大瀛喜日本料理 (已結業)

食過咁多間放題，依間真係入左我心目中頭3位😳性價比高，一定唔會失望‼️餐廳位於旺角朗豪坊對面，佢係用QR code 落單，上菜速度極快💨，落單3分鐘就黎齊哂😂亦冇漏單❗️款式勁多又好食😋，環境又夠大多卡位，坐得舒服，就算行岀去自助區，多人都唔會逼。店員服務態度都nice，而且得一隻空碟見到都會即刻收碟🍽，夠主動唔會成張枱都係野👍🏻。-星期一至四：💵5:30-7:30 $238/位最貴既(假期+自選時段)都係$288✨另收加一-💕 自助區前菜、炸物、熟食、海鮮、凍熱飲品、甜品、自制雪糕🍦.前菜都已經有成十款，個樣仲幾靚，(試過好多間放到個樣霉霉地🙁)中華沙律質素仲好過單買個啲🫢.炸物：薯角、小丸子、葡撻，估唔到自助區既炸物都可以咁好食😂雖然唔會話熱辣辣，但薯角都炸到外脆內軟，葡撻皮酥脆有蛋香🥰.自制雪糕🍦：冇見過放題有依種自己枝既雪糕機😂，只有雲呢拿味，但配料都有4款，仲有焦糖爆谷😍正。-💕 刺身新鮮冇雪味，特別係吞拿魚，微微彈牙有魚味😍-💕 炸物吉列炸蠔:即叫即炸，外皮勁酥脆，內面熱到辣咀岀哂煙😍蠔又大粒。-💕 熟食吉品鮑汁扣花膠：已經唔係間間都見到依個了🥺花膠大塊又入味，有黏住口既感覺☺️

大瀛喜日本料理旺角九龍旺角彌敦道655號5樓<大瀛喜>一向係我地食日式放題既首選，係行內出晒名好評如潮，今日約左朋友聚會第一時間就唸起呢到，今次揀左旺角分店，朋友book左8點半唸住會無咁多人啦，點知都係滿座，所以大家黎幫襯記得要預早訂位呀近幾年放題餐廳已經逐步轉晒用QR Code落單，真係非常方便而且又環保，慳返唔少紙張之餘仲大大減少左漏單既情況。。而係自取區方面都有好多選擇，沙律吧有入有我最鐘意既螺肉同埋中華沙律，凍海鮮就有海蝦，蜆肉同埋青口，好豐富呀第一轉緊係叫返一大盤刺身先啦，我地揀左三文魚，吞拿魚，帶子，北寄貝，赤貝，螺片，虎蝦，甜蝦，大赤蝦，望到已經覺得好新鮮，而且餐廳擺得勁靚，用黎打咭就一流啦。。除左刺身之外，呢到既創意料理都唔錯，試左龍蝦沙律多士同埋鵝肝壽司都值得推薦，我地都encore左幾轉飲品方面都有好多選擇，朋友就最鐘意飲啤酒，呢到都係包埋可以無限暢飲，而我就最鐘意餐廳既冷泡茶，健康得黎又可以解下油膩，絕對係食放題既最佳之選

呢排疫情放寬真係咩都想食所以我就決定搵個朋友同我去食放題，呢個放題入面有過百種美食啱晒我🫢啤酒清酒梅酒仲可以任飲邊有得輸一去到首選就叫咗刺身先，三文魚，吞拿魚，北寄貝，油甘魚，生蝦全部都係我最鍾意食🥰唔好講少之後我一定叫手卷海膽壽司因為我見唔係到到放題有海膽食所以真係好興奮🫢還有鵝肝壽司，三文魚壽司，蟹棒壽司，和牛壽司好多選擇燒物有：芝麻雞翼，蒜蓉燒扇貝，蜜椒牛柳粒，龍蝦多士，黃金大蝦等等..天婦羅呢啲一定有啦👍呢度甜品都好多款，頂級雪糕，西瓜，糯米糍都有🫢飲品唔使講啦成個大櫃都係飲品花多眼亂😂

老公早幾日生日，夜晚其實已經諗好哂菜式等仔女返黎一齊慶祝，但中午都兩個人出去豪食返餐先。今次黎到旺角大瀛喜，雖然我地兩個唔太食生冷野，但聽講熱食、串燒、小食等等質素都唔錯架。見佢刺身款式都幾多：有三文魚、油甘魚、吞拿魚、帶子、北寄貝、大赤蝦，食左幾款都冇咩雪味，而且都幾鮮甜。熟食方面我推薦蒜蓉燒扇貝、大大粒扇貝肉唔會燒得過火，加上好香好滋味既蒜蓉醬，一人兩隻都唔夠喉。另外仲有醬燒開邊蝦、只係一款食材都有咁多款式，所以話呢放題都唔一定要狂食刺身架。老公讚不停口既醉鮑魚的確做得出色，清清地既酒香配上爽口鮮甜既鮑魚，SIZE仲要唔細隻，誠意十足。小食既炸榴槤波波炸得金黃香脆，食既時間小心啲因為都幾熱下。如果唔想等，都可以去自助區望吓，熟食、甜品、小菜、沙律，凍海鮮通通都有！海鮮雖然款式得二，但眼見大蝦，青口都有用冰鎮住，食落同樣新鮮。熟食望落去都幾有鑊氣，而甜品，飲品種類都幾多：雪條、雪米滋、乳酪、芒果布甸都包羅萬有，真係包你食到棒住個肚。而餐廳夜晚而家仲特別設有<生日優惠>，4位-6位以上送香檳乙枝 或自家製蛋糕乙個 。

食過咁多間放題，呢間可以話係數一數二。今日遠離晚市嘅高朋滿座，幫襯午市放題！先講必食既刺身、海鮮：雖然係放題，但每款落單既都毫不吝嗇地厚切，三文魚比到接近腩位位置，魚油好重，入口柔軟。大赤蝦都係好厚肉好甜，北寄貝爽爽嫩嫩、帶子清甜，赤貝毫無腥味，總知真係樣樣都夠新鮮。炸物、燒物、小食既種類好多，揀到我眼花撩亂，特別喜歡芝麻雞翼，炸得皮脆肉質香口！另外居然有醉鮑魚，食落好鮮好甜，酒香唔重但有小小餘韻。醬燒開邊蝦唔會太咸，蝦肉都好易離殼，值得一試。另外天婦羅居然都炸得不油膩但係又好香口，西京比目魚又係推薦之一，香香甜甜嘅醬汁，加上滑嫩嘅魚肉，食到停唔到口～～飲品，甜品都好似係咁多間分店最多，全部細細地一份，唔怕食太多又可以試到唔同款式，自助吧仲有清酒飲添，叫返幾串燒物同天婦羅，真係滿足埋一眾酒鬼，最值得一讚既係完住無漏單，仲要上得又快又齊，全程食唔停口。

假期前夕嘅晚市無論早段及尾段都好爆場，不過用QR code落完單，上菜時間都好快，唯一美中不足係部分嘅枱與枱之間距離好近，出出入入拎嘢食要小心翼翼，免得撞瀉隔離枱嘅食物花之戀三文魚新鮮，中間嘅微微沙律醬無搶左魚質嘅鮮味，特別一讚係，這家嘅壽司嘅飯用量唔會好多，材料及賣相都好高CP值海鮮沙律多士及龍蝦沙律多士呢兩款多士係必點食物！多士皮非常香脆，兩款嘅沙律醬甜度與酸度適中，與多士勁搭海膽手卷手卷細細份，一啖就可以食完，海膽無腥味，入口即溶鹽燒牛舌上枱時好香，仲有少少微溫，薄切容易咀嚼，肉質算腍蒲燒鰻魚雖然鰻魚汁不多，但已經醃得好入味，沒有任何魚骨，口感軟嫩.殿堂宴客醉鮑魚醬汁幾濃，鮑魚啖啖肉.燒香草羊鞍肉質多汁，咬口鮮嫩可口，烤得十分軟腍，出奇地好食金湯酸菜魚賣相吸引，但魚肉不夠入味，湯底只有麻味嘅感覺，酸與辣嘅味道欠奉提拉米蘇杯咖啡味幾濃，不會好甜，口感軟滑玫荔堂煌（自家製冷泡茶）由自家製茶包泡製，茶味濃，不帶苦澀味，飲落幾清新

這家主打日式放題，提供過百款食物及甜品，餐廳設有多個自助區，有沙律及水果區、海鮮冷盤區及熟食湯品區，食物質素一點也不馬虎，熟食款款都真材實料，湯渣都好足料👍海鮮冷盤鮮味十足，飲品亦有不少選擇，除左普通汽水、啤酒之餘，仲有自家製冷泡茶、維他命熱飲及清酒、梅酒，全部無限任飲，佢Refill飲品嘅速度都好快👍晚市自選時段放題｜$288刺身非常新鮮，特別係三文魚刺身，每次都俾魚腩位，肉質肥美；赤蝦鮮味濃，食落滑嫩；帶子鮮味甘甜，肉質幾有彈性鹽燒三文魚腩魚腩好入味，輕輕嘅鹽燒味食落口不腥也不油鹽燒海蝦蝦肉乾身，鹽燒味香濃，不算好咸黃金醬燒開邊蝦微微嘅沙律醬舖在開邊蝦上面，焗出黎非常入味，食完好開胃好滋味蒜蓉醬烤扇貝蒜蓉醬有點辣口，扇貝體積細份，質感普通西京味噌比目魚魚肉剪得好香軟，完極一餘沒有散開，入口軟身即溶碗仔翅係街邊小販嘅味道，材料好足，咸度適中香竽味雪糕杯口感軟滑，香竽味不夠濃烈

大瀛喜一直都係我食放題嘅首選，食物選擇多，而且上菜齊、收碟快，性價比非常高，所以平日夜晚都好旺場，想食就記得一定要book枱啦😆刺身好新鮮，我地試咗三文魚、吞拿魚同帶子，三文魚好肥美，而且油脂豐富❗️壽司、卷物有好多款選擇，創作料理有驚喜，鰻魚玉子燒、鵝肝壽司同龍蝦沙律多士都值得試下👍🏻熱食好多都幾好食，尢其係啲炸物⭐️，全部即叫即整熱辣辣，紫心香芋丸外脆內軟，香芋泥香甜濃郁，北海道牛乳鮮奶卷外皮鬆脆，鮮奶餡勁軟熟，天婦羅炸粉唔厚，食落乾身唔油膩，另外仲有串燒、燒物同煮物，日式放題有酸菜魚都係第一次見😮甜品方面，自助區除咗有雪糕雪條之外，仲有啲自家製甜品，例如tiramisu、布甸、奶凍、燉蛋等等，另外仲有軟雪糕機，自己可以再額外加啲糖、朱古力做toppings😍飲品方面，清酒同梅酒都係任飲，仲有自家冷泡茶，最欣賞係呢到有埋熱飲櫃，照顧埋老人家同女仕嘅需要，好貼心❤️

呢日朋友話帶我去食放題去左旺角站E1一出就到既大瀛喜，位置非常方便上到去見餐廳都幾大幾多位，但都坐滿左大半 ，非常旺場坐低後用單上既QR code自助點餐有刺身、壽司、鍋物、燒物、炸物，選擇非常之多先點刺身三文魚同甜蝦都好好食，兩款都好鮮甜，好正！吞拿魚都好肥美鍋物要左壽喜燒肥牛上枱時仲係紅紅地，食既時候就剛好熟了，時間控制得非常好肥牛好嫩，加上各式蔬菜同豆腐，好食！炸鮮奶同紫芋波波都係我嘅最愛，熱辣辣，外面香脆裡面綿滑，最得我歡心燒菠蘿、烤羊架、燒翠肉瓜⋯全部都燒得好香呢到竟然仲有酸菜魚，真係估佢唔到外面都有好多湯、沙律、飲品當中蟲草花雞湯幾好飲，好滋補！最後試埋雪條同甜品甜品有朱古力moose、tiramisu、木槺布甸、泡芙、豆腐花勁滿足！加埋一都係每人200幾仲可以坐好耐，食下野吹下水都幾抵食，下次會再黎！

又捱左一個月，終於都出糧，緊係要對自己好啲啦今日黎到旺角大瀛喜食到夠就算係黃金時間人均連加一都唔洗300蚊，超級抵食唔好睇佢價錢咁抵，野食一啲都唔差，一入去已經見到自助區，好多野食，前菜沙律都勁多選擇另外估唔到既野呢到有海鮮食，青口、蜆、大蝦任食熟食區都好似比其他分店多款式，連小丸子同萄撻都有除左一般常見盒裝罐裝飲品外，清酒梅酒啤酒都有，今次真係要飲飽食醉啦其他食物要用手機QR code上網落單，好方便，亦一目了然。食放題刺身一定唔少得啦，都算好靚好新鮮值得一提係呢啲好特別既創作料理，有好多唔同既「塔」同埋多士，細細件但係又好好味有特別又好食，忍唔住叫多幾件食重蒜扇貝亦非常吸引，一上枱已聞到香味，食落口更濃郁其他食物太多不能盡錄，但都好高質食到尾當然唔少得甜品，咁多野食想唔頂住個肚走都難！

相信大家都對大瀛喜都一啲都唔陌生，佢喺叫埋旺角彌敦道開咗間新分店，由於朋友生日一於你食放題慶祝一下，Book咗枱平日夜晚8:30可以食到10:30兩小時嘅放題。首先講飲品佢係包括啤酒同手作茶飲都有要咗烏龍茶蜜桃茶等，門口仲有唔同嘅自助小食區，方便大家選擇。集團用QR code落單所以都冇乜漏單嘅情況。之後點少叫刺身，點左三文魚、帆立貝、赤蝦甜蝦象拔蚌等，刺身都比較新鮮。之後點做唔同嘅熟食。最正係芝麻雞翼、蒜蓉帆立貝，叫咗幾轉，佢嘅燒菠蘿都好好食。最正係有一口鮑魚，香蒜牛柳粒，款式眾多，啱晒一家大細。放題最令人期待嘅環節就係甜品區佢嘅甜品真係包羅萬有眼界大！開除咗有自助雪糕機有海鹽味之外。佢有唔同種類嘅雪糕雪條，包括新最新嘅櫻花味甜筒，令人一口氣想試晒咁多款，食埋甜品真係物超所值。

🤪放假梗係要獎勵吓自己，同朋友Happy Gathering 放肆一下！試左旺角嘅「大瀛喜」，令我對以往嘅放題印象大大改觀，原來放題都可以好高質架！👍🏻全場有過百款美物，選擇超多，有大量肥美刺身、壽司、小食、香酥炸物等，仲可以任飲啤酒、清酒、梅酒…絕對能捧腹而回。最平$238就可以享受到，CP值高！🐟首輪點左刺身：三文魚，吞拿魚，劍魚腩，北寄貝，油甘魚，生蝦，刺身厚切肥美，都好新鮮，無漏單！🍣同時有驚喜要點嘅壽司：鵝肝壽司、海膽手卷、鮑魚仔手卷，手握Size唔會太大舊，一口一啖，可以再追加！🦐熟食燒物都非常出色：蒜蓉燒扇貝、燒鰻魚、蜜椒牛柳粒、龍蝦多士、醬燒開邊蝦、黃金炒大蝦，食完真係笑哈哈！💖最印象深刻嘅係：醉鮑魚、泰式鳳爪、炸榴槤波波，真係食到舔舔脷，停唔到口呀！👏🏻甜品選擇都極豐富，食到最後已經超飽，只能裝得下雪條、西瓜解解膩。整體上菜快，員工態度都好好，希望質素Keep得更好，期待下次再黎開懷大食一番啦！

放題係香港已經好有歷史，所以近排去開食嘅放題餐廳都已經改頭換面，裝修得靚咗同埋都有分唔同package。今次呢間係旺角既大瀛喜日本料理，地點係超級超級方便，一出地鐵站就係啦，電梯禁5字就已經可以嚟到。今次食第一輪， 5:00開始入得。一入到去已經擺好咗好多好靚同埋好多種類嘅熟食，有蔬菜類，有沙律類，仲有啲滷水雞翼，豬手，炸物，蛋撻，凍海鮮方面，有青口同埋蜆。飲品有好多款，有清酒，梅酒，橙汁，凍飲櫃，熱飲櫃。自助甜品又有好多款，有布甸有啫喱有豆腐花，多到數唔晒。而且熱湯有蟲草花膠雞湯同埋碗仔翅。真係唔使睇個menu，淨係食個自助區都夠飽。再睇吓個Menu，勁多好嘢食，刺身不在話下， 而隻赤蝦真係好大隻同埋好新鮮，羊假又係燒得好香好好味，蒜蓉帶子勁大粒唔係細細粒嗰啲，開邊蝦好爽口，叫咗個田螺食，勁大粒同埋好入味。總括嚟講，呢間放題都值回票價，好多嘢食，好多嘢飲，而且上菜速度好快，員工都多，同埋收到速度都快，而且有問題都好容易搵到佢哋。

旺角呢間放題真係好方便，一出地鐵站就見到，落雨都唔怕， 疫情放寬之後可以8人一枱，今次就同大班朋友一齊食放題，幾開心 。梗係一嚟就嗌一大盤刺身先啦，樣樣都幾新鮮，而且刺身係厚切嘅，啖啖肉好味。 手捲就梗係食海膽手捲啦， 海膽好新鮮， 一梳一梳嘅， 味道好鮮甜。之後仲有， 帶子壽司花之戀 等等都好味。仲有牛舌 ，燒菠蘿 ，鍋物就介紹蟹粥都好好食， 啲蟹有蟹膏令到啲粥粥好好食，食完肚仔舒服。食完出去拎雪糕，嘢飲，都好多選擇整體滿意，推介。

疫情冇咁嚴重,即刻約朋友去街睇戲食飯,最鍾意就係去旺角睇戲，因為睇完戲附近有好多美食，因為朋友胃口都幾好，今次特登去食日式放題。任飲任食，味道又好，一定要選擇呢間。大瀛喜日本料理 地址喺朗豪坊附近，彌敦道655號5樓。呢間日式放題一定有保證，我上到去座位都算闊落，而且都好整潔，燈光又夠光猛， 坐得非常舒服😌坐低第一時間出去望吓有咩冷盤食，有蝦，青口，螺肉，中華沙律，呢啲都係我嘅最愛。拎完冷盤就去揀嘢飲，飲品都有好多選擇，大約20種有多，全部都係任飲。其他食物都可以用QR code落單，非常方便，最鍾意就係點佢嘅刺身，三文魚好新鮮，而且切得都幾厚，加上有少少脂肪，入口味道好鮮甜，口感又好。甜蝦就最好食，Size又大隻，連蝦頭都特別鮮甜。鱆紅魚，魚肉味道好香，加上好新鮮，入口好爽甜。仲有其他刺身都好好味。任食真係好抵。仲要質素咁高。絕對要encore幾次。另外其他壽司都做得好出色，例如鹽燒左口魚裙邊壽司，三文魚腩壽司，我都好欣賞。羊扒size仲非常大件，咬落啖啖肉，又唔腥，上面放有少少黑椒，更加香味濃郁燒菠蘿味道好香甜，菠蘿燒完甜味更加突出，而且本身味道好清爽。吉列蠔都係必點，蠔身肥美，爽