大瀛喜日本料理 (已結業)

今日同個friend係朗豪坊睇完戲，煩緊今晚食咩好既時侯 見到對面有座大廈，大把選擇！話時話呢座大廈幾時開既呢，平時行過都唔多覺眼。係好好好肚餓下，兩個男仔就走左去食最抵食夾大件既--放題。打頭陣有刺身拼盆。而家刺身拼盆出哂煙係基本野，係幾靚既。不過我緊張佢新唔新鮮多d. 最鮮最甜係個日本甜蝦，肉質彈牙，味道鮮甜無雪味，要讚。另外螺肉亦係頂呱呱的，爽口帶甜，螺味鮮，好味。炸雞軟骨普通，略嫌炸得太乾身。炸蝦天婦羅，炸皮薄，蝦肉熟度適中，口感軟滑，好好味。好特別既醉雞，味道唔錯，酒味可以再濃d !!加上有杞子 紅棗，食完覺得好補 哈哈。燒鮮菠蘿。好奇怪，平時我係唔中意食菠蘿的，例如菠蘿炒飯我會夾走菠蘿。但呢個燒菠蘿出奇地好食，又香甜又多汁！！超讚。呢度飲品比起其他放題店多好多好多～～仲要係可樂！！唔係百事！！讚讚讚呀！