大盛日本料理 (已結業)

今日食o左四碟野：包括一碟三文魚sushi、吞拿魚sushi、蟹糕炒飯及金菇牛肉卷，只係$120，唔貴兼幾好食兩年前，果時得越秀果間，品道只係一般，係一間普通日本料理only。不過今次食，就唔係好同，味道好o左，同埋D野好新鮮。三文魚同吞拿魚都好新鮮，D金菇牛肉卷就好惹味。碟蟹羔炒飯就炒得好乾身。不過，佢呢度WAITER 唔係好夠，成日要等，遞好耐手先會月回應。

之前收到email介紹, 朋友又有九折咭, 又聽說都不錯, 所以去試. 覺得ok 的食物有:鰻魚壽司, 三文魚壽司, 蟹子沙律(都幾大碟). 豆漿鍋我個人覺得ok, 但朋友覺得甜味總是怪怪的, 若可選擇, 還是覺得咸味會好些. 另外見推介的辣味海鮮玉子卷, 話有泡菜, 以為會很辣, 但完全冇辣味, 頗失望. 另外最把鬼的是'雪白鍋', 只係一堆蘿蔔碎,豆腐同銀雪魚, 冇味道, 好"寡", 個個都唔願食, 但又不想浪費食物, 好艱難的才吃完. 而墨魚麵都可以, 還有燒墨魚咀, 亦有睇頭. 侍應還送了很多九折咭, 每人四張.

一行6 人,叫了一碟活魚刺身(很清甜, 唔錯)壽司點了三文魚, 吞拿魚, 劍魚....但d 三文魚唔太得, 好似唔新鮮,唔夠香甜另外叫了個四人餐, 夠食有餘終結, 價錢抵, 服務都ok(我地分開幾次order 都無黑面)

其實我以前都去過佢地間總店到食過喇新店地方雖然比起一d真係高級ge日本料理差不過都總算係企理最重要係佢地平ma!我試過佢地ge龍蝦刺身$150原隻加$30仲有成大煲粥都萛唔錯喇~我個女仲係咁話叫多隻黎食至於服務員我就最欣賞佢地好nice 雖然有時我見佢地真係幾亂下...不過都萛好ga喇~

朋友介紹話呢間餐廳抵食又有九拆咭,所以就試吓.兩個人叫咗以下咁多嘢食三文魚壽司$15鰻魚壽司$18玉子壽司$15豆腐皮壽司$15魷魚蟹子壽司$19土佐豆腐$30墨魚冷麵$58豆漿鍋$48基本上都ok,又唔係真係好似其他食評咁講得好差,不過環境真係逼咗少少,同埋要早啲嚟,如果唔係要等好耐.不過如果得兩個人食,我就唔係好提議食豆漿鍋,因為都幾大鍋,會食唔晒,四個人食先叫會好啲.另外,雖然墨魚冷麵睇落去唔係好大碟,好似唔係好抵食,但出奇地飽肚,所以都可以一試^_^提吓大家,食完可以問waiter攞九拆咭送俾朋友,攞幾多都得架^.^

前幾日前聽見Ray話去大盛食，搞到我心思思都想去食，不過o尋日係去尖咀個間，未夠7點去到冇咩人唔駛得位。見到牆上貼了好多相同剪報介紹，好吸引，主打8吋張三文魚壽司、鰻魚壽司仲係15及18蚊一碟兩件，order了各兩客，三文魚不算太新鮮、不夠肥美、鰻魚亦都唔夠肥美，而d燒汁略咸，壽司飯亦好腍冇醋味，不過十幾蚊一碟就唔好要求咁高。辣味海洋玉子卷都係推介之一，實物同剪報相係兩回事，又話有泡菜真係食唔到，辣味只來至好勁的wasabi，飯亦係腍同冇醋味。有牡丹蝦$21一隻，雖知唔會係靚野，都先叫兩隻試下，size比甜蝦大小小，唔新鮮肉質有小小霉，不過蝦頭算鮮甜。燒羊扒幾大件都只係25蚊，燒得都算唔錯，都幾juicy不過冇羊味。豆漿鍋顧名思義湯底係豆漿，而配料係雜菌同菜，老公話最失敗係呢個，我都幾得係，湯底完全飲唔出係豆漿，只係略帶甜味的湯底，雖然份量多，價錢又平，但唔好食所以食淨晒。串燒墨魚咀係全場最好食的，好爽但唔韌，仲要15蚊有兩串tim!就是因為平，所以整體食物都係一般，不過如果對食物冇要求，呢度真係大件夾抵食。

在2005年1月7日星期五晚上9:00到達此店都几多人等位,我與友人等了大約20分鍾才有枱。我們共點了５樣食物。在味道上，只屬一般。服務就不太好，都算ok,只不過有些錯漏首先waiter 給我們的第一張枱,原來係比錯左, 因為張枱係比人book 左的,因此就要我們換枱第二,雖不能細說,不過waiter 給人的feeling 有如part-time 一樣,生手加上唔醒目.食了5樣野, 都算几飽埋單151 元如果大家想食日本野又唔係太多銀的,可以到此一試

睇到email 有人介紹呢間野既8吋長壽司，上星期五就同個friend第一次去試，去到點左個雜錦壽司、海膽壽司叉燒拉麵、雞軟骨串、後尾又補飛叫左個蟹籽沙律，可惜...一黎就黎個叉燒拉麵，已經覺得中招，先黎冷盤，再黎熱食都已經係基本動作啦，呢樣野都唔做，真係有d...個叉燒拉麵就唔多講啦，味千好食過佢多多聲咁啦。跟住黎主菜，雜錦壽司。冇錯，每件剌身既size都好大件，不過味同嚼蠟，點解件件壽司都差唔多味既？明明見到有三文魚、吞拿魚、油甘魚、北寄貝、XXX、YYY架？！跟住黎既雞軟骨串，已經算係比較好架啦，不過都係燒得唔夠香同油左小小咁...個蟹籽沙律既蟹籽，又係好奇怪咁冇乜蟹籽味...如果唔計食物質素同環境(坐得真係好迫，我坐果張椅係冇背既，個背脊成晚俾waiters 撞)，以日本既黎講呢間係抵食既，不過食得日本既，又何必將價就貨呢？

本人於12月3日到大盛dinner, 之前已book了晚上8點鐘一張5人, 我地其中兩個人去到先, 但係個waiter話要全部人齊先可以到, 同埋佢hold只可以hold到１０分鐘，咁我即刻叫我另外３位朋友快ｄ黎啦，跟住我地８點１０分前就齊人，但係個死人waiter 就話已經將我地張俾左人．．．．．．真係離晒大譜！之後我地又要再等多２０分鐘先有，當時已經有少少谷氣，之後入到去入面，佢竟然俾俾得張４人我地，根本就坐唔落５個人，咁我地就同佢講我地想換啦，佢就話：我地出面重有好多人等位，如果你地唔想坐呢張就要由頭再等過位啦！（佢重係要我地出番去門口出面等喎！）頂．．．．．．咁我地最後都無換，如果唔係我個生日朋友話想黎呢間野食呀，我諗我一定走人呀！！食物方面：不過不失啦！都可以接受，但係就無乜大驚喜囉（我都係比較鍾意元朗ｏ既”麻布十番”多ｄ）我諗我第時零願試第二間日本野都唔會再黎呢間囉！！

28/10食dinner...以為會好多人等位，但係都冇人，可能我食得早...我六點幾去到。不過食食下陸陸續有訂檯既人入黎食。之前係因為經過舖頭見到有好多報章雜誌賣廣告，講到d壽司上既刺身有幾長，令我懷念元朗既千之壽，由於遙遠既關係...咁就去大盛頂頂檔。叫左雜錦刺身、鰻魚sushi、田園豆腐同花之卷，雜錦刺身麻麻地...田園豆腐唔岩我食(因我唔like食熱氣野，但我個friend like，and入面真係幾滑，但略嫌淡左d)...花之卷非常麻麻...唔好味! 最好都係舊鰻魚sushi...可能我對日本野有要求...呢度係唔貴...但係我唔會有下次...係tst黎講算做好平既日本野...一分錢一分貨，我個friend就覺得唔錯(佢話平時唔太食日本野)

素聞大盛壽司異常大件，恰好壽司癮起但又銀彈短缺，同女友決定以慶祝萬聖節為名，想食壽司為實前來光顧。唔知點解萬聖節尖咀市面水靜鵝飛，就連西人集中地諾仕弗台亦鬼都唔多隻，一點萬聖節氣氛都沒有。等數分鐘後入座，環境一如意料唔多舒服，係貪平既一點代價。先來一客炸芝士露筍卷($28)，賣相認真麻麻，四粒仔露筍卷感覺油膩，幸好食味不錯，芝士味濃但露筍被炸得無黎味道，對比起其他食物感覺唔多抵食，下次可以忽略之。凍豆腐($28)以一大盆盛載，但實則只有兩舊豆腐。蔥、薑跟鰹魚絲另上，由於係share 食關係，食落都幾麻煩。豆腐質素一般，唔滑亦沒甚豆味，跟露筍卷一樣下次可以唔駛點了。串燒雞肉棒($15)一向都係本人至愛，此處既都不算差，但略嫌棒面燒得唔夠焦，缺少了脆口感覺，比較之下係行入幾間鋪既味一番做得較好，但只售$15 仍係抵食之算。海膽金龍卷($58)一客八件，鋪面既雖說係海膽，但質素絕對係較差既一群，始終付出不多亦不能要求有絕頂好野落肚，一心品嘗好野的就入錯門口了。雜錦壽司($88)係今晚既主角，亦係最遲來的，一客有十件，有三文、吞拿、章紅、油甘、八爪魚、劍魚、蟹子、帶子、甜蝦同北寄貝，說十分新鮮

剛剛上星期四訂左檯同兩個朋友去食, 七點三去到唔使等。Order 咗以下既食物:三文魚:真係超值之選，魚肉真的很長($15)三款刺身: 冇乜特別, 不過比元氣抵($55)蟹籽沙律: 蟹籽有真係幾多($22)大盛卷: 冇乜特別(好似係$45)什錦煲: 好多料, d 三文魚肉熟左都出奇地唔腥, 真係估佢唔到($45)唔覺得d 招呼差勁, 不過有些唔係咁熟手。同事比左coupon 我, 所以食滿$200回贈$50, 食滿$400 仲減$100。

Order 咗 三款壽司~1) 三文魚: 真係超值之選，件魚肉既長度係由碟頭到尾甘長，又夠厚，飯唔會好大件，個人覺得一件魚肉如果係第二間鋪，可以做到三件刺身喇2) 鰻魚: 都係一樣甘長，味道唔錯，可惜係唔熱既，如果係即燒就好喇3) 玉子: 估唔到玉子都甘長，但係食落去無咩特別嗯...三文魚係我既最愛

Ｄ味道就幾好, 份量都幾多,但係Ｄ招呼勁差

星期六晚, 陰差陽錯之下撞左入呢間港式日本料理. 接近十點去到, 有位, 不過要搭檯, 好嘈, 環境好麻麻.據一位烚下烚下既waiter所講, 此店只得菊正宗一種凍sake (都唔知係真唔係, 是但啦), $50一枝(300ml), 都算平, x2.見牆上面貼左好多剪報, 介紹果度既壽司, 主要以大為賣點, 我地點左4款. 基本上紫菜腍左, 飯粒好硬, 一夾就散, 但d料就真係有驚喜. 以佢既價錢黎講($1x-2x/2 pcs), 帶子、三文魚碎同三文魚子都好食得過, 鰻魚就乾、硬、凍, 唔掂.土佐豆腐出奇地幾好味, 不過好鬼大件, 成座山咁; 蟹籽沙律又係, 其實幾嚇人, 唔知$18定$22, 唔知講咩好.雜錦天婦羅有2隻蝦同5件瓜菜類, $38. 粉漿唔會好厚, 睇落同食落都唔油膩. 串燒墨魚咀同雞軟骨, 面頭灑左少少黑椒同鹽, 算幾香口, 雞軟骨好脆.最唔掂係個「魚安」「魚康」魚肝, 完全唔對路, 千祈唔好叫.總括黎講, 食物水準唔算高, 但以佢既價錢黎衡量既話, 部分dishes就真係有驚喜. 我地埋單$360 for two, 算貴喇, 隔離兩pair人都唔駛$200就落到樓