大瀛喜日本料理 (已結業)

同丫妹做完GYM, 消耗咗大量energy, 肚餓感爆登, 即刻諗到要食放題!鄰近旺角港鐵站出口, 就有唔少人派宣傳單張, 其中一間係大瀛喜, 由地鐵站出口步行十步內就到餐廳果座, 地點超方便。先經過自助區再進入座位區域, 超密集座位全部爆滿, 估唔到咁有人氣! 氣氛什好!自助區分別有冷盤海鮮、沙律、少許炸物熟食、甜品, 飲品款式多, 有自家冷泡茶、 罐裝飲品、啤酒、清酒, 至於熱飲就有幾款紙包飲品。其他食物均以scan QR code落單, 款式多, 刺身、壽司、炸物、串燒、熟食等等…應有盡有! 而且食物上檯速度快, 所點嘅食物都到齊。先講刺身, 根據返所order嘅數量比足! 絕不姑寒! 每款刺身都幾新鮮, 三文魚有魚油香, 魚類刺身都切得有返d厚度; 單單只係蝦嘅刺身都有三款: 肥美鮮甜嘅赤蝦, 鮮味甜蝦同埋泰式生蝦; 另外仲有赤貝、螺肉、北極貝。食多幾盤刺身, 回本率已經好高!壽司方面同樣款式多, 配上細細舊飯, 食多幾款都唔會咁易飽。任食當中竟然有醉鮑魚!! 質素都唔錯, 鮮味彈牙, 滲出淡淡酒香!螺肉大大粒, 冇沙, 爽而不硬。炸物嘅就點咗天婦羅蝦, 即炸熱辣辣, 不過炸皮

因為疫情嘅關係，好耐冇同朋友聚會，所以防疫規例放寬咗之後即刻約朋友食飯，同行嘅朋友比較大食，所以食一啲任食嘅嘢就最適合不過。大灜喜好耐之前都已經食過，印象中食物同埋服務態度都唔錯，所以我哋決定encore，食返呢一間睇吓個質素仲喺唔喺度。新店已經改咗地址，喺朗豪坊附近，交通都尚算方便。我哋係食最後一round，8:30至10:00。我哋坐低之後即刻出去出邊拎嘢食，因為大家都好肚餓，好彩出邊有好多唔同款式嘅小食可以即刻填飽我哋嘅肚🤩食飽少少之後我哋就開始掃QR code叫嗰啲魚生，壽司，炸物同埋鍋物嚟食，職員上菜同埋收嘢嘅動作都好快，而且漏單嘅情況都冇出現過，好值得欣賞👍🏻不過有少少美中不足嘅就係張枱偏細，食嘢嘅時候動作唔可以太大。

可能之前禁足左三個月🤣🤣呢排真係瘋狂食！食！食！難得開心約埋三個朋友一齊食放題，之前唔少放題都有海膽軍艦或手卷🥲但慢慢開始絕跡，但大瀛喜咁多年都keep住有驚喜依然有海膽手卷提供😍坐低行個圈睇吓自助bar有咩拎先，沙律bar有十種冷盤，選擇唔少👍熱盤方面：萄tart同章魚小丸子都好香，好吸引😁飲品方面值得一讚有幾款啤酒之外竟有apple cider😱😱真係好開心🤣除此之外，仲有冷泡茶比你揀，我仲飲左兩枝食物方面：刺身款式多，蝦都有三種，新鮮好味

已經好耐無食過放題了，再加上疫情關係更加少有堂食。近日，見防疫措施開始放寬，就黎個午市放題諗住應該人唔太多。點知去到人山人海，幸好有訂位，接近全場爆滿，認真誇張。一坐低就係可以用QR code落單，嘢飲甜品小食自動，款式都唔少，睇到你眼花撩亂。食日本放題叫刺身都係常識，當然佢既刺身都係屬於新鮮嘅，唔會有雪味同埋霉味；另外壽司方面，芒果龍蝦沙律塔（呢個好特別，芒果個味道好出）；鰻魚玉子燒（呢一個都不停重複叫，玉子同埋蘭嶼嘅配搭確係一流）；醬燒蟹棒壽司（蟹棒真係超級大條）熟食方面- 最值得推介同埋不停重複點嘅就係黃金蝦同埋蒜蓉扇貝，如果兩人嘅話每次最多都係叫四件。但係佢係絕對新鮮，上碟仲係好熱。炸物方面- 芝麻雞翼同埋榴槤炸彈一定係必點之物，相信食開放題嘅你都會知。最後當然唔少得甜品啦，出邊就會有自助嘅泡芙同埋雪糕，當日就有海鹽雪糕，海鹽嘅味唔係好出，但係識落有少少薄荷嘅味道，對於鍾意食薄荷嘅人來講係唔錯嘅。另外，仲會有甜筒。平均$240蚊一個人，環境、衛生同服務都唔錯，難怪咁多人。

上星期日去左食大瀛喜，係旺角胡社生行5樓。前身吉壽我已經成日去，無論係定食或者放題都係平靚正，當然一分錢一分貨，我呢啲平民仔食二百幾蚊已經好滿足🥰一向超鍾意食放題，試過一個星期食左四次，有時心情唔好都會一個人去食🤣今次去大瀛喜係因為佢有得網上book位，之前試過有啲放題係長期無人聽電話架😂個日早左10分鐘上去，已經有人係門口排梗隊，佢都好好，會早啲放人入去。唯一缺點就係啲位太迫，不過宜家見到食肆多人都開心，起碼唔會無生意到執笠呀嘛😑如果去食要有心理準備，隔離枱係完全可以聽到你講啲咩野。雖然張枱好細，但係上菜同收碟速度都好快，當然我食既速度都好快啦，所以真心欣賞大瀛喜啲員工🥰其實12點開始，到左12點半出面啲熟食都比人清哂，見啲員工個個都忙到癲，refill唔切係可以體諒既😊最後埋單加埋一，每位228，勁飽勁滿足☺個到係收消費券架☺唔推介食咩啦🤭不過酸菜魚我叫左3次囉🤭因為太迫😑啲相影得唔靚又唔太清😝

自從第五波疫情爆發之後，田記好耐都冇同大家匯報，今日終於等到食肆開返夜晚嗰餐，即刻同老婆沖出去旺角食飯，去到旺角梗係要試吓啲放題啦，上到去情況果然嚇一跳，竟然全場爆滿，仲要等位，由於我哋已經訂咗枱，唯有焗住等，呢間嘢原來後尾上網查返先知道有四間分店，食日本料理，我哋抱住唔好執輸嘅心態，所以大部份都嗌，基本上件件都好細，但係就好多選擇，仲有啤酒可以俾你揀，唔同種類嘅壽司，喺呢度就唔多講，基本上都幾好食幾新鮮，值得一提嘅係佢嗰啲湯真係好好飲包你話正，刺身真係好新鮮，由於種類繁多喺呢度就唔逐一介紹，嘢飲方面有啤酒有汽水有茶有大枝嘅，最特別係有瑰荔堂煌，呢啲地方一定要約埋成班朋友一齊真係好開心，甜品方面有芒果布甸,又有雪糕，好多種類，基本上二百幾蚊一個人真係冇得輸，今次呢間餐廳嘅CP值係90分，最少要來兩次先至食得晒試得晒佢哋啲嘢，好啦今次又報告得差唔多啦，希望呢個疫情真係要快啲完啦，再見。

大瀛喜日本料理 (旺角)旺角九龍旺角彌敦道655號5樓🔸好耐未食過日式放題，今日貪近去咗旺角食大瀛喜，整體質素都非常唔錯！🔹一去到，店員就好快手帶我哋埋位，依家改咗用QR code落單，可以保證啲嘢食唔會漏單，我哋嗱嗱臨出去拎咗小食同飲品先，估唔到而家大瀛喜都有自家冷泡茶，唔錯！🔸刺身方面，我哋叫咗三文魚、油甘魚、帶子、希靈魚、大赤蝦等等，三文魚夠哂肥美又厚切，非常有口感！🔹壽司之中，我最推薦深海池魚王、柚子油甘魚腩同山葵漬劍魚腩壽司，呢幾款壽司魚味都好香濃，細細舊唔怕會飽。另外一題，呢度竟然有海膽手卷任叫，海膽都非常鮮味～🔸小食既醉鮑魚超重花雕酒味，而且鮑魚好彈牙，鍾意食酒味嘅朋友一定要試吓。鹽燒牛舌好爽口，串燒必點😋西京燒比目魚煎到外皮香脆，再加埋蛋黃醬食好滋味！🔹食到最後當然要去出邊拎甜品啦，甜品嘅選擇都好多，有唔少韓國雪糕同埋雪條，推介大家試吓一隻紅色嘅迷你朱古力脆皮雪糕批，好食之餘，細細舊方便大家可以食到其他甜品🍦

這幾天需然天氣經常下大雨，但也不會影響同好友聚會，好友提議到旺角地鐵E1出口右邊行幾歩的大廈5/F大瀛喜吃日本料理放題。餐廳地方空間十分寬闊，很多舒適的座位，用手機下單方便快捷📱，有自助形式的頭盤區沙律🥗、海鮮類有爽甜蝦、鮮甜青口和蜆、甜品區有自助雪糕、雪條、、布甸和泡芙等🍦，熟食區有蟲草花雞湯、 麻辣雞、豬手、娃娃菜和豉汁蒸魚等等….冷熱飲品、有清酒和梅酒，也有自助飲品區，種類繁多～手機下單後食物很快到達，特別推介燒菠蘿🍍香口多汁、巨形大蝦刺身抵食、燒汁牛肉壽司很野味，以及西京燒很嫩滑入味，欣賞即叫即炸的天婦羅🍤是，新鮮熱辣；吃埋甜品、雪糕和雪條已感到非常滿足！

祈代很久的晚市堂食終於放寬，食家好姊妹知我喜歡吃日本料理，約我去旺角地鐵站鄰近的一座655大廈大瀛喜日本料理吃性價比高的日本料理放題。一出lift已見餐廳座無虛席，好彩我們預先有訂位。地方寛敞；環境整潔，餐廳落單轉了QR code方便快捷又環保。 點了我們的至愛冷盤刺生入口鮮甜的挪威三文魚、吞拿魚、希靈魚、北寄貝、虎蝦、俄羅斯甜蝦、北海道帶子等等😋….紐西蘭香草羊鞍、燒海鹽蝦、有火炙壽司、花之戀、燒有機新鮮菠蘿、炸物天婦羅，鮮甜原隻蟹粥和蒲燒鰻魚。自助飲品區有各種不同的飲品，都是任飲的，最後多款甜品便是我們這2小時放題的完滿句號！

🤍大瀛喜日本料理 (旺角)🖤旺角九龍旺角彌敦道655號5樓✨大胃王出動！好想食刺身，一於食老字號嘅日式放題大瀛喜先，可以食足三個鐘真係正，一入去就即刻用QR code落單先！🥢刺身選擇好多，除咗普通嘅魚生之外，最鍾意就係大赤蝦，超級大隻啖啖肉，另外榮螺片都非常爽口鮮甜🤤🍣除咗刺身，我哋都嗌左幾款壽司，京蔥拖羅蓉塔同鵝肝壽司真係又靚又好食，鵝肝壽司絕對唔孤寒，大大塊鵝肝食落口入口即溶🍲熟食有鮑汁扣花膠，花膠扒夠大塊且好入味，女士要養顏必點！黃金醬燒開邊蝦焗到芝士味出晒嚟，好邪惡。另外當然要必點蒲燒鰻魚，我哋叫咗幾次都係熱辣辣，同埋非常肥美入味～鍾意食蒜蓉嘅就一定要點蒜蓉醬烤扇貝，蒜蓉碎鋪滿晒扇貝面頭，超重口味🍮甜品除咗平時嘅雪糕同雪條，仲有餐廳自家製嘅軟雪糕、木糠布丁、糯米糍同牛乳奶凍，我就試咗佢哋嘅木糠布丁，超香濃牛奶味，非常出色！

終於可以出街食飯啦，我哋決定食餐好！放題就啱晒我哋心水😎咩都有得食，重點係呢間放題食物質素高，好似咩都好好味😉我坐低就首先拎咗碗熱湯，係蟲草花烏雞湯，好鬼死足料仲好夠火候☺️刺身係放題必食，呢度啲款式都唔錯，帶子同劍魚腩刺身好得😚跟住啲壽司都好正，佢都算多款揀仲有手卷，海胆手卷小少一個，食多幾個都唔怕😊之後個天婦羅同串燒都要推薦比大家！牛舌同出面啲出名串燒店有得揮👍🏻我哋仲試左個蒜蓉扇貝同醉鮑魚，呢兩個仲encore左幾次！好好食！出面仲有自助區拎甜品，小食，小丸子🍡同雪糕飲品！今餐真係好豐富呀😝😝

基本上每次有人生日我地都係食放題，今次都唔例外🤣🤣之前都食過好幾間放題都冇呢間咁高質，所以呢間已經成為咗我嘅首選🥰一入門口佢就有沙律吧、熟蝦、青口、蜆、湯、雪糕、甜品櫃、章魚丸同葡撻仲有幾款小菜。飲品方面佢有超級大嘅雪櫃入邊都有好多款飲品種類～值得一提既係佢啤酒係任飲架！仲有啲清酒呀維他奶咁～要飲乜有乜🤪見到佢有冷泡茶好受歡迎，差唔多枱枱都有，但我太夜去已經冇哂🥲咁我就飲道地烏龍茶喇～下次要試下佢樽冷泡茶😤其實呢間食物質素都唔錯～令我特別深刻既係赤海蝦超鮮～左口魚裙邊烤得剛剛好！黃金蝦勁香鹹蛋黃味～芝麻雞翼好脆入面鎖住哂啲肉汁～牛舌好脆口！蒜香帶子好香濃惹味～炸物啲炸物唔會厚仲脆卜卜～菠蘿唔介口勁多汁🥰呢個價錢性價比超高呀🤩提一提大家如果想食軟雪糕🍦要早少少去整喇～因為9:30佢就冇架啦😉上菜方面佢真係好快！落左單三分鐘左右已經開始到～快靚正🥰

其實我自己都食唔少放題，但係所有嘢都咁高質嘅放題真係唔係間間都係🥹首先喺出邊又多飲品揀啦、又有甜品、雪糕仲有軟雪糕同雪條、仲有啲熱湯、沙律吧等等..通常呢啲會係得返半個鐘果時出去食😛其他時間梗係食刺身壽司熟食炸物果啲喇🥰重點係佢上菜又快收碟都快～隔一陣就有收收得都好密👍🏻👍🏻以前畫紙就忙啲又慢啲！但而家用網上落單基本上幾分鐘已經陸陸續續會到架喇！完全唔浪費你時間😂係睇你個胃有冇位😆加上食咁耐完全冇漏過單！😉餐廳環境都幾大，坐得都舒服，我8:30入座$258（再另加一）好抵🤣🤣食左超多野！啲野食全部都好高質！又夠新鮮！基本上件件都好吸引，上枱仲熱辣辣咁👍🏻主要係多款揀，性價比極高🤩一定係我排第一位既放題店🥰

我同老公都係大食之人 所以我哋兩個都好鍾意食放題 一個價錢吃到飽 住附近嘅朋友食過都話好 一坐低即刻用Qr code落單 食物選擇非常多樣化 刺身壽司 鍋物 天婦羅 串燒…多到不能盡錄嘢飲 餐前小食 水果 甜品 要到自助區拿取 賣相都唔錯㗎 西瓜切成一片片排列整齊 日式螺肉有青瓜粒做裝飾除咗有凍嘢飲之外 亦有暖嘢飲提供 非常窩心刺身方面個人覺得好新鮮喎 光是刺身大約已經有十多款選擇 個人最愛有頭甜蝦 確實肉質鮮甜壽司這款式和賣相一點也不馬虎 同喺壽司舖食嘅有得揮 片片刺身都大過舊飯 個人表示好滿意除咗壽司之外亦有手捲提供 係我最愛嘅海膽呀另外值得一提既係羊架 食嘅時候仲係熱辣辣 一啲都唔騷 充滿肉汁㖭鍋物竟然有而家潮流最興嘅酸菜魚 仲要味道唔錯 魚片又厚又滑又冇骨 encore咗好多次食得太飽喇 個肚已經容納唔到雪糕雪條 唯有下次繼續 這間放題列入有下次之選

呢間大瀛喜放題可以話我近期食過最高質嘅放題😳首先食物款式多，員工服務態度良好，卡位坐得勁舒服，地點又夠哂方便，真係無野可以彈呀😍一入嚟餐廳有自助區，熱湯，餐前小食，甜品，雪糕同飲品任拎😎餐廳用QR code下單，易用又方便👍🏻入正題😈刺身有好多款，三文魚，帶子，虎蝦，甜蝦，北寄貝，希靈魚，吞拿魚等，咩都有，而且大小適中，解凍亦做得好好👍🏻串燒一定要食牛舌，呢個我前後order左5串🫣好食到飛起🥰壽司每款都唔錯，細細件飯量剛剛好，唔會好似出面餐廳咁夾硬整飽你🤓一定要食火炙三文魚腩壽司同鵝肝壽司😝😝另外有款龍蝦味多士，正呀！熱食牛肉鍋又係好好味，肥牛都有4塊🤩而天婦羅🍤一定要食蝦同蟹棒，熱🔥辣辣好好味！其實仲有好多野食值得推介，建議大家黎食一次就知我講咩了😋😋😋