大瀛喜日本料理 (已結業)

唔使講咁多，去到電梯大堂已可感受到歡迎程度！好不容易終於入座，全場爆滿，心諗咁多人，交單後肯定有排等啦而且食物質素未必太好點知交完單等咗幾分鐘已經有野食先黎多款拿壽司外貌已相當吸引食落更覺新鮮好味之後主角到……各款刺身份量十足絕對冇走單，厚切口感非常好，而且新鲜到呢之後再黎炸物，肯定係即炸的，小心口唇受創雞翼、黄金尤、天婦羅……等等都好好味，食咗個零鐘肚腩已非常充實當然唔可以放過D甜品啦，再加上雪糕雪條真係舉步難行怪不知門外等候既人咁多，但絕對值得一試

今日想慶祝朋友面試成功，就係朋友嘅介紹底下去咗食放題，呢間放題嘅位置都幾方便，係朗豪坊對面，我哋食第二個時段8:30，好彩提早book左位先唔駛等位入去😁入到去個場都幾大，服務員帶我地坐低之後，都好清晰講解比我聽要寫清楚枱號，以免漏單嘅情況出現👏🏻👏🏻呢間放題用一本簿裝晒啲落單紙係裏面，好清晰，因為今日午餐特登唔食，留肚食今餐，所以好肚餓😈放題我食過好多間，呢間令我另眼相看👀刺身係每間放題都有既野，呢間放題既三文魚同甜蝦都好新鮮，完全唔會有雪同霉味，裝飾都唔錯📸影相一流焗蝦可試一下，面上有少少芝士焦焦地，好香！💕蜜糖雞翼幾乎係必試，外皮甜甜地，裏面有肉汁，好juicy肉質好嫩，真係不得不試鹽燒雞翼骨，有適當嘅胡椒調味，外層都炸得好脆，通常外面嘅雞軟骨肥肉都好多，呢度就肥瘦適中👍🏻💯炸蝦天婦羅同埋天婦羅甜番薯都係我覺得可以推介嘅食物，唔單止炸粉好，佢嘅炸粉都食得出有少量嘅調味，所以味道啱啱好🤤甜品個part真係好正🍧🍰女仔都鐘意甜品嘛🙆🏼👏🏻榴槤糯米糍好有口感🤘🏻榴槤味真係好濃郁，個皮都唔會太淋，而且餡料亦好足焦糖燉蛋亦都係一個唔錯嘅選擇，因為佢好有蛋香而且細細個唔會太甜❤

今日成班朋友下晝嘅時間一齊去咗打保齡球，之後落咗去旺角睇完戲，大家都好肚餓，所以就決定咗去呢個旺角食放題，間餐廳就係朗豪坊對面，地點好方便😎我哋搭lift上到去之後見到門面都幾靚，因為我哋睇完戲都八點幾，所以拎完位之後等左一陣就可以入去坐👍🏻餐廳裏面都幾多人，係位置上會窄咗少少，大家都坐得好close😂我最期待嘅就係刺身拼盤，因為我地都好鍾意食魚生😍最值得推介嘅就係大隻嘅甜蝦同吞拿魚，本身我個人如題特別喜歡吞拿魚都覺得呢間嘅好新鮮，而且唔會有雪藏味，厚度足夠，好有口感👍🏻拼盤嘅擺設亦好適合鐘意影相既朋友仔🙈擺得幾精緻🙋🏻另外一個幾好嘅推介就係燒羊鞍，比起其他放題佢既羊鞍整得真係幾好，第一唔會有羊''so''味，第二啲肉唔會痴牙，師父又會唔會整到全熟，真係好好食，值得推介👅👅迷你手卷，係龍蝦沙律嘅口味，龍蝦肉都足夠而且足夠過下口癮芝麻雞翼都唔錯，外皮脆口，肉質唔會乾身，好juicy 🤤🤤💕餐廳嘅飲品同雪糕都任食任飲，款式亦足夠選擇，最值得一讚嘅係呢間餐廳嘅服務，完全唔會嫌客人麻煩，好多要求都有求必應，就算可能客人填錯食物嘅數量，都會叫客人重新填過一張，將錯嘅食物拎走，叫員工check啲填

九龍旺角是年輕人飲食潮流指標，除了食物質素，地點和價錢都是年輕人考慮的原因。如果不超出預算又要食得開心，首選梗係食放題。今次柴娃娃一班人走咗去大瀛喜食日本放題，好彩一早booking,到達時早已爆滿，原來在9：30pm後有八折，10pm後有八五折，星期一至星期日每位$218至$238。如果唔怕夜食9：30pm後，有折扣又真係好抵食，當然不同時段就不同優惠，咁當然要預番10%服務費啦。但點都好，價錢抵食都要睇食物質素，通常日本放題既選擇都差不多，刺身，壽司，熱物，炸物，甜品等等，但大瀛喜的食物頗精緻，份量需不算多，但勝在好味道，覺得好吃的再落單多吃又何妨。冷盤如刺身和壽司，出奇地新鮮，一點也不行貨；炸物如炸榴槤，炸鮮奶，炸鷄翼等，入口時還感受到熱辣辣的味道。當然過百款食物的選擇，真係要慢慢揀慢慢歎，食完仲可以歎甜品雪糕，真係啱晒年青一族既胃口。特别要提的是一位41號的侍應生，他的细心令我真有些少感動，因我食壽司刺身比較喜歡加入wasabi作調味醬，可能包装wasabi比較辛辣，我食了一口就眼淚都標埋，細心侍應竟一眼看見我這難看的表情，對我說換一碟大瀛喜自家制的wasabi給我，很快就遞上

為左做生意。要擺多幾張枱。所以每張枱都勁細，無問題！但係黎多幾款野無位擺，d侍應唔問你，就將d唔同味嘅食物倒埋一碟， 方便佢哋上菜。大佬，我唔係來食廚餘呀。跟住要求佢哋不如晏少少先再上菜，佢話咁我同你cut左張單佢，你哋食晒枱面上嘅嘢先再點菜啦！跟住我哋食到尾聲嘅時候再點菜，唔知佢哋玩嘢定乜嘢啫，等咗半個鐘都未有嘢到，追完一次又一次，都無人理。入嚟攞枱嘅時候佢哋又話限時兩小時，等都等咗半個鐘有多！好過份！以後不會再黎！

呢間放題開左喺MPM商場，原價$2xx一位，但原來食9.30pm 宵夜放題係會有25% off, 仲梗係要試試。地方唔大但好彩都有卡位坐，地下好滑，職員時不時都要提醒食客小心走路。除此之外，職員都幾細心有禮。點左d刺身，原來份量唔多，再叫可以重手d。刺身都算甜，但劍魚腩仲有點冰；櫻花魷魚幾特別爽口；虎蝦好似泰國生蝦，幾脆口。壽司點左幾款，我最愛鹽燒左口魚壽司&香燒鵝肝帶子壽司！左口魚燒過令油脂味更香濃，香燒鵝肝帶子既鵝肝好細粒但帶子幾肥。麻麻地。湯鮮湯都幾多料。牛舌同燒鰻魚都好五！牛舌易咬，鰻魚又夠厚肉同入味！菠蘿幾甜！甜品有自取既豆腐花同yogurt, 但我點左焦糖燉蛋同糯米滋。都整得唔錯唔會太甜！

一想食放題總會想起到兆萬，朋友推介原來朗豪坊對面的MPM也有間放題，熱愛試新餐廳的我，當然是時候約好三五知己大吃一頓。餐廳地點好方便，旺角港鐵E1出囗往前行些，右面扶手梯上去轉電梯便到。訂了9:30的我們，去到還有好多人在排隊，餐廳坐無虛席，似乎沒有選錯。桌上有本很厚的記事本，打開原來是點餐紙，已經急不及待要起動了。當中有11種類別，5款甜品，選擇之多點菜都要花點時間。落單後當然出去睇飲品，飲品選擇也很多，連韓國啤都有，我覺得最細心是有熱紙包飲品提供，適合不愛凍的人。刺身方面有：和風帆立貝、珍珠貝柱、劍魚腩、赤海蝦、櫻花魷魚、北極貝、虎蝦。壽司方面有：北海道鮮帶子壽司、章紅魚壽司、鹽燒三文魚壽司、鹽燒左口魚壽司、香燒鵝肝帶子壽司、海膽手捲。每款刺身都不錯，質數都較為平均，壽司飯量也尚算少，沒有散開。海膽手捲好迷你，一囗一件，唯鮮味不夠，賣相亦不討好。煮食燒物蒲燒鰻魚 、辣酒煮花螺、酒煮榮螺、鹽燒牛舌、燒有機菠蘿最突出的是蒲燒鰻魚，好嫩好軟又多汁，有入囗即溶感。牛舌也很爽嫩不韌，香濃有囗感。北海道牛乳海鮮鍋湯底味道都夠濃郁，食材都好新鮮又足料。炸鮮奶彼少有，所以點來一試。外層炸得夠薄，奶

食9點半原價$238 有85折，所以放工抖一陣就去左食。地方唔算大所以都幾爆場。劍魚腩 - 好凍下。赤海蝦 - 幾爽甜。北極貝 - 鮮甜。酒煮榮螺 - 幾彈牙。櫻花魷魚 - 咸咸地幾得意但不宜多叫。和風帆立貝 - 好細粒但都幾好味，可以叫多d。辣酒煮花螺 - 食左先記得影相。辣辣地幾惹味。海膽手捲 - 迷你版。海膽麻麻，但甘細件可以一試。後面個焦糖燉雞唔錯，唔會太甜。蒲燒鰻魚 - 全晚最正呢個，同食鰻魚丼既鰻魚味道一樣，肉厚又好香口。 燒菠蘿 - 幾甜唔酸。羊架 - 有點韌但味道唔錯，帶點酥味。蘆筍配燒牛肉壽司 - 牛肉幾濃，唔錯。鰻魚壽司 - 燒得幾香，帶甜。海鮮蟹粥 - 有蝦蟹，但味道似白粥。時日湯水 - 麻麻地。甜品： 豆腐花抹茶流心餅 - 入面係cream，唔會太甜。

食物份量少有啲第一轉剔既嘢 臨走先黎而且剔既嘢同上既嘢唔同座位不嬲都狹窄 但係坐得真係好唔舒服不過啲職員手腳都好快服務態度都okay既但係好似越做越燥底（可能好忙既關係）野食款式都多 但係始終冇之前甘好味

一直對MPM大瀛喜好有好感，食過2，3次都好滿意同滿足！但今次真係有D失望....book左8:30分，準時到，點知等到9點先入得一入去坐底..連wasabi都改埋, 變左包裝上次食過海膽手卷好鮮好甜今次叫.. 賣相已經覺得唔新鮮，點知食落真係麻麻地...........第1round 刺身三文魚同蝦都OK! 鮮甜但黎唔足，本身劃左八爪魚都冇黎出奇地，雞軟骨又幾好味！第2round 刺身竟然比第1round黎得足d

其實我真係食到好嗱驚放題，但d fd實在鍾意我控制唔到，真係無計。。。食濟伴君子，未食反胃難樂事，也死跟難逃火燒心之命途。鰻魚叫了四碟，少放題有，幾好食。食物選擇不少，也較同類的好。乳酪消濟試不少，有藍莓同士多啤梨味。牛舌嫌棄如放題慣性所吃到的干，一口牛粒反而黑椒味不俗。食後感：唯坐位勁迫，朋友濕平的戰利品無地方擺，全程在拿，不太舒服雖她說不要緊。環境幾嘈，上菜快但都有漏單，食到肚爆炸，短期內不會再試。

先講刺身，基本種類都有，三文魚很新鮮，其他刺身也是，叫了4 round 都保持水準。有叫壽司、前菜，同樣不錯。熟食方面，蝦及雞翼有幾款做法，都十分好吃，熟食夠熱，串燒也很好味。有自助雪糕吧，是雀巢雪糕杯，意想不到會有大腳板雪條，另外有西式甜品，如焦糖燉蛋、奶凍、泡芙等，本人食了焦糖燉蛋，也十分好味食物的份量不大，可以試多些不同種類的食物

今日同個friend係朗豪坊睇完戲，煩緊今晚食咩好既時侯 見到對面有座大廈，大把選擇！話時話呢座大廈幾時開既呢，平時行過都唔多覺眼。係好好好肚餓下，兩個男仔就走左去食最抵食夾大件既--放題。打頭陣有刺身拼盆。而家刺身拼盆出哂煙係基本野，係幾靚既。不過我緊張佢新唔新鮮多d. 最鮮最甜係個日本甜蝦，肉質彈牙，味道鮮甜無雪味，要讚。另外螺肉亦係頂呱呱的，爽口帶甜，螺味鮮，好味。炸雞軟骨普通，略嫌炸得太乾身。炸蝦天婦羅，炸皮薄，蝦肉熟度適中，口感軟滑，好好味。好特別既醉雞，味道唔錯，酒味可以再濃d !!加上有杞子 紅棗，食完覺得好補 哈哈。燒鮮菠蘿。好奇怪，平時我係唔中意食菠蘿的，例如菠蘿炒飯我會夾走菠蘿。但呢個燒菠蘿出奇地好食，又香甜又多汁！！超讚。呢度飲品比起其他放題店多好多好多～～仲要係可樂！！唔係百事！！讚讚讚呀！

原來口淡淡不太開胃去食放題都可能係一個好選擇，平日多數會點味道較濃的食物，今次點味道較清淡的食物，各有滋味！這間大瀛喜於鍋物,湯品,蔬菜方面，味道較為清淡的食物選擇都有很多！口淡淡，吃點炒野菜一流，椰菜,芽菜,蘿蔔絲,茹絲,木魚絲,芝麻，口感豐富！一鍋有雜菜,青口,海蝦,蟹柳,豆腐，用料足難怪湯底海鮮味濃郁！瑤柱蟹粥，主角瑤柱及蟹味道特出帶出無盡鮮甜味！粥底加入蛋花軟綿細滑！湯物最重要夠熱騰騰！這點做得到！時令滋補燉湯，細細一盅份量剛好不會太多不會太少，螺片味道特出，令整盅燉湯特別清甜！

Book左7:45，準時上到去𨋢口大堂,已經見到好多人係道等緊位啦同左接待小姐講訂左位，佢就叫我地等陣，話要汁好張枱先俾到我地。等陣無問題，不過個大堂已經多人到爆，根本無咩位企，會狂俾人撞到。見到佢叫左好多張枱都未到我地啦，就過去問下，佢話要汁好張枱先俾到我地架。奇怪啦，汁張枱要咁耐？再等到8:15再問佢，先同我地講食緊甜品架啦頭先又話汁枱？到左8:25先上得去，點知上到去完全無人理無人帶枱，係咁叫我地等等，不過已經計緊時囉。最後帶左我地去一張要搭枱既8人枱道，我地唔想搭枱又見到後面有有張吉左既4人卡位就問佢可唔可以坐，有個男侍應好粗魯講左句唔得呀訂左架！就走左啦。唔通我地唔叫訂位？張枱之後成20分鐘都無人坐算啦，太肚餓開始叫野食。驚佢會耐所以叫住2張先其他再慢慢睇，點知2次都係果位男侍應拎單重要好惡話我地：一次過俾啦真係咩mood 都無哂啦！老實講呢道野食算ok，野飲總類都多，有韓國果隻桃酒添！不過坐得又迫又成日無人收野男待應態度又差，價錢又唔係平，重要收唔到電話。我唔會再黎