大瀛喜日本料理 (已結業)

放題林立，要遇到價錢合理而質素唔差既放題 真係有難度。所以我不斷試，試到有好野，值得大家試就盡量分享下今晚試左位於朗豪坊正對面既大瀛喜。我訂左5:30時段，店內人流未算好多，店員馬上帶我入座。沙律類都有好幾款：泰式柚子大蝦沙律，田園沙律，青瓜蟹子沙律，黑松露帶子沙律等。清新之選泰式鴨舌，酸酸辣辣份外開胃，鴨舌一啖食哂，爽口好味粟米同枝豆。粟米牛油味香濃，甜甜地，好好味不過枝豆就乾身左少少，味道普通。海膽手卷塊海膽肥嘟嘟，又滑又甜！！鮮味十足～～我食左3個鰻魚同花螺。鰻魚燒得幾香口，不錯甜品出場～～～～！好少食放題d 甜品係有誠意同好食。最常見都係普通既雪糕雪條，泡芙等。但呢度就有好多款式，而我最中意就係榴槤糯米糍同埋焦糖燉蛋。榴槤糯米糍入面真係啖啖榴槤果肉！！好味到喊。。。明明已經好飽，仲可以一個人食兩粒真係好正。焦糖燉蛋甜度恰到好處，蛋香味濃，而且夠滑。我發現呢間放題既份量比起其他放題店的骰，所有食物都細細碟，好迷你。好處係大家可以試多d唔同款式食物，但要醫飽肚仔就記得點多d份量啊

訂左位唔洗等位入得，啲侍應好nice，帶我地搵左位就幫我地遞點餐簿。環境好日式燈光幽暗，坐得舒服。野食都幾多選擇，重點係冇甩單，好快手就上枱，每一round都係抵讚！刺身好肥美，三文魚塊塊好厚，一啲都唔姑寒！食落冇雪藏味好新鮮~滿意而炸物都係好食，芝麻雞翼同埋一口芝士都好有水準，夠味熱辣辣。串燒方面，推薦一定要食牛舌/雞軟骨，好有咬口調味剛剛好~壽司都係好有水準，最得意係佢個手卷，叫左海膽手卷上到枱細細舊，一口就食完，唔似其他放題大大份食好多飯落肚~其餘壽司(花之戀等。。)都不過不失，鐘意佢個露荀牛肉卷，有新意味道可口，好食。甜品都唔錯，有雪糕/多款甜品。午市唔洗200蚊有三粒鐘任食，超抵食會再去

盡所周知旺角有好多日式放題，今次介紹呢間就出乎我意料之外的好。同朋友聚會，唔想煩諗食咩既話，放題就梗係必然既首選，今次就膽粗粗揀左呢間從未試過既大瀛喜日本放題，因為貪佢地方方便到我同朋友。我地揀左9:30個段時間食，因為比較平有85折，因為book左位所以好快入得去。店內環境同氣氛都唔錯，而且坐得都舒服。除左有點餐紙之外，出面自助區都有相當多既前菜飲品同甜品可以俾客人選擇。去食放題就梗係要食魚生啦！呢到魚生都切到好厚，肉質肥美。珍寶赤蝦好鮮甜，有海水個陣新鮮既味道，食落好爽口彈牙，我食完一隻接一隻！其他刺身都好唔錯，冇個種雪藏既味道。辣酒煮螺係我另外一個推介！有微微既辣，但一般不太吃辣既人應該都可以接受呢種辣度。螺煮得好入味而且本身都好爽甜，一碟仔不知不覺會好快食曬，所以我encore左幾次哈哈炸物就不過不失，炸粉漿就唔係太厚。流心一口芝士就有驚喜，熱辣辣上枱，一咬粒波波就流曬濃濃既芝士，味道唔錯。除此之外，仲有榴槤炸彈同紫心香芋丸，鐘意試新野既朋友可以試一下。芝麻雞翼燒得好香脆，而雞翼好飽滿，外皮好脆、肉好嫩滑，食完我地都encore左一次。整體黎講，呢間放題都有好多既選擇，而且每款

懶人包：被要求調位然後錯哂單多次追單但被無視野食份量極度不足係食到要餓住走既首選突登為左呢次經歷開ac寫食評是咁的 同班fd諗住去食下放題開心既點知一入到去位都未坐暖就有個經理話可能要我地調位幫幫手咁我地廢事佢難做就ok啦點知惡夢就開始啦我地已經突登問個經理咁我地落單寫咩台號??佢就話你照寫而家坐呢張台啦佢會跟咁我地咪照寫囉落完單之後我地就被調左去第二張台啦我地落左不下廿款野食但坐左半個鐘都只係黎左兩三款熟食仲要完全唔足量我地5個人寫10隻雞翼應該唔過份啊??佢夠膽死黎3隻就算 要我每人咬半邊開心share??其他就影都冇哂我地都心知不妙再睇真d見到我地原本個台就一堆堆野食送上台唔通呢d就係傳說中既後發先至??我地好禮貌咁叫侍應幫手追追單啦話係咪送哂過隔離台定點啊佢話好啊我幫你地跟緊d但如事者又過左15分鐘咩野食都冇黎到 食放題個台面可以係空既 真係火都黎又話追 家下真係屎都冇得你食我地今次就叫個經理埋黎問佢先話叫我地落過張單啦一係我幫你叫廚房出個刺身拼盤食住先點知過一輪又係出一樣個幾款熟食個刺身拼盤就消失左一個鐘過左你淨係比幾隻雞翼同天婦羅我??真係當我地追野食唱歌咁我地真係燥到核爆

Shopping行到累開始覺得肚餓, 行完朗豪坊見到對面有個放題宣傳牌寫住”8折” “85折”! 而且原價最貴都係$228一位, 折左之後都係$200多少少一個人, 感覺幾抵, 所以就上左去一試! 平日晚餐時段都座無虛席, 店內環境唔算大, 而每張檯之間距離都比較密, 但設有部份卡位, 坐得都算舒服~ 汽水飲品雪糕都係全自助式, 熱飲既紙包裝都有提供… 雖然人多, 但order亦都好快到! 而且整晚都無漏單情況出現食放題打響頭炮一定係先order一大盤刺身 刺身種類幾多, 以冰墊底, 新鮮, 三文魚厚切肥美, d蝦都幾大隻幾爽 (之後我地再加單order刺身,每次都有冰墊底)壽司款式亦不少, 而且壽司飯唔太大件, 唔會咁易飽, 可以食多幾款~ 特別最中意”三文魚腩壽司”, 有豐富魚油味 羊架 唔會有羊羶味, 雖然唔係半生熟有血水出, 但熟得黎又唔會難咬開, 唔會太乾身 炸芝士 雖然呢款比較易飽, 但外皮炸得鬆脆, 一咬開, 半溶芝士係口中慢慢流出, 香濃既芝士味係口中散化, 令我引唔住食多兩件 芝麻雞翼 – 表面炸得唔算乾身, 帶少少油, 不過雞翼非常之脆, 亦KEEP到內裡既

今天往旺角買新衫準備過新年，之後找地方食晚餐，經過文華商場樓下，有人派宣傳紙給我，是大瀛喜日本料理，朋友們立即説：吓！又放題？冇辦法啦！而家旺角食店大多是做放題。老實講，一個價錢任食任飲又真係底，如果去散叫的日本餐廳食，只怕食刺身也不夠，就是這樣，我們決定試試這間如何😜刺身拼盤，放題回本首選，刺身新鮮，大大隻赤海蝦，肉厚鮮甜，食多幾轉乜都底返啦！又有熟食任食，炸物、燒物、天婦羅⋯⋯不同種類，非常豐富又好味😋又有自助式的冷熱飲品任飲🤗甜品當然少不了，本人推介焦糖燉蛋，甜度適中，蛋又滑又香甜，不妨試試！不同時段有不同優惠，食前自己查詢下啦！

朋友推介呢度既午市放題，平均每人$200，可以由12點食到3點，舒舒服服食三個鐘☺️刺身種類好多，油甘魚、劍魚、三文魚最吸引，又厚身又肥美～赤蝦同甜蝦都好新鮮，冇腥味，個人比較鐘意食赤蝦，因為較爽口海膽手卷好迷你，唔算好多飯，都食到少少海膽味，質感唔錯，唔會霉～花之卷賣相好靚，三文魚一樣肥美，但覺得沙律醬多左少少，稍為蓋過三文魚的鮮味。仲有好多其他壽司，都幾新鮮，不過都係主攻刺身好。另外估唔到有蒲燒鰻魚食！燒得好香口，又唔會有太多鰻魚汁同太鹹。甜品除左有雀巢既雪糕雪條，都有其他選擇。迷你心太軟好好食，朱古力味好濃，入面真係流心架。我都食左兩個！食午市放題又平，又可以慢慢食，唔使好似夜晚咁食太飽，的確係唔錯既選擇！

今次同中同來到旺角呢間食放題，餐廳座位寬闊，張枱都好夠位擺放食物。 🍣🍱以午市放題來講， 呢度嘅食物、飲品款式好多，拍得住晚市。👍放題嘅主打當然係刺身啦🍣雖然係午市，估唔到啲刺身又幾有驚喜。刺身肥美新鮮，部位幾靚，唔會有筋位。劍魚腩好甜，三文魚好肥美～叫咗兩轉都keep到水準💖壽司方面，賣相一樣好靚🍣推介火炙壽司系列👍🏻，鹽燒三文魚壽司會入口即溶，份量唔大，唔驚唔覺又食咗一舊😆帶子壽司好鮮甜，店家採用大粒帶子喎。👍海鰻壽司就中規中矩，味道淡d。天婦羅方面，炸迷你蕃薯同蝦都唔差，炸皮唔會太厚。秋葵蝦就怪左少少，始終兩種食材嘅質感唔係好夾。🤔身為榴槤控既我又點會錯過炸榴槤波波（唔記得點叫🙈）炸皮好鬆軟，餡料係流心架，一咬開就食到好濃郁既榴槤味！正😋炸紫薯丸都唔錯，口感煙un😋法式焦糖燉蛋一樣好好味🍮面層嘅焦糖係脆卜卜，燉蛋好滑，又唔會太甜。因為食左好多熱甜品，最後食唔落雀巢雪糕🍧🍨😳最後，值得一提嘅係呢度冇漏單， 上菜速度快，同埋啲侍應成日會幫我地收碟👍🏻👍

久仰大名, 知道大瀛喜近期非常受歡迎。今日終於去食啦！門口好搶眼！一坐低就已經擺好左大碟細碟同埋已經準備好左既wasabi。坐低左第一時間就當然睇下有咩食好快就已經見到免費既星級海鮮宴！仲要係新鮮即叫即做！食物種類多到有10個類別！唔怪得本點食物簿咁厚！除左食物種類多之外, 估唔到飲品種類都有咁多！有茶、有汽水、有果汁、有韓國飲品、有果酒、有啤酒⋯ 仲有百福豆腐花同乳酪！真係100個like！真係超級貼心，連熱飲都有！ 我都係第一次見放題有。唔好以為放題啲野食就一定係求求其其咁整。壽司件件都好靚好吸引！鰻魚壽司、和牛壽司、花之戀、三文魚魚子卷都好有水準！超級豐富！刺身真係不得了！一個載滿冰既大碟上面放滿一件件新鮮既刺生。(仲有乾冰噴啲煙出黎同埋有盞燈喺啲冰度。最啱相機先食)大蝦整到成朵玫瑰咁，佢同甜蝦都好鮮甜，最愛既三文魚刺生都夠厚切同甘香，總之每一款都無令人失望。估唔到仲有即叫即整既燒羊架！燒得啱啱好之餘仲夠哂淋，調味都啱啱好，連平時唔太好羊肉既我都覺得好食，仲encore左一次。炸物全部都熱辣辣脆卜卜（如果有多啲沙律醬就好啦）有不可少既芝士炸波，芝士味夠濃郁夠

第一次試食依間，三女二男，食放題實冇事啦！好多放題都會上菜上得好慢，但依間唔會，上菜快之餘，又唔會話留單！抵贊！雖然book位係七點半，但都要去到八點先入到！當中有個炸榴連，好食啊叫左兩轉！

一入去覺得座位幾逼下，不過這似乎是放題常態，在商言商擺多兩張檯就賺多兩轉錢，所以都無辦法。上菜速度尚可，但有漏單情況。飲品方面選擇都幾多，有可樂，果汁，啤酒之類。最令人不滿意是服務態度，食咁多次放題第一次俾人趕去其他位，為左吉d位出黎俾新客，咁係好唔尊重。食食下俾人收碟 (碟入面仲有食物) ，講都唔講聲，起碼應該問下你"仲要唔要?"先收，咁又係好唔尊重。d侍應之間燥底鬧黎鬧去，又係好影響心情。應該沒有下次了。刺身燒物炸物帆立貝甜品心太軟

其實而家食放堤真係好貴😓😓😓有水準出名果幾間閒閒地都3百幾up/位有啲直頭4百幾添~不過一分錢一分貨既但唔係個個負擔到架嘛😅適逢小妹牛一,通常朋友請客我好仁慈~梗係搵間經濟實惠架啦 😂😂😂我係0係呢度搵食搵到呢間野既見到咁多好評就即管一試!長話短說~呢度真心覺得有驚喜竟然完全無漏單同上菜算快 ~真係幾意外😂侍應態度都唔差 (當然總有個別人士啦)雖然食物種類唔算多~但質素算幾好某啲食物好食到不停encore我覺得熟食係比刺身優勝得多!刺身太凍~得雪味蓋曬魚味~即係無味 熟食有好多都非常值得推介：牛舌, 炸雞翼, 芝士蝦丸, 香芋球, 羊鞍, 炸蝦天婦羅都勁 甜品都有5/6樣野選擇, 可以試下迷利心太軟同焦糖布丁另外, 生日壽星至少早1日前預訂果時講明~壽星同同行者會有Haagen Dazs雪糕送有曲奇/士多啤梨味2款味比你揀埋單每位都係2百幾蚊 (可以參考番時段)絕對食得過!!!

放工約左老公係旺角等，去完買野之後就肚餓啦，本來想番到屋企先食，但行行下見到有間介紹食日本放題，我老公即刻心思思想食，因為佢都好餓啦，之後就上左去一間叫大瀛喜日本料理，係位於旺角奶路臣街11號MPM文華商場5樓，都係條大街度，地點方便又易搵！哩間放題好好坐,又裝修得好靚,下次會再去!個日都好凍,所以我叫左個牛乳鍋，個湯底味道都夠濃郁，食材都好新鮮又足料！之後口痕又想食甜品，哩兩個整得真係好出色，由其個蕉糖蛋，真係好濃既蛋味，好好味，我仲食左３個！海膽手卷我老公至愛，佢話好新鮮，好有鮮味！壽司好大舊，即叫即整，我最愛蟹柳棒，唔係仿蟹柳黎架，堅架，超好味！螺肉個醬汁調配得好好味，螺肉都好爽，唔會有沙，推介！芝麻雞翼，唔會有雪藏味，雞肉好嫩滑，好味到我一次食左３隻老公點左個牛肉鍋，個湯底好鮮甜，老公話牛肉大塊又唔會多肥肉！一口牛好惹味，一口牛粒入口好有水份，令到口感昇華不少。去食放題一定要點既牛油栗米，好香好好味,粒粒都好爽甜!去食放題一定要點既牛油栗米，好香好好味,粒粒都好爽甜!超正炸蝦天婦羅,蝦肉好爽口,炸得好金黃,好好味!

同朋友約左收工去旺角行街，行到肚餓，我地兩個都想搵間放題可以勁食一餐，因為天氣開始凍，所以特別肚餓同埋放肆咁狂食一餐，我地行完朗豪坊落到黎就見到對面有間大瀛喜日本料理，就係朗豪坊對面，所以見咁就腳就廢事再周圍搵，上到去等左一陣就入座啦，環境都好靚丫，坐得好舒服，又多野食選擇，我同我朋友都飽到好似有左３個月咁！牛乳湯底火鍋，好足料，湯底亦好香濃可口，真係要試試丫！壽司即叫即整好新鮮，每一樣食物都好好味，我最愛鰻魚壽司，好正！哩個心太軟細細粒，但真係好好味，係迷你版心太軟，黎到個時仲熱架，而且仲有流心朱古力，好味丫，又唔會太過甜，正！我地每次去食放題都一定會點既炒雜菜，菜都好鮮甜同好新鮮！我朋友最愛既羊架，佢話淹製得好夠味，好新鮮，佢一次食左兩件，我見都好大件，好多肉！哩款特色壽司好出色整得，好好味丫，但唔記得左叫咩名！我地主要叫左三文魚／甜蝦／帶子，見到顏色咁鮮艷都知道真係好夠新鮮，而且又大件，三文魚都好肥美鮮甜，而甜蝦好大隻，好好味丫！緊係要叫我最愛食既炸蝦天婦羅啦，黎到仲好熱架，真係即叫即炸，好爽甜既蝦肉，我一次過食左５條，真係太好味！枝豆用黎送酒一流，每次去食放題都要點黎食！

朋友介紹我地黎試試 話魚生好新鮮 即管睇下係唔係先！第一轉魚生 勁新鮮 佢三文魚真係好鮮甜 好有魚油味 抵讚 其他比較淡既海鮮 要配埋wasabi 但食落都係爽口 好過坊間不少既放題架！因為怕太飽肚 我地決定專攻火灸壽司坦白講真係不過不失 唔會好想叫好多件但係！蟹柳真係好好味 佢沙律醬燒左之後甜味好出 忍唔住食左都有4-5舊呀海膽手卷就太迷你啦 大概成舊好似手心咁大啦 叫做過下海膽癮架咋😝😝😝第二輪其實我有少少失望 三文魚無第一次咁好味 蝦頭比較黑咁 而象拔蚌無貨 換成幾條八爪魚不過都要推下佢既紫芋炸丸呀 食落煙煙unun少少似麻糬 紫薯味唔會好假 鐘意炸物既朋友不妨一試朋友特別鐘意呢個crème brûlée 甜味適中 面頭好脆 可以留肚食少少甜點 佢有多款雀巢雪糕 不過一場黎到 大家可以食下佢地自製既甜品 仲有心太軟架！