大滿喜日本料理 (已結業)

好耐冇食放題就同朋友黎創興搵食，首先驚喜係呢到已經唔係用紙落單，係scan qr code電子落單，方便好多一次過睇曬有咩食，仲可以隨時睇返自己叫左啲咩，唔驚重複叫啦，職員態度好好，特別有個短頭髮姨姨好有禮貌，呢到地方好大，位置都坐得舒服，廁所乾淨，除左落單出面仲有個自助bar, 截單唔驚冇野食，有鮮蝦,青口,甜品櫃，雪櫃，仲有中西湯飲，朋友唔中意食生冷野，唔洗驚！呢到好多熟食都好好味，大力推薦炒蜆好入味，隻隻啲肉都大粒，羊鞍都係，夠稔同入味，平時最怕羊肉又韌又蘇，呢個全部相反，刺身都幾新鮮，上菜好快仲有大大盤冰凍住佢，飲品選擇都好多，中意佢有熱茶熱水，啱我地呢啲中意熱飲既人又消濟，放題啱曬，仲有最中意迷你葡撻，甜甜地仲熱騰騰出爐，撻皮好脆，火炙壽司出色，唔會好大舊飯，特別火炙左口魚同三文魚，必點！好高質同有驚喜既放題之選！😋😋

揀平日食放題，一來平啲同少啲人，二來返工實在太大壓力太攰，放工食餐好嘅，盡情食係令自己開心嘅一個好方法！一出電梯就見到好型嘅打卡位好有氣勢呀！入座一坐低，我通常就會急不及待出去睇下有咩飲品有咩嘢食拎，拋低一句：我咩都食架！ 俾朋友話事順便影個飲品雪櫃比佢哋睇吓想飲咩幫佢哋攞～呢度只係其中一部分，仲有好多其他選擇！紙盒裝都有㗎。側邊放埋飲管方便取用果汁呀仲有菊花蜜！依啲係其他放題比較少見呢！魚生刺生一上呢盤就俾個閃閃燈吸引，好靚囉！啱晒相機食先！味道整體唔錯，好新鮮，亦都好乾淨。啲壽司細細件，唔會食到太飽燒菠蘿：非常推介！啲菠蘿冇咩渣，而且好甜番薯同燒翠玉瓜：前者好甜，後者好香辣三文魚手卷and海膽手卷：辣三文魚啲汁好惹味，同三文魚刺身都幾唔同！海膽好大件炒雜菜：炒得出奇地好食！冬菇花膠：啲花膠好多膠汁，冬菇又入曬味焗扇貝：唔好俾個樣呃左，唔係薯tart..! 而係好物（大大粒元貝）尋歸底！天婦羅：南瓜又係好甜，正方形個件炸鮮奶好好味，炸蝦都唔錯食下食下，不知不覺就食到好飽好夜，亦不知不覺忘記了工作上的辛苦！全靠今次放題一樣又一樣美味可口的食物！

今日同朋友放左工好餓，因為完左大project,所以想豪下同埋補充下體力。於是出左旺角放題。見尼間好多人幫襯，所以入左去食🤭。一入到去個裝修好靚，好日式。有種舒服既感覺。 佢仲有小小既自助吧黎放題梗係狂叫刺身！所以同朋友叫左勁多刺身，叫左3round,佢既刺身全部都好新鮮好肥美，特別係三文魚腩，佢既油脂分佈得好均勻，每一淡都食到魚既香味，仲要入口即溶架！佢仲帶子、象拔邦、油金魚等等全部都好新鮮。除左刺身之外，其實等係個壽司控😂，特別係火灸壽司。所以我試晒所有火灸壽司❤️❤️❤️🥰我覺左口魚邊食落彈牙，再加埋少少lon 邊，食落真係好夾！另外我都好推薦三文魚腩，因為燒既時候，將佢既油脂逼左出黎，比生食更加香，而且燒三文魚，令到佢外熟內生，填加左佢既口感！真係好正。重點係，佢甜品有好多選擇！！有8種cake,8種雪糕雪條🥰🥰真係任君選擇。

難得星期日同屋企人去旺角食放題，揀咗一間評語幾好嘅試吓，餐廳係用電話落單嘅，比起一般放題店更加環保同埋有效率我多數食放題都係食刺身先，刺身都幾新鮮，有三文魚、甜蝦、虎蝦、帶子、希靈魚等等，一次過滿足晒食刺身嘅願望燒物我就揀咗食海蝦同埋雞軟骨，雞軟骨食落爽脆，海蝦啖啖肉炸物選擇多，我最鍾意就係芝麻雞翼夠香脆惹味，另外叫咗地瓜芋頭球、炸榴槤球、芝士年糕，炸得時間剛剛好，每樣都好鬆脆炸榴槤球絕無欺場，食得出濃濃嘅榴槤味牛舌燒得肉質剛剛好，唔會過火燒羊鞍都算大件，而另外嘅芝士磨菇雞翼裏面嘅芝士比較牛奶味重，食落甜甜地牛肉粒正正常常，味道偏鹹燒帆立貝都唔錯我最鍾意就係今次嘅燒菠蘿，因為燒完之後仲有好多汁，好鮮甜，酸酸地好開胃呀，食完又再食除咗電話落單之外，仲有一個自取區域，可以夾其他款式嘅食物，任君選擇甜品都有好多款，總有一款啱大家口味放題來講都算唔錯，職員嘅服務態度都幾好，而且經常會嚟執枱，令大家有多啲空間放其他食物，環境乾淨企理，位於旺角夠晒方便，中午嚟食價錢亦唔貴，一家大細嚟食都算抵

一個學期又完結，之前收工後仲要上堂溫書做功課真係好難頂，所以辛苦完梗係要食餐好既獎勵自己啦！～成班朋友好耐無食放題，今次就揀左旺角大滿喜，一早就book定位，十分期待！大滿喜既座位十分闊落，地方好大，一班朋友傾計太大聲都唔會怕嘈到隔離枱。枱面仲有包紙巾，好貼心～一入到餐廳有一個自助餐位，有甜品有小食有多款飲品，可能驚我地等野食上既時候餓親啦哈哈，又係一個體貼既位！連軟糖都有！啱哂一家大細帶埋小朋友黎食~放題既主角梗係刺身喇！刺身種類唔多但質素一啲都唔差，最受香港人歡迎既三文魚甜蝦帶子當然唔少得啦！除左刺身之外，壽司卷物都好多選擇，推薦海膽手卷，軟殻蟹卷同火炙左口魚邊壽司！舊飯細細舊唔會嘥哂啲quota!熱食方面都好有驚喜，抵讚！特別推介芝麻雞翼，芝士蘑菇釀雞翼同炒雜菜，雞翼控表示好滿足！呢晚食左好多好食既野實在不能盡錄，放相比大家睇下有幾正啦～今餐真係又滿足又有驚喜，成班朋友都食到捧住個肚走呀

今次已經係第二次幫襯 食過返尋味嘅原因莫過於佢選擇種類多上菜快食物質素良好🤩🤩🤩🤩🤩今次再嚟嘅時候佢已經轉咗做電子餐牌 scan QR code 就可以落單唔單止方便快捷而且十分環保😋😋😋另外今次我一讚嘅就係員工嘅態度 好勤力咁幫我地收野 仲會問清楚我哋要唔要先 相當有禮貌😚😚😚我個人就比較鍾意食熟食 但都有食過魚生 唔腥 而且份量一啲都唔孤寒🥳🥳🥳講到熟悉最鍾意嘅就係佢嘅炒蜆 鐵板一口牛 芝士焗帆立貝 大件得來相當入味 起碼encall咗四次🤪🤪🤪飲品方便唔單止有日本清酒梅酒，仲有啤酒忌廉溝鮮奶等等汽水類，小朋友嚟到仲有果汁先生嘅橙汁同蘋果汁飲😛 但我最欣賞嘅都係佢有道地嘅綠茶 食到飽嘅時候飲番舒服晒

呢晚放工約左朋友飯聚，揀左去旺角食放題～😋 旺角放題選擇都好多，而且位置都好方便～ 今次就去左創興廣場8樓既大滿喜！😊餐廳安排左卡位比我地，估唔到大滿喜d位都幾大wor！咁就可以坐得舒服咁食野傾偈😌大滿喜都係可以手機點單既，方便同環保d👍🏻除左手機點單，仲有個沙律區、熟食區，有小丸子，竟然仲有葡撻！細細個，味道唔錯亦都唔會太佔胃既空間～野飲方面都係自助既，我就拎左支解綠茶，其他選擇仲有汽水、酒咁～同朋友成晚都點左好多唔同食物，種類都算多，特別係刺身！刺身整體黎講都幾厚切～壽司、手卷都嗌唔少，細細件咁可以食多d唔同口味！👍🏻 好鍾意火炙左口魚邊🥰 個龍蝦🦞沙律手卷都幾好～熟食方面，我食左件羊鞍，幾林呀，同埋都好香，唔錯。 鰻魚個味道都唔錯，肉質幾飽滿😍最後仲要左條蜜瓜雪條😋 佢雪得好夠凍，仲見到有冰同出煙🤣🤣整體黎講滿意大滿喜既野食，職員都好友善，會主動提醒我地後面有人行過叫我地小心。係大滿足既一晚😊

最近有朋友生日話想放縱一下，話好耐無試過放題。因為以前食開啲平平地既啲料唔算靚，為左食而食真係會好辛苦，所以今次揀左間價錢中挺，sell靚料既大滿喜。揀左旺角依間方便大家放工就腳，黎到竟然唔使等位。入到去先知原來地方超大，應該起碼有50台？我地4個人佢地都比左張6人台我地，仲有位放袋。最特別係原來依間係行緊個新system,用微信掃一掃個qr code就有得手機落單，有埋圖揀好就直接入埋機，再唔洗好似以前咁對住張紙慢慢剔又驚佢漏單。最正路都係揀左刺身拼盤，上到黎有冰墊底，仲有一杯仔乾冰係隔離冒煙，真係幾靚。刺身佢都係比厚切，食落好有厚實感。三文魚既油脂感都好重好香口。特別推薦既係佢竟然會有虎蝦刺身叫，平時啲放題都淨係得甜蝦。因為有啲朋友係無飯不歡，所以除左刺身都叫左啲壽司同燒物。佢啲壽司係細細件既迷你壽司，配埋上面塊火灸三文魚真係唔錯。燒物黎講就最中意佢個炸牛奶，外脆內軟，中間甜甜地既牛奶粒。值得一提既係佢有個corner 自助拎甜品沙律同飲品。去左瘋狂飲佢個好開胃既梅酒，其他飲品都未有機會試！

前幾日米米Double dating👫👫，去左創興廣場樓上嘅一間日式放題餐廳度開餐。呢度放題餐廳都幾大，佔左成層，而且座位闊絡，絕對唔會逼👍🏻門口轉右就見到好大個自助吧，有唔少甜品、沙律、特式飲品、熟盆、炸物、葡撻、青口、白灼蝦，甚至可以夾糖仔😱真係估唔到！餐廳採用電子點餐系統，只要用微訊一scan QR code，就可以隨時下單，非常方便！點餐種類都不算少，有各式刺身、壽司、卷物、軍艦、手卷、天婦羅、炸物、燒物、串燒、一品料理、主食、甜品。當中我最鐘意嘅當然係刺身，特別係俄羅斯甜蝦刺身，非常大隻又鮮甜😍另外，皇帝蟹肉捧蟹膏壽司嘅蟹肉棒亦係大到不可想像😂基本上係夾唔到個飯，因為蟹肉棒太大舊😃炸物方面，極力推薦黃金炸生蠔同榴槤炸彈😍兩者味道都好濃烈，食得好過癮🙈燒物方面，鹽燒牛舌都值得一試👍🏻肉質鮮嫩又煙韌，味道又夠惹味👍🏻飲品方面，竟然有我最愛嘅梅酒，雖然係自己斟，但味道都唔錯😋甜品亦有我好中意食嘅榴槤雪條，真係好滿足😍食左咁多野人均先$242（$220+10%服務費），認真抵食😍

一出lift，就見到好靚既裝修！一入到去見到有個金色既龍頭，下面有少少既煙霧出黎，就好似去左仙境咁。同埋佢有一盞好靚既吊燈，好特別。跟住一入去就見到自助吧。入面堆滿左生蠔同蝦，因為太多人拎，所以好快就比人拎左一半，而後面仲有好多人排緊隊拎。因為我女朋友好終意食章魚小丸子，所以即刻拎左幾粒比佢食，塞住佢把口。食落都唔錯，好足料，同埋燒到外脆內軟。我好鐘意食炸物同魚生，所以叫左好多。炸物，佢都有好多選擇，有炸年糕，炸雞翼、炸榴連同炸蠔。我覺得最好食係炸榴連，一咬，榴連味就爆晒出黎，同埋好多榴連肉係入面。榴連控可以一試。另外，我覺得個芝士雞柳脆脆，真係好正，一口咬落去，會食到軟綿綿既飯，同入面既脆雞柳，再加上外面既沙津醬甜甜酸酸，真係好正，我女友一個人隊左十件😥帶女朋友黎有咩好？就係好可以夾糖，咁佢以後係街就唔會再扭計要夾糖😂

今次同一班好友食放題響創興依個旺角正中點直上八樓 - 大滿喜朋友上次食過，話依家好in ，全部電子落單所以黎之前已經下載定個apps一上到去, 攞到個QR code掃一掃即刻就可以甘多個人瘋狂落單比起以前一張紙響度傳傳傳，一個個人甘寫就當然慢啦講番食：好快就有刺身黎喇，鮮甜可口我地仲點左燒菠蘿呀，燒牛扒呀，我因為幾鍾意食炸野，所以出埋去出面自助夾果度再攞日式炸雞同埋泡菜餃子甘野任食法先至又抵又開心又好食架嘛！我地仲好有技巧地攞埋花膠烏雞湯補一補之後仲有凍食balance下： 青口同埋凍蝦無論系海鮮地熟食都一流！同朋友暢談了一晚，是個很好的放題聚腳點。

今次黎到旺角食放題，一入大滿喜就覺得同其他放題唔同，乾淨企理，簡潔好多。主因係佢無左d大大本既簿仔放係枱面☺️，而係改用左電子wechat掃描黎點菜，非常方便好用，朋友各自點返自已果份，唔洗逐個問邊樣要唔要。食物方面食物區裏已預先放左d凍蝦，青口係度，好方便，任拎，味道唔錯，幾新鮮好味。推介佢個烏雞湯，好暖胃，好味，食落無味精，入口甘甘甜甜，清熱氣一流。刺身方面，亦好新鮮好味，有齊晒放題應有既木刺身。飲品方面，欣賞佢個解茶，食完咁多油野飲，就一流😊

唔好睇小幾個女仔 今次閨蜜約咗幾個女仔都可以去食放題！😝呢間放題轉左用手機app落單又環保又方便大力支持！餐廳環境幾闊落 出面自助飲食吧有超多嘢食！🤩有好多款唔同嘅嘢飲！又有沙律甜品湯蛋撻仔等等！全部都好吸引😍😍刺身壽司熱食烏冬等等有好多款種類！去放題當然唔少得一定要食刺身啦！刺身好新鮮！特別推薦油甘魚 入口即溶 好正！🥳其他嘢食都幾吸引特別！推薦燒菠蘿！夠juicy又好香！跟住推薦三文魚腩壽司 好肥美 啖啖肉！😌另外推薦芝士磨菇雞翼！釀左啲嘢我入隻雞翼入面！好特別得來又香口！😜羊架我都幾推薦 因為燒得好冧而且又入味！甜品都幾多選擇伯爵茶cheese cake好香濃！😇推介！總結我覺得呢間放題幾抵食喎！星期日下晝$170位！

其實我覺得一大班人傾計又可以食好嘢，放題係一個唔錯嘅選擇，多嘢食又多嘢飲。 為咗就大家朋友放工時間，我哋喺九點幾嚟到呢一間放題食晚飯，估唔到咁夜都仲要排隊，平時應該好多人幫襯。最搞笑係門口居然有夾公仔機，真係一個好貼心又賺錢嘅安排。呢間放題都幾電子化，點餐係用APP嘅，其實唔錯因為可以慳紙。點左餐等緊食物嚟嘅同時，貪心嘅我走咗出去熟食區拎咗好多嘢食返嚟食。另外叫咗幾款壽司，我覺得最好食都係蟹棒壽司。雞翼推薦芝士流心蘑菇款，肉比較滑，雞翼仲有少少甜甜地。👍🏽首先梗係要食沙律，開胃前菜，沙律都幾多款，新鮮因為啲菜係爽嘅。另外拎左葡撻，葡撻勁搶手，次次出去都係得返一兩個，好香奶味唔太甜，好好食。仲有另一個必食推介，但係泡菜煎餃子，唔太辣，餃子入邊有泡菜仲有韓式粉絲同埋其他嘅了，熱辣辣非常好食，拎咗幾轉。叫咗炒蜆，辣辣地，最重要係每一隻字都勁肥美，好食，推薦炒雜菜個樣雖然好差，但係味道唔錯，首先唔算太油，又食到陣陣牛油香味其實仲食咗好多嘢，但最後都想講下甜品。首先有得夾糖，我都係第一次見放題有得夾糖。另外甜品嗰方面，最推介係泡芙，好多cream好香牛奶味好好食。基本上呢間放題嘅食物質素唔錯，而

Happy Friday!放工就梗係同朋友食飯聚一聚。今次去咗旺角嘅大滿喜食放題，方便大家放工地點。今次入座時間係9:30 ，去到等左5分鐘就有位了。記得好耐之前嚟過，當時仲係用緊落單紙，今次已經改咗用Apps落單，環保得來，又可以睇返自己點過啲乜嘢，睇吓有冇漏單。入咗之後梗係去自助區都行一個圈，最有趣嘅係有個自助軟糖區，真係冇乜放題會有，有五款軟糖可以任夾。自助區基本野有齊，有前菜或沙律、熟食、飲品、甜品及雪糕櫃。餓咗咁耐首先夾啲熟悉返去食！拎咗幾款，有蛋撻、黑松露炒菇、泡菜餃等等。特別一提泡菜餃，意外地好好味，都幾大隻，炸得酥脆，泡菜味濃。由於我唔食生野，所以我點的都是熟食，魚生等就交俾朋友吃。鰻魚，唔係好多放題有得淨食鰻魚，通常都係夾埋壽司，肉質不錯，皮燒得有點微脆，唔似微波爐叮出來的感覺，味道很好。芝士磨菇雞翼，香濃芝士蘑菇味，焗得唔會乾，有肉汁。秘汁炒蜆，醬汁香辣惹味，好辣一定要試，雖辣但都食到蜆的鮮味。御品鮑汁燴花膠，高級野，女仔一定要食，花膠超淋，冇咩味精，一人一份都唔過份。燒翠玉瓜，切得超厚，但燒得淋，落左孜然粉，有點辣。黃金海鮮船，雖然冇食，但要提一提，本身見圖係腐皮