大滾友火鍋

营业中

休息中

這天和朋友入到元朗都兩三點，在雞地搵野食，秋風起又想打下邊爐，「大滾友」之前叫外賣試過，佢哋的特色湯底做得相當出色，於是我地就選擇了「大滾友」來個午餐邊爐先。餐廳以古典中式宮庭設計，座位闊落，兩個人坐得好舒服，用QR code手機落單，落單後好快店員就會遞上九宮格的醬油配料，這個設計很配合餐廳古式古香的設計風，基本平時打邊爐的配料都有。//零爽衫試．泰式冬陰功湯鍋 $198//之前試過佢地嘅花膠雞湯好足料好入味，今次試下佢地嘅冬陰功湯底。這個冬陰功卜卜蜆鍋，足料到不得了！蜆多到接近滿瀉，一隻碟都裝唔曬！湯滾了首先當然要一人一碗試吓湯頭，非常惹味而不算很辣，好好味！湯底除咗有齊泰式冬陰功湯料之外，加入了不少菇菌，加上了大量蜆肉，令整個湯帶出了非常鮮甜的味道，正！//自家製炸魚皮 $68//必點！必點！必點！一上枱店員提我地要盡快食，輕輕烚了數秒，果然同平時一般火鍋店食到的好唔同，咬落非常之鬆脆。//牛舌片 $118//由於是午餐怕食唔曬，沒有點傳統的肥牛或靚靚的和牛，點了這個牛舌片。薄切的牛舌片肉質爽口，入口勁有牛味。//骰子牛肉粒 $128//份量兩個人食剛剛好，肉質嫩滑，一啲都唔韌。

侍應會先上調味九宮格，等客人可以隨便調配調味醬料💕.📍$218 周公之禮·足料消暑冬瓜瑤柱鍋最近天氣實在太熱，所以我哋專登叫咗周公之禮·足料消暑冬瓜瑤柱鍋做湯底，實行消一消暑☀️湯底嘅材料非常豐富，有大量素翅、蝦肉、瑤柱同埋蟹柳等等而湯底亦清甜美味✨我地除咗當湯飲，仲不斷抔啲素翅、冬瓜粒上黎食🤗.📍$78 黃喉片因為上次打邊爐時食過黃喉，覺得幾好味，所以今次都專登再叫～一如以往，黃喉食落似爽口版嘅牛柏葉，口感豐富而黃喉下面都鋪滿牙菜，順便可以滾一滾食埋佢🥳.📍$118 牛舌片牛舌片嘅擺盤好靚，好似一朵玫瑰花咁🌹而佢食落牛味都幾出，同埋幾彈牙.📍$68 手打鵝肝墨汁墨魚丸墨魚丸啲size 偏向大粒而入面真係有一粒鵝肝口感上就比較爽口🤩.📍$78 蟹黃餃蟹黃餃睇落漲卜卜咁，好飽滿😝而食落除咗feel到皮好薄之餘，仲有香濃蟹皇味，味道不錯.📍$118 滑捋捋雙拼（手打蟹籽蝦滑、手打黑松露墨魚滑）手打蟹籽蝦滑同埋手打黑松露墨魚滑食落都幾彈牙前者嘅蝦味好出，而後者嘅黑松露味都幾濃郁🙆‍♂️🙆‍♀️

約朋友食飯，朋友係火鍋控，成日都要食火鍋，今次帶去大滾友，佢真係名符其實既大滾友呀原來夜晚9:30入座全單會有85折，岩哂我地見到餐紙上面嘅原隻象拔蚌好吸引，好可惜同朋友得兩個人食唔哂就冇叫了menu上面既食品名都好有心思 最後我地叫左個玲瓏浮突花膠雞鍋，上個鍋果陣見到好大塊花膠同埋好多鮮雞件跟住再倒埋個雞湯落去，見到個顏色就知道呢鍋湯好足料，飲落去個味真係好濃郁叫左野食之後店員就會比調味盤我地，醬料都幾齊全配料叫左個手切頂級安格斯牛肉同埋黃金炸響鈴，牛肉肉味香又嫩，響鈴滿滿鹹蛋黃香，真係好正

元朗特色打邊爐✨🦥有格調的環境，以舊式木材為主要佈置，像胡同的樣子。此外，餐廳湯底豪華及多選擇，食材種類多，十分豐富。《一親香澤·芫茜山鍋湯》$168超級夢幻的湯底，煙霧離漫的送上，讓人有驚喜。故名思義，芫茜山是充滿著非常多的芫茜，香味濃厚，配合皮蛋和豆腐，清清地亦不錯！《大滾友牛肉拼盤（細）》$398華麗的擺盤，優質的牛肉，包括有：頂級安格斯牛肉、手切牛頸脊、牛舌片、牛黃喉、金錢牛展、牛肉粒和美國肥牛，總共七款。同樣地，以煙霧彌漫的效果送上，華麗又充滿驚喜！《即炸黃金響鈴》$78即炸，熱辣辣，鹹蛋黃味非常濃郁，脆卜卜，令人食慾大增！《龍蝦餃》$78龍蝦肉混豚肉，外皮用上燒賣黃皮，吃起來像有龍蝦味的芝士一樣！《三重芝士腐乳牛丸》$78新鮮牛肉手打丸加入腐乳和水牛芝士、車打芝士和巴馬臣芝士，重口味的首選！《紫淮山》$48健康之選的蔬菜系列，罕見的紫淮山，顏色吸引，吃得健康！《脆鯇魚腩片》$98厚肉的脆鯇魚腩片，爽口又脆，咬下來時聽到爽脆的聲音，十分治癒。《自家製足料竹庶茅根》$68打邊爐想到解渴就必叫竹庶茅根，足料，降降熱氣！總結：特色打邊爐，食得滿足！

我發覺好似成個夏天都冇打過邊爐🤔🤔今日突然好想食就搵吓元朗嘅火鍋店同男友黎左呢間大滾友試下～(經OpenRice訂座仲有68折🤗)❤️小食蔗蝦 💰6️⃣8️⃣啱啱炸起熱辣辣😍蝦肉爽口，啲蔗咬落去都幾甜，估唔到火鍋店會搵到呢樣特色小食！🤭❤️麻辣鴨腎 💰4️⃣8️⃣辣度夠，非常惹味！要黎做開胃菜或者送啤酒都一流👍👍❤️椰子雞蕃薯蜆濃湯鍋 💰2️⃣9️⃣8️⃣鍋底超足料！一滾起就聞到勁香，飲落有蜆嘅鮮味又有椰子既清甜🤤雞肉嫩滑，蕃薯蜆鮮甜，淨係個湯底已經令人好滿足！🥰⭐️美濃水蓮 💰6️⃣8️⃣自從認識咗呢間台灣特色蔬菜之後就愛上了😍口感非常爽脆又唔會有渣～(不過個人認為都係炒出嚟有味啲好食啲😂)❤️竹笙 💰6️⃣8️⃣一樣好索湯底嘅食材😍個湯底咁好飲，唔使講都知好好食！🤤🤤❤️萵筍 💰3️⃣8️⃣口感爽脆，係一樣無論涼拌定係火鍋我都好鍾意嘅食材😋⭐️鬼馬油炸鬼 💰6️⃣8️⃣以前喺火鍋店食嘅都係小食，今次呢個因為裡面既肉係生既所以要掉落鍋度煮一煮，油炸鬼煮完變咗煙韌嘅口感～我都係比較鍾意脆卜卜既口感多啲😂呢間嘅湯底絕對係我食過嘅火鍋店三甲之內，絕對會encore！！💯

啱啱過去既一星期充實又忙碌，趁今個weekend連放3日假，於是約朋友去打邊爐兼傾下計update下大家既近況。點咗玲瓏浮凸花膠雞湯鍋，非常滋補。花膠份量非常大方，而且隻雞都幾厚肉。每次打邊爐都好期待碗湯，今次亦唔例外。金黃色既花膠雞湯味道濃郁又滋補，好啱秋天飲！我地飲咗兩大碗至落其他食材開始打邊爐。首先放手切頂級安格斯牛肉，牛肉脂肪雪白，油花豐富，讚！再食即炸黃金響鈴，響鈴既表層索哂d湯汁，內裏仲脆脆地，口感豐富。最後食埋油麥菜，為今次既晚餐增添健康感。

今日同朋友去打邊爐🍲大滾友荃灣分店食過一次覺得唔錯。今次試下元朗分店。玲瓏浮凸膠雞湯鍋🍲🍲湯頭色澤以金黃呈現，輕輕攪動就有一陣濃郁的雞油🐥香味聞到。果個味道，一聞就知道係好野😋。開吃前侍應會先把鍋中的雞肉、花膠剪開，咁樣食嘅時候更方便。一啖咬下去，雞肉🐥軟嫩，花膠膠質感十足，漿住成個嘴，好正。手切級安格斯牛肉🐮🐮切得方方正正的，牛肉紋理清晰，一口咬落去，軟軟嫩嫩的帶著一點奶香，汁水很足。即炸黃金響鈴，即叫即炸，上到嚟仲係超脆超鬆化！ 輕輕係湯底浸一浸，已經食得。油麥菜夠新鮮，食落夠爽趣。

有日去完元朗行完街，元朗地膽朋友話不如去大滾友醫肚大滾友裝修得好古典中式，啲位又闊落，兩個人都坐得好舒服未上菜之前就會放低一個九宮格自助醬油配料，大路嘅配料都有，醬瓶好似以前古代啲器皿咁，杯杯碟碟都好古式古香湯底都係誠意之選，有胡椒豬肚，又有卜卜蜆鍋，我哋就揀咗玲瓏浮凸花膠雞湯，又補身又養顏，湯底嚟到見到好杰身好深色嘅雞湯，一望就知足料，另外仲夾開一碟湯料，可以見到大大舊花膠，仲有好多雞，花膠煲得勁淋又入味，滑嘟嘟，雞件就算煲完都唔老，有雞味，兩個港女都勁鍾意呢個湯底，食完唔知會唔會變得玲瓏浮凸🤣🤣🤣之後仲點咗個手切頂級安格斯牛肉，一嚟到見啲牛肉顏色好靚，唔係一般貨色，份量都唔少，兩個人食夠晒，淥兩淥就食得，一咬就感受到啲牛味勁出，又唔韌，正呀因為湯料啲雞都好多，所以我地叫多個稻庭烏冬share就夠晒飽喇，烏冬扁身彈牙，唔係街市嗰啲一淥完就好淋嘅烏冬，個湯底咁正，我強烈建議大家要叫個烏冬或麵嚟配呢個湯呢度星期一至日9點半後入座全單八五折，食物咁高質又有折，真係要嚟多啲

好耐無入黎元朗，黎親搵元朗之友都請我食野🤤今次帶我食呢間大滾友，係荃灣都食過！好多野食湯底又特別😁-九種選擇、好多配料自己可以整既醬汁😁-花膠雞湯鍋，好濃好香雞湯味，又重花膠，夠哂滋潤，雞件又夠滑身又好肉🤤打邊爐前忍唔住飲左碗湯👍🏼-手切頂級安格斯牛肉，雪花分佈又夠均勻，啖啖牛肉味 ，入口即溶☺️-日本稻庭烏冬，食太多肉都要食返啲澱粉質嚟中和返😁-油麥菜，又爽又新鮮，打邊爐最愛既菜😍

嚟到元朗梗係要滾一滾😏講緊打番個靚邊爐 滾一滾難得入到嚟元朗，都特登搵定唔少美食同掃街資料，見網上面唔少人都推介呢間大滾友火鍋🍲，反正香港人一年四季都可以打邊爐湯底選擇都幾多，同埋都好貼切佢哋成個餐廳主題，湯底命名到成個裝修都好match，我哋叫咗佢嘅個鎮店湯底 玲瓏浮凸 花膠雞湯鍋 ($298)咁隻雞嘅份量都唔少，同埋睇得出係真材實料，湯底勁金黃色，好香濃！！飲都唔停口，跟住先捨得開始打邊爐😜牛肉點咗手切安格斯牛肉，佢唔係其他火鍋店刨到好薄好薄嗰種質地，食落係有咬口，有少少厚度，而且安格斯牛肉味幾濃郁，又淋身🥰🥰花膠大大塊，睇住店員逐塊逐塊剪落個湯底到一齊煲，不得了。食完之後原本仲諗住掃街，不過已經食到好飽🥲

最近秋風起心思思想打邊爐，同男友經元朗站突然諗起呢間一直都想試嘅邊爐鋪，所以就去咗試~ 🧡特色卜卜蜆鍋（$198）個鍋一上枱煙霧瀰漫，視覺效果一流！店員就介紹先飲咗個湯同食咗啲蜆先，之後再落料打邊爐~個湯飲落都幾舒服，落料超足勁多蜆，應該都有接近一斤半至兩斤，食極都有而且都幾鮮甜，唔錯！ 🧡大滾友肉丸拼盤（$128）肉丸拼盤有五款，每款兩粒共有十粒，兩個人食啱啱好！個人就比較鐘意墨魚丸同櫻花蝦丸，櫻花蝦嘅丸平時真係少見！每款嘅味道都好出，唔似有啲餐廳做到食嚟食去都覺得差唔多咁，推介！ 🧡大滾友餃子拼盤（$128）每款餃有兩粒，共八粒，款款個味道都好出！個人特別鐘意紅色蟹黃餃同黑松露餃，味道夠哂鮮！ 🧡豬頸肉（$58）豬頸肉嘅造型係一朵玫瑰，勁靚！出場嘅時候騰雲駕霧，好有氣勢！咬落去好爽口，有得睇有得食夠哂過癮！ 🧡美濃水蓮（$68）水蓮大大份，入口爽甜，正！ 🧡自家製竹蔗茅根（$68）打邊爐咁熱氣當然要飲竹蔗茅根下下火喇，呢到嘅自家製竹蔗茅根大大枝，一定夠飲！

大滾友打邊爐🍲一直都深受歡迎，今日終於帶媽咪一齊去食。如果大家有時間嘅話，喺六點前埋單仲可以有六八折，超級抵呀！❤️卡雪白誘人 龍躉片木瓜🐟魚湯鍋$298見到呢個宣傳廣告好吸引，一入去就揀咗呢個湯底。原個木瓜上，上面有大大片的龍躉片，仲幫大家起埋骨，食落去又新鮮啖啖肉。湯底入邊已經加入了大量芽菜、金菇和香滑豆腐，淨係食湯料已經飽咗一半。❤️滑捋捋三拼$168諗唔到揀邊款，不如就揀個拼盤啦！👍🏼手打蟹子蝦滑👍🏼手打黑松露墨魚滑👍🏼瑤柱乾貝滑三款都非常之蛋呀，小編最鍾意蟹子蝦滑，食落去有蝦的鮮甜。❤️大滾友雜菜拼盤$88打邊爐一定要有蔬菜，又係諗唔到揀邊款，所以揀咗拼盤。估唔到份量超級多，仲有好特別嘅紫淮山，抗氧化，對女性非常好。❤️麻辣雲耳$38餐前仲想食少少開胃小菜，揀咗一個辣辣地嘅雲耳，好過癮呀！❤️即炸響鈴$68每次打邊爐都好想食即刻炸嘅響鈴，非常之新鮮，放入鍋入面幾秒，就變得外軟內脆，必點！❤️醬介 每人$22醬料都係用九宮格形式，入邊有切好咗嘅芫荽、香蔥、炸蒜、蒜蓉等，小編最鍾意加埋個湯底落去，就最好味啦！

今日入元朗探朋友😊，提議去吃火鍋💞，大滾友一直都有聽過，今次終於一嘗了👏。果然名不虛傳👍，店內古色古香的 橫裝，以及食物好有心思💞💖火鍋湯底選擇了周公之禮•捉了消暑冬瓜瑤柱鍋（$218）， 整個冬瓜上菜配有鮮蝦，🥰非常精美漂亮。💞 服務員細心地把整個冬瓜切片，再建議先喝冬瓜湯底。冬瓜湯非常消暑😊。/吃火鍋點少得牛肉，我們點了大滾友牛肉拼盤（細）$398，包括牛頸脊、安格斯牛肉、肥牛、牛肉粒、牛展、牛黃喉、牛舌。牛肉非常新鮮嫩滑， 個人喜愛牛肉粒，好冧啖啖肉🥰 龍蝦餃（$78）， 平時火鍋好少有龍蝦餃，所以試試看， 大大粒好飽肚嗯。❤️ 手打鵝肝蜜汁墨魚丸（$68），這個有包心鵝肝， 好有驚喜超讚， 還吃到墨魚粒粒，非常彈牙很好吃。💯要讚既係調味醬介有好多選擇， 一邊吃一邊搭配調味料，超捧。

大滾友放假同媽咪喺元朗發掘到呢間高質火鍋店😋😋🥢胡椒豬肚雞湯鍋 $298湯底好養生😍 可以去肚風，而且呢個胡椒豬肚雞湯無落到酸菜，而係用胡椒、雞肉、豬肚、唐芹等材料熬製而成😍 小編飲左好多碗湯🙈🥢酒香陳年花雕浸牛肉 $128 牛肉充滿酒香～ 肉質爽身，亦唔會太肥膩～🥢澳洲帶子 $98用冰座住保持帶子新鮮度😋 帶子鮮甜，肉質爽滑，而且幾厚身～～🥢手打黑松露墨魚滑 $98充滿松露醬香味😍 墨魚🦑滑爽口彈牙，推薦👍🏻👍🏻🥢山水滑豆腐 $28豆腐滑嘟嘟，吸引晒湯底精華🥳🥳🥢唐生菜 $38唐生菜🥬翠綠，打邊爐🍲食番d 蔬菜均衡d ~🥢蜂蜜菊花茶 $68一大壺菊花茶清甜，好岩打邊爐飲用～

有咩驅使我下午茶打邊爐呀？ 係68折呀！只要下午6點前埋單 連星期六日都有68折精明嘅我梗係食早啲慳番啲啦😎雪白誘人：龍躉片木瓜魚湯打邊爐我都係鍾意清潤嘅湯底 冇咁熱氣呢個鍋底用左原個木瓜 入面放滿新鮮龍躉片湯底係熬左幾個鐘嘅魚湯 真係好鮮甜同埋超大量嘅芽菜金菇嫩豆腐 食晒已經飽左一半酒香陳年花雕浸牛肉用花雕浸牛小排 牛肉夠晒嫩滑 食落有淡淡嘅酒香 今晚餃唔餃？大滾友餃子拼盤嚟得大滾友梗係要餃啦拼盤有龍蝦餃 黑松露蟹肉餃 蟹皇餃 韮菜豬肉餃全部都真材實料 夠晒飽滿大大粒首推黑松露蟹肉餃 入面係睇到一絲絲蟹肉黑松露味香得嚟又唔會蓋過蟹肉嘅鮮甜龍蝦餃係龍蝦粒混入豚肉餡 用左燒賣皮幾特別美濃水蓮識我嘅朋友都知我有幾痴線地鍾意水蓮呢度有得叫 梗係要食下啦俾埋鉸剪自己剪 叫做有得玩下 水蓮推廣大使話你知 淥20秒係最爽脆清甜嘅紫菜腐皮卷呢個等得有啲耐 因為係即叫即整上枱時叫小心啲 等一陣先好食 真係好熱辣辣用腐皮包住紫菜卷起再炸 就咁當小食又得 放落湯底淥一陣先食都得折左埋單每人3百有找 呢個質素呢個價 抵啦