大盛日本料理 (已結業)

睇到email 有人介紹呢間野既8吋長壽司，上星期五就同個friend第一次去試，去到點左個雜錦壽司、海膽壽司叉燒拉麵、雞軟骨串、後尾又補飛叫左個蟹籽沙律，可惜...一黎就黎個叉燒拉麵，已經覺得中招，先黎冷盤，再黎熱食都已經係基本動作啦，呢樣野都唔做，真係有d...個叉燒拉麵就唔多講啦，味千好食過佢多多聲咁啦。跟住黎主菜，雜錦壽司。冇錯，每件剌身既size都好大件，不過味同嚼蠟，點解件件壽司都差唔多味既？明明見到有三文魚、吞拿魚、油甘魚、北寄貝、XXX、YYY架？！跟住黎既雞軟骨串，已經算係比較好架啦，不過都係燒得唔夠香同油左小小咁...個蟹籽沙律既蟹籽，又係好奇怪咁冇乜蟹籽味...如果唔計食物質素同環境(坐得真係好迫，我坐果張椅係冇背既，個背脊成晚俾waiters 撞)，以日本既黎講呢間係抵食既，不過食得日本既，又何必將價就貨呢？