大滾友火鍋

营业中

休息中

翻雲覆雨.火焰藥膳麻油雞濃湯鍋嘩～個鍋放咗乾冰，所以上菜時煙霧彌漫，好有氣勢‼️好足料呀！好多藥材，但唔會苦，反而好鮮甜，麻油味唔會過重，個味道調節得好好👍🏻忍唔住飲咗碗湯先開始打邊爐😂有半隻雞，雞件啖啖肉，亦都好嫩滑，嗦滿湯汁入晒味！仲有大量花膠魚肚😋頂級雪花肥牛雖然個名叫雪花肥牛， 但好高質！厚薄啱啱好， 入口肉質出奇地嫩😎而且牛味仲好濃郁呀～伊比利亞橡果豬Royal級豬～豬肉中嘅和牛級數食橡果長大嘅西班牙黑毛豬，豬肉帶獨特香味！ 重點仲好健康，因為脂肪佢嘅脂肪有別於一般豬肉，營養價值同橄欖油相似～食多幾片都唔驚💓黑松露蟹肉餃真材實料嘅餃，入面滿滿一絲絲嘅蟹肉，味道鮮甜黑松露味都幾出～大滾友響鈴拼盤原味x3，黃金x3 響鈴唔算超大條，但炸得好好，完全無油溢味推薦黃金響鈴，超邪惡但真係抗拒唔到🥹大滾友蔬菜拼盤有好多種蔬菜，啱2-3人share ~有生菜、油麥菜、娃娃菜、金菇、蓮藕片、萵筍片、紫淮山、木耳、蕃茄、粟米嘉士伯生啤打邊爐最配搭～ 整體係高質邊爐之選，湯底好多選擇～店員好細心親切， 密密加湯，服務好好呀～大滾友火鍋 (元朗)元朗鳳攸南街9號好順利大廈一座地下G4-G5號舖

早排得10度真係好凍🥶所以就約左朋友打邊爐☺️今次試呢間都見唔少人係ig post過～玲瓏浮凸花膠雞湯鍋呢度d湯底都好有特色，小弟同朋友打邊爐見到花膠雞湯就諗都唔使諗！果然湯底都好真材實料，花膠都幾多，雞肉仲好嫩🥹湯底好濃郁，飲左幾碗先夠皮😌大蜆d蜆好新鮮，d肉仲好大隻脹卜卜！兩個人話咁快就ko左10隻😍大滾友牛肉拼盤d牛肉都好新鮮，油花分佈平均👍🏻油麥菜油麥菜好靚，食落仲好爽脆～日本稻庭烏冬稻庭烏冬煙韌好食，加埋個花膠雞湯就更加不得了！

好耐無嚟元朗，朋友一早book咗呢間火鍋店打邊爐果然有質數一坐低揀咗個湯底✨玲瓏浮凸 花膠雞湯鍋 半隻雞嘅份量都足夠，個湯底勁鮮甜加入花膠同雞肉夠嫩滑，所以放配料之前。我地每人都飲咗兩碗雞湯滋補一下✨大滾友牛肉拼盤(細)下次都一定會Encore呢個牛肉拼盤有齊唔同牛嘅部位，樣樣都有啲頂級安格斯牛肉 手切牛頸脊 牛舌片 牛黃喉 金錢牛展 牛肉粒 美國肥牛✨A4黑毛和牛牛胸腹黑毛和牛口感真係好軟滑，就算烚耐咗都完全唔會靭✨大蜆食牛之餘，又點少得海鮮呢碟冰震大蜆，隻隻飽滿，超新鮮下次一定要帶屋企人嚟食🥰

Weekend入左元朗搵朋友食飯，呢排涼涼地最岩打邊爐，我地兩個女仔唔食得多所以揀左大滾友火鍋呢間精品邊爐店😆💯🌟大滾友牛肉拼盤朋友第一次去大滾友當然要問下店員有咩好介紹啦，店員推介我地試下佢地既牛肉拼盤，有齊多款高級靚牛肉，包括:▫️頂級安格斯牛肉 ▫️手切牛頸脊▫️牛舌片▫️牛黃喉 ▫️金錢牛𦟌▫️牛肉粒 ▫️美國肥牛上碟個陣好震撼，賣相好精緻砌哂玫瑰花夠哂IGable，雪花紋都好靚，輕輕淥熟已經好好食，手切牛頸脊牛味香濃又有嚼勁，第一次食牛黃喉好爽脆，推介🌟大蜆我就揀左我最愛既大蜆，店家處理得好好唔會有沙，口感又夠鮮甜，正🌟鬼馬油炸鬼平時打邊爐多數都係食響鈴卷或者炸魚皮，今次試下佢地既鬼馬油炸鬼，將墨魚滑釀入油炸鬼，上面再鋪滿蟹籽，口感層次非常豐富🌟清熱菊花茶打邊爐怕熱氣點算好? 推介大家叫埋佢地既清熱菊花茶，甜度適中口感清新好好飲🌟日本稻庭烏冬最後加埋個日本稻庭烏冬吸收哂湯底既精華就最perfect啦~

趁小魔怪仲放緊農曆新年假帶佢出去行下，今日去左元朗菠蘿園放電，放完電就到大人充個電先返工，凍凍地最適合都係打邊爐，住元朗既朋友推介我地去呢間大滾友打邊爐，星期一至日做緊全單68折超抵~🌟湯底: 豬肚藏雞 (胡椒豬肚雞湯鍋)湯底揀左人氣推介既豬肚藏雞，用既係胡椒豬肚雞湯底，未打邊爐前飲個頭啖湯先，湯底好濃郁又夠足料，飲完碗湯成個人暖笠笠好正🌟大滾友牛肉拼盤我地全家都係牛魔王當然要叫返個牛肉拼盤啦，有齊頂級安格斯牛肉、手切牛頸脊、牛舌片、牛黃喉、金錢牛𦟌、牛肉粒同美國肥牛，賣相好吸引又好食，安格斯牛肉油脂分佈平均，而且牛味香濃，樣樣牛肉都好出色，值得推介大家試下🌟A4黑毛和牛牛胸腹幾時都話做左媽媽之後要對自己好啲，我就叫左個A4黑毛和牛牛胸腹，油花比較高，唔洗淥好耐已經食得，同胡椒豬肚雞湯好夾，入口即溶，有啲想再encore多一碟添🌟鬼馬油炸鬼小魔怪想食啲香口野，見到隔離枱叫左個好得意既油炸鬼我地又叫黎試下，呢個鬼馬油炸鬼係將墨魚滑釀入油炸鬼入面，上面鋪滿左脆卜卜既蟹籽，呢個配搭好好食🌟清熱菊花茶最後叫返個清熱既菊花茶咁就唔怕打完邊爐喉嚨痛啦~

話說阿卵係好鍾意搵我打邊爐，但係次次都只係旺角打日整鍋邊爐，所以我就決定入元朗尋找好食既邊爐🫕上次都提過，阿卵係屯元天地膽，所以佢今次帶左我地大滾友食🤪入到去真係好似去左天庭咁，因為周圍都勁多煙，我最後發現，原來係乾求黎🤣打邊爐最重要係咩？係個爐呀，所以我地今次叫左椰子雞番薯蜆濃湯鍋🥰濃濃既椰子，加上勁大勁甜同勁大隻既番薯蜆，真係唔好錯過☺️配料都有唔少選擇，今日我地叫左頂級雪花牛肉、牛骨髓、蜂巢冰豆腐、等等 (叫左太多野)，當然唔少得要叫返個蔬菜拼盤啦🤪食物非常新鮮，牛肉非常嫩口，蜂巢冰豆腐亦非常甜，食完1粒就停唔到口係咁食🤣墨魚滑亦相當唔錯，我地1叫再叫，食左3個鐘冇停過，超正👍總結：環境上唔錯，好似置身於仙境當中，食物非常高質，坐得亦好舒服，傾計1流，如果有空，朋友仔可以黎下呢到打邊爐呀🥰

大滾友（元朗）襯天凍咁凍要再去打邊爐呢間火鍋店裝修古色古香員工非常親切員工仲會即時用熱水幫我哋洗好餐具非常窩心大滾友有勁多款湯底可以選擇而且每款都非常特別今次就試左黑胡椒炒蜆雞湯鍋（$288)店員會喺面前加入酒再點火炒🔥實在儀式感滿滿黑胡椒味相當特出醬汁非常濃厚味道濃郁仲帶點微辣🌶每粒蜆都好大粒而且份量好多蜆肉掛滿醬汁非常惹味最後再加入濃郁雞湯做成火鍋湯底頂級雪花牛肉（$338)卷好一片片擺盤賣相好靚牛肉雪花❄️果然好均勻肥瘦適中入口嫩滑厚薄亦都剛剛好有咬口之餘又唔會過靭伊比利亞橡果豬🐖（$168)豬味香濃唔會有騷味帶有少少肥膏位置唔會過瘦所以口感都好滑蟹黃餃（四粒$74)餃子🥟超大粒每隻都脹卜卜餡料好足仲食到一絲絲蟹肉🦀日本廣島蠔（ $98 ）每隻都好肥美而且用冰鎮住保證新鮮唔會變壞大滾友雜菜拼盤（$98)勁大盤擺得好靚有生菜🥬、蕃茄🍅、粟米🌽同蘿蔔等非常豐富竹蓆茅根（$78)一大樽超足料每樽入面都有大量竹蓆同茅根整體食物質素好好所有食材都好新鮮而且整理得好好令人有一種好齊整嘅感覺而且每樣火鍋料份量都好多一大班人去食就啱晒👍🏻

好少中午吃火鍋啱啱係荃灣見到大滾友做緊中午68折火鍋至卜6点前幾吸引就入坐試試，叫左本地牛，雜錦丸，猪皮 ，鴨血，韭菜餃 湯底卜卜硯非常清甜＄218湯底不貴比足一斤硯值得試

成日經過大滾友都見到好多人，今日終於可以同男人嚟試吓 ，佢哋嘅服務都幾好，會幫客人洗埋碗筷，一嚟到就有一盤九宮格嘅醬料，for客人自助調味湯底order咗紅唇烈焰，麻辣鴨血鍋$188呢個啲湯底辣椒真係唔嘢少，湯底勁麻辣，入面仲有小編好鍾意食嘅鴨血，鴨血大嚿，好友麻辣湯底嘅味道，仲有好多八角、花椒粒同辣椒🌶️，鴨血完全冇血腥味，仲有大量芽菜，同少量嘅豆卜食得辣嘅，先至好叫🙈牛胸尖$118呢個名又叫牛胸油或者牛白肉，係牛胸前肋骨上既一塊筋膜肌肉，一隻牛得一小塊牛胸油，相當珍貴，質感爽口，勁重油香牛柏葉$78口感爽脆， 大塊，放落去湯底滾左都唔會縮水勁辣跳舞牛丸$68大大粒既牛丸，咬落咸味十足，先鹹後辣 好過癮🤣精緻水魷魚$88魷魚🦑爽口彈牙 廚房師傅仲介咗幾下魷魚，等魷魚可以容易啲熟，肉質望落色澤幾靚，冇異味，處理得幾好👍🏻沙白蜆$68蜆肉大粒 新鮮冇腥味，同埋冇沙，浸喺麻辣燙度吸收晒麻辣湯底嘅精髓😍

之前食過同集團北角“滚得囍”念念不忘趁節日同家人去元朗大滚友相信好多人都日式任食邊爐嘅愛好者無限牛、食物種類多、價錢set好，有曬預算，所以開到成行成市。但缺點係日式邊爐湯底十居其九都係粉溝水同海鮮得啲急凍貨而港式邊爐嘅競爭力就係湯底同海鮮大滚友嘅雞湯底真係非常出色又濃又鮮又香由三黃雞煲出嚟色澤金黃朋友大戶人家出身自細食開好嘢佢都話係屋企煲唔到呢個level飲未到口首先已經聞到金華火腿香入口清甜未打邊爐同台嘅家人各人已經飲咗3碗3歲小朋友亦因為湯好飲雞好食而專心食飯飲夠湯後有專人服侍食花膠一人一條花膠筒好食夠淋水準之內三黃白切雞好食剩係呢個煲大家已經好滿足海鮮種類多選擇新鮮海蝦非常甜魚唇口感特別，好食美國桶蠔份量足龍躉片 鮮甜抵食值得叫雜菜拼盤抵食食到最尾落菜將所有精華吸收曬嘅菜成為其中一位朋友嘅最愛😆店家仲有黃金響鈴咸蛋黃同響鈴fans必試因為家人早食飯所以book16:45店家提醒要1800前埋單先有68折所以事前有通知我地仲話可以早啲去細心但因為我地人多慢慢食最尾過咗18：00都有78折抵食而且店家好貼心主動免切餅費一家人都食得非常滿意

上次經過雞地,朋友話好想試吓,見午市有68折,我哋就嚟咗試😚😋一入到去,職員好好禮貌,即刻安排座位俾我哋坐低咗之後，職員會喺我哋面前煲滾水，唔需要我哋自己洗碗碟，職員會喺我哋面前幫我哋洗，超級好嘅服務🤩🤩🤩食得好安心❤️九宮格嘅調味料(醬介 @$24.0)趁個煲未嚟之前我哋就自己添啲調味料因為之後就會拎走。調味料包括有蔥、芫荽、白芝麻、蒜蓉、炸蒜、麻油、辣椒、豉油。而當中最特別嘅係竟然有青瓜，應該係餐前小菜，都幾辣吓，但係超好味😀😀❤️玲瓏浮凸•花膠雞湯鍋（半隻）$318呢個湯底超級好味!!!!我哋飲咗啖湯勁香職員喺我哋面前幫我地剪細啲花膠然後逐片幫我哋放入個煲入面🤩半隻雞件份量都唔少雞幾分鐘就食得好嫩滑!!勁好食😋❤️大滾友手打肉丸拼盤•十粒 $148-櫻花蝦豬肉丸*2-手打鮮牛丸*2-手打鵝肝墨汁墨魚丸*2-手打蟹子鮮蝦丸*2-龍蝦墨魚丸*2❤️大滾友餃子拼盤・八粒$128-韭菜豬肉餃*2-黑松露蟹肉餃*2-蟹黃餃*2-鳳尾鮮蝦雲吞*2肉丸同埋餃子都好真材實料👏🏼👏🏼好好味😋❤️日本稻庭烏冬$38叫一份有兩個烏冬✅烏冬好滑❤️自家製足料竹蔗茅根$78好飲，唔會太甜👍🏽最後仲有甜品送🤩🤩

><店員先以滾水清洗餐具然後奉上醬芥九宮格($24/位)自行調製蘸嘅醬料滋潤養神椰子雞番薯蜆濃湯鍋($318)新鮮椰青水作基底 配上半隻肥美三黃雞加入番薯蜆提升其鮮味 未開始打邊爐試湯底果然真係清甜入味酒香陳年花雕浸牛肉($138)牛肉淥完都食到帶點花雕香手打蟹子鮮蝦丸($72)爽彈有嚼口大滾友餃子拼盤($128)韭菜豬肉餃/黑松露蟹肉餃/蟹黃餃/龍蝦餃每款餃嘅味都好出 輕易分辨山水滑豆腐($28)蓮藕片($38)><><><><><><><><><><><大滾友火鍋元朗鳳攸南街9號好順利大廈一座地下G4-G5號舖

天氣咁凍，最想打邊爐，之前已經來吃花膠雞火鍋，今日朋友入來元朗，帶佢去補補。九宮格醬料可按個人口味自由添加搭配，仲有前菜拍青瓜醒醒胃。玲瓏浮凸雞鍋底(半隻雞)🐔，大大塊超厚身花膠，店員會先幫手剪開花膠放落湯底，滾起就吃得，記得一定要先飲湯，因為真係超正！😍花膠多到吃極都仲有，真係堅足料。珊瑚、桂花蚌雙拼，新珊瑚鮮爽脆，桂花蚌吸曬湯嘅精華！白鱔片油脂豐富，煮耐都唔會鞋，好鮮味！日本🇯🇵廣島蠔🦪大大隻夠曬肥美。雜菜拼盤，有油麥菜、生菜🥬、娃娃菜、紫淮山、玉米🌽、木耳、番茄🍅、蓮藕片同萵筍片，全部好新鮮。哩間火鍋真心推介，足料好味，值得再吃！👍🏻👍🏻

🍲 #元朗 #大滾友天氣凍最啱打邊爐喇🥳 之前冬至我就同家人去咗元朗嘅「大滾友」打邊爐，呢間火鍋其實仲有荃灣分店嘅，方便返唔係大西北嘅人士～🐷🐥 豬肚藏雞 胡椒豬肚雞湯大滾友呢度有好多湯底選擇，啱晒我哋一家大細～ 我哋今次揀咗又有豬肚又有雞嘅「豬肚藏雞」湯底，胡椒豬肚又香又惹味，雞件都好多，仲好嫩添🤭👍🏻🐮 A4黑毛和牛牛胸腹大滾友嘅特色除咗湯底多，仲有超靚嘅和牛🤩 今次爸媽豪叫A4黑毛和牛，果然係超正！ 肥瘦得宜，入口即化嘅感覺🤤！🐮 大滾友牛肉拼盤（細）呢個牛肉拼盤都係頂級㗎🤭 有唔同部位嘅牛肉，包括頂級安格斯牛肉、手切牛頸脊、牛舌等等，一次過滿足我哋全部願望！🍜 日本稻庭烏冬稻庭烏冬夠煙韌，仲好爽滑添!🤤🥬 油麥菜浸喺雞湯更鮮甜!

之前係荃灣試過大滾友火鍋一直都好想再食多次，今次同朋友去咗元朗玩，順道去大滾友火鍋分店回味下。.湯底揀咗胡椒豬肚雞湯鍋，有少少胡椒飲落辣辣地好暖胃，帶起雞🐔嘅鮮甜味。再叫咗大滾友牛肉拼盤🐮同A4黑毛和牛牛胸腹🐮。.大滾友牛肉拼盤有頂級安格斯牛肉、手切牛頸脊同牛舌片。頂級安格斯牛肉同手切牛頸脊簡直無得彈👍，牛味十足，手切牛頸脊有咬口得嚟又唔會咬唔到。而牛舌片爽滑彈牙又軟腍。.再試埋好多人推介嘅鬼馬油炸鬼一樣咁好食😋。.大滾友火鍋真係唔會令人失望，高質又美味👍👍！.好味指數：😋😋😋😋😋5/5推介指數：😋😋😋😋😋5/5抵食指數：😋😋😋😋4/5.🍽 大滾友火鍋 (元朗)📍元朗鳳攸南街9號好順利大廈一座地下G4-G5號舖