大盛日本料理 (已結業)

一向知佢大件，又見總店多人排，咁今日試一試。係，無錯，大件，但唔新鮮，帶子有腥味，油甘都有少少。鰻魚．．．凍的，係大條，但習慣了吃板前的即製極上，有比較，自然會失望。雜錦炸天婦羅，又蝦又青椒又冬菇又茄子，炸粉薄，其實都唔錯。但茄子一向吸油，一夾就出油，唔駛食。豬扒旦飯，唔係用珍珠米，好似食茶記咁囉，無特別。炸軟殼蟹，一隻分兩份，唔好食，太油，唔夠脆。茶係佢地添的，芥辣又係隨壽司上的，但兩者質素皆非常普通。

對上一次係全女班黎，今次就換左d人，變成3女2男0既組合。一行五人，係門口等左都有一段時間，早左黎，但都要等多幾個字。天氣實在太熱，所以等0既時間就更辛苦。不過帶位0既姐姐今次好好人，最終換到房俾我地，雖然個位係凍d，但佢換到俾我地真係好好架啦。叫0既野又係次次都差唔多，有芒果蟹子沙律、三文魚壽司、鰻魚壽司、茄子釀牛肉、炸蠔、炸蝦天婦羅、炒雜菜，今次試左d新野：串燒墨魚咀、串燒八爪魚鬚同大蝦沙律。大致上都幾好味，不過本人唔食得辣，炒雜菜幾辣下，但上次食過明明係唔辣0既？碟前菜仲係0個碟，所以無食到，希望快d換左佢。食左大約七成飽，有人提議去食甜品，所以之後去左甜蜜蜜囉。不過，同行0既朋友就覺得服務麻麻，因為成日吹人走同落漏單。

我最近在7月中與一位朋友一起去了食晚飯~我地兩個人9點幾去到，但並不算好多人，可能是平日加上已經幾夜下啦！我地order左三文魚及玉子壽司各一碟、蟹膏炒飯、蟹子沙律、蒜香牛柳、炸軟殼蟹卷。我覺得呢度既三文魚未算十分好，但只係十幾蚊而且好大塊，也算抵食。另外玉子壽司的玉子也是好長。而蟹膏炒飯的味道也不錯，但乾了少少。蟹子沙律有青瓜、蟹柳同好多蟹子，味道也幾清。蒜香牛柳及炸軟殼蟹卷的都幾好味，不過炸軟殼蟹不夠熱，如果熱的話味道更好。總體來說，它的食物也不錯，當然不能與貴價日本菜比，以大部份幾十蚊一碟的價錢來說已經很好，而且每碟的份量十足。不過美中不足的地方是服務不算很好，服務員笑容無乜，而且有時要叫好耐先有人理你。最後它有九折咭，只要幫襯就好似有，由於這並不是我第一次去，所以他們沒有再俾九折咭我。

見到其他食評，和之前有朋友食過，都話唔好食，真的有點擔心，但是朋友叫到想試這間，自己又鍾意食日本嘢，都好啦﹗因為總要自己試一次，才對自己和間食肆公平。點出幾我印象最深的菜式：鰻魚壽司我覺得最好食，件鰻魚好長，好有味。三文魚味道普普通通，都好長好大件。一舨海膽60蚊亦好抵食，其他的如蒜子雞軟骨、軟穀蟹卷物、田樂茄子都好食。赤貝，吞拿魚等都係一般。每人百鬆啲蚊的晚飯，都食得好飽，算抵食。我們被安排在一間房內，得兩枱人，與出面隔開，算舒適。唯一唔好，就算訂了位，都要齊人先俾位，跟住嚟齊食物，又會催埋單，我們是為朋友慶祝生日來的，前後由入去至離開，只是逗留了45分鐘，如果你趕時，上菜快，催結賬，這間食店係上選。否則要慶祝什麼什麼就不要來了。

對上一次原來係7/6黎，上次叫左鰻魚壽司、三文魚壽司x2、帶子壽司、蟹子沙律、炸軟殼蟹同埋炸蠔。今次(26/6)叫左鰻魚壽司、三文魚刺身、帶子壽司、芒果蟹子沙律、炸軟殼蟹同埋中華冷麵。其實我發覺次次都會叫差唔多野食，佢d野大部份都幾好食，不過碟前菜就唔係咁得啦，食左2條都唔食lu。希望佢下次可以換過第二樣野做前菜，話哂都要俾十蚊架嘛。另外，希望佢會再加多d新野啦。唔知幾時又會再黎呢？哈哈~~~~

已經去過幾次lu，第一次去食左個鰻魚壽司，勁腥呀! 所以之後去都冇再叫黎食。但其他食物唔錯，咁既價錢係好抵!壽司拼盤同手卷都好大件，黃金焗蠔得一隻就似食佢d沙律醬多d(佢同沙律醬黎焗)，食過一次仲有九折咭，即係唔駛加一，因為夠抵所以我都會再去食。

之前有同事食過尖沙咀呢間話幾抵食,所以擒日約左3個同事,一行四人去左試,我地order左鰻魚壽司三文魚壽司...等,壽司d飯勁細但上面o既三文魚同鰻魚就勁長,有成8吋長,我地見到之後都大叫左一聲,食得非常滿足!!佢果海鮮窩好多料都係四十蛟左右~抵!辣酒(住)勝子都ok,如果食得辣o既人一定要試,元貝好新鮮,一D都唔"聲"芒果蟹子沙律都ok,不過個人比較喜歡田中果個多d! 埋單仲可以問WAITER LING張九折咭下次食~~ 價錢唔太貴,可乎經濟原則,可以一試!!PS: 如有心試,一定要記得訂位, 因為好多人

2個人吃了三文魚刺身,立魚壽司,海膽墨魚壽司, 韓式八爪魚壽司, 大盛棘牛肉卷及1 客蟹子salad, 感覺不太衛生和新鮮, 師傳用手抓面又不洗手, 好彩無肚痛咋!

舊年食過一次, 覺得都仲可以. 前幾日響附近同朋友happy hour, 飲到成九點半先開飯, 醒起呢度成日大排長龍, 襯咁夜去睇睇, 果然唔駛等位, 就入左去了.叫左兩款刺身, 預左唔會好新鮮, 以價論貨, 帶子都ok, 但"魚立"魚就好差, 好似出緊水咁(應該係解凍有問題), 仲有腥味. 我都係第一次食到腥既刺身, 好大陰影. 朋友想退貨, 我就比較悲觀, 最終不了了之.腐皮蟹子沙律賣相唔得, 味道就唔係特別好又唔係特別差. 串燒牛舌比較厚身, 但相對黎講水準已經算唔錯. 連一枝細清酒, 九折後埋單約二百大元.服務唔算好差, 可能當時唔係爆滿, 有位妹妹仲好好笑容同好熱心添. 不過餐具有水漬, 又要扣分.個人而言, 以後唔駛考慮再黎.

正所謂一分錢一分貨, 大盛完全做到, 唔會多唔會少. 其實以每人一百元多少少的價錢可以食到這個OK 質素及份量的日本料理已是不錯. 每次到這裡吃完飯都會很滿足, 因為每樣食物的份量都OK, 不需要就住就住黎食. 但當然比起較高檔的日本料理梗係不能相提並論啦! 總之到這裡吃飯最緊要抱住的太態度是這是一家港式日本料理便會完全覺得OK及好抵.

今日係朋友介紹下去左呢間食野一行六人一坐低就order 左兩個湯牛肉& 海鮮不錯可惜少左D跟住叫左朋友極力推介的八吋長三文魚& 鰻魚壽司哇個個食完話感到好滿足肉厚ok新鮮唔錯!!!跟住叫左好多其他野不錯個個蔥三文魚就不是太抵食個D手卷特別抵食大大件不過大家記住要訂位唔系排隊都幾辛苦

下午去完赤柱逛,搭車出尖沙咀,很想吃壽司,本來打算選擇元氣的,但忽然記得有同事介紹我山林道這間日本料理。為了見識下傳说中的8吋長壽司,便拉了朋友去。入內看了介紹,才知只得三文魚,吞那魚及鰻魚是8吋長的。點了兩份三文魚壽司,一份鰻魚壽司,腐皮壽司,甜蝦帆立貝刺身及稻亭冷烏冬。上菜一看,果然名不虛傳,足料。但除了抵食外便無話好說。不稱得上新鮮,刺身薄,脂肪較少。刺身亦屬一般。唯稻亭烏冬口感不錯,加上薑蓉、荵粒及生蛋伴豉汁吃,幾清新可口。因坐bar枱,眼見壽司師傅仔一面飲汽水,一面咳咁整壽司,又唔戴口罩...專業程度可見一班。雖然眼不見為乾淨,但影響到客人的食慾及健康便無謂了。感想是去了一次便算,不會再去。

上次4女1男, 今次4男1女, 都係去大盛, 食壽司為主. 呢度d壽司全部手握, 以"8吋長"招來, 三文魚壽司(如圖)係$15/2件, 太抵食了~~旋風式order:壽司大量, 手卷大量(見附圖)芒果蟹子沙律<- encore, 今次d芒果冇上次咁甜.野菜天婦羅<- 夠熱辣, 如果炸漿薄d就更好.大蝦天婦羅<- $38/8隻, 味道幾好!蒜片雞軟骨, 窩仔牛肉飯<- 我o既最愛牛肉窩<- $45 大大個食到所有人捧住個肚, 埋單都係$85x. 埋單時阿哥仔送了一大VIP卡比我地. 臨走時, 口中仍有新鮮魚生味, 回味~~

與舊同事聚舊, 最識食果位靚女推介此店, 更book到vip房內的位置.服務其實又唔係其他人講咁差, 只不過因為太忙, 太多人(任何時間門口都堆滿人), waiter們都做到索哂氣, 但仍有時間主動來加茶.Order:芒果蟹子沙律<- 好似只係收$28, 淨係計最上面果d蟹子去city'super買都要$30! 好味又抵食.窩仔牛肉飯<- 中式炒牛肉+珍珠米+窩蛋, 好似煲仔飯.三文魚刺身<- 三文魚又新鮮又大件, 有幾大? 好似原條海鰻壽司果條"鰻"咁長!吞拿魚刺身<- 普通新鮮, 但大件.三文魚頭窩<- 我怕食魚, 但d湯好甜.蒜片炒雞軟骨<- 落單時都識主動問"串燒還是蒜片炒", 最終得到一碟像"避風塘炒雞軟骨"的小食, 好過癮~連前菜(木魚絲+波菜)都合格正.雖然此店格局好港式, 但尖沙咀區晚飯價錢平到咁(9折後每人$55), 真係冇話可說.

去過好多次人氣旺的餐廳度食飯，但係這間的service實在係最差的…星期四個日約了幾個朋友去食飯，大家約了6點半係大盛度等，由於其中一個朋友係個區上班，所以係最準時到達兼入埋去坐低。而我遲了2個字先入到去，朋友就正在講緊電話教跟另外兩位朋友找這間餐廳，而係這個時候，有個侍仔就埋黎問我地幾時先人齊，我就順口話俾佢聽就到齊係附近啦，但係個侍仔咕嚕左幾句先走開，朋友收線後問番我做咩，於是我就話番俾佢聽，點知原來個侍仔係早幾分鐘已經問過佢，已經話俾佢聽d人黎緊。但係過左唔夠2、3分鐘，個侍仔又走埋黎問多次，我地再講多次d朋友行緊黎啦，而個侍仔就好串話：「你地幾分鐘前都係咁講啦﹗我地間餐廳既規矩係客人要齊人先可以入黎坐的，如果仲未到齊要出番去等的。」愕然…無諗過有餐廳會叫已經坐低的客人出番去等…講真一句，如果間餐廳出面排晒長龍，我地出trick霸住張檯就係我地唔岩，但係當時間餐廳出面係'無'人排隊的，而且整間餐廳都只係坐了2、3檯客，超級大部分的檯都係空的，我地真係唔明佢點解仲要叫我地出番去等人…臨尾個待仔用好不滿的態度一路行一路yelling：「咁這個是公司規矩嘛，究竟你地d人半個鐘頭之內到齊