大滾友火鍋

营业中

休息中

上次食過其他分店嘅大滾友🍲覺得好好味今次去元朗分店近近地試吓先！火鍋店門口裝修好靚，係中式路線設計，出面好似庭院咁樣，仲有一棵櫻花樹打卡影相📸️餐牌選擇種類好多就牛肉都有好多款，例如日本和牛仲有刺身添~我揀咗椰子雞番薯蜆濃湯鍋椰子🥥味好濃清香，椰子肉滾到淋哂配料仲有好多蜆，都好入味啊！連粟米🌽都充滿香甜椰子味必叫手切頂級安格斯牛肉安格斯牛肉非常新鮮，有光澤雪花比例分布平均🥰帶有少少脂肪最好味滾兩滾就食到，食得出牛肉味，好好味😋另一樣特別好食係 即炸響鈴響鈴皮薄，感覺非常香脆過下口癮啱哂🤤🤤大滾友火鍋 元朗鳳攸南街9號好順利大廈一座地下G4-G5號舖

大滾友之前試過其他分店，呢次專登入元朗分店一試究竟。玲瓏浮凸膠雞湯鍋：湯頭用咗三黃雞熬煮多個小時而成，色澤金黃，未上檯都經已聞到雞湯嘅香味，而喺食嗰陣店員會細心將鍋中嘅雞肉同花膠撈起並剪開，方便食客享用，而雞肉仍能保持嫩滑多汁。花膠膠感十足，有滿滿嘅骨膠原。即炸響鈴：採用即叫即炸，所以需時等候，但完全係值得，金黃香脆，就咁食都好好食，擺埋落雞湯入面，吸哂湯嘅精華，味道會更好。手打蟹籽蝦滑、瑤柱干貝滑、手打黑松露墨魚滑。呢三款滑都用人手打製，所以仍能保持一定嘅咬口，蟹籽蝦滑嘅蝦味濃郁，加埋蟹籽可以增加口感，瑤柱干貝滑嘅瑤柱同干貝口感十足，而黑松露墨魚滑有陣陣嘅黑松露嘅香味，同墨魚滑嘅味道好夾。手切牛頸脊：打邊爐一定要有牛肉，而我哋呢次叫嘅係牛肉味最濃嘅牛頸脊。呢個部位油脂唔係好多，所以食落無咁油膩，肉嘅香味會更濃更香，口感會有咬口。

大滾友火鍋，位於元朗鳳攸南街，餐廳以傳統中式佈置，座位尚算寬敞舒適。餐廳火鍋湯底選擇多，是夜選擇椰子雞蕃薯蜆濃湯，湯底材料份量十足，半隻雞加大量大隻蕃薯蜆，雞肉配蕃薯蜆令到湯底味道極濃鮮甜，而且蕃薯蜆亦不帶一點沙石，可算是屬於極高質素湯底。脆魚鯇配椰子雞蕃薯蜆濃湯火鍋確實一流，脆魚鯇新鮮帶有咬口，魚肉結實。蜂巢冰豆腐完全吸收湯底精華味道，與鬼馬油炸鬼同出一轍，而鬼馬油炸鬼有蝦膠蟹子，更加彈牙好食。

.元朗有唔少好西食😋但印象深刻既一定係呢間大滾友！早1年前同朋友專登入黎gathering 已經覺得呢度既性價比好高 不論係鍋底定係火鍋料今次叫左玲瓏浮凸花膠雞湯鍋 龍頭火鍋盤好吸睛好靚🍲火膠同雞件係另上的可以自己慢慢加落湯 咁樣就唔怕啲雞件會煮太耐嚡口.即炸黃金響鈴係一定要點 因為加入大量咸蛋黃醬去脆炸！好入味！每口都係幸福😋.手切本地牛頸脊份量都唔少 肉既質素唔錯肉味濃 仲係冰震上枱 保持新鮮.手打丸拼盤有墨魚丸 蝦丸 牛肉丸 櫻花蝦丸同墨汁丸每款都係店家手打👍🏻超彈牙 我最愛係墨魚丸仲有墨魚粒粒架 好足料 彈牙到不得了 讚！.無食一排 估唔到都keep到質素啊❤️

這天和朋友入到元朗都兩三點，在雞地搵野食，秋風起又想打下邊爐，「大滾友」之前叫外賣試過，佢哋的特色湯底做得相當出色，於是我地就選擇了「大滾友」來個午餐邊爐先。餐廳以古典中式宮庭設計，座位闊落，兩個人坐得好舒服，用QR code手機落單，落單後好快店員就會遞上九宮格的醬油配料，這個設計很配合餐廳古式古香的設計風，基本平時打邊爐的配料都有。//零爽衫試．泰式冬陰功湯鍋 $198//之前試過佢地嘅花膠雞湯好足料好入味，今次試下佢地嘅冬陰功湯底。這個冬陰功卜卜蜆鍋，足料到不得了！蜆多到接近滿瀉，一隻碟都裝唔曬！湯滾了首先當然要一人一碗試吓湯頭，非常惹味而不算很辣，好好味！湯底除咗有齊泰式冬陰功湯料之外，加入了不少菇菌，加上了大量蜆肉，令整個湯帶出了非常鮮甜的味道，正！//自家製炸魚皮 $68//必點！必點！必點！一上枱店員提我地要盡快食，輕輕烚了數秒，果然同平時一般火鍋店食到的好唔同，咬落非常之鬆脆。//牛舌片 $118//由於是午餐怕食唔曬，沒有點傳統的肥牛或靚靚的和牛，點了這個牛舌片。薄切的牛舌片肉質爽口，入口勁有牛味。//骰子牛肉粒 $128//份量兩個人食剛剛好，肉質嫩滑，一啲都唔韌。

侍應會先上調味九宮格，等客人可以隨便調配調味醬料💕.📍$218 周公之禮·足料消暑冬瓜瑤柱鍋最近天氣實在太熱，所以我哋專登叫咗周公之禮·足料消暑冬瓜瑤柱鍋做湯底，實行消一消暑☀️湯底嘅材料非常豐富，有大量素翅、蝦肉、瑤柱同埋蟹柳等等而湯底亦清甜美味✨我地除咗當湯飲，仲不斷抔啲素翅、冬瓜粒上黎食🤗.📍$78 黃喉片因為上次打邊爐時食過黃喉，覺得幾好味，所以今次都專登再叫～一如以往，黃喉食落似爽口版嘅牛柏葉，口感豐富而黃喉下面都鋪滿牙菜，順便可以滾一滾食埋佢🥳.📍$118 牛舌片牛舌片嘅擺盤好靚，好似一朵玫瑰花咁🌹而佢食落牛味都幾出，同埋幾彈牙.📍$68 手打鵝肝墨汁墨魚丸墨魚丸啲size 偏向大粒而入面真係有一粒鵝肝口感上就比較爽口🤩.📍$78 蟹黃餃蟹黃餃睇落漲卜卜咁，好飽滿😝而食落除咗feel到皮好薄之餘，仲有香濃蟹皇味，味道不錯.📍$118 滑捋捋雙拼（手打蟹籽蝦滑、手打黑松露墨魚滑）手打蟹籽蝦滑同埋手打黑松露墨魚滑食落都幾彈牙前者嘅蝦味好出，而後者嘅黑松露味都幾濃郁🙆‍♂️🙆‍♀️

約朋友食飯，朋友係火鍋控，成日都要食火鍋，今次帶去大滾友，佢真係名符其實既大滾友呀原來夜晚9:30入座全單會有85折，岩哂我地見到餐紙上面嘅原隻象拔蚌好吸引，好可惜同朋友得兩個人食唔哂就冇叫了menu上面既食品名都好有心思 最後我地叫左個玲瓏浮突花膠雞鍋，上個鍋果陣見到好大塊花膠同埋好多鮮雞件跟住再倒埋個雞湯落去，見到個顏色就知道呢鍋湯好足料，飲落去個味真係好濃郁叫左野食之後店員就會比調味盤我地，醬料都幾齊全配料叫左個手切頂級安格斯牛肉同埋黃金炸響鈴，牛肉肉味香又嫩，響鈴滿滿鹹蛋黃香，真係好正

元朗特色打邊爐✨🦥有格調的環境，以舊式木材為主要佈置，像胡同的樣子。此外，餐廳湯底豪華及多選擇，食材種類多，十分豐富。《一親香澤·芫茜山鍋湯》$168超級夢幻的湯底，煙霧離漫的送上，讓人有驚喜。故名思義，芫茜山是充滿著非常多的芫茜，香味濃厚，配合皮蛋和豆腐，清清地亦不錯！《大滾友牛肉拼盤（細）》$398華麗的擺盤，優質的牛肉，包括有：頂級安格斯牛肉、手切牛頸脊、牛舌片、牛黃喉、金錢牛展、牛肉粒和美國肥牛，總共七款。同樣地，以煙霧彌漫的效果送上，華麗又充滿驚喜！《即炸黃金響鈴》$78即炸，熱辣辣，鹹蛋黃味非常濃郁，脆卜卜，令人食慾大增！《龍蝦餃》$78龍蝦肉混豚肉，外皮用上燒賣黃皮，吃起來像有龍蝦味的芝士一樣！《三重芝士腐乳牛丸》$78新鮮牛肉手打丸加入腐乳和水牛芝士、車打芝士和巴馬臣芝士，重口味的首選！《紫淮山》$48健康之選的蔬菜系列，罕見的紫淮山，顏色吸引，吃得健康！《脆鯇魚腩片》$98厚肉的脆鯇魚腩片，爽口又脆，咬下來時聽到爽脆的聲音，十分治癒。《自家製足料竹庶茅根》$68打邊爐想到解渴就必叫竹庶茅根，足料，降降熱氣！總結：特色打邊爐，食得滿足！

我發覺好似成個夏天都冇打過邊爐🤔🤔今日突然好想食就搵吓元朗嘅火鍋店同男友黎左呢間大滾友試下～(經OpenRice訂座仲有68折🤗)❤️小食蔗蝦 💰6️⃣8️⃣啱啱炸起熱辣辣😍蝦肉爽口，啲蔗咬落去都幾甜，估唔到火鍋店會搵到呢樣特色小食！🤭❤️麻辣鴨腎 💰4️⃣8️⃣辣度夠，非常惹味！要黎做開胃菜或者送啤酒都一流👍👍❤️椰子雞蕃薯蜆濃湯鍋 💰2️⃣9️⃣8️⃣鍋底超足料！一滾起就聞到勁香，飲落有蜆嘅鮮味又有椰子既清甜🤤雞肉嫩滑，蕃薯蜆鮮甜，淨係個湯底已經令人好滿足！🥰⭐️美濃水蓮 💰6️⃣8️⃣自從認識咗呢間台灣特色蔬菜之後就愛上了😍口感非常爽脆又唔會有渣～(不過個人認為都係炒出嚟有味啲好食啲😂)❤️竹笙 💰6️⃣8️⃣一樣好索湯底嘅食材😍個湯底咁好飲，唔使講都知好好食！🤤🤤❤️萵筍 💰3️⃣8️⃣口感爽脆，係一樣無論涼拌定係火鍋我都好鍾意嘅食材😋⭐️鬼馬油炸鬼 💰6️⃣8️⃣以前喺火鍋店食嘅都係小食，今次呢個因為裡面既肉係生既所以要掉落鍋度煮一煮，油炸鬼煮完變咗煙韌嘅口感～我都係比較鍾意脆卜卜既口感多啲😂呢間嘅湯底絕對係我食過嘅火鍋店三甲之內，絕對會encore！！💯

啱啱過去既一星期充實又忙碌，趁今個weekend連放3日假，於是約朋友去打邊爐兼傾下計update下大家既近況。點咗玲瓏浮凸花膠雞湯鍋，非常滋補。花膠份量非常大方，而且隻雞都幾厚肉。每次打邊爐都好期待碗湯，今次亦唔例外。金黃色既花膠雞湯味道濃郁又滋補，好啱秋天飲！我地飲咗兩大碗至落其他食材開始打邊爐。首先放手切頂級安格斯牛肉，牛肉脂肪雪白，油花豐富，讚！再食即炸黃金響鈴，響鈴既表層索哂d湯汁，內裏仲脆脆地，口感豐富。最後食埋油麥菜，為今次既晚餐增添健康感。

今日同朋友去打邊爐🍲大滾友荃灣分店食過一次覺得唔錯。今次試下元朗分店。玲瓏浮凸膠雞湯鍋🍲🍲湯頭色澤以金黃呈現，輕輕攪動就有一陣濃郁的雞油🐥香味聞到。果個味道，一聞就知道係好野😋。開吃前侍應會先把鍋中的雞肉、花膠剪開，咁樣食嘅時候更方便。一啖咬下去，雞肉🐥軟嫩，花膠膠質感十足，漿住成個嘴，好正。手切級安格斯牛肉🐮🐮切得方方正正的，牛肉紋理清晰，一口咬落去，軟軟嫩嫩的帶著一點奶香，汁水很足。即炸黃金響鈴，即叫即炸，上到嚟仲係超脆超鬆化！ 輕輕係湯底浸一浸，已經食得。油麥菜夠新鮮，食落夠爽趣。

有日去完元朗行完街，元朗地膽朋友話不如去大滾友醫肚大滾友裝修得好古典中式，啲位又闊落，兩個人都坐得好舒服未上菜之前就會放低一個九宮格自助醬油配料，大路嘅配料都有，醬瓶好似以前古代啲器皿咁，杯杯碟碟都好古式古香湯底都係誠意之選，有胡椒豬肚，又有卜卜蜆鍋，我哋就揀咗玲瓏浮凸花膠雞湯，又補身又養顏，湯底嚟到見到好杰身好深色嘅雞湯，一望就知足料，另外仲夾開一碟湯料，可以見到大大舊花膠，仲有好多雞，花膠煲得勁淋又入味，滑嘟嘟，雞件就算煲完都唔老，有雞味，兩個港女都勁鍾意呢個湯底，食完唔知會唔會變得玲瓏浮凸🤣🤣🤣之後仲點咗個手切頂級安格斯牛肉，一嚟到見啲牛肉顏色好靚，唔係一般貨色，份量都唔少，兩個人食夠晒，淥兩淥就食得，一咬就感受到啲牛味勁出，又唔韌，正呀因為湯料啲雞都好多，所以我地叫多個稻庭烏冬share就夠晒飽喇，烏冬扁身彈牙，唔係街市嗰啲一淥完就好淋嘅烏冬，個湯底咁正，我強烈建議大家要叫個烏冬或麵嚟配呢個湯呢度星期一至日9點半後入座全單八五折，食物咁高質又有折，真係要嚟多啲

好耐無入黎元朗，黎親搵元朗之友都請我食野🤤今次帶我食呢間大滾友，係荃灣都食過！好多野食湯底又特別😁-九種選擇、好多配料自己可以整既醬汁😁-花膠雞湯鍋，好濃好香雞湯味，又重花膠，夠哂滋潤，雞件又夠滑身又好肉🤤打邊爐前忍唔住飲左碗湯👍🏼-手切頂級安格斯牛肉，雪花分佈又夠均勻，啖啖牛肉味 ，入口即溶☺️-日本稻庭烏冬，食太多肉都要食返啲澱粉質嚟中和返😁-油麥菜，又爽又新鮮，打邊爐最愛既菜😍

嚟到元朗梗係要滾一滾😏講緊打番個靚邊爐 滾一滾難得入到嚟元朗，都特登搵定唔少美食同掃街資料，見網上面唔少人都推介呢間大滾友火鍋🍲，反正香港人一年四季都可以打邊爐湯底選擇都幾多，同埋都好貼切佢哋成個餐廳主題，湯底命名到成個裝修都好match，我哋叫咗佢嘅個鎮店湯底 玲瓏浮凸 花膠雞湯鍋 ($298)咁隻雞嘅份量都唔少，同埋睇得出係真材實料，湯底勁金黃色，好香濃！！飲都唔停口，跟住先捨得開始打邊爐😜牛肉點咗手切安格斯牛肉，佢唔係其他火鍋店刨到好薄好薄嗰種質地，食落係有咬口，有少少厚度，而且安格斯牛肉味幾濃郁，又淋身🥰🥰花膠大大塊，睇住店員逐塊逐塊剪落個湯底到一齊煲，不得了。食完之後原本仲諗住掃街，不過已經食到好飽🥲

最近秋風起心思思想打邊爐，同男友經元朗站突然諗起呢間一直都想試嘅邊爐鋪，所以就去咗試~ 🧡特色卜卜蜆鍋（$198）個鍋一上枱煙霧瀰漫，視覺效果一流！店員就介紹先飲咗個湯同食咗啲蜆先，之後再落料打邊爐~個湯飲落都幾舒服，落料超足勁多蜆，應該都有接近一斤半至兩斤，食極都有而且都幾鮮甜，唔錯！ 🧡大滾友肉丸拼盤（$128）肉丸拼盤有五款，每款兩粒共有十粒，兩個人食啱啱好！個人就比較鐘意墨魚丸同櫻花蝦丸，櫻花蝦嘅丸平時真係少見！每款嘅味道都好出，唔似有啲餐廳做到食嚟食去都覺得差唔多咁，推介！ 🧡大滾友餃子拼盤（$128）每款餃有兩粒，共八粒，款款個味道都好出！個人特別鐘意紅色蟹黃餃同黑松露餃，味道夠哂鮮！ 🧡豬頸肉（$58）豬頸肉嘅造型係一朵玫瑰，勁靚！出場嘅時候騰雲駕霧，好有氣勢！咬落去好爽口，有得睇有得食夠哂過癮！ 🧡美濃水蓮（$68）水蓮大大份，入口爽甜，正！ 🧡自家製竹蔗茅根（$68）打邊爐咁熱氣當然要飲竹蔗茅根下下火喇，呢到嘅自家製竹蔗茅根大大枝，一定夠飲！