大瀛喜日本料理 (已結業)

十二人去食放題 真系比較多 人，記住訂位喎 咁就唔洗排隊。餐廳送左隻蟹俾我地食 幾好味既好大盤呀 ，芝麻雞翼都食左好多隻 ，仲有蜜糖雞翼，數量冇少到 上食物既時間唔算太耐既 。之前都食過 上準keep到 仲有燒鰻魚添帶子壽司都好好味 夠哂大 份。仲有唔同既熟食 燒物唔會太油 炸粉唔厚 仲有榴連炸彈 唔同既甜品 迷你心太軟 都幾特別 甜品每次都唔同架 可能每幾個月換一次 今次有榴連糯米池 忌廉泡芙 仲有幾款果凍另外有成十款野飲慢慢揀 我覺最好食系帶子壽司 芝麻雞翼 最估唔到系個羊架 冇乜肥肉痴住 對於我黎說 細細舊咁食 幾唔錯架每個人$240一位

適逢chur完一堆paper，就緊係要約朋友食好西啦，見呢間放題就係正朗豪坊對面咁方便，就一於去試下！一坐低就即刻嗌刺身食，佢有好多唔同種類既刺身比你揀。個刺身拼盤一黎到，就見到有隻好可愛既貓頭鷹做裝飾，個頭頂仲噴晒煙咁，幾有氣勢。除左好睇，仲好好食，每樣刺身都唔錯，咁多種最好食係三文魚，又厚又鮮甜！食完忍唔住要再嗌多兩round！壽司都好多種類比你揀。每件壽司都細細舊咁，唔會太飽，壽司飯夾起都唔會好易散，又唔會太黏，算係唔錯！炙燒壽司好香，尤其係鹽燒三文魚，好有味之餘又唔會太咸，燒過既三文魚仲入口即溶！唯一失望既係個海膽手卷真係好迷你，一啖擺入口就食完，得少少海膽係面，而飯既份量就好多，完全feel唔到舊海膽。驚喜既係連甜品都有好多唔同種類比你揀，有雀巢雪糕，大福，心太軟，法式焦糖燉蛋等等。全部甜品都細細件咁，等你可以試晒每一樣都唔會覺得太膩。心太軟既外層真係焗到好脆！但一發覺入面唔係流心，就有啲失望。焦糖燉蛋面頭既焦糖又香又脆，入面既蛋焗得岩岩好，好滑好creamy。唯一敗筆係佢上面塊餅係唔脆既，但整體算係唔錯！值得一讚既係野食速度真係黎得好快，就算落左咁多張單，由頭到尾都完全無漏

今日係朋友仔正日生日，我地一早已經問定佢想食咩，佢話好耐無食過放題好想食，咁我地當然會成全佢呢個咁簡單o既願望啦，呢間放題位於旺角朗豪坊出面個商場，岩晒我地係唔同區番工o既呢班朋友放工係個中間點集合由商場地下上左幾條電梯之後，就會見到lift，上5樓一出就見到個咁閃o既門口啦我諗呢個優惠真係要放假先用得到，7pm前離座有8折，7:30pm前就會有85折一大碟Wasabi已經放定係枱，隨便你調教岩自己口味的份量一坐低就當然即刻睇下有咩食啦~ 有成11種類別o既野食，仲有5款甜品，選擇之多令我地淨係點菜都點左好耐，特別要提一提免費旦級海鮮宴張order紙，因為係即叫即做，需時15-20分鐘，記得第一輪order就要落，唔係就要等好耐都無得食啦落完一大輪order就梗係出去拎野飲啦，飲品選擇又係超多，連韓國啤都有，我覺得最細心係有熱紙包飲品提供，岩晒我呢種唔飲凍野o既人黎得食放題，壽司刺身一定係encore再encore回本之選，個刺身拼盤一上枱噴晒煙咁好有氣勢，每樣刺身都唔錯，壽司舊飯細細舊，而且夾起無散開，咁就唔會咁快食飯食飽啦咁多款野食入面，其中一樣我最欣賞就係呢個超級榴槤炸彈，一咬開

同朋友約左收工去旺角行街，行到肚餓，我地兩個都想搵間放題可以勁食一餐，因為天氣開始凍，所以特別肚餓同埋放肆咁狂食一餐，我地行完朗豪坊落到黎就見到對面有間大瀛喜日本料理，就係朗豪坊對面，所以見咁就腳就廢事再周圍搵，上到去等左一陣就入座啦，環境都好靚丫，坐得好舒服，又多野食選擇，我同我朋友都飽到好似有左３個月咁！牛乳湯底火鍋，好足料，湯底亦好香濃可口，真係要試試丫！壽司即叫即整好新鮮，每一樣食物都好好味，我最愛鰻魚壽司，好正！哩個心太軟細細粒，但真係好好味，係迷你版心太軟，黎到個時仲熱架，而且仲有流心朱古力，好味丫，又唔會太過甜，正！我地每次去食放題都一定會點既炒雜菜，菜都好鮮甜同好新鮮！我朋友最愛既羊架，佢話淹製得好夠味，好新鮮，佢一次食左兩件，我見都好大件，好多肉！哩款特色壽司好出色整得，好好味丫，但唔記得左叫咩名！我地主要叫左三文魚／甜蝦／帶子，見到顏色咁鮮艷都知道真係好夠新鮮，而且又大件，三文魚都好肥美鮮甜，而甜蝦好大隻，好好味丫！緊係要叫我最愛食既炸蝦天婦羅啦，黎到仲好熱架，真係即叫即炸，好爽甜既蝦肉，我一次過食左５條，真係太好味！枝弄用黎送酒一流，每次去食放題都要點黎食！

天氣轉凍就特別想食放題！聽朋友介紹，所以今日揀左呢道。坐低左一陣，就送上刺身頭盤，有好多款！三文魚好厚，仲有例牌的帶子，希靈魚，油甘魚，甜蝦等，都好新鮮！仲擺得好靚添！忍不住再點了第2round。壽司方面十分推仲芝士鰻魚卷同和牛卷，黑松露蟹肉都唔錯，食落口啲芝士好rich，啲配搭好match！呢碟必食的有厚蟹柳，個人好中意食火灸壽司，加左沙律醬好好味！不過鰻魚個燒汁略咸，但都唔錯。好中意食雞翼！！個蜜糖雞翼個皮好脆，蜜糖甜甜的，一定要食！至於芝麻果個雞翼啲芝麻粒好有咬口！天婦羅記得趁熱食！只點了炸蝦，唔會好油，蝦好爽口！榴槤炸波爆醬架！好足料，個皮薄，唔會濟！黃金炸蝦係用左蛋黃醬炸到金黃，好香脆，味道稍蓋過蝦味。蟹粥好甜，仲有蝦係入面！二人份量黎！呢個必食！牛肉👍🏻有粉絲同菜，索晒啲湯，所以好正！甜品好特別，焦糖燉蛋好重蛋味，好味！奶凍係哈蜜瓜同木瓜！唯一不足係猫山王糯米，唔夠榴槤味～整體上菜收碟好快，食物質素幾好！

係香港食放題真係話都冇咁易，而因為有朋友生日，所以就揀咗大灜喜，貪佢近近地，就到大家嘅地方食飯慶祝只為時間都早嘅關係，我地一到咗之後，職員就安排我地入座。一坐低之後，大家就即刻打開本簿開始order一入到門口就見到有一個相撲手迎接我地，原來佢係大灜喜嘅服務大使，哈哈大灜喜有嘅食物種類都幾多我哋就其中每一版都揀咗啲黎試吓，而且飲品方面種類都好多，有忌廉溝鮮奶、芒果汁、可樂、烏龍茶等等。之後等咗一陣，一大盤刺身就黎到枱面，影完張大合照之後當然就毫不客氣地夾黎食啦，每一種刺身食落口都好新鮮，而三文魚每一塊都切得好厚，甜蝦同牡丹蝦都好甜好新鮮，食完呢一轉我哋都嗌多左幾轉黎食每一間放題嘅炸物都係必食之選，而呢間嘅燒番薯就做得好出色，包住番薯嘅粉漿唔會太厚，食落口仲係熱辣辣，好脆口，我地幾個人都幾粒幾粒咁食。二天婦羅炸蝦炸蟹柳都做得好好，每次想枱都係啱啱炸好新鮮熱辣辣，在點埋佢比嘅蘿蔔蓉醬，兩種加埋好夾。仲有想推薦芝士焗帶子，一上枱時就聞到好香嘅芝士味，而芝士又毫不客氣地鋪滿咗成個帶子，而且帶子又好新鮮，食完一轉繼續想叫多幾轉。大灜喜食放題都幾抵，而且又近近地旺角，方便就腳。下次都會再黎！

放工約左老公係旺角等，去完買野之後就肚餓啦，本來想番到屋企先食，但行行下見到有間介紹食日本放題，我老公即刻心思思想食，因為佢都好餓啦，之後就上左去一間叫大瀛喜日本料理，係位於旺角奶路臣街11號MPM文華商場5樓，都係條大街度，地點方便又易搵！哩間放題好好坐,又裝修得好靚,下次會再去!個日都好凍,所以我叫左個牛乳鍋，個湯底味道都夠濃郁，食材都好新鮮又足料！之後口痕又想食甜品，哩兩個整得真係好出色，由其個蕉糖蛋，真係好濃既蛋味，好好味，我仲食左３個！海膽手卷我老公至愛，佢話好新鮮，好有鮮味！壽司好大舊，即叫即整，我最愛蟹柳棒，唔係仿蟹柳黎架，堅架，超好味！螺肉個醬汁調配得好好味，螺肉都好爽，唔會有沙，推介！芝麻雞翼，唔會有雪藏味，雞肉好嫩滑，好味到我一次食左３隻老公點左個牛肉鍋，個湯底好鮮甜，老公話牛肉大塊又唔會多肥肉！一口牛好惹味，一口牛粒入口好有水份，令到口感昇華不少。去食放題一定要點既牛油栗米，好香好好味！魚生都好新鮮鮮甜，我地點左３個ｒｏｕｎｄ....超正炸蝦天婦羅,蝦伕好爽口,炸得好金黃,好好味!

今日約咗中學朋友食放題敘舊，大食一餐！今次選擇左一間比較多食物選擇既日式料理放題，價錢合理，餐廳環境寬敞，餐枱與餐枱之間有適當距離，所以唔會好有壓迫感，可以輕輕鬆鬆咁食餐飯。餐廳除左有汽水外，比較特別既係餐廳仲會提供唔同口味既乳酪，岩哂啲健康人士！食放題又點少得刺身呢，除咗用花花做伴襯之外，仲用左一個貓頭鷹小杯泥放乾冰，食落都有氣氛啲啦！厚切三文魚食落有口感，珍寶帶子大大粒，尚算新鮮，甜蝦鮮甜，有中指大小，北寄貝略有嚼口。炸物方面，芝麻雞翼炸至金黃色，食落脆卜卜，但芝麻香味濃郁。超級榴蓮炸彈就係相當唔錯既選擇，榴蓮味重，外面卜卜脆，內面就軟綿綿，口感一流。海鮮方面，辣酒煮花螺辣味就不是太足，怕辣人士也可一嘗。蒲燒鰻魚味道則岩岩好，燒汁香味四溢。黃金煎海蝦煎至焦香，煮既時間岩岩好，唔好因爲煮太耐而變得韌。另外，餐廳提供既中式湯亦相當吸引，清甜美味，啱晒啲平時冇咩湯水飲嘅香港人，值得一試，唯一美中不足嘅係碗湯太細碗！

天氣涼左食慾大增~行完朗豪坊過對面大廈開餐。坐低交左第一round野食發現無飲品，睇睇人地又睇睇牆上指示，原來係自己行去飲品櫃拎凍飲。左邊個枝係鴻福堂出品潤喉又唔甜，中間既係消脂茶，右邊康師傅就太甜啦。佢有十幾款飲品可以慢慢試。估唔到刺身都有咁多款喎，隨便點左一盤。冰鎮上枱無融出雪水衛生不錯呢！三文魚橙白色相間魚油濃郁，劍魚腩同北寄貝夠爽口好新鮮。叫左細隻甜蝦同有頭甘海老比較，有頭既肉比較結實亦更新鮮，所以下次點有頭蝦就夠。帶子係原粒上有海水口大味所以食左兩round，油甘魚不過不失。黃金蝦同燒鰻魚係升級紙上面有既，其實是自動升級啦。黃金蝦用蛋黃漿包住炸得乾身，睇下隻眼突出黎幾新鮮買過包裝鰻魚既人都知本來就熟左一大佗燒汁浸住。食到魚皮微脆同有焦香味，就知道佢地有燒過，汁都收水仲濃郁。榴槤炸彈爆漿好足料，而且皮薄食多幾粒都唔怕溜。不過我更鍾意香芋波波，糯米皮甜甜的要，食落係煙韌熱版糯米滋。天婦羅唔油好鬆化，炸蝦都幾大隻。羊架唔太大件，肉就夠冧唔羶既。怕肥又可以滴檸檬汁解油，咁既質素收貨。泰式鳳爪最大賣點應該係無骨方便進食，唔會太辣都幾開胃呀。差少少睇唔到雪糕櫃就走左，位置係近廚房的走廊，

與久久不見朋友晚飯, 最好的選擇莫過於係食放題~大瀛喜大家都食過幾次, 水準一直平均, 所以都係揀左佢。刺身- 當然係必要的喇, 款式算多, 亦算新鮮.喜好食羊架的我, 都點左一件過下口癮, 畢竟羊架都係一樣幾膩既東西嘛!味道OK的! (唔太高要求的話)炸物都算係一般應有既都有, 味道不過不失。其實呢度既壽司、卷物, 放題黎講算係好食, 不妨試試。我最愛既芝麻雞翼出場喇!!!!!!!!熱辣辣亦夠惹味~KEEP住都係咁好食至於飲品~呢度應該係我見過任食店舖最多選擇既一間!!!!!!!!!總結: 當我想吃放題時, 我一定會再返黎吧~

放題學生時代初相遇，時至今天各家秘製獨家菜招來。食物質素或衛生更勝從前，價錢卻相差無幾。久不久放縱一次非日式放題莫熟！午市放題價錢相宜，不用兩張「 紅衫魚 」讓我任食三小時，中午剛營業食物保證新鮮吧！刺身、壽司：「回本」之物是也。比較高級的刺身如象拔蚌、帶子、榮螺也是有提供，最重要不需加錢升級。火炙壽司中的左口魚略燒熟後油脂肥美，魚油香滑進喉嚨。特別喜歡露筍和牛卷和芝士鰻魚卷，嫩嫩的食材融合不用太多咀嚼。另外，海膽手卷非常小巧，飯量只有一件壽司般大多吃也不怕飽。只是剛起床食慾未開，不然晚上來胃口一定更好！炸物：芝麻雞翼的脆皮喚起台灣炸雞的感覺，脆皮帶鹹香咬下咯咯聲作響。芝麻倒成為裝飾，對味道沒甚麼幫助。吉列炸蠔蠻大且有海水味，即叫即炸不錯。料理：各款熟食小小的一碟不怕浪費，更方便兩三位朋友想每一款試一點。鹽燒大蝦簡單卻好吃，蝦腳仍牢牢的纏著便知新鮮。一口牛粒是眾多料理中最大份的，一碗約有十五粒二人分個人認為多了一點，人數少的食客可以參考。甜甜的牛柳尚算惹味，有幾粒稍嫌有筋。甜品：向來對放題提供的甜品不感興趣，但因這兒提供大牌子包裝甜品有質素保證！平日七八元一杯的乳酪也是任取，論成本說絕

大瀛喜一直都係老朋友聚舊既地方，好似中學時期，第一次食。食物水準都好高，所以今日又黎多次。其實每次放題，食得最多既就係炸物同燒物，因為日式餐廳收好貴，好少出去食。雞軟骨燒得好香，而軟骨位食落卜卜脆加上檸檬汁酸酸甜甜咁，係唔錯既小食羊架燒得好靚，油脂部位較少可以一大啖咁咬落去肉質鬆軟，有SO味同樣地，加上檸檬汁可降低油膩感蟹柳天婦羅，睇得出炸粉配得好脆而薄，又唔會有過多炸粉依附蟹柳較粗，肉質一絲一絲，並不粉黃金蝦，以蛋漿包裹海中蝦、再炸外層香脆，真的十分香脆，但咸度調低些則更佳蝦體型適中鰻魚很好吃喔ENCORE了三次，鰻魚汁很香因餐廳會重燒一次，熱上味道更濃厚芝麻雞翼外脆內嫩榴槤炸彈鮮味濃郁香芋波波內裹軟糬吉列蠔蠔味飽滿而整體都炸得很好，沒有多餘的炸粉，和焦掉

4個人的飯局，當日下午才致電訂枱，亦訂晚上19:30，剛入店時亦未坐滿，坐的位置比較窄，如果幾個大男人坐應該都好迫。一坐就tick刺身就係指定動作，等了十分鐘上菜，來的係熱食。。。再等一等刺身登場，有乾冰效果，刺身都新鮮大片，個珍寶赤虎蝦係一流，三文魚亦正。不過我想推介的係熱食，一口牛，燒鰻魚，串燒蝦，一tick 再tick, encore 再 encore. 另外朋友推介炸榴槤，燒羊架。

同一大班人食飯，梗係食放題啦。有個食開好野嘅就提議黎呢度，話食過唔錯喎。所以一行十五人就book左位黎食了。雖然訂左枱，但黎到嗰陣都等左一陣先入得，間房真係啱啱好，多一個都攝唔入😂一開波大家就就乜都點左先，之後攞野飲吹下水。啲小食上先，而刺身好快就到左了，仲出埋煙添視覺效果一流。其他野食都陸陸續續上黎，因為人多肚腩又多，差唔多上一碟就換一碟咁濟，無縫接軌。話咁快第二輪嘅刺身又上到了，擺盤仍有心機，可惜乾冰不再了。因為同行有朋友仔生日，呢度就送左人頭數量嘅海膽三板😁雖然係送嘅，味道又唔錯喎。仲可以追加紫菜。之後又繼續食，食，食...連粥都點左黎食...見餐紙竟然有炸榴連波食，班榴連怪又點會放過一食，又係唔錯喎熱得黎榴連味又重，最緊要係唔太甜👍（個肚有空位嘅可以encore）。最後點埋甜品食，呢餐就完滿結束了。總括黎講，食物種類多，刺身同熟食質素都唔錯，環境都好，可能人多關係，逼左少少。另外，不得不讚下主力serve我地嘅嗰位姐姐，好搞笑👍密密主動換碟之餘，仲問我地夠唔夠，不如點多幾樣😂完全值得寫紙落佢名做好員工。

友人帶我來嚐嚐這家放題這裡的座位較狹迫上菜速度很快很齊要很靈活地吃枱上有的食物刺身大部份都OK,,未算太鮮甜,,但也不至於霉但和友人都覺得甜蝦很腥,,不新鮮個人認為貝柱也沒半點鮮味,,但情況未有甜蝦那樣差幸好熟食尚算不錯拉回一點失色的分數壽司的size都很小巧~味道不過不失天婦羅不會太厚粉~~但沒有我愛吃的南瓜和蕃薯只有蕃薯仔友人點了兩次牛肉鍋她覺得牛肉鍋的味道不錯推介炸榴槤波！吃了一粒,,滿口榴槤香味要先吃香芋波後才吃榴槤波啊！不然榴槤味會掩蓋香芋味的！飲品選擇都多啊！