大瀛喜日本料理 (已結業)

有同事提議今日放工食放題，一諗就諗起「大灜喜」，於是於昨天立訂位，估唔到訂得咁急都訂到位，去到先知原來仲有間房仔，同事們都十分驚喜，但唯一美中不足的是原先訂了17:00-1900（因為有八折比較抵食），於16:55左右未能入座必須等到準17:00才安排入座。服務尚算窩心間中會主動入房換碟，漏單問題偶有發生（不算嚴重），遇到漏單職員亦有跟進，食物份量填少職員亦表示你們人多份量可以填多一些。蒜蓉虎蝦、一口牛、牛舌、炸榴槤球、榴槤糯米糍等都是值得推介。

因為有同事生日，我地又係附近返工，揀左八點半呢個時間，岩哂大家放工後去食餐勁既，同行三個人，已提早訂枱，一去到等左三分鐘到就可以入座，效率很高一坐低就緊係 瘋狂叫野食款式種類都算多，除左可以用紙叫之外，行出去都有雪糕、飲品，一定要留肚食甜品，有榴連糯米糍一般市面上既放題，飲品款式都較少，但呢間有好多選擇刺身先來，有甜蝦，好大隻既新鮮，好好味，冇平時食個隻雪味。三文魚既厚度好均勻 呢個燒鰻魚好好味，平時普通出去食都好貴，可以叫多幾次，真係推介。食左咁多肉，可以叫返個冷烏冬中和下。呢度既壽司優勝就係飯細細舊，唔會塞飽客人，可以試更多不同既食物。最後都要推介一下雞軟骨同埋天婦羅，都炸得唔油膩而且好脆其實呢到員工服務都幾好，食物準而快，唔會漏單。廁所又乾淨企理，似商場廁所，有幾格縮短輪候時間。可以再黎呢間再食。

今日同亞仔給另外兩個朋友揀咗旺角呢間放題！因為兩位朋友原來未食過日式放題😅，所以揀咗間食評穩陣嘅去試。位於旺角地點方便，但呢個商場就比較少來，講起上嚟係第一次嚟添，外面其貌不揚但估唔到入面四正，坐得幾舒服，又吾迫，果然完全冇漏單，侍應冇黑口黑面。pass魚生同壽司種類唔算太多，但勝在全部都好新鮮，又唔係我最唔鍾意嘅厚切！系適中！pass煮物有基本嘅雞翼，一口牛，炸物有似炸豆腐的的息炸鮮奶！最後仲食埋豆腐牛肉鍋添，水準都OK！pass最後有精致法式焦糖燉蛋似迷蛋撻，我同朋友都覺得唔錯！又pass飲品有汽水可樂橙汁，支裝果汁先生，盒裝烏龍茶。ok 啦總括有80 分，會再嚟。🙏🙏🙏希望加多少少品種啦🙏🙏🙏

今日難得紅日一班朋友約出黎聚舊，我地就book左朗豪坊對面呢間放題，貪佢夠晒方便。雖然餐廳環境麻麻，坐得有啲擠逼，但一見到menu有咁多唔同既野食就唔理啦，快啲落單先，最緊要有好野食。食放題必做既事當然係即刻叫刺身食啦。刺身拼盤一上枱，我地已經比佢既賣相吸引住。拼盤上面有隻好可愛既貓頭鷹做裝飾，頭頂仲噴晒煙咁，好有氣勢。啲刺身都算厚身，仲好新鮮。劍魚腩好肥美，而我最鐘意就係佢啲甜蝦，非常鮮甜。火炙壽司好香，鹽燒左口魚好夠味，仲入口即溶。另外要讚既係壽司既份量都係細細件咁，唔會食得太飽，可以試多啲唔同野食。海膽手卷同壽司一樣咁迷你，就算食幾個都唔會太飽。海膽味道好鮮甜，無腥味，都唔錯，不過如果海膽既份量可以再多啲就好啦。佢既炸物都唔錯，我地叫左炸蠔，一口芝士，紫心香芋丸同炸鮮奶。炸物全部都熱辣辣即叫即炸，而且一啲都唔油膩。最鐘意就係佢既炸鮮奶，又香又甜，炸得外脆內軟。我地仲叫左燉湯飲，食左咁多生冷野有啖熱湯暖下胃舒服啲嘛。燉湯既味道都幾濃郁，唔會太鹹。甜品除左雪糕之外，仲有好有多唔同既選擇。我個人最鐘意就係佢既法式焦糖燉蛋，焦糖香脆，啲蛋焗得又滑又creamy，上面塊餅有濃濃既焦糖味，口

放題嘅吸引力真係好大，有時無啦啦就想食放題放肆下。今次就簡咗大瀛喜日本料理放縱下！ 咩都唔講住，首先真心要讚讚佢嘅服務！ 真係零漏單，上菜又快，總類又多，抵讚👍🏻！飲品方面，種類都幾多。而雪糕雪條仲係任拎架tim！😋 刺身方面，賣相真係好靚，有乾冰有閃燈，直頭幻彩泳香江咁😂！ 見到隔離枱仲有冰雕tim 😂😂！ 刺身種類都幾多，同埋好新鮮！ 魚生都幾厚身，蝦嘅種類都有好多！ 絕對唔係得個樣！😂海膽手卷細細卷， 不過啲海膽就大大舊，好份量！ 同壽司一樣都唔會有好大舊壽司飯，塞飽你個肚！👍🏻壽司方面，特別推介鵝肝帶子壽司同埋忌廉芝士鰻魚卷，食落估唔到咁香咁特別！ 😯另外火灸系列都唔錯，一黎到就聞到陣陣香味！ 熟食方面，種類都幾多！ 有炸鮮奶、炒大蜆、煮花螺..... 特別一讚芝士蒜香牛油焗虎蝦！ 🦐 虎蝦夠大隻，啖啖肉！ 肉質彈牙，配埋芝士同蒜粒真係極邪惡！😩😩無得頂呀！ 驚喜位🙌🏻估唔到係碗「時令滋補湯」！ 碗湯唔似味精湯，飲落去好舒服，好香濃！ 令我呢估個飲湯怪都十分驚喜！ 甜品方面，有各色各樣嘅選擇！ 全部都好好味！ 特別一讚係佢個焦糖燉蛋！ 焦糖唔會燒到好苦，岩岩好，脆卜卜！ 蛋又夠

「放題」就是給予自己任性，放縱地飲飲食食，小妹平時食量也十分之多，故食放題也不失為好的選擇，最重緊的是可以滿足自己吃日本菜的慾望，大吃大喝同時又不怕荷包太大負擔呢。是夜首次來到位處旺角的大瀛喜，一出升降機後就人流湧湧，不論內外也擠滿了人，幸好一早Book了枱。坐下後，即點食物，雖然二人枱有點窄，連點餐紙也要放到枱下，但無損興致，放題最重要是食物快及齊。飲品是以自助形式，汽水啤酒任食，大讚的是汽水款式十分多。由於友人不太好刺身，故小妹還是只剔自己份量，基本上刺身款色齊全，雖然10件10件點，但份量亦沒有偷工減少。味道方面，以甜蝦最好，非常鮮甜，而帆立貝雖不是大大件，但也吃得出新鮮，亦是不錯選擇。我們一人點了一客迷你手卷，手卷相當細份，大概是小食多滋味，可點多幾款吧。手卷幾乎可以一口地吃下去，這個海膽手卷亦不過不失，雖稱不上特別鮮甜，但沒有腥味，而紫菜亦尚脆口。一眾壽司之中，最愛是火炙系列，左口魚是每次必點，這裡做得不錯呢，左口魚入口仍感到滿口脂肪之感，可惜壽司份量不夠大，缺乏了啖啖肉之感。醬燒珍寶蟹棒是推介之一，味道極佳。失色的是天婦羅不太脆口，而且用上的漿粉看來太多，有待改善。熟食之中

最近同姊妹去左試呢間放題，大家都中意食日本野，加上地點好方便，就係正朗豪坊對面，飯聚不妨可以考慮下首先可以叫的食物種類都好多，拎左其中幾張已經有好多好吸引既野食，。飲品種類都好多，有5-6款啤酒任選， 無酒精飲品都有好多款，汽水果汁好多都有。食物上得好快，魚生有冰座底，保持溫度魚生好新鮮，油脂分布平均，由其三文魚腩好值得推薦手卷大小正好一口一個，唔洗驚食完食唔落其他野！款式都好多，仲有NO.1人氣海膽手卷。炙燒壽司令我幾喜出望外，係姊妹推薦下第一次試食左口魚壽司，無腥味之餘仲入口即化，加上蔥花同淡淡既炙燒味道，令人一件接一件！三文魚腩壽司油花好足夠，又夠哂新鮮。炸物都有好多款，除左王道既蝦天婦羅，仲有炸鮮奶，一口紫薯天婦羅，有咸又有甜。食左咁多小食魚生，想食d更主食類既，仲有好多鍋物選，今次叫左鍋蟹粥，用料足，唔係得蟹腳。成晚最令我回味就係呢個炙燒蒜蓉芝士蝦，睇賣相就流哂口水。最後緊係唔少得甜品收尾，左起係意式奶凍，綠茶心太軟，泡芙，仲有馬卡龍等等！因為食物上枱速度快，所以入坐到離開絕對夠時間試哂所有食物種類！

放復活節假梗係去食好嘢啦💗因為爹哋去咗旅行，所以我就同媽咪去撐抬腳我地特登留定個肚就可以食多d🙈甫燒鰻魚必每枱必點既，鰻魚上面加埋d汁，好香而且冇任何腥味，一口細細件，中意食既可以叫多幾件😎醬燒雞翼用既燒汁都唔錯，燒到雞翼金黃色，咬落去有豐富肉汁，好juicy 🙂唔會太乾呢度既海鮮都好吸引😍豉椒炒蜆🤤蜆冇沙洗得幾乾淨，好夠味 旁邊配菜都好惹味😋蜆肉都唔會過細食羊既朋友仔一定要試下燒羊架，肉質好嫩一d都唔難咬，最中意就係加入咗適量既香草真係好正焗蝦面頭有蒜蓉同芝士，蝦好有鮮味，而且調味啱啱好，唔會過鹹，而且隻蝦覺得啱啱好唔會太老呢到既芝麻雞翼係一個唔錯嘅選擇，雖然佢係炸但唔會過份油膩，個皮都係脆既，好香口甜品有雪米糍，有三種唔同嘅口味，綠茶紅豆、士多啤梨雲呢拿同埋朱古力， 咁我就試咗其中兩款，味道唔會太甜，而且個皮都好有咬口，仲有其他雪糕雪條既款式可以選擇💕💕呢間放題假期都真係好多人，聽人講連平日都要訂定位先可以準時入座食到😎佢味道同服務都唔錯，值得再黎👏🏻

食評經朋友介紹，去了食放題，食物款式選擇多，環境闊大寬鬆，室內空氣都算流通，因為呢間放題有設bbq設施在每一張枱上給我們設用，但不會有太大影響。服務態度方面，員工服務態度值得一讚，員工會主動幫忙燒$50精讚推介的食物。食物方面，食物款式眾多。刺生：吞拿魚、三文魚、象拔蚌、希靈魚、甜蝦、虎蝦、鮑片、帶子等等都十分鮮甜新鮮，沒有任何魚腥的味道，容易入口。加$50精選推介：鹽燒特大虎蝦、特大仙貝，再加上少少椒鹽的配答，非常美味可口，建議大家值得一試。生蠔：非常鮮甜，配上些少的檸檬汁能夠蓋過生蠔的腥味，喜歡吃海鮮的食客值得一試。蟹蓋：原隻蟹蓋配上千島沙律醬芝士炸雞：脆卜卜的雞件配上惹味的芝士，十分美味容易入口雞翼：其中一款放題必點的食物之一，鹽燒雞翼再配上少少的椒鹽粉，前菜：墨魚嘴，中華沙律，味道酸酸甜甜，十分開胃。飲品：款式種類多，有烏龍茶，汽水，啤酒，清酒等等，任君選擇。豬肋骨：豬肋骨的肉肥瘦適中，不會有太多肥膏，不會太肥膩。

朋友婚宴完結之後 成班朋友都話要食返餐好既放肆一下地點首選係旺角 方便大家放工之後前來於是係open rice芸芸放題中隨機揀左呢間前一天打電話book位 可能係平日 吾太full 一坐底當然要叫左刺身食左先刺身都算新鮮 三文魚肥美又係厚切甜蝦不太爽不過都鮮甜 螺片都好食不過小帆立貝就一般般 壽司好食！帆立貝壽司係首推粒粒又大又厚 十分有口感好欣赏呢個mini版手卷一口一卷 吾洗驚會太多飯好快飽芥辣八爪魚係我最愛！一次食左三個呢個芝士蝦好好味！勁多芝士 岩岩燒好 要趁熱食 正不過second round再order多次啲蝦有小小梅…有點失色呢個鰻魚又係一定要唱re order左幾次 無出面食既甘實淨 不過個汁好味同埋出面食鰻魚都好貴今次可以任叫 當然要食返夠本照燒帆立貝 一般其他好味既仲有：牛油粟米，黃金蝦，蕃薯仔天婦羅，牛舌，火炙左口魚壽司，火炙蟹棒壽司最後甜品都有好多選擇除左甜品仲有雪糕雪條 最後有小小意見既係漏單情況都幾嚴重火炙壽司張order紙落左三次都無黎到最後落左第四次同加再同職員講先得另外仲有點左其他食物要再re order 先黎除左呢樣 其他各方面都滿意

食了多次日式放題，要算有水準及收费合理，非旺角這間大瀛喜日本料理莫屬。是日因外父生日，所以一早预訂座位，在店銶門口等了10分鐘才能入座，場面有點嚇人，可能此店多人讚賞，所以人太多擠到水洩不通。食物方面，魚生、燒物、甜品款式甚多，而且上茶速度好快。若多人食，仲會砌隻魚生船比你，真是壯觀，而魚生非常新鮮而大大片，送酒一流。至於燒物，一口牛和羊扒更十分惹味。甜品方面，可一次過品嘗6款不同來刺激你味蕾。最後，由於生日预訂，送你一人-一杯Haagen-Dazs,每人2百幾，大滿足

突然想食放題😝 上openrice見佢評分唔錯，睇左幾個review都係讚既，就決定食呢間😙一去到就有得即時入座😜入面都幾大，仲有好多空枱，呢度都有自助區，有雪糕櫃同飲品櫃，其他飯餸就用點餐紙叫😋呢到都有幾多選擇😝😝有A-K點餐紙同s點餐紙，沙律及小食、刺身、卷物、手卷、壽司炸物燒物等等，而且水平幾高😝沙律叫左蟹籽沙律🥗，比其他地方差，好乾，味亦比較淡刺身😋😋😋佢有個貓頭鷹載住啲乾冰，好cute🤣刺身好味😝😝好鮮，三文魚好厚，而且色澤都好好，唔似擺左媽耐嗰啲咁日本甜蛋都好味蝦都有幾款，都好味，全部都好鮮差啲嘅係榮螺同珍珠貝柱，唔點豉油就咁食得嗰少少味。。Btw提番大家，wasabi唔好落曬成包🤣真係好辣，我平時落勁多都唔夠，今次都夠😂其實啲壽司同卷物款款都好唔錯😂😂好難揀黎講黑松露赤蝦🦐算係特別啲既壽司，黑松露味香濃，咁樣同壽司一齊食又幾夾😝左口魚依舊我最愛，入口即融😚😚露筍和牛卷同忌廉芝士鰻魚卷同推薦呀！對天婦羅冇乜大興趣😂淨係叫左炸鮮奶同蕃薯天婦羅，都唔錯。蕃薯煙煙韌韌😜口感唔錯到炸物啦！比想像中好🤤🤤我平時好少食炸野，雞翼都唔會食，但見放題就叫黎試吓Waaaaa 正！！！芝麻雞翼

七個靚媽每月一聚，約埋去食好嘢， 有位靚媽好鍾意食日式放題，就提議去大瀛喜呢間放題啦，佢話二百幾蚊好抵食。 一嚟坐低環境嚟講 就麻麻，比較逼坐得密密麻麻，平日嚟講都全場爆滿好勁呀 ~先黎一輪刺身先， 刺身全部都好新鮮， 款式都算叫做夠多~再黎壽司， 個黑松露蝦壽司同帶子壽司 幾出色~炸物 - 啲炸雞翼 炸得幾好， 夠脆唔油膩， 最鍾意呢個芝麻雞翼炸榴槤 - 呢個簡直係主打，愛榴槤人仕必試黃金炒海蝦 - 呢個又係炒得好正， 鹹蛋個種甘香又夠曬熱，正！辣酒煮花螺 - 呢個都煮得幾夠入味羊架同串燒- 佢哋都話好好味，我就冇乜點食到~瑤柱海鮮粥 - 熱熱地暖下個胃唔錯，裏面都有蟹呀，蝦呀，但其實本身刺身嗰啲都有咁多料，唔算重點蒲燒鰻魚, 煮物, 法式忌廉藍青口 - 正常質素 - 燉湯 - 本身就好期待，但係飲落覺得鹹咗啲，呢個可以改進一下和風帆立貝 - 都算幾大粒 幾爽口芝士蒜蓉牛油焗虎蝦 - 呢味最正，芝士香濃，蒜蓉 可口，焗出黎好香，蝦又夠大隻，我應該一個人食左20隻左右另外出面仲有不同雪糕畀任食總括嚟講咁嘅價錢咁多款式 算叫做抵食係坐位坐得比較迫， 仲有就係漏單情況當然係會有，服務質素就

最近有喜歡了食放題，放題的性價比比起自助餐更高，而且不需要自己出去拿，寫好紙張就會有人端上來。一直聽朋友說旺角的大瀛喜放題以高質為本，今次就預約了晚上八點半去食，都算係最貴嘅時段。二人卡座地方不大，不建議一次過叫太多食品。不過兩小時放題，打從一開始就不應該一次過叫太多，否則自己又食唔切，啲嘢食又凍哂。刺身刺身的種類繁多，甜蝦也是我最喜愛食的其中一款，勝在夠甜夠鮮；朋友就喜歡叫好多唔同款式的刺身，仲要食得好快⋯天婦羅蝦和炸鮮奶之中，蝦的品質不錯非常香脆，炸鮮奶甜甜地幾香！酥炸蝦有少少似中式食品黃金蝦球，蘇蘇地可以食，這款蝦的肉質最爽脆。黑松露蝦Sushi三文魚腩Sushi鵝肝帶子Sushi左口魚邊Sushi全部壽司都好不錯，最吸引我嘅就係舊飯好細件，唔好用飯來令人好飽肚，所以可以叫多好多唔同款式嘅食品嘗試。黑松露蝦香氣十足，三文魚腩非常肥美，鵝肝帶子極佳配搭，左口魚邊入口即溶。是日湯-合掌瓜豬骨湯好的骰而且新鮮滾熱辣，好似去咗酒樓咁。芝麻雞翼一定係呢個集團一定要食嘅食品，裏面啲肉雖然仲係紅紅地但係保持到應有的水份同埋肉汁！果汁先生都係唔錯嘅放題飲品選擇，好似幾健康。（好多放題都冇得揀）甜

榴蓮糯米糍畀我印象最深刻，真係好正。鮑魚刺身好香甜。芝麻雞翅好香。如果甜品種類再多D就好。雪糕好普通，唔好食！！！！！！！！！！！！！！！！！！！！！！！！！！！！