牛王拼盤 $338, 紫菜炸響鈴 $48, 招牌三拼餃 $128 同埋黑柏葉 $58。響鈴拖三四秒就食得, 加入左紫菜令佢多左一份香味, 都幾新鮮! 黑柏葉發揮正常, 爽口無腥味! 招牌三拼餃最有驚喜既就係黑松露蟹肉餃啦! 第一啖咬落去已經食到好香既黑松露, 仲有一梳梳既新鮮蟹肉啊! 佢地雙籽鮮蝦雲吞都好足料, 入面既蝦又彈牙又大隻! 大紅袍牛王拼盤有五款牛肉, 人少少又想試多啲野就岩晒啦! 拼盤有厚切牛脷粒, 鮮牛肉粒, 極級本地手切肥牛, 頂級安格斯牛頸脊同埋頂級澳洲和牛

今晚相約姑仔一齊去荃灣大紅袍，今次已經是第二次光顧了。但無論是環境衞生、服務態度、食物質素都好像不及第一次好。尢其今晚可能被安排坐在近洗手間的位置，所以很多蚊咬，返到家中成腳都係蚊咬的痕跡但刺身就真係冇得輸，非常鮮甜、很新鮮牛肉也非常出色但其餘的火鍋配料就真是一般三文魚刺身牡丹蝦，海胆，蟹膏帶子刺身湯底：金屋藏嬌本地手切肥牛鬼馬蝦胶鴨血桂花蚌

朋友說荃灣的分店是新開 有送活魚刺身 難得住咁近 當然要先吃為快! 唔講咁多 黎到點左個最多人推介既招牌湯底金屋藏嬌先 個湯底一上到黎 成班人已經即刻 嘩左一聲! 因為個湯底賣相實在太掂 個湯滾到咁上下 一人整返一碗試下先 果然非常鮮美 冬瓜令到成個湯底昇華左 賣得貴果然係有原因的! 之後我地一路食 一路飲 雖然中途都加過兩次湯 但都無阻個湯底既美味 愈滾愈好飲呀! 其他火鍋料味道都唔錯 環境裝修亦非常舒服闊落, 值得再去多次

1.金屋藏嬌湯底（＄188)大冬瓜盅上面載左隻金黃色肥美雞，雞肉真係超。級。滑😍😍😍，湯底又清甜，隔離仲有養生花膠同竹笙😂彤樂評分：9.5/102. 大紅袍牛王拼盤（＄338)5款牛都好正，尤其係厚切牛脷粒😍，牛味重又淋身！彤樂評分：9/103. 極上牛肉刺身（＄138)真係同食魚刺身冇咩分別，雪花紋分佈得好好，入口真係慢慢溶化緊，個人就唔係咁鍾意隻酸酸甜甜特製醬汁😅彤樂評分：8.5/104. 紫菜炸響鈴（＄48)👍🏻👍🏻👍🏻響鈴中間夾住紫菜，真心香口又炸得好脆，食到停唔到口！彤樂評分：9.5/105.鵝肝墨魚丸（＄82)口感好特別，外面墨魚膠爽滑彈牙，而鵝肝又滑又淋身，再大粒D就更好啦🙈彤樂評分：8/106. 招牌餃(黑松露蟹肉餃)（＄98)係好食，只不過個人唔係幾接受咁濃黑松露味😅，蟹肉都多，最鍾意係皮夠薄！彤樂評分：7.5/10

同朋友即興打去訂位，好好彩即晚有位，之前想食3次都食唔到。叫咗個金屋藏嬌湯底，唔知道原來入面有冬瓜，本身都有叫碟冬瓜片，上咗湯底後，有個職員走嚟問需唔需幫我地取消冬瓜片，嘩，真係估唔到，所以值得一讚架!

第一次同四個朋友去食，知道本身間嘢係北角都好出名，但因為太遠所以冇去到， 知道佢喺荃灣開咗間， 即刻三五成群你試下， 叫咗條活紅章魚刺身，$888， 價錢抵過出面好多， 真係大條兼抵食， 師父刀工很好， 食落去好彈口， 又試咗個和牛刺身， 真係入口即溶， 煲底價錢相當便宜， 食材夠哂新鮮， 特別有款係和牛牛丸， 牛肉味非常濃郁， 埋單只係3200蚊 值得一試。第二次老豆生日帶佢去食， 叫咗個花甲肉蟹煲， 鮮味一流， 又要咗個澳洲和牛拼盤， 三百零蚊好多嚿， 牛肉質素一流， 老人家最鍾意食花雕雞件， 雞肉非常滑口，另外環境方面配搭得非常別緻， 好多細節位都係精心配搭， 第二次冇叫刺身， 因為老人家唔鍾意食生冷嘢， 埋單先係千六蚊， 相當抵食。

贵……冇预期高，一行三人夜晚去吃，鱼头冰鲜的，鸡腸好肥，牛肉好吃I…金屋藏嬌汤都幾好飲， 鱼生麻麻…… 港晶價錢偏貴唔抵食，朋友都失望😣 放入面嘅冬瓜好味其他講真出品好麻麻，……

星期一嘅夜晚見個場都坐滿8、9成，環境黎講又真係幾唔錯，啲位夠闊落，裝潢幾有中國風，以紅色為主，睇落幾豪華咁，襯番大紅袍個名。個筷子托仲係鴨仔黎架，襯埋成套餐具斬真係幾有心思。有齊醬汁配料比我地自己溝，好多野揀豬骨湯底？！　蕃茄湯底？！太普通啦我地今次食既係金屋藏嬌湯底入面有成半隻雞，仲有冬瓜等等配料，索哂D湯味! 好味啊~最特別係佢個鬼馬蝦膠， 呢個真係必試，蝦膠後面痴住舊油炸鬼，食落油炸鬼仲有少少脆，搭埋蝦膠唔會太膩之餘口感勁過癮，忍唔住食完再食。另外呢到D肉類都出色，食落就知來貨有D要求，食材都係有保證個人黎講最鍾意係牛肉因為我係牛魔王!加埋其他食材食食下都飽4個人都係食左600蚊到~ 單點火鍋黎講都幾平!

呢排咁凍，最岩約朋友去打邊邊喇😋所以今晚就約左幾位好朋友黎到開張無耐既荃灣大紅袍，一路食一路傾下計~通常散叫既火鍋店食物水準會較有保證，呢次都唔例外首先我地簡左個幾浮誇既湯底，因為姐姐係會用火槍喺個鍋中間製造非常吸睛既效果。影相拍片少不免之餘，亦佩服姐姐純熟非常既手法😯食肉獸一定要點呢個！拼盤包括和牛、肥牛、牛柳粒、牛脷粒等，每種既數量都多，四個人一定夠食🤗特別想講下肥牛同和牛，兩者脂肪分佈平均，而且夠哂厚身，食落啖啖肉又鮮美啊四種手打丸都好彈牙，如果每種都可以多一粒就好了呢度仲有出面較少見既紫菜響鈴，因為係即炸所以超級脆的呢。浸落湯底再拎返出黎食，好味之餘又唔肥膩🤩至於小食就叫左鮮魷，熱辣辣又脆卜卜，好惹味啊最後埋單都係二百五十蚊左右一位，呢個價錢食到咁正既野，又可以坐咁耐吹足咁耐水，絕對值丫😆

有閨蜜知你想打邊爐 即刻帶你去食佢覺得最好食果間👭💕 真係夫復何求😌之前都試過尖沙咀嗰間大紅袍, 不過知道荃灣呢間新開張, 即刻嚟試吓裝修型格~ 地方非常乾淨四正, 淨係門面都贏曬👍🏻佢湯底都有20幾個選擇, 無辣不歡嘅我哋一定係揀麻辣鍋啦, 經過店員介紹, 我哋仲叫埋胡椒豬肚鍋~ 火鍋料Menu真係有好多選擇, 我地兩個女仔忍唔住order到全枱餸, 仲有三文魚刺身送, 紫菜炸響鈴係必食👅全部都新鮮好味!!!😍😍😍

同屋企人打左個邊爐，已經第3次食哩間！次次都冇失望，keep到水準！打邊爐當然最重要緊係個湯底啦！之前2次都試唔到哩個金屋藏嬌，今次終於試到啦～ 湯底有半隻雞+冬瓜 好清甜好入味肉就叫左牛頸脊、西班牙豬肉、蒙古羊肉，全部都好新鮮，唔會”梅”哂.. 而且份量好足！中意食芝士既一定要試 手打芝士牛丸 同 芝士獅子狗 ！好勁既芝士 一咬爆哂出黎！真係要小心食！！俾佢熱死呀真係～仲有新鮮即炸既響鈴都一定要食，拎到出黎仲係熱辣辣好鬼脆，又唔會好油！食幾多都唔會油～ 鬼馬蝦膠，係油炸鬼+蝦膠..舊油炸鬼係點浸都唔會淋！！舊蝦膠又好爽口，夾埋一齊perfect match⋯ 今次4個人都係食左around $1200 性價比高👍🏻 好抵食👅