大瀛喜日本料理 (已結業)

每次點餐大赤蝦只限4隻，叫咗5次都係嚟兩隻，但last order 服務員特別幫我點咗6隻，都係嚟兩隻，心諗算啦，但服務員突然上7隻大赤蝦比我，嘩！喺生日當日有咁意外嘅驚喜，當然非常滿意啦

疫情年頭到依家，好耐無見過朋友，一大班朋友食飯，又廢事左諗右諗，就最岩食放題，好耐冇食過放題，就揀左最方便既旺角，餐廳地理位置方便，就在朗豪坊對面，適合相約一班朋友聚會。大瀛喜食過幾次，上菜速度快，有多款任食日式料理、刺身、甜品、燒物、炸物及壽司等，可以自選2小時任食，價錢合理。刺身新鮮，選擇多，三文魚、油甘魚、北海道帶子、吞拿魚，全部都有得揀。我最中意食係是一口牛，食入口啖啖肉，牛柳入口香嫩多汁，加埋香蒜帆立貝，口感更有層次；龍蝦仔炒得入味，微鹹的調味，加埋少少辣味的確惹味。煮物、燒物、炸物、串燒、天婦羅及甜品全部都有得一次過試哂，必試創意壽司，最鍾意就去玉子鰻魚燒，煮物中的清酒煮蜆以及比目魚都好好食，味噌湯都好滋味，鮑魚更加係必點之選，一定不可錯過！

疫情第五波放寬，為咗食得盡興，報復式消費，就決定咗再次來到呢間中學時期都10分喜愛的放題。-自助吧同飲品區前菜款式選擇比以前多咗，仲有埋生果，而且職員都已經Refill 得好快。飲品區都大咗，茶款應有盡有。-落order 用QR code 快捷又方便又環保，重點係少咗單嘅情況，而且上菜速度好快！刺身類，刺身蝦嘅種類比較多。仲有我最鍾意食嘅海膽手卷，海膽糧都算多，一啖食完個手卷，個朋友已經叫定下一round 海膽手卷。-燒物嘅速度都算快，擺落口食仲係熱熱哋。鍋物就叫咗個壽喜燒鍋作為結尾，湯底好濃郁，牛肉都大塊，鍋底仲有啲金菇同菜，食完都好滿足。但係美中不足就係2個人去要坐類似吧枱座位，張枱又細，坐落有少少迫。睇嚟下次要約多啲朋友仔嚟坐大枱先得。

dinner time日式放題，當然要包括任食的刺身壽司😍😍基本的三文魚🐟、甜蝦、帶子、🍤赤貝當然要order！最驚喜的，一定是汁燒蒜蓉牛肉，肉味香濃，❤蘸上特調醬汁，🐮更提升了鮮味，值得一試！另外也有不少熱食，🔥更有天婦羅、創意料理、卷物及🍡燒物等，特別一提創意美食嘅鰻魚玉子燒🍘，豐富配料瀛之戀，芒果沙律蝦墨西哥卷🇲🇽食物質素高質有驚喜，而且waitress服務態度好，好滿意。

日式放題一直深受香港人嘅熱愛，因為佢一個價錢，😙就可以歎盡貴價嘅刺身、🍣壽司、煮物、燒物、炸物等，🍢對於為食嘅我哋，不費吹灰之力就輕鬆回本😉堂食重新開放，一於同friends約日式放題餐廳！🍙佢哋menu選擇幾多，任食刺身同壽司，必定唔可以錯過，🥠更加有多款燒物炸物，惹味串燒及甜品等，我同朋友食得好盡興。🐟特別推薦刺身拼盤，CP值高，食材配搭得宜，夠鮮味，多款魚類厚切，十分有層次。👍

又去食放題😝今次同朋友去咗旺角呢間《大瀛喜》，等埋朋友收工，我哋8點半後先入座，每人$248+1一入門口就見到自助區、有沙律🥗、冷盤🦐、熟食、小食、飲品同甜品🍮刺身款式多，有三文魚、油甘魚、北海道帶子、北寄貝、赤貝、酒煮榮螺片、虎蝦、花海蜇、大赤蝦等等，質素都唔錯壽司、卷物都好吸引，鹽燒左口魚裙邊、醬燒蟹棒、鵝肝、海鮮沙律多士、龍蝦沙律多士、海膽手卷同鮑魚仔手卷等等仲有我至愛嘅蒜蓉醬烤扇貝、牛油燒翠玉瓜、燒菠蘿🍍最後食返枝韓國出嘅哈密瓜🍈雪條😋勁滿足！又捧住個肚走🤰🏻

琴晚同屋企人去左食放題，之前都有食過e定間嘅其他分店，覺得質素唔錯所以帶屋企去試試☺️我地食8:30果段時間，價錢相宜🙌🏻食品吸引☺️入到去餐廳都算闊落，唔太逼👍🏻出面有好大嘅自助區，入面有凍海鮮，熟食同沙律🥗我地先攞左凍海鮮同熟食，凍蝦都幾新鮮，燒八爪魚丸，食落外脆內軟。餐廳用自助點餐，餐牌入面食品嘅種類包羅萬有😍我地即刻點左刺身先，刺身全部都係厚切，當中大赤蝦最吸引😋我地主打要食創意嘅壽司，鵝肝壽司食落油香味濃😌芒果龍蝦沙律塔味道都幾清新。我地叫左芝麻雞翼同榴槤波波，芝麻雞翼好香好脆🥰保留到肉汁，榴槤波波外面鬆脆，內餡係流心嘅榴槤蓉😌天婦羅🍤唔會炸得太干👍🏻燒菠蘿多汁又甜🍍牛舌薄薄地有炭燒味最後我地都有揀返個甜品食下☺️

book左19：00，入座率唔算好高，環境不差整潔，座位雖然不是很闊落，但也不是擠迫而且有自助區自己攞某d食物，唔驚入座等食物以餓親入座冇耐嗌左第一輪食物食物黎得算快，大約十分鐘度就到，刺身尚算可以，熟食味道唔錯炸物夠脆，燒物好入味，燒比目魚好好味同埋個酸菜魚味道唔差，壽司size唔會話好大舊飯，不錯海鮮類都好味道，唔會唔新鮮，飲品種類好多，仲有熱既紙包飲品同埋自制無糖冷泡茶，雪糕同甜品種類都多呢個價錢黎講算抵食~！！

晚市終於開返，緊係相約朋友去食放題喇🥳我地揀左近近地嘅旺角e間放題店。好彩提早訂左位，所以好快就入座喇😏睇下有咩食先🤤餐牌有唔少刺身，煮物，壽司等等😆出面仲有熟食，沙律吧同甜品吧☺️我地點左以下🙆🏻‍♀️🌸刺身刺身大大盤仲勁新鮮，三文魚超肥美☺️赤蝦好大隻😍色澤仲好靚👍🏻🌸壽司&手卷壽司類都有幾多選擇，我點左幾款火炙嘅壽司，味道都唔錯😋海膽手卷好鮮甜🥰🌸黃金炒大蝦大蝦帶有啖啖嘅咸蛋味，鮮蝦彈牙☺️🌸黃金醬燒開邊蝦大蝦好厚肉，燒到香噴噴😍🌸殿堂宴客醉鮑魚醉鮑魚味道好香酒味，同埋係冰鎮😍🌸蒲燒鰻魚鰻魚好香燒汁味，有炭燒味🤤🌸鹽燒海蝦串海蝦串🦐燒得岩岩好，唔會太干🙌🏻🌸吉列炸蠔🦪口感鬆脆，帶有鮮味☺️最後仲去左甜品吧，攞下甜品😝都幾多選擇😊

收工同同事食放題😝第一時間掃QR落刺身先，再出去拎冷盤，蝦🦐勁新鮮，好鮮甜自助區都有啲熱食、熱湯、水果🍉沙律🥗甜品⋯另外飲品區選擇都好多，汽水、冷泡茶、啤酒、梅酒，連熱飲都有⋯可以滿足晒唔同喜好嘅顧客👍🏻上菜速度都幾快，一埋位刺身就到，刺身款式都好多，我哋叫咗三文魚、北寄貝、吞拿魚、帶子、虎蝦、大赤蝦、花海蜇，質素都唔錯！手卷有海膽同鮑魚仔，紫菜唔會腍仲脆卜卜👍🏻必點天婦羅同蒜蓉醬烤扇貝，好正！我哋都Encore咗幾次😋最後當然唔少得甜品啦！

適逢朋友生日或者一班人聚會，大多數都會選擇食日式放題，食物種類多之如又不怕挑食的朋友仔🤣刺身種類多多，有三文魚、帶子、甜蝦、赤蝦、北寄貝、希靈魚等等。日式放題竟然有得食鮑魚推介：鰻魚芝士炸物必點：炸鮮奶、炸香芋丸、流連波波和炸蠔。必點燒菠蘿🍍，多汁之如又甜。必點比目魚，在外面塗上甜甜的豉油，燒得很香，外皮香脆，肉質滑嫩，而且很鮮甜。必點多蒜扇貝花膠黑椒牛柳粒，一份約有8粒，牛柳粒抄得很香夠入味，肉質很嫩。每次食放題都很忙，要用qr code落單，又要去外面自助區拿食物😂😂自助區有凍飲品櫃、熱飲品櫃、甜品區、雪糕區、沙律吧、小食等。沙律吧有沙律菜、番茄仔、橙、西瓜、中華沙律、泡菜蘿蔔和螺肉。

第五波，有大有細嘅朋友都盡量躲於家中！終於等到疫情舒緩，出嚟食個飯～揀左食放題，去以前成日幫襯嘅大瀛喜～今晚都食左幾多嘢！講下刺身先啦～刺身係比較令人失望！食落係唔太新鮮，冇乜味🤭燒物好食！特別係燒牛舌！叫完再叫😂天婦羅都係麻麻地，南瓜就比較好食！飲品有好多好多選擇👍🏼👍🏼整體推介：燒牛舌、鰻魚、南瓜天婦羅雪糕同雪條都值得試一試！！飲品款式多👍🏼P.S. 我本身係唔好食放題嘅人😅

好耐好耐都冇食過日本任食，疫情時候都有相當長時間冇堂食，難得解禁就約了三，五知己出來食飯，今日約了朋友在旺角食飯，這間日本任食料理我在元朗分店食過，都有相當不錯水平，這間旺角分店地方寛倘，空間感十足，落單是用二維碼，首先刺身不可缺少，赤蝦，甜蝦，元貝，八爪魚，北寄貝，三文魚，劍魚腩，琳琅滿目，赤蝦新鮮肉甜，蝦頭蝦膏甘香，好正我食咗好多隻，甜蝦3打濕濕碎，元貝肉甜，大大粒，又厚肉，加Wasabi食真係不得了，北寄貝食口感，越食越甜，三文魚肥美，食落口帶🐟油香，仲有仲有海膽手卷，一口一啖，甜香，食到冇停，醉鮑魚帶酒香味，口感不錯，還有各式各樣的壽司，非常滿足，有意外驚喜，蟹粥值得加分，蟹十分肥美，有蟹膏，蟹肉鮮甜，食出蟹是新鮮，粥底甜糯，食咗一窩，不得不提兩小時任食，我冇停過，相信已經超本

抗疫真係搞到冇啖好食 日日喺屋企煮飯 煮到怕怕 晚市堂食終於開返 梗係食我最鍾意嘅放題啦 我要無拘無束瘋狂大吃大瀛喜日本料理就喺旺角地鐵站一出就到 超級方便 咁啱撞正呢日落雨 唔使淋到濕曬 so lucky今日食八點半過一輪 估唔到咁旺場 終於有番以前晚市熱鬧嘅感覺唔理三七廿一落咗單先 食物送餐非常快 呢頭點餐轉頭就到 好快一枱就放滿嘢食刺身必吃 全部都夠新鮮又冇雪味 魚生塊塊厚切 三文魚有 肥油甘魚夠香 甜蝦爽口又彈牙壽司有驚喜 飯唔會好大嚿 又唔容易散開 選擇又夠多 我最鍾意食蟹棒壽司 輕輕用火炙燒過 有一種獨特的香味 蟹棒又肥又飽滿 口感非常不錯天婦羅叫咗炸番薯仔 炸鮮奶 炸麻薯波波，炸鮮奶好食 外脆內軟。榴槤味嘅麻薯波波都勁正 個餡係流心嘅榴槤蓉 好香唷醉鮑魚都係任點任食 好香酒味 肉質夠厚又入味串燒燒得唔錯 特別係牛舌 拿捏嘅時間剛剛好 入口非常juicy壽喜鍋 上枱嗰時熱辣辣 個湯係日式醬油味道甜甜地 有野菜 有肥牛 有菌類 好豐富另外仲有酸菜魚 酸菜魚好出色 又麻又酸帶點微辣 勁開胃 魚肉細嫩冇骨 推介

本人兩人同行，提交第一轉單叫了兩個酸菜魚鍋一個雞粥，一個牛肉鍋，上菜時穿着恤衫的員工嘲諷我們吃不完，（喂74號枱四個鍋，食唔晒可以叫我哋同事收㗎喎），結果5分鐘內我們兩人連湯都唔剩食完，第二轉叫了10件火炙牛肉壽司，上菜時又是那一位員工，在大喊74號枱10件壽司呀！！！，令人感到相當不適，再約3分鐘我兩已經食完，希望貴餐廳好好教育同事，不是所有食客都會浪費食物，不必在旁冷嘲熱諷，令客人用餐體驗相當不快，亦沒有再光臨的念頭