大紅袍火鍋料理

营业中

休息中

香港人真係一年365日都咁鐘意打邊爐😍我今次要挑戰大紅袍重慶空運牛油麻辣鍋🌶🌶佢哋嘅湯底真係好多選擇, 要黎多幾次先試得曬, 我哋好貪心想試埋木瓜雪耳雞腳鍋!! 麻辣鍋夠麻夠辣, 仲越食越辣, 過癮!! 雞腳鍋就夠清甜, 可以用來煮蔬菜類, 同埋必點嘅紫菜炸響鈴~! 其他材料都非常新鮮👍🏻 我哋試咗三文魚刺身, 好好味, 好新鮮, 相信呢度其他刺身都唔錯啊~ 不過我哋太飽食唔到其他啦荃灣呢間大紅袍裝修特別靚, 員工都好有禮貌, 我會encore😉😉

無論春夏秋冬香港人都一定要「打邊爐」，之前不斷聽朋友同事大讚「大紅袍火鍋店」好吃，今次終於有機會一試，味道和期待一樣！！而且性價比高，被列入會「回頭」的餐廳之一！今次到訪的荃灣店環境舒適， 友人說比起尖沙咀分店座位更好坐，也因為是新店的關係，人流較少，不想同人迫可以轉戰荃灣分店！湯底選了「金屋藏嬌」(＄188)，即蟲草花雞湯，湯底上桌時整個鍋都是滿滿的蟲草花，對於超愛吃蟲草花的我來說是一件超級幸福的事，另外侍應姐姐會幫忙將雞肉剪成小塊，方便食客品嚐，超貼心！雞肉嫩滑而湯底鮮甜濃郁，沒有濃重的味精味。  試完湯底，就來到重頭戲配料： 脆炸紫菜響鈴($48)，即店內的招牌四寶，一定要趁熱食，才能吃到香脆的口感，不沾湯也很好吃。多人的話可以點牛魔王併盤($338)，併盤有本地手切肥牛、牛舌粒、澳洲和牛、安格斯牛以及牛肉粒，可以一次試勻所有牛，份量超大，4人分吃也多到吃不完，而且牛肉口感很嫩，以此價錢來說非常出色。 圖片_004 其他配料的份量也很大，有廣島蠔($98/8隻)、鬼馬墨魚($65)、蓮藕($32)、蔬菜籃、雜菌籃、黑毛豬等等。 蔬菜類只需30多元就有一大盤，非常伐算！ 

好姊妹慶生聚會@大紅袍火鍋料理5月壽星女好友選擇了吃火鍋慶祝生日，之前有聽聞過大紅袍呢個名，今次終於有機會試啦。先講下店內的環境格局，枱與枱之間空間夠寬闊，仲有卡位，坐得好舒服，呢度仲有個整得幾靚嘅吧枱for 飲品區。閨蜜好友選了一個名為「金屋藏嬌」的招牌湯底，淨係個名已經夠吸引啦😄呢個湯底的配料非常豐富，除了半隻雞外，仲有花膠、蟲草花、冬瓜、鮮淮山等，啖湯非常鮮甜😋😋😋因為個湯底已經咁多料，我地三個女仔都唔敢叫太多其他火鍋料，但一定要推介的係紫菜響鈴 同埋 鴨舌，真係好正呀～

打邊爐對我嚟講喺無分四季，但人在香港，平時出街打嘅話我會揀日本貨牛氏系列🤣🤣 今次難得有人預定左依間大紅袍火鍋嘅位，令我真正體驗到打個邊爐究竟可以去到幾盡😤 為左提升服務質素，檯同檯之間都有較大空間，仲有另外擺菜位。我地一行四人坐到卡位✌🏻✌🏻食得攰仲可以攤下休息下，環境好舒服！最緊要佢冇限時，上菜速度都啱啱好，一啲都唔趕人走配料同餐具都睇得岀有考慮過為打邊爐而設我地揀左人氣推介之一嘅「火焰清酒醉甲鍋($138) 」入面本身有和牛😻店員喺你面前加清酒猛火炒起加湯，鮮味即時撲香，加肉煮真係好正！因為冇乜味精，原汁原味，所以飲多兩啖都得！😽「大紅袍牛王拼盤（$338」 👍🏻👍🏻👍🏻👍🏻👍🏻依個真係極推！當中有五種牛肉，如果想知啲牛肉來源地，部位，點煮好食啲，可以隨便問啲店員㗎！佢哋個個都好專業同樂意答你！ 依間必食喺牛肉，無論點都要叫！當中澳洲和牛同牛肩肉真係好重味好鮮❤️❤️ 牛脷同牛柳粒都好鬆軟！食完你會明白點解食肉之人總會不斷尋找更貴更好味嘅肉，因為真係好唔同！返唔到轉頭「日本黑豚五花腩($88) 」👍🏻👍🏻👍🏻👍🏻依道令平時不太好豬嘅我都嘆為觀止，薄切令到佢更軟身！同時keep到多汁

同男朋友無論春夏秋冬打邊爐都係我地首選😻平時食得多任食邊爐 係時間試下呢啲高級野平日嚟食估唔到都坐無虛席😂所以大家記得要book位！每張枱食之前都會有呢盤野 唔洗特登行出去拎 呢樣幾貼心 隔離附送冷盤小食 又少少酸同麻辣都幾開胃我地嗌左薯仔蕃茄豬骨湯 因為男朋友唔食得辣 不過見到好多人都會嗌麻辣鍋！完全無諗過湯底咁足料 入面有n舊粟米 蕃茄 蘿蔔 豬骨！全部都係可以當火鍋配料咁食 保守估計齋食個鍋都可以有4-5成飽 啖湯好清甜 豬骨味入唒同埋會有少少胡椒味 好正！我地無叫到最靚既肉 但呢個例牌size都估唔到咁多份量 而且食落無咩肥肉 牛味好新鮮唔會有啲雪藏味！幾抵食平時響鈴必點！呢度都唔例外 嗌左紫菜響鈴 呢個係最後先上 嚟到之後每一舊都閃令令 一睇就知即叫即炸！個味道係幾豐富既 響鈴脆脆地會有種油分喺度 但配埋紫菜就中和左 成件事係無咩油膩感覺 唔覺意一舊又舊ko左除左上面2樣 仲嗌左生菜 鯇魚 四寶丸 鵝腸 酥炸蝦丸！全部都好好食 不過我地嗌得多左啲食唔唒 因為唔知原來佢地每樣都咁足料 真係一分錢一分貨！同出面任食果啲質素無得比 平時做野咁辛苦 間唔中嚟食下獎勵自己！

其實已經第二次來這家吃火鍋 現在就把它們合併起來 一起打食評在第一次來大紅袍的時候，就覺得地方寬大舒適。我特喜歡這個小鴨筷子架。所以就忍不住把它拍下來了。👇🏻第一次來，我和朋友一致認同要試一下「金屋藏嬌」這個湯底。湯底裡面的材料很豐富，有一大圈的冬瓜、花膠、雞、大蔥、莞茜等等。湯底非常清甜，湯底可以當湯水直接飲用，不會是很味精很油的那種。而且湯裡面的雞肉不是很老，而是很滑很嫩。吃起來嘴裏好滿足所以我十分推介這湯底。👇🏻眼看著就嗨了 嘴吃著就爽了👆🏻兩個愛吃的女生，第一次來試新品，當然什麼都想吃，結果點了滿滿一桌。首先第一點的就是「活魚刺身」，因為不是很多地方都可吃到活魚刺身，所以一看到餐牌上有，還有店員說今天的活魚刺身是黑𩶘，就想都沒想就直接點了。因為是活魚刺身是直接在魚缸拿出來，所以魚質比較彈牙爽口，一點腥味也沒有。很新鮮。份量又多，性價比高，值得一試！👆🏻另外大膽點了「肥牛刺身」，這個來到大紅袍一定要點。因為本人超怕吃牛刺身，但這個牛刺身不得不讚一下。不僅吃起來不會吃膩，而還會讓人不停吃的感覺。真的好吃！（⚠️刺身類 記得點了就盡快吃比較好阿~!!)👆🏻我們抱着什麼也嘗一下的心，就點

今晚一家人出去打邊爐，想試下啲高質既邊爐於是去左大紅袍，貪佢就腳又坐得舒服成間火鍋店既抽風做得好好，而且design似足西餐廳門口同最裡面都有吧枱，完全諗都諗唔到而窗戶係落地玻璃，可以居高臨下睇到荃灣既夜景成個感覺都幾chill架揀左湯底先，要左金屋藏嬌個名夠哂特別，裡面仲藏住隻雞、花膠仲有啲菜同冬瓜夠哂豐富，而且雞好嫩滑，配埋蔬菜感覺幾fresh湯底幾清甜唔油膩，可飲幾碗先再食其他火鍋料食豪啲叫左個牛王拼盤總共有5款牛，擺盤都擺得好靚最鐘意食和牛，夠哂鮮嫩，食落去牛味湧哂出黎食肉獸既至愛另外叫左黑松露蟹肉餃，黑松露味超級香！蟹肉鮮甜，兩種味道完全係perfect match!仲叫左四寶丸，全部都係手打，爽口彈牙最鐘意牛丸，食落牛味香濃最後要多左個日本廣島蠔刺身食落好新鮮，而且有淡淡既海水味估唔到打邊爐都有刺身食，幾特別呢間完全可以再encore!

知道朋友中意食打邊爐, 就決定左帶佢食好啲, 去試下好出名嘅大紅袍。一入到去已經覺得冇黎錯, 裝修好有古典味, 唔同一般嘅火鍋店, 岩哂用黎影相慶祝。由於我地都好中意食麻辣火煱, 所以揀左大紅袍麻辣湯底, 辣度岩岩好, 唔係淨係死辣，啲火煱料已經會有哂湯底嘅味道，所以基本上都唔洗再用豉油。我地叫左鋪頭推介紫菜炸腐皮，平時好少食，加左紫菜，脆脆口咁好好食。如果大家有去過台灣打邊爐, 一定知要食鴨血, 估唔到依度嘅鴨血都同台灣有得比, 浸落個湯到入哂味。我自己本身好中意食淮山, 但香港好少有, 通常叔大陸食海底撈先會叫, 點知依到都有, 真係好開心!依間大紅袍仲有埋刺身叫. 個極上牛肉刺身賣相都唔錯, 用黎po相打卡就最岩!我自己最鍾意食四寶丸，每隻款都有3粒，一食落口就知道手打嘅，唔似坊間某啲係用機打，當中我地最鍾意就係蝦丸，十分有蝦味同極之爽口彈牙。 另外我地仲叫巿面上極少嘅黑柏葉，每＄1都切得啱啱好，完全係冇內臟嘅味道，仲極之爽口，比起喺內地嘅係有過之而無不及。本人都喜歡打邊爐食脆肉鯇，但最怕太多骨同切得太薄，但食落嘅時候一條骨都食唔到仲非常之有魚嘅鮮味，但無半點鯇魚嘅泥味。

我極之推介嘅係豬潤，我簡直當佢係大紅袍嘅招牌菜，原因係佢唔係坊間嘅沙膶，因為我極怕果陣腥味，我本身都膽博膽，試一試，點知食過真係不能忘記，沒有半點腥，仲要口感十分滑同彈牙。如果下次去食一定一定一定會叫番豬膶！

大紅袍火鍋聽人講就多，今日終於有機會去試下喇依家係新分店，開業冇耐~朋友介紹一定要叫「金屋藏嬌」個湯底，金黃色湯底加上半隻新鮮嫩雞，仲有花膠竹笙等等材料真係無得輸呀2隻做黎做筷子托既duckduck裏面其實有個大冬瓜，好似放咗個冬瓜盅入去咁，得個湯滾咗，職員會拎係湯入面半隻雞剪開，再放入去，之後就可以先試下個超級好味既湯仲有食下d配料色澤靚，材料多脆金花 $88先點個小食炸既時間控制得幾好，裏面既蝦膠保持彈牙，每一粒都有番咁上下份量嫁大紅袍牛王拼盤 $338超級抵食既牛肉拼盤安格斯、和牛、本地牛、牛肉粒、牛脷粒完全連休息既機會都冇，太豐富喇，每款都好有質素，牛味濃郁，肉質嫩滑，我最中意既牛脷有好重牛香味，有咬口又唔會韌手打四寶丸 $78四款唔同既丸，色澤好靚丫，仲可以一次過食到四個口味墨魚丸、鯪魚丸、豬肉丸、牛肉丸，每款既味道都唔錯，最緊要係夠新鮮彈牙

返一日工又放假真係爽歪歪今晚一於約個friend起荃灣食飯行街朋友話想打邊爐 於是去左百悅坊間大紅袍一直都想試大紅袍好耐 今晚試到真係冇介紹錯7點鐘上到去都坐滿左大半安排左坐沙發位 後面仲有好大個窗台可以放袋 夠哂貼心再入啲竟然仲有吧枱位 真係估佢唔到唔講仲以為係食西餐既地方餐具都好靚最特別就係個筷子座～竟然係隻鴨坐低店員就攞醬料黎仲簡單介紹左下呢到自家製既醬搞掂就可以叫野食要左個金屋藏嬌湯底好大個鍋隻雞好鮮嫩食落好滑 而且吸滿哂湯底 好好食店員仲會幫我地剪開佢方便食服務加分！個湯好鮮甜入面仲有花膠、松草花、竹笙煲到好入味好香加其他火鍋配料前都飲左幾碗湯叫左人氣爆登既紫菜炸響鈴果然好食響鈴加左紫菜好香浸一浸個湯底 連豉油都唔洗加已經夠香夠濃要左西班牙豬肉都係人氣推介切得薄身肥瘦分佈均勻食落好嫩滑而且豬味好香 唔會羶Recommend!朋友鐘意食脆鯇片食落爽脆唔腥魚骨都唔多 好食！超級滿足既一晚～推薦大紅袍比大家～

曾經係尖沙咀嘅大紅袍食過火鍋，呢間火鍋店大熱朋友們book左位去到還是要等，不過食完又覺得值嘅，終於比我知道佢地係荃灣開分店，近楊屋道街市附近的百悅坊，因為開左好多新食市超方便。即刻打去訂位啦！ 新裝修好有中國風，還在18/F望到夜景。連食具也有心思又靚添！多款調味醬架"金屋藏嬌" 的確係大紅袍的皇牌湯底，材料好豐富，如果只睇名稱真係未必估到係什麼，睇左他們介紹，原來金屋-金黃的湯底，而嬌呢，就係鍋裡的半隻新鮮嫩雞，用上鮮雞湯，花膠，竹笙，日日魚同蟲草花熬湯，一句講晒雞味香濃，冬瓜入晒味滋補，滾起先飲湯，之後先開始打邊爐。脆金花 (即係炸蝦丸)$88香酥外皮入面係彈牙爽口蝦棗，炸漿做法似炸頭腐，入口熱辣辣極鬆化，讚！大紅袍牛王拼盤 $338每樣都牛味濃但食落質地就有所不同，尤其是厚切牛脷粒，驚喜口感爽得黎又有嚼頭！其他每款牛都淋香。新鮮肥鵝腸 $82終於比我食到新鮮肥鵝腸啦！ 真係唔係間間火鍋店有，有嘅大多數係雪藏的或者漂過無晒肥鵝膏，新鮮食到鵝膏香滑，間中食就唔會影響健康的鬼馬蝦膠$65人氣推介更係要食啦，放落湯待蝦膠熟就食得，出奇係油炸鬼仍然脆脆地，亦吸收雞湯精華，掂，還有滿滿嘅蟹

平時食麻辣火鍋食得太多 啲湯又太油唔飲得今次朋友仔就帶咗我去食一個養生湯底就係叫做金屋藏嬌 個湯入面有冬瓜 半隻雞啲湯勁甜勁好飲 完全知道係好滋潤咁當然除咗湯底之外就梗係仲會有配料啦我哋咁多人梗叫返個安格斯牛頸脊先啦食得出啲油脂 好新鮮 黑豚五花腩片 薄薄地 唔會太厚 之後仲叫咗個豬大腸 個豬大腸同出邊嗰啲唔同 會有少少甜 而且份量仲好多同埋點少得蜂巢豆腐呢 索晒啲湯底勁正仲有個紫菜炸響鈴紫菜同響鈴超夾仲有其他林林嬸嬸嘅配菜全部都好高質食完完全唔會覺得好唔健康養生之選

環境食物服務質素高質，會去第二次！首先環境闊落舒適，中國式嘅佈置但唔會俗氣，好適合一大班人吹水暢談！服務態度優秀、主動、有禮貌。服務員會主動介紹湯底食材、仲會主動執枱倒水，效率快，服務態度令人滿意！至於食物方面我哋叫咗 「金屋藏嬌湯底」， 湯底由半隻雞冬瓜同各種蔬菜餚製而成 ，非常鮮味，完全係自家製雞湯 。湯底清甜，冇味精，令我哋飲咗好幾碗。 而且隻雞係完全唔老，非常嫩滑 。湯底真係非常出色，已經令我哋嘆為觀止，對之後嘅食物都非常之期待。 本身囗淡淡嘅話唔洗怕，開餐前一定要食下佢嘅酸菜醒下胃先，之後就可以嗌多啲野食，唔洗驚嗌得多食唔落。我哋嗌咗安格斯牛脊肉， 牛肉肥瘦適中，切得比較薄片，三秒即可以食用。牛味濃，而且好鮮甜，值得一試。 黑豚五花腩真係會想食過返尋味！一啲都唔韌，咬落去非常淋，囗感極佳。 我哋仲嗌咗招牌黑松露蟹肉餃子。第一次試呢一種咁特別嘅餃子 ，好濃烈嘅黑松露味喺口腔裏面散發，令人一試難忘。而且啖啖嘅蟹肉充滿係口腔，感覺真係一流。我哋仲嗌咗紫菜炸響鈴，原來紫菜加響鈴嘅味道係咁夾。而且呢度嘅響鈴唔會油膩，令人一試再試！ 芝士墨魚丸都好令人驚喜，呢度嘅丸全部都係由 師父親手打

呢日想打邊爐 call多2個fd出黎烚烚下先今次遊走到荃灣餐廳好易搵 係荃新天地一期隔離街 不過如果由西鐵行過去就要經過街市果條街如果唔想污糟既人可以行番沙咀道果邊入搭lift上到去 一開門 已經望到成場🙈好靚wo 好有中國風裝修好細緻!! 細細品味一下個裝修一坐低就比我地整左個醬先不過個湯底黎左之後 我完全無用過豉油我覺得好浪費 btw 佢d自制蒜油好香因為有麻辣湯底 所以都有醋同油比大家減下辣用仲有放筷子果個係隻鴨仔黎架跟住我地就係嗌左呢個金屋藏嬌黎到飲番碗先 好香!! 完全不失我地期望好濃郁 完全唔洗點醬紫菜既炸腐皮招牌三寶餃蝦滑油炸鬼估佢唔到 岩岩好 蝦滑熟既時候 個油炬鬼都係最好食既時候 唔會太硬 唔會太淋花雕醉牛肉 幾得意 真係醉雞甘既醉牛肉 仲要吸晒d花雕味 6完都仲好花雕呀鵝腸 好食wo 好爽呀 鴨血切粒既鮮准山羊肉片 好香羊肉味 鵝肝丸 好食炸芋頭食埋個清清地既雪糕 是日晚餐非常美好 完滿。