大滿喜日本料理 (已結業)

🤔旺角｜大滿喜 #丁丁香港探店 200HKD地址：旺角彌敦道593-601號創興廣場8樓这边类似的日料自助有很多横向测评两家去的人都不少的店🥸上菜速度也都还🉑️基本午市价格差不多而且都是三小时区别主要是个别菜的味道和品质先说个建议我每次都会先把想吃的都点一圈最后吃完基本上就没肚子加菜了一般这种店“刺身类”平时都还不错的！不然评价一定会特别差劲开不下去区别大多是在其他菜品上“菜”类的比如「牛仔肉」「冬菇花膠」「铁板三色香辣炒牛柏叶」这种点一份就好一般「牛舌」「天妇罗」都不会好吃「盐烧有机菠萝」解腻可以点一点“锅”类的看个人喜好 牛肉锅是寿喜锅汤底偏甜吃日料自助我一般都会喝热茶不用饮料占热量也不喝有气的撑肚子下面是两家的对比御满屋「牛肉粒」「冬菇花膠」还不错相比大喜屋而且「movenpick雪糕」是哈根达斯要点的大喜屋「羊架」更好吃 雪糕是雀巢但是选择更多（糯米糍还有榴莲冰棍！）…查看更多

我地三个人去食，全部肚屙！肯定系D嘢唔干净囖无下次，免费比我都唔会食！！！一定要80个字先可以发评论又系唔人性化啦，咁我净系想吐槽一下无野好赞，无咩好讲。大家要去噶要做好肚屙噶准备。…查看更多

酷熱天氣下，有咩比喺室內涼住冷氣，品嚐任點任食嘅日式放題更好嘅選擇呢！由於幫襯開嘅吉壽現正進行翻新裝修工程，所以佢地refer咗我地嚟隸屬同一個集團嘅大滿喜喇！我地今日早咗15分嚟到門口，已經有頗多長者在門外等候埋位。將近12點，服務員就安排客人進場。我地被安排坐喺卡位度。卡位座位寛敞，出去攞嘢食都好方便。我就密密撳手機落order。好快第一盤刺身就送到！我點咗三款魚類，包括三文魚、油甘魚同吞拿魚。三文魚同油甘魚都頗肥美，可惜吞拿魚有筋，麻麻地。所以只係嗌咗一轉就冇再嗌了。另外甜蝦同帶子好甜好軟糯，所以嗌咗兩轉！各式各樣嘅壽司手卷實在令人大飽口福，話咁快3個鐘頭，家人都好開心好滿足呢！…查看更多

我同朋友兩個人去，朋友話想試下，我見個價錢都幾抵，所以都有ｄ期待．一開始食嗰陣，我發現ｄ職員冇畀裝垃圾嗰隻兜，我自己又唔小心整污糟咗對筷子，所以我自己出咗去攞兜同另一對筷子，有個職員超大聲呼喝（冇錯係　呼喝）我，問我做咩，真係痴線架喎，我攞對筷子都咁大聲做乜？上菜嘅時候，我地二人枱本來已經細張，咁放題就係不停嗌野食架啦，有個waiter叫我地不如畀個位佢放野食．你見唔到張枱冇位擺？你都可以幫我地執掛，其實真係可以客氣少少囉．唔知佢地係咪好中意執野呢，我朋友爭少少先食完自己個碟嘅食物，個waiter企係度，伸咗隻手出嚟，搞到我朋友拿拿臨扒埋嗰幾啖落口，我朋友話覺得好似催佢食咁．我呢邊又係，我食完我個碟嘅野食，想留返，等陣再出去攞食物，d waiter又即刻收走咗，佢地仲要爭住鬥快咁，我真係反曬白眼．餐廳嘅地方都幾窄，我已經算坐得入，有個服務員妹妹叫我坐入ｄ，無問題，但個語氣可以唔洗咁負負氣氣囉．食食下野，有後生仔waiter係度講＂屎＂．．．好心你啦，返緊工都講呢ｄ，你要講粗口嘅話放工先啦，仲要係餐廳講，一ｄ職業操守都冇．整體就係超負評，食得好辛苦，態度差到咁，價錢幾抵都好，送畀我都唔食呢間．…查看更多

我們約好在七點吃那段時間吃放題，上到去用APPS叫餐！竟然又七點到七點四十五分都沒有餐來！叫了職員來發覺APPS點餐系統有問題！後用APPS再加人手落餐！從來都沒見過出餐這麼慢！職員說可以吃到十點！就算給我吃到十點都無用！我們計算過跟本沒有吃過什麼！蝕水！下次都唔會再幫襯這間店！…查看更多

我同男朋友6:30入座 張飛都寫明8:30離座喺8:20我同男朋友食緊雪糕嗰陣 有個戴眼鏡斜瀏海 經常跑去執枱嘅侍應過黎同我地講夠鐘交枱要離開 話睇下我地會唔會攞出去食當時我男朋友答佢 好嘅好快食完然後一分鐘唔夠佢己經拎左一大個灰色長方形下欄盤埋黎將我枱嘅野執落去個盤到客人未離開就咁樣趕客已經好不滿我即刻同佢講 其實呢你張單係寫8:30離開架然後佢就話 但係我電腦寫你地夠鐘啦喎我話 咁我張單係寫我8:30先離座呀嘛你咁搞笑嘅跟住佢去check完電腦番黎就話 係呀唔好意思咁你地跟番張單嘅時間走啦然後過左一陣依位侍應又埋黎問仲有冇嘢食未到你都清左我半張枱嘅野 就算有嘢未到我仲點食？難道依個問題唔係應該清枱前問個客人架咩？我覺得侍應唔需要當客人神咁拜但至少有翻基本對人嘅尊重唔該經理正視下依位侍應嘅態度問題我唔會再黎食嘢…查看更多

疫情😷關係好耐都冇食防題，禮拜六成家一齊黎試新野🤪我地一家嘅戰鬥力幾勁，啲嘢食不斷黎😆芝麻雞翼味道都算出色熟食區有青口炸蟹鉗、帶子、碗仔翅、超蔬菜⋯⋯仲有啲開胃小菜可以自取推薦炙燒系列火燒嘅焦香加上芝士冇得輸極力推薦呢個燒生蠔🦪超濃郁超香，冇🉐️頂燒🦐就麻麻地飲品種類雖然唔算多，但嘢食款式係算幾多下而且質素唔差最驚喜係有韓國melona雪條可以自取，仲有一人一杯Haagen Dazs禮拜六晚食都係每人💰200左右…查看更多

辛辛苦苦終於翻完一個星期工，星期五收工緊係食好啲啦。咁呀最後我地離左呢間旺角嘅日式放題餐廳，價錢都算唔貴嘅，星期五晚就價錢就220加1，姐係緊張250一個人落到樓。7點入到黎有卡位坐覺得都算係咁。有任拎拎嘅沙律，泡菜呀都唔錯。第一次落單就刺身啦，咁就好快上咗嚟啦，都係嗰啲刺身啦，味道都唔錯，開頭以為有象拔蚌刺身，原來上到黎先知係壽司。熟食就叫左一口牛，雞翼，番薯，雞軟骨，燒菠蘿，數之不盡，整體算ok。會再黎，性價比唔錯。…查看更多

今晚夜晚同朋友嚟gathering因為唔知食咩好最終去咗食放題因為呢度咩都有所以最終就嚟咗呢間試試佢啦.大部份而家嘅放題都係用QR code落單非常之方便又減少同waiter接觸幾好幾好.基本上佢有好多唔同選擇同埋壽司嗰啲都唔會太大舊飯而且手卷係迷你手卷所以感覺上唔似想質爆你嘅感覺佢哋嘅熱食個肥牛鍋都幾好食同埋即使炒椰菜都係有誠意嘅起碼唔係無味道嘅先因為坊間食過好多好多唔同嘅放題大部份炒菜都係無味or唔好食而壽司同刺身都尚算新鮮如果有機會會再同朋友過嚟啊…查看更多

在创兴广场楼下考虑了一下，最后决定走上八楼吃日本放题。平常日子是每位210元，吃两个小时，价钱不算贵。如果不是繁忙时间，价格更便宜。室内的环境比较宽敞，加上由于是周一晚上，餐厅客人不多，空间更加开阔。除了一些熟食，鱼生、寿司、天妇罗等日式料理都是是以手机扫二维码落单。下单多少会给多少，不会漏单或刻意减少数量，这点值得一赞。日式放题肯定离不开鱼生，东西都很新鲜，尤其是虎虾和甜虾，非常鲜甜。另外，脊烧寿司也很有水准。反正给的钱是可以吃到应有的东西，值得试试。…查看更多

滿心歡喜的去但今天失望而回。這個集團的幾間放題差不多全去過。從來沒有聽說中午放題是沒有生果食的。今天去到這間。居然遇到沒有生果的放題。刺身是他多間集團旗下的放題最差的，刺身不新鮮。而且切得小小的一份。燒羊架又搽又乾亦都不像是即時製作。如果同價位來說。比他好的選擇多的是。不知這個集團為何會有一間相對比較那麼差的。完全影響集團聲譽。希望這個集團會有作出改善。因爲我到過其他幾間也是不錯的。這間店我就不會有下次了。說實話服務員的服務是不錯的。衹是食物質素相對比較差。…查看更多

年頭已經試過同一地點嘅另一間半自助午市定食，呢次再試呢間，早排又食過呢間嘅晚市放題，食物質素種類都係好嘅，所以都預期無失望。價錢睇你揀食乜，價錢由$40起，有鹽燒鯖魚，牛肉飯，雪花牛鍋，刺身盛，刺身丼等等選擇頭盤全部半自助形式，不過唔包海鮮同甜品，飲品包一枝/罐。熱食有薯格，咖喱角，正常味道咖喱蘿蔔魚蛋，麻辣炆牛舌，好入味，牛舌未夠淋冷盤應該同晚市放題差唔多，沙律菜，中華沙律，凍螺肉，醃酸蘿蔔，白雲鳳爪，全部都係正常味道，反正都係叫貨現成食物唔會伏。白雲鳳爪算有驚喜，佢有啲好似薑蓉嘅野一齊醃，雖然唔食得出係咩口味，但好食主菜1：窩蛋牛柳粒飯定食 $50份量大，有驚喜，牛柳粒有啲好軟嫩，亦有啲帶筋位，至少唔係茶記醃到超淋，如果唔攪勻，比時間佢有機會有飯焦食要投訴嘅係比隻膠羹食真係好有難飯！主菜2：角切雜錦魚生丼定食 $60呢個份量都夠，魚生粒量足兼新鮮唔hea架埋單$110二人，無加一，呢點好過好多餐廳，冇服務都收我加一滿足滿足…查看更多

今次上去先知道轉左新定食menu, 款式沒增加或感覺更吸引，我和朋友都說變相加了價，沒以前的吸引了！我和朋友都選了魚生四食丼，份量比以往的更少，賣相亦不算吸引。自助區的食物款式選擇比以前少了，連罐頭桃呢啲普通貨式也沒了，沙律區位置被甜品霸佔了，但食定食的食客又不能選取，變相食物供應又再縮少了。現在午巿定食更限時了，食得有點無癮。看見有食客不知遊戲規則，食定食但拎了貼品回檯，職員叫他們把甜品放回凍柜。我心諗，現在疫症未完全退下，這樣把沒獨立包裝的甜品放回，供下一位食客不知情下食用，好像不大衛生吧！！這個價錢旺角區很多別的選擇，所以，暫時間我們還是不會打算再幫襯。…查看更多

食咗兩個鐘收得一次野刺身盤搭咗三層先有人肯嚟收一收但收完之後你再冇見到有人收野了枱面長期都係食剩嘅嘢 搞到食客冇哂食慾7點鐘入座時講都明九點鐘離座但係7點9已經有人送咗張單嚟叫我哋埋單8點3前已經找好晒錢提我哋9:00又要再離開茶餐廳呀?第二輪叫嘅刺身其中帶子一食落口要即刻吐返出嚟因為太腥地下雖然闊落但係非常殘舊地下亦都非常黐粒, 隻鞋好似黐住咗好多香口膠咁雖然闊落但係非常殘舊地下亦都非常黐粒, 隻鞋好似黐住咗好多香口膠咁樣 整體非常差劣 我本人喺度發誓以後唔會再嚟…查看更多

去食五點半食晚市時段，只需要175蚊加一服務費就可以食用兩小時放題👍由於一早已經經openrice訂位， 因此並不需要等好耐位就可以安坐於店內😊一埋位第一時間當然係點嘢食啦，食物好快就送到嚟，而且亦都冇咩漏單嘅情況 ，呢點係好值得讚賞嘅👍 最鍾意食佢哋嘅黃金帆立貝，真係好香好好食。粒帆立貝好大粒，連埋舖係面嘅沙律醬非常之香口，一啖食落肚非常之滿足❤️唯一缺點就係比較油膩，如果減緊肥就唔推薦食啦😉 另外亦有鰻魚，味道都幾唔錯，但係份量就細咗少少🤔出面自助吧亦都有好多嘢食可以選擇，包括一些海鮮類產品例如蝦 .蜆 .螺等等， 味道亦都非常之唔錯👍自助吧亦都有好多其他嘢可以攞，包括咗湯，佢哋啲湯熱辣辣，而且味道好足，所以好推薦飲下😉另外出面仲有一啲前菜，例如日式螺肉，中華沙律等等。飲品方面亦都有好多選擇，大大嘅落地櫃成幅牆咁大，相信你要飲咩都基本上會有，甚至連啤酒都有幾款選擇㗎😊另外我最推薦佢哋嘅梅酒，真係非常之好飲👍第二樣我最推薦嘅食品就係吉列炸蠔 ，雖然佢哋嘅炸漿都幾厚下，但勝在熱辣辣，而且非常之脆口， 一啖咬落去， 炸蠔嘅汁甚至會滿溢於口腔之中， 非常之正👍 裏面亦都有好多壽司類食品， 當然唔少得我最鍾意嘅花之戀壽司啦❤️花之戀壽司味道幾好，而且細細粒方便我哋可以唔使咁飽肚 ，等我哋個胃有多啲空間容納其他美食吖嘛👍 呢個係辣醬嘅蝦， 原本係諗住食黃金大蝦㗎，即係鹹蛋黃醃製嘅大蝦，但去到嗰日唔知咩原因冇咗得返呢個😩唔太推薦大家食，個人覺得味道麻麻而且非常之辣👎畀番鹹蛋黃大蝦我呀😭佢裏面刺身嘅選擇其實好多，之前如果刺身嘅份量嗌得多仲會有啲乾冰喺度噴煙好靚㗎 ❤️但唔知點解當日就冇咗呢樣嘢🤔但唔緊要啦食物先至係最重要，個人比較鍾意佢哋嘅刺身包括希靈魚，三文魚，帶子，呢三款刺身我覺得非常之好食👍炸蟹鉗較為普通，亦都唔夠熱👎個人好鍾意佢哋嘅牛舌， 加埋啲檸檬汁非常之美味。牛舌味道非常之香，而且唔會非常之刃，唔會話好難咬。個人嚟講非常之鍾意👍唯一缺點係牛舌嘅份量每一次嚟得都唔同，有時會非常之細塊，有時就會係適中份量，呢啲真係靠運氣啦🤣雪糕方面有haagen dazs雪糕，限量每人一杯嘅啫👍但係有幾款口味可以選擇，外邊亦有個雪櫃放住幾款唔同嘅雪糕或者雪條，但個人對於冰櫃裏面嘅雪糕雪條興趣不大🤣 整體而言今次嘅用餐體驗十分良好，中間朋友因為遲到遲咗入餐廳，但職員願意將我哋原本食到七點半放寬畀我哋食到八點，處事非常之彈性，我個人覺得非常之好👍 環境方面都算乾淨，唔會話好污糟👍 食物質素亦都唔錯，上菜速度快👍職員亦非常之有禮貌👍 …查看更多