大瀛喜日本料理 (已結業)

我都唔知點講呢間嘢。首先，星期二已經訂位，同佢講咗有人生日，問有咩生日優惠，電話入面服務生已經問咗要咩優惠，我話要一板海膽。星期五去到用餐時候同我講無紀錄，我話電話已經訂咗，最終搞一輪先俾返我地。跟住，上菜速度慢，好多點咗嘅嘢食無嚟到，漏單情況嚴重。第二，唔知做乜呢間餐廳好似催命符咁，19:30入座，20:55已經有拎張單嚟，大大聲喺人頭殻頂叫：last order喇，快啲叫嘢喇。OK，咁我地最後咪寫少少嘢食同甜品，結果等咗20分鐘，無一樣嘢嚟！其間服務生仲不停過嚟問我地張單埋咗未！火都嚟！跟住我話：落咗單啲嘢未嚟過囉。佢反問返我仲爭乜嘢，結果兩分鐘後佢就拎咗一堆唔係我地落單所叫嘅甜品俾我地，似係求其執啲甜品俾我地塞住把口快啲埋單！同埋last order落單叫咗嘅嘢食始終無嚟過，似係因為我地就夠鐘交檯，所以hold起晒啲單！21:28又喺人頭殻頂大叫：好喇，大家夠鐘交檯，執好自己嘢喇。到離開餐廳落樓，經過lift口，跟本無人等位。